喺銅鑼灣區覓食 好少嚟呢邊 主要係同旺區都有少少距離 其實呢邊都好多小店 下次都可以再嚟發掘下 今日就嚟到呢間叫sleepless嘅黃店 入嚟都幾特別 都係第一次入餐廳前要俾佢噴全身消毒噴霧 一打開個餐牌就覺得呢兩杯野好得意 就無揀到3D 嘅拉花 揀咗peach 雖然係有少少瑕疵 但真係好可愛 少女心爆發 味道方面比想像中好 本身會驚太甜 但出到嚟就係一杯有少少士多啤梨味嘅latte 呢杯野飲嚴重超甜 菠蘿味又假 完全唔推薦😂 成碟野好普通 冇乜特別 都幾貴 舊肉都係另外加嘅 本身係冇任何肉… 唔太特別推薦 呢個反而幾好食 不過唔算好有明太子味 如果係明太子嘅愛好者可能會唔夠喉 醬嘅黑松露味幾出 都唔錯嘅 薯條都係啱啱新鮮炸起 雖然波浪形好有茶餐廳嘅感覺 個cheese cake味道就正正常常啦 面頭有陣燒過嘅焦糖 我就嫌餅底唔夠脆 變咗成個蛋糕個質感係一樣 冇乜層次 畫左隻熊啤啤都幾得意嘅 算係有啲誠意啦 雖然有啲手抖咁😂 支忌廉應該差唔多用完 吱出嚟有啲少 亦都好似溶溶地咁

今日星期五特登同同事嚟happy friday 想買下嘢飲開心下 專程行嚟呢間新開嘅手搖飲品黃店 我想嗌藍莓乳酪沙冰 問店員有冇得走甜 佢話無 我問有冇半糖 佢話有 我先嗌半糖 點知佢打咗單岀嚟就係70%糖 另外同事都係嗌半糖 又係打咗70%糖 話要加寒天 佢就打咗加奶蓋 仲要係黑口黑面 明明係佢亂落單 問返佢 佢就話杯飲品無錯 d糖我哋check唔到 但至少佢真係漏咗寒天 2個都係戴帽嘅店員真係態度好差 一個就戴比卡照口罩 一個就肥嘅 我都係想飲返自己想飲嘅嘢 但仲要受佢哋氣 同d同事都話下次唔會再幫襯

中午時間 長洲間間餐廳都full House咁滯 係得呢一間真係冇乜人食 大把空枱 任我哋揀坐邊 佢有分坐喺出面定係餐廳入邊 咁我哋就揀咗出面 可以算係對住個海食 我哋係揀咗食set lunch嘅 咁所以就會每人包個餐湯 佢餐湯應該係有啲西蘭花 由於語言不通嘅關係 都唔係好知有啲咩 不過味道就唔錯 而且夠熱 佢個雞個質地有啲鞋 同埋食晒成個餐應該有啲悶 因為個味道太單一 我呢個有啲酸酸地 又有芝士 個雞炸過之後仲好似冇咁鞋 我就覺得我呢個好食啲啦 個餐 仲每人包一杯果汁 性價比來講算係唔錯 不過冇人入去都理解嘅 因為門面比較噏耷 大家一場嚟到長洲 可能都想食d開心啲嘅餐廳

本身前一日已經嚟咗 但因為好多人 所以就試唔到 第二日特登早d嚟 佢寫12點半開門 我哋大概12點就到了 不過佢係遲咗大概10分鐘開門嘅 感覺雖然係小店但就唔太憂做 個薯條配咗意大利蕃茄醬、咖哩蛋黃醬、蒜蓉蛋黃醬 2個蛋黃醬都好特別 好好味 咖哩蛋黃醬真係喺第2度無試過 薯條就新鮮熱辣啦 呢個松露炒蛋好驚艷 配埋底下個薯餅 我比120分 有機會會想再食 而且仲好扺食 份量十足 先至58蚊 all day breakfast就正常啦 好食係好食嘅 不過就唔夠第一個咁驚喜 同埋已經飽左 ice americano就正常 晨早飲杯凍齋啡係好醒神嘅 青檸梳打就覺得略甜

今日自入冬以來都冇食過雞煲 今日就喺旺角試吓好出名嘅陸陸雞煲 佢有限時兩個鐘頭嘅入座時間 因為好早 六點幾就嚟到 所以即刻就Walk in都有位 首先係雞煲 佢係真係落足料 啲雞好滑亦都有麻辣味 我就覺得麻度夠 但可以再辣啲 下次會想再試下辣度再勁啲 店員好貼心會間中過嚟幫我哋搞下 等佢唔會黐底 鵝腸幾好味幾新鮮 落耐咗都唔會話好難咬 廣島蠔好好食 淥耐咗都唔會縮到得返一粒 佢青檸梳打好大杯 啱晒用嚟打邊爐 我就鍾意佢淡淡地唔會好甜 但可能有啲人就會覺得佢太淡 個豆腐淥落去吸晒啲湯嘅味 超惹味 墨魚滑感覺都係好新鮮 覺得黑色好似再有鮮味啲 竟然冇影到最鍾意食嘅芋頭 真係超好味 淥耐咗溶咗又吸左啲湯嘅味 冬天最適合就係食芋頭

