Bingo & Cook (已搬遷) 新店位置

Emax除左睇戲睇show去outlet掃平野，乜有好野食架咩？依家真係有！原來2樓開左條食街，中日韓台都有齊，呢日想食濃味香口野，就試左韓國野！本來想食有⻣個款韓式炸雞，但係韓國店員哥哥話除左無⻣炸雞其他都sold out...失望下唯有要無⻣炸雞啦，不過食落又幾有驚喜！雞肉炸完仍然好juicy, 食到啲汁周圍滴，醬油味少少甜好開胃，食多幾舊都唔覺膩！早幾個月去完韓國玩，食炸雞必定跟一碟白色既醃蘿蔔粒，酸酸甜甜又爽脆，更重要既係可以解油膩，如果呢度都可以提供就非常好喇！原隻炸魷彈彈麵，魷魚好彈牙，份量又多，食極都仲有，麵質煙煙韌韌非常有咬口，至於個鮮艷既橙紅色醬望落都覺得刺激，冇錯的確幾辣，奉勸各位唔食得辣既朋友唔好亂試！隔離枱個小朋友食到不停嗌"spicy"! 有樣野比較得意既係個麵用炸雞桶裝住，食到最尾夾得有啲唔方便，用返岩size既容器會好啲！烤牛肉韮菜餅，記得趁熱食，個邊脆到咯咯聲，韮菜冇渣又夠香，同牛肉既比例恰當，點埋甜甜地既醬汁味道更豐富，個餅好大食到一半已經飽到上心口，因為佢已經用紙盒裝住，問店員拎個膠袋就可以打包走啦！留意返，呢間餐廳都收得幾早，7:30pm last

上星期想去outlets 行街, 知道九龍灣E-MAX開了不少outlets, 所以就約朋友前來掃貨~去到後果然名不虛傳! outlets 又多又好行, 貨品不outdate, 而且價位又夠平, 我地買得好開心~ 不過這裡有部份鋪頭都闗8pm, 要買要食就趁早!!! 在商場行了一會兒, 看到有間叫"Bingo & Cook"的韓店, 想起之前在銅鑼灣都吃過它們的店, 美味又夠chic, 所以雖然這裡沒有太多客(我到時一個客都冇, 因為個場真係好靜><), 所以就入內了~ 店子給我的感覺是快餐店, 想好可以到收銀處下單, 這裡年青的oppa 很多, 教人開心了一會~hahahaha~ 位子很多, 坐得舒服亦和朋友談得開心~~~ 我們先點了豬手- 份量不少不多, 二至三人用剛好, 豬手夠q彈亦入味, 肉質鮮嫩群邊很有口感, 好味! 吃時可以把肉放在生菜內, 再放些蒜片, 泡菜和醬油, 美味又口感豐富! 飲品這裡十元一罐, 不過不收加一, 多試幾罐都ok~~~ 韓飲真的幾好味~~梨汁橙汁清甜可口~ 見到有紫菜包飯, 只是hkd 30, 也點了一客~

之前拜訪過銅鑼灣嘅本店覺得好好食今日同爸爸揸左車係呢頭行 見到佢又開左一間！但呢度係感覺係快餐形式😂見幾得意～同埋爸爸又鍾意食韓國野 就推左爸爸入去試.呢度同本店一樣 又係全部都係Oppa所以落單都要用英文～落完單就會有個牌仔 自己搵位坐低 然後野食ready oppa就親自奉上😂而餐具都係自己拎嘅.我地揀左佢招牌嘅豬蹄 ($170)豬蹄係有一大盒 有7成肥肉3成瘦肉 d肥脂好靚 而且肉質嫩滑juicy 🐷正～～另外有一盒裝住生菜、洋蔥、泡菜同辣醬用黎包住舊肉食😋係最傳統嘅食法 亦都感覺健康d～.紫菜包飯 ($30)擺左係飲品櫃上面🙈我實在係太鍾意食喇 雖然只係普通嘅材料 但已經好好食💓而且覺得要有d澱粉充飢嘛.參雞湯 ($88)雖然只係一個外賣兜 個賣相真係麻麻🙈但食落好好味同係韓國餐廳食完全無異個湯係粥底嫁 所以會係稠身texture超入味呀真係 每一啖都係好濃郁嘅鮮雞味～仲要有燉到肉質超腍嘅雞肉呢個大推❤️.牛肉炒粉絲 ($68)我自己好鍾意食韓國粉絲但呢個食落比較甜呀呢個 可能糖落重左😂😂.整體黎講都幾滿意而且價錢好似比銅鑼灣分店平～係附近行街都係唔錯嘅選擇！

