BB辣

營業中

休息中

老公知我鍾意食辣，特意帶左我去荔枝角食川菜，依家川菜位於工厦地庫，平時都唔覺有間川菜館，但望到門口，都有幾多人幫襯我地order左2人套餐，都有3個餸、配飯及汽水，另外再order左川北涼粉及麻辣肥腸酸菜魚分量十足，可以揀辣度，大大煲，除酸菜同魚，仲有大豆芽、薯粉，魚好滑、冇骨，好好味，薯粉煙靭、彈牙，索曬湯汁，熗炒萵筍片，即係用辣椒干炒，萵荀鮮甜亦切得薄，好食回鍋肉，肥瘦均等，夠鑊氣，如果辣d仲好川北涼粉，粉夠辣又涼浸浸，dummy麻辣肥腸，大腸夠入味，不錯亮點，依支杞子六花茶，非常甘甜，好解辣老公今次冇介紹錯，配合價錢及服務，可以再encore

✿╮❤╭✿✿雜感女生   好味日記✿˚*•✰。BB辣．刺唔刺激 由你話事。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤ 與朋友到荔枝角交收順道去搵食發現一家深藏地庫的辣店 這裡間格企理價格合理於是一試小辣菜式麻辣金錢肚開胃爽辣，金錢肚薄切入味滷水味香濃 無骨口水雞(半隻)雞香、油香、辣香盡是引人一啖入口都是香滑再配以麻辣花生帶油香極脆好吃乾煸四季豆四季豆既甜且辣，恰到好處肉碎粒粒香氣撲鼻是白飯的好朋友  回鍋肉辣到爽，肉香入味香蔥與辣椒都很好吃地道的滋味又是要白飯來多碗之選  

今晚想食辣，諗起工廠大廈有茶餐廳式川菜館，環境乾淨衛生，服務周到。上次食過酸菜魚，所以今次就order烤魚嘗新，果然係另一番風味重慶酸菜烤魚用原條魽魚，好少骨餐廳細心提供gas爐熱住條魚，條魚煲耐左都仍然夠滑，湯底又同時可以愈煲愈辣，夠哂喉配料豐富，有酸菜，豆卜，金菇同青瓜再叫左一碟芹菜豆乾炒肉，有鑊氣，夠惹味肉係薄身五花腩，有油花但係唔會太膩，芹菜爽脆可以平衡到道菜餐牌仲有2人套餐同火鍋套餐，感覺都抵，下次再來食！

第一次食，星期日夜晚7點黎到得幾檯，e頭好靜，隱世餐廳。應該主打做工廠生意。288免加一2人套餐，一共三樣餸，加兩碗白飯連汽水。麻辣水煮魚好足料！全部分量都好足，三個人食都得！味道唔錯。最中意係佢個水煮魚，水煮魚幾嫩。味道唔算好出色，但唔差。最主要非常抵食。出菜速度都快，10分鐘全部到齊。（可能因為少客）另外水吧姐姐整多左杯酸梅湯，送左比我地飲。🥰店員服務態度都幾好，問攞杯暖水，好快手就比我地。以後會再黎食！

這間餐廳在香工內，我們見有很多小菜可選擇，而且還有得細選辣度，一於吃一餐BB辣晚飯。點了一份涼菜，尖椒皮蛋(BB辣)。金黃色的皮蛋，蛋黃有流心。與蒜粒一起食，非常惹味。重慶麻辣雞煲(BB辣)。 辣味適中，麻味很重。雞件入味，而且份量多。雞煲還可以作火鍋湯底，但我們當一味小菜，同樣吸引。蒜蓉炒油麥菜，有鑊氣。少爺炒飯(BB辣)，十分大碟，大概可分到四碗飯。炒飯很有特色，BB辣味不搶味，而且有淡淡的麻味。配料也有很多，有蝦仁，餐肉，豆干粒等。有樽裝涼茶可點。

今日放工去咗荔枝角香港工業中心行街shopping, 行行吓我見到地庫有一間新開餐廳叫BB辣，好吸引我，便call了老公帶埋小朋友到來用膳。當我們點菜時，細心的店員不斷提醒我們：「你有小朋友，要唔要走辣？」哈哈！我個大BB自己搶住答：「唔使走辣！BB辣我OK！」我哋叫咗個招牌二人晚餐。可以選擇重慶雞煲、水煮魚、酸菜牛肉⋯⋯我哋揀咗酸菜牛肉鍋。酸菜肥牛，用料確係正，牛肉質素高！配咗酸菜芽菜同寬粉，非常美味！另外小菜，我哋揀咗回鍋肉及酸辣炒薯絲。回窩肉的豬腩肉炒得蕉香入味，阿囝第一次食炒薯絲，好鍾意佢爽口嘅口感。不過最吸引嘅都係$38叫咗一碟涼拌海蜇，海蜇大大碟，爽口彈牙，分量十足。超抵食！清場！好飽呀！今日真高興，有得shopping, 又有得食辣野，十分滿足！