本身就想試下呢類港女打卡蛋糕 見有得打下扑下佢好過癮 都對佢實際味道無乜期望㗎啦 試完都覺得真係唔需要再試 首先係去到就問店員幾多錢 因為佢係完全無價錢牌 店員就答78蚊起 佢叫我揀咗味道先 咁佢態度都係衰衰哋 其實上網睇係48蚊個 咁佢可能promotion完啦 我就指住一個 問佢呢個係幾錢 佢都係答78蚊起 完全答非所問 佢都係叫我揀咗味先啦 呢個態度真係好惡下 但我同朋友就好想試 都係照揀個阿華田麻糬味 佢個樣係真係幾靚嘅 但味道好甜 聲稱係阿華田麻糬 但麻糬得一粒 得手指尾咁細舊 又唔係無嘅 但好無誠意 真係唔會再試

今日難得嚟到yamm食自助餐 疫情後都無乜機會食自助餐 係之前就有食過呢一間yamm嘅晚市自助餐 嗰陣係好多嘢食 有海膽、鵝肝、生蠔等等 我都預咗午市係少好多嘢食 不過估唔到水準真係差好遠 首先係啲冷盤 啲海鮮感覺就得個雪味 融雪亦都未做得好好 d ham都有浸怪味 反而芝士有一兩隻都OK 啲魚生正正常常啦 都食得過嘅 個牛扒都唔錯 啲肉幾嫩 佢亦都切得厚薄剛剛好 串燒、豬扒呢d都不值一提 反而個葡撻幾好食 但食葡撻真係有排都未回到本 最後再食咗幾杯雪糕 主要係真係其他嘢冇乜好食

近排係大閘蟹季節 眼見個個都打卡食大閘蟹 今次終於輪到我 做完research揀咗呢間喺九龍城嘅大閘蟹放題 佢$388任食88分鐘 所以想慢慢嘆嘅人就唔係好啱喇 一坐低就問我哋要幾多隻大閘蟹 唔會dum波鐘 之後我哋每輪都係嗌4隻 佢熱得嚟都唔會太熱 姐係啱啱好唔會阻你拆蟹嘅熱 其實d小食都唔錯嘅 尤其鴨血同鰻魚 但食完第一round就無再嗌 因為要專心食蟹 d特飲質素都ok嘅 最緊要係夠選擇 個冬瓜檸檬溶咗d冰 味道就仲好 我仲試咗黑糖奶茶 珍珠個質感似係擺得耐 黑糖味岀到有d苦 附上大閘蟹內部相 佢係細細隻嘅 都夠多膏 咁唯有多d嚟密d手 食多幾隻啦 唯一想挑剔嘅係個坐位 我坐喺佢擺餐具餐牌嘅位隔離 一路食一路覺得後面好近嘅地方好嘈 時不時又有d風 有d騷擾人食嘢 仲有上網search見佢話係黃店嚟 但見佢用愛奇藝

呢一間餐廳新開冇幾耐 本店就係喺新蒲崗 係賣燒味出身 所以佢嘅燒味都有品質嘅保證 呢一度除咗有燒味西餐 中西合璧之外 仲有就係有一啲麥當勞有嘅食物 個老闆仲話係特登做麥當勞嘅味道 想大家係唔幫襯中資之餘 依然能夠食到麥當勞 我見佢都係30幾蚊 同麥當勞相差得唔算好遠 個乳豬好好食 皮脆肉嫩 不過就得三舊 有啲少 個意粉就煮得太淋啦 都係一啲普遍茶餐廳煮嘅意粉會有嘅問題 我就好鍾意佢個奶茶 本身已經沖定喺度 唔好嘅係你冇得嗌走甜 我覺得佢本身就略甜嘅 同埋有少少唔係好夠奶 但整體味道都係中上

第一次試呢間餐廳 佢其實應該係想營造一個比較健康嘅選擇 但出到嚟其實同普通西餐冇乜分別 可能因為我唔係揀沙律 蔬菜湯正正常常啦 左邊個千層麵超正 面頭嗰層芝士好邪惡 我諗一般人可能會覺得太飽 但我覺得啱啱好 我個主菜係冰鮮挪威三文魚 我欣賞佢寫明自己係冰鮮夠誠實 佢烤焗得啱啱好 三文魚嘅油脂出晒嚟 份量都唔細 一般人可能食呢個都已經夠飽 不過因為太熱氣嘅關係 食完有啲喉嚨痛 同事揀佢呢一個係比較平價嘅選擇 60幾蚊一個餐 不過個意粉都好大兜 但係就冇餸