平日去九龍灣展貿多數睇戲，今次都唔例外，還發現到銅鑼灣的韓式料理 Bingo & Cook 在此開了分店，但會有外賣自助式的感覺。很懷念韓式炸雞、煎餅、人蔘雞湯...餐牌集中幾款特選菜式，包括：豬蹄、蔘雞湯、炸雞、彈彈麵/炒粉絲和泡菜餅/牛肉韭菜餅等。主食有炒飯，嗜辣朋友可以嘗試辣白菜炒飯/辣炒豬肉飯。當然都有店方主打的韓式無骨炸雞、韓式炸雞、韓式無骨烤雞和韓式魷魚炸雞。在點餐處付錢後，便可以隨便找位置坐，侍應生便會為食客遞上食物。韓式炸雞 $108 可選原味/甜辣/醬油，甜酸醬的味道突出，偏向「韓」式的辣，真係要不時飲冰水解辣！加上雞肉的肉汁豐盈，連脆皮外層食會十分惹味。原隻魷魚彈彈麵 $88炸魷魚蘸辣醬夠惹味，麵有咬口夠彈牙，韓式辣度十足。紫菜包飯材料都以清淡為主，有蟹柳、青瓜、蘿蔔絲和蛋捲，食幾件來過下口癮都不錯。蔬菜炒飯 $58 伴有生菜，撒上黑白芝麻作裝飾，口味比較清淡，沒有太大驚喜。在冰櫃見到的韓式飲料均一價$10 —綠茶、咖啡、檸茶、橙汁、可樂、烏龍茶或礦泉水。還好附上一杯冰，用冰鎮解渴、消辣一流！

同朋友去九龍灣聽演唱會，就預早左少少行下街買下屋企野，再填飽埋個肚先至入場啦。呢度都幾多餐廳選擇，都唔知食邊間好。朋友話試過呢間韓國菜嘅銅鑼灣分店好得，咁就一於試吓。朋友話呢間同銅鑼灣店食法有少少唔同，銅鑼灣係普通餐廳格局，而呢一間走快餐路線。先喺收銀處同店員落單比完錢，之後就會有個牌仔送去我哋張枱，而且所有食物都係外賣包裝。正呀食唔晒仲可以打包，入場偷雞再食！朋友話呢間嘅炸雞其實好正，不過佢呢排喉嚨痛就唔可以食，so sad。主菜方面所以我哋就叫豬蹄。以為好肥膩但原來唔係喎，豬皮煙煙靭靭，肉都幾嫩。佢仲配埋生菜、蒜頭、生洋蔥、泡菜、同埋韓式辣醬，包埋一齊食個感覺好似食韓燒，份量又夠大，好滿足呀。其實我哋兩個都好肚餓，可能因為行完街掛，所以就叫啲比較飽肚嘅嘢-烤牛肉蓋飯。以為係普通碟頭飯咁，點知原來佢啲牛肉好出色！又香又有肉味又唔靭！用韓式甜甜地嘅醬汁醃，送飯一流，食到停唔到口。值得一提嘅係旁邊嘅椰菜，新鮮脆口。因為呢度係冇得叫啤酒，所以我哋就叫咗個蔘雞湯潤一潤。雖然因為很快餐路線個賣相就冇咁靚，不過其實好足料啊！雞肉淋身入味，湯香濃粘口；糯米吸收晒雞同人蔘香味，精華所在！飲完個湯其實