由於喺荔枝角返工所以就喺度搵附近有乜好嘢食估唔到喺香工裏面有間又平又抵食嘅川菜今次食咗佢嘅$108任食鍋底可以揀酸菜魚或者水煮魚或雞煲佢有少量菇類、蔬菜、公仔麵薯粉等可以自助亦有肥牛豬肉牛柏葉等入紙仼食肥牛質素都唔差仲有罐裝汽水任飲以呢個價錢食到雞煲或者酸菜魚已經抵仲可以有蔬菜肥牛嘢飲仼食仼飲真係好好好抵食 唔好以為咁平份量會好少雞煲同酸菜魚嘅份量都唔少（見圖）而且味道都唔錯見佢平時仲有米線同飯食鍾意食辣野同川菜嘅朋友啱唒

每次去香功掃貨真係好開心㗎！嚟緊準備轉季，又去買定啲衫同褲，又來打爆個衣櫃🤣經過見到呢間新開嘅餐廳，有我最鍾意食嘅酸菜魚，滿載而歸了就順便喺度開餐😋呢度菜式選擇好多，有選擇困難症嘅我卒之揀咗二人餐，貪佢乜都有啲，而且價錢好抵，仲免收加1服務費👍BB辣招牌二人套餐 優惠價$288 有三款食物還配上白飯兩碗和汽水兩罐。#酸菜魚煲超級足料嘅酸菜魚煲👍一整個平面都係白雪雪嘅酸菜魚，數量之多覺得食極都有，而且肉質非常嫩滑，口感好似豆腐咁滑，魚肉仲吸收左酸辣味，真係無得彈！同樣係吸收晒辣汁嘅金菇同大豆芽都好鬼正，係我至愛！#麻婆豆腐麻婆豆腐用嚟撈飯真係無得輸！啲童年回憶吧把聲走晒出嚟，即刻飯都食多兩碗啊！麻婆汁唔會太辣，又夠香口，豆腐入口即溶好似雪糕咁滑😋#清炒土豆絲第一次食清炒土豆絲，原來都幾好味喎！咁樣煮嘅土豆絲土豆味特別濃郁，會令人有種想不停食佢嘅慾望，程度同薯片有得fight喎😳

同好友去完香工入貨，正煩惱晚上食咩，好友介紹位於香工地庫尼間食辣的店舖，吃辣我最鍾意，就試一試點了辣子雞，水煮牛肉，麻辣海蜇，等待外賣期間，看了看餐牌，午市套餐也很抵食，有飯有面選擇，都只是幾五六十元等了數十分鐘，已經整好，一袋擺得整整齊齊，很方便一隻手都拎得到水煮牛肉是分開湯和料，回家只需將湯倒入料就可以立即食，點的是小辣，紅紅的湯底包似很辣，但食落又不是太辣，嗜辣人士，可以點大辣，牛肉嫩滑，份量也不少，除了牛肉，還有粗身的薯粉，咬落煙韌，爽脆的豆芽和青瓜，減去油膩感辣子雞，紅色的花椒跟切得細細粒的鷄粒一起炒香，雞粒炒得乾身，外層香脆，但入口還保留一點肉汁，很juice，加上微微的辣香，好味到停不了口還點了一個小食，麻辣海蜇，海蜇彈牙有口感，配合埋小麻小辣的醬汁，非常惹味下次約埋好友堂食試下招牌水煮魚同麻辣雞煲

入到香港工業中心時，四周圍都看到BB辣的指示方向，沿住箭嘴指示，好易找到。餐廳位於地庫，裝修簡單，是卡位設計，而且好光猛，感覺整潔。重慶麻辣烤魚，要了小辣，是兩隻辣椒的辣度。麻辣汁滾滾下，越食就越辣，食到口都麻痹晒，下次都係要BB辣好了。　烤魚是原條魽魚，都好大條，魚質鮮甜。雖然咁辣，都食到魚的味道。魚皮和邊位煎得好香脆，特別好味。金菇菜，豆腐卜，大豆牙，芫荽芹菜和辣椒，配料好多，而且好新鮮。見食材新鮮，所以追加了牛百葉，白雪雪，好爽口。