早排去開九龍灣陪人睇韓星， 朋友就話要食韓國嘢 ，賀一賀佢， 點知又真係畀佢搵到， 一於去試一試 。我哋就叫咗 人參雞湯，一桶炸雞 ，滑蛋吉列豬扒飯 同紫菜包飯。先來紫菜包飯， 紫菜包飯直情有韓國嘅味道，味道真係唔錯， 最重要個感覺好新鮮。再來一桶炸雞，平時叫炸雞一定諗起kfc， 估唔到今次桶炸雞咁有驚喜， 炸得一啲都唔油膩，最重要係外脆裏面肉汁又豐富。要講嘅係個雞比較淡口，如果唔點醬， 以為自己食緊普通雞。再嚟滑蛋吉列豬扒飯 同平時嘅豬扒飯冇乜分別。 佢勝在側邊有大大個沙律，當食菜都唔錯，個飯一定唔係主力。最後來到嘅就係人蔘雞湯， 人參比較細， 好難先搵到，好彩我個人夠細心 。個湯都好香人蔘味，同埋個雞都幾足料，有成半隻喺度都算有啲誠意。下次睇韓星， 都要同朋友再嚟食， 當係睇韓仔都抵， 因為間鋪係有兩個韓仔喺度主理。

身為韓迷既我每星期食一餐韓國野已經成為指定動作。如果你問我究竟韓國菜有咩好食推介，我會答你咩都好食去emax 睇戲前已經諗定好黎食，原來哩度都新開左間bingo & cook。大概係新開的關係，哩度既餐具都是即棄的。與友人不約而同都想食參雞湯，所以話做到朋友都係需要有同共口味。雞肉幾滑，個人既亮點擺左喺湯底，連埋包在雞內的飯食瞬間成了泡飯，好味道！泡菜餅酸酸辣辣，即叫即煎好香口，哩種味道令我再次飛去韓國呀。每次食炸雞我都係獨沽一味叫韓式辣醬，個人認為同炸雞係絕配呀。一上枱見到一大筒都驚會食唔晒，點知食食下又快速ko 了。炸雞外皮超香脆，熱辣辣既雞肉真係食冇停口。哩度飲品選擇不多，點左哩罐檸檬茶都幾好飲！

去九龍灣國際展貿中心睇表演，約咗幾個女 朋友早啲去食嘢，佢哋揀咗好耐，不過朋友去到 “Bingo & Cook” 就話一定要喺呢間度食，因為服務員同廚師全部都係韓國“靚仔”呀！服務員淨係識英文同韓文，啱曬我啲女朋友嘅style。人參雞湯 : 充滿人蔘嘅清香味道，而且接近有半隻雞，非常鬆化連骨都可以食。炸雞 : 細細件，容易入口。新鮮炸出來熱辣辣、脆卜卜，點埋醬汁零舍好味。泡菜薄餅 : 我就唔喜歡，不過朋友話韓式薄餅係咁樣黏黏地淋淋地嘅。韓式豬蹄 : 齋食豬蹄冇乜味道，不過唔算太肥。但係夾住生菜同辣泡菜一齊食就完全不一樣。洋蔥豬扒飯 : 豬扒炸得甘香，而且仲有洋蔥炒蛋配埋泡菜一同食，都好滋味。原隻炸魷彈彈麵 : 原隻魷魚點上炸漿，炸得鬆脆配上韓式炸醬撈粗木薯粉麵。雖然野味，但都好辣。最好係全部都用紙盒上，方便趕時間都可以即刻攞走。

最近去左九龍灣展貿睇 exhibition ~行到7點幾，朋友話想食晚飯，但又怕德福太多人，所以就不如留0係展貿食啦!見到有間韓國野 Bingo & Cook，銅鑼灣好似食過，原來呢度都新開左～望落個 menu 比銅鑼灣平好多呀！應該係呢度鋪租都好平，同埋比錢買果陣發現原來呢度冇加一架！好抵～ 同朋友叫左個蔘雞湯share飲～可以暖暖胃，補補氣，飲落味道濃郁～ 而且估唔到隻湯入面既雞都幾大隻喎~ 另外點左個牛肉炒粉絲～牛肉甜甜地，不過份量少；但粉絲值得一讚，冇炒到一餅野好難夾，而且食落好煙韌，唔會太林！ 另外我地都點左個炸雞食，食韓國餐廳冇理由唔食炸雞～雖然睇落好似好炸好熱氣，不過雞肉嫩滑非常，一定要食，仲有份量超多呀！ OVERALL:味道：★★★★☆環境：★★★★★服務：★★★★☆衛生：★★★★★抵食：★★★★★