乘港鐵來到荔枝角站的「香港仔工業中心」，地方大，逛逛買買真係腳仔軟，搵地方坐低食返餐，朋友都喜歡辣，二話不說BB辣吧。開業大個兩個多月，已經有幾枱是熟客，店員招呼友善。店內裝修樸素簡約，大部分卡位，二人一枱，夠曬私隱度。看看餐牌，又係選擇困難症出場嘅時候，水煮魚同酸菜魚之間考慮了一會，水煮係辣嘅，其他涼菜小食都可以揀麻辣，所以我們選擇了後者酸菜魚。麻辣海蜇(例)~爽口彈牙，味道調教得剛剛好。尖椒皮蛋(例)~晶瑩通透淺啡色皮蛋，有趣好食。粉麵套餐「夫妻肺片紅薯粉」(小辣)~麻辣湯薯粉先上，滑捋捋，小小麻辣好醒胃；夫妻肺片醃得夠入味，牛肚爽口，牛略嫌少少靭。必食酸菜魚(小辣)~好大盤，魚塊份量好多，都可夠三至四人，其他配菜包括酸菜、芽菜、金菇、油泡辣椒、薑等等，仲有寬寬玻璃粉。食辣嘢梗係要配凍飲~凍檸茶，朋友乖乖唔飲凍嘢~熱奶茶。

難得今日朋友有事嚟到荔枝角搵我食飯我有咁耐都冇試過Lunch time 出嚟食咁就出嚟唞吓氣我自己嗌左口水雞薯粉之前都有食過外賣我就覺得其實堂食好食啲啲薯粉外賣好似反而會浸林左而口水雞 今次就比較唔好彩分到都係雞胸嘅部份啲肉質有啲鞋好難咬 又有啲攝牙朋友嗌咗酸菜魚我都食過覺得OK嘅不過佢就嗌咗小辣但其實係完全唔辣嘅所以如果真係想食辣嘅話酸菜魚應該滿足唔到你順帶一提杯凍檸茶真係好甜我哋兩個都嗌左少甜都仲係超甜我諗下次都係嗌返走甜啦另外仲有就係侍應服務質素比較差都明白要快手快腳但佢抹枱 抹到上一手嘅一啲湯撥到去我朋友嘅身上呢一點我就覺得好唔合衛生尤其是而家疫症關係我覺得呢個衛生質素真係要提升一下

今日到荔枝角見客，發現原來青山道香港工業中心C座地庫開了一間"BB辣"，看看Menu宣傳，有酸菜魚、雞煲、香鍋、小菜等，有不同辣度選擇，試下外賣也不錯。無骨口水雞 例 $68雞肉嫩滑，汁香味濃，帶點微辣，惹味開胃。香油海蜇 $38份量十足，爽口彈牙。必食酸菜魚 $168+滷香牛舌 $48+鴨血 $35+水晶寬粉 $28我今日想試試酸菜魚，餐廳把湯底和魚分開，回到家，只要把湯倒入菜中便食得，我另加的滷香牛舌、鴨血和水晶寬粉已經一同預先放入魚中，家里剛好有個大鐵鍋，全倒入去便可，好方便。魚肉份量足夠二人份，魚肉嫩滑；滷香牛舌夠入味；鴨血厚身嫩滑；最愛的寬粉是必點項目，煙韌彈牙。下次再點其他菜式試下先。

天氣熱死辣辣，梗係要食啲辣野你出下汗過吓癮㗎啦!係荔枝國嘅批發商場裏面嘅地庫有一間睇嚟好普通嘅村式辣餐館!就咁睇菜牌都覺得係辣因為好多辣椒而我就叫咗以下三餸一飯蕃茄炒蛋(例牌唔辣)$66大大碟,可以撈兩碗飯,連小朋友都鐵意食!回鍋肉(例牌小辣)$79薄薄既回鍋肉入口即熔!辣辣地好過隱辣子雞一只(小辣)$150如果就咁食雞,你唔會覺得好辣,再食花生都唔覺得好誇張!但一食到紅辣椒就...哈哈..勁到噴火!好正呀少爺炒飯(例牌唔辣)$63又係超正之選!飯無痴埋一舊!用來送上面既美食一流

好掛住深圳的大盤酸菜魚，今日路經香工順回家一試，沿着扶手電梯一落便見到這間乾淨小店今次買了三個小菜回家，竟見到四個盒子，打開一看，原來酸菜魚同酸湯分開盒上，十分真貼心👍麻油海蜇，爽彈的海蜇，配上脆脆青瓜絲，加入上等麻油撈勻，入口爽趣👍；假如堂食，涼涼的冷盤，肯定更好味呀！酸菜魚，湯鮮魚滑，冇得頂！酸菜、大豆芽、金菇菜，口感豐富！加上大量滑滑粉皮，掛湯食，好味到唔識形容！份量十足，唔使爭食，抵到爛！最正係放咗菊花，令到成個菜口味特別清新！重慶麻辣雞煲（走麻），用料新鮮，雞肉夠甜有雞味，一食就知係靚雞👍，配上濃香醬汁同炒，火喉十足！初見雞件斬得比其他店細件，但食落就知大廚有其道理～就是細件易入口之餘，更能索多啲醬汁，令每啖都咁好味😋