最愛去Emax睇戲因為憑戲票可以claim免費泊車4小時👍🏻食埋飯再去睇戲都有充足時間👍🏻👍🏻最近Emax的食街餐廳都開的七七八八繞場一周後被人參雞湯吸引了♥️餐牌大大個放cashier旁邊最後叫左人參湯、牛肉炒粉絲、韓式魷魚炸雞同kimbap超貪心🙈🙈🙈人參雞湯雞好淋但無人參味🤷🏻‍♀️令人有d失望牛肉炒粉絲超香口👍🏻而且粉絲好彈牙好味道👍🏻韓式魷魚炸雞魷魚超鮮🤤🤤🤤炸雞就有d乾不過勝在份量勁多最後我地take away左半盒🙈Kimbap都唔錯有8件👍🏻超足料👍🏻韓式橙汁好味過果汁X生🤣綠茶就無咩特別

今日放假走咗黎星影匯睇電影，依度開咗好多新餐廳，之前只有兩三間到依家有好多唔同類型嘅餐廳，亦都開咗我最愛嘅韓國嘢，當然要試吓啦之前有食過銅鑼灣嗰間Bingo & Cook味道唔錯，而且超多韓國人幫襯。依間新開嘅價錢比銅鑼灣嗰間平，不過可能開業初期未有咁多選擇除此之外，員工服務態度唔錯座位乾淨闊落，適合坐下傾吓計慢慢食牛肉炒粉絲 $68雖然份量較少，但係味道唔錯，牛肉味入晒粉絲，撈埋一齊食非常香牛味，粉絲質地都比較韌，好有咬口韓式無骨炸雞 (原味) $98炸雞份量都幾多，外皮炸得非常薄脆，而裏面亦都保持到雞既嫩滑，原味炸雞再配一個特色嘅醬，酸酸地嘅醬加埋炸雞味道唔錯蔘雞湯 $88韓食入面我比較鍾意蔘雞湯，可惜呢個蔘味唔太重，不過份量都多，雞唔會太老，而且落咗好多糯米，個湯味道亦都啱啱好唔會太咸

今天因為要出席個活動所以和老婆仔來到了九龍灣Emax順便在這裡晚餐雖然此時已經晚上七時整個商場人流不多但意外發現這間韓式餐廳有不少客人所以我們也決定試試這裡的食物點餐時發現原來店員是韓國人幸好可以用英文溝通我們選了88元的參雞湯88元的原隻炸魷彈彈麵以及70元的泡菜餅飲品選擇不多只可選擇罐裝飲品所以要了10元一罐的檸檬茶本來以為這碗參雞湯是簡單的湯但原來裡面竟然有粥所以吃起來也很飽肚而且湯底確實有很濃的雞味和人參味精華全都被粥吸收入所以非常濃味加上另外還配有雞肉所以也算豐富原隻炸魷彈彈麵是必食之選因為同樣非常濃味是很濃的韓式醬料味吃起來偏辣而炸魷魚份量真的非常多有大約七至八件而且都炸得很香很脆同時又保留口感我和老婆仔都非常欣賞相比之下泡菜餅就相對淡味雖然是有泡菜味但不夠辣所以吃起來感覺不算濃但口感還是不錯的煙煙韌韌的而且盒裝設計吃不完又可方便帶走是不錯的新派韓式料理

當日所見，所有廚師都是韓國oppa(心心眼），煮出來的食物當然是正宗韓國風味。不知道是不是新開張的關係，所有食物都是用紙盒盛載, 方便處置。泡菜餅（$70)不是騙你，這裡的泡菜煎餅比不少韓國菜館做得好！整塊泡菜煎餅的外圍都煎得金黃香脆，尤其是"邊位"特別香脆可口。即使放久了也不會變軟腍。泡菜餅的內層柔軟，泡菜味酸酸辣辣的，多吃幾片都不會太過飽膩。餡料只有泡菜, 蔥, 洋蔥等, 但已經好惹味。韓式無骨炸雞（原味）（$98)第一次食無骨的韓式炸雞，正好適合患有吐骨懶人症的小妹。 雞皮炸得卜卜脆，香口非常，食落更有點像炸魚皮的味道，令人愛不釋口。韓國炸雞的雞肉通常比較粗鞋，但這個雖然肉汁不算豐盈，但肉質仍算嫩滑。附上甜辣醬, 但我認為不沾醬已夠好吃!韓式炒粉絲($68)炒得比較濕潤，但味道仍然好。炒粉絲有點像韓式醃肉汁的味道，味道帶微甜。粉絲口感爽口彈牙，配上牛肉，洋蔥，紅黃椒，是一道營養滿滿的主食。三道菜式的味道也很不錯, 下次會來買外賣到郵輪碼頭或觀塘海濱享用, 過一個悠閒的假日呢!

好鍾意去九展睇戲，坐得舒服又比出面平，所以睇完早場即刻响樓上食街醫吓個肚。响商場中間大堂望上一層，就看到呢間餐廳，於是帶住個餓到叫的肚上去食嘢。餐廳的座位感覺開揚，而且座位充足及夠空間感，所以坐得就算舒服。我們找好了座位，看了下主餐牌，選擇唔算好多，不過亦看上幾個菜式可以選擇。於是便到收銀處下單點菜~我們一邊飲著飲品，分別有可樂和鍚蘭檸茶。我覺得檸茶味道唔會好澀，容易入口。豬蹄豬蹄 的量真係超多，我覺得係超越兩個人的份量。咬入口的確肉質嫩滑帶 juicy，不過如此份量的豬蹄，生菜的份量相對較少吧~泡菜餅以前我不太好食泡菜，但對於這個 泡菜餅 完全不抗拒。因為表面煎得很香，泡菜咬落帶點爽口，而且只是微辣，辣得爽爽的。韓式無骨炸雞外邊有一層蜜糖包著炸雞，不過一咬入口原來是外甜內辣。而雞肉是軟硬適中，而且帶點彈牙又唔會太多油，如果店內有啤酒提供可以伴著食會更有風味，這次飲住水先啦~

幾鍾意九展呢個地方，因為貪佢戲院又大又靚又平，泊車又長期免費。呢個地方唯一不足係食肆比較少，以前就只有簡單的三兩間車仔麵同快餐店。而家終於有好嘢食啦！銅鑼灣新派韓式bingo and cook終於開到來九展。但係嚟到呢度的bingo and cook同銅鑼灣嗰邊的分店style有點唔一樣，呢度的感覺比較偏向快餐形式，而且餐牌上面的選擇都相對少一啲。但係食物的質素都唔差，對於要睇戲前醫肚的我哋嚟講其實都好足夠。我哋三個人點左三份主食同一款炸雞。牛肉蓋飯牛肉份量超級多，仲有沙律作為伴碟，非常豐富。呢個牛肉炒粉絲係我最鍾意的一款菜式，呢度做得好足料。牛肉、配料同粉絲的比例剛剛好一樣，令到每一啖的口感都好豐富。粉絲煮得入味，小小甜甜地，但又不是太重口味。可以睇得出佢的火候剛好，口感係我最鍾意的好夠彈性。呢個人蔘雞湯亦都幾得意，裏面有好多飯，當主菜食都好夠飽。呢款炸雞就不得了喇！拎過嚟的時候媽咪仲問我係咪一大桶雞，嚇親佢。呢個份量確係唔野少，就好似某連鎖快餐店的四人桶餐甘。雞肉炸得香脆，而我哋揀咗甜味。味道甜甜酸酸，媽媽話有少少似咕嚕雞球。作為小食來講好吸引。雖然呢度環境冇bingo and c