Baron cafe & restaurant

營業中

休息中

【深水埗區】【Baron Cafe & Restaurant】過荔枝角做嘢，今次居然係拍住多年老友栽時姐，咁就梗係要捉埋佢一齊食飯啦。根據我工商業區做嘢一定順便食埋啲飯堂先走嘅大原則，我哋都係選擇咗喺呢啲工廈飯堂解決。同埋我哋係喺午飯時間出現，附近都幾多人，都唔可能有太多揀擇喇，坐低先啦。佢叫咗 $64 嘅「泰式海南雞飯配雞油飯及湯」，佢話水準正常，不過個湯就勁鹹，令佢頂唔順。然後佢又話啲雞油飯冇乜味，同個湯好唔同。反而啲雞肉佢有讚，我都食咗舊，係 okay 嘅。嘢飲佢飲「熱香滑奶茶」，我都有叫，所以我自己都係會有感受。我就食都係 $64 嘅「香煎美國西冷牛扒配黑椒汁」，配「薯條」，塊扒就預咗係茶記牛扒，係咁上下料，而且都幾細塊，男人未必夠食。薯條係曲薯條，但都係偏少，冇乜感覺。嘢飲我都係飲「熱香滑奶茶」，又幾好，係茶記水準嘅。埋單 $128，差唔多啦。。。（地址：荔枝角通州西街1059-1061號新光工業大廈地下A室）#1amfoodie #foodie #hkfoodie #thatfoodiething #hkfood #food #instafood #yummy #foodl

🌟 Baron Cafe & Restaurant 位於荔枝角，Lunch time 都超多人排隊 📢，見到咁受歡迎，當然要試下睇係咪真係咁吸引。🍖 美式蒜香蜜糖燒豬腩排配燒烤醬 + 薯條 $64一上枱已經聞到陣陣蜜糖香 🍯，入口帶微微蒜香，甜甜地但唔會太過，醃製得宜，帶得出豬腩排嘅肉味 🐖，仲好彩唔會過鹹 🧂。燒烤醬 🥫 味道適中，唔會搶走肉嘅風味。肉質方面，咬落去都算軟 🦷，但肥肉部分未夠化開，口感上仲差少少。薯條 🍟 明顯係普通街貨，無乜特別，但最可惜係上枱時唔夠熱，如果係新鮮炸起熱辣辣會開心d。👨‍🍳 由於人多，用餐時間稍短，但員工都好有禮貌 🙇‍♂️，會主動講唔好意思。以 $64 包埋飲品 🥤，質素算唔錯 ✅，難怪咁多人幫襯。

今日自己一個人食 lunch，見呢間都幾多人幫襯，裝修又唔錯，餐廳都幾大有好多張枱，就去試下 😳都有好多唔同選擇，最特別係有個焗薯餐 🥔 揀咗焗薯配吞拿魚沙律，同埋迷你鮮雜果沙律 🥗等咗一陣就上餐，個焗薯比想像中大個少少 😍 個人鍾意連埋皮食，個皮有少少鹹味都幾好食 😋 雜果沙律竟然係用新鮮生果整 🤩 都有幾款生果，十分唔錯 👍🏻唯一美中不足就係個焗薯唔係好熱，應該係預先焗咗擺喺度嘅 🥸 最後嘆埋個熱杏霜，今餐唔錯！

平時間唔中都會黎呢間西餐食飯 急時間要食快飯個時 因為呢間一定好快有位😂環境佢係好多位 亦都十分闊落員工都服務態度都正常 係茶餐廳西餐既價錢之前食過佢既牛角包🥐沙律餐係唔錯 不過今日試佢既daily lunch set 就麻麻了其實佢好大塊 好抵食 但炸得好咸 師傅落得重手咗 個粟米汁唔似汁 似粟米湯 好杰撻撻 點落去完全唔夾 解唔到咸 最後我拎黎當湯飲個豬扒我食左2啖就食唔到了 真係太咸佢既薯條ok 同埋有免費包埋野飲下次都係叫番牛角包餐🤣

整個飯堂嘅環境都好寬敞，有足夠嘅座位，唔會覺得擁擠😆而且食物選擇多元化，有西式意粉、港版雜扒餐、海南雞飯同沙律，滿足到唔同口味嘅人我簡左德國黑椒蜜糖豬手加薯菜（$69）上枱後，我首先聞到一陣香氣，黑椒同蜜糖嘅味道好搭配。豬手咬落去，肉質嫩滑，一啖入口，滿口都係肉汁。黑椒嘅辣味同豬肉嘅甜味混合在一起，好有層次感。而蜜糖帶嚟嘅微甜，令整個味道更加豐富。豬手係烤得啱啱好，表面金黃酥脆，肉質卻仍然保持著嫩度。真係唔會太乾柴，好好食！最開心係薯菜好多蔬菜，岩晒出街想食得健康既人

今日第一次試而間野！！！！！諗住應該幾好，因為見open rice 評價都好！！！！點知一試無下次！！！叫左個海南雞飯，餐本身有跟湯跟飲品！🥲🥲🥲🥲🥲價錢上係平嘅！！但質素呢🙈🙈🙈🙈🙈🙈🙈🙈！結果難食到呢！雞無味！湯無味清到水咁！！！飯又淋！！！焗住食都食唔晒！無下次！少少建議啦，寧願飯少d，唔好跟飲品俾人地！！！！整返d質素先🙏🙏🙏🙏🙏🙏🙏🙏🙏🙏🙏🙏

平時係荔枝角返工今日發現左抵食西餐廳黃金牛油焗雞扒配柚子燒汁好吸引既配搭 雞扒好大塊好juicy而且雞肉夠嫩 燒汁帶有少少柚子香 味道清新香辣鮮茄芝士燒三文魚蟹籽意粉名字看似普通但食落口好好味 三文魚唔會好dry蕃茄味帶有微辣 令意粉有更多層次再加上蟹籽增加口感和風燒牛肉玉子野菜沙律賣相唔錯而且好健康 燒牛肉薄片好有風味和風醋汁令沙律酸甜清新榛子咖啡喜歡飲甜甜的這杯很可以好好飲！榛子味好出！係附近返工可以再黎

香脆軟殼蟹蟹籽香草忌廉芝士意粉:軟殼蟹炸得卜卜脆。重忌廉，奶油汁。有蒜蓉味。冇芝士。碎意粉。菠菜、蘿蔔、洋蔥(冇問題）做配料。日本鹿兒島A4黑毛和牛西冷：份量大。肉質新鮮。淡淡濃郁和牛味。唔使醬汁都好好味，燒汁令上。煮法係快嘅油煎法，所以肥膩同帶唔出燒感，失去層次感。加$6轉麻麻哋嘅菜。煙三文魚凱撒沙律套餐：唔夠芝士。-日本櫻花蝦蘑菇粟米蕃茄濃湯（跟餐）：大份夠飽，超多螺絲粉，湯就少得滯。薄荷鮮奶朱古力：加$8換雲呢拿咖啡：加$10換其他：內部環境裝修舒服不過午飯時段比較擠迫忙碌。#baroncaferestaurant #荔枝角美食

星期六去左荔枝角練瑜珈🧘🏻‍♀️，練完一落樓就見到呢間門面睇落乾淨舒服嘅西餐廳🤪🥩香煎美國西冷牛扒配蒜蓉汁+薯菜(+$6)一路都有飲食控制嘅我，見到呢個餐二話不說即刻就揀。牛扒煎到兩面焦脆好香口，蒜蓉汁又另上，淨食牛扒🥩已經好夠味。另一個好值得讚嘅係，佢有得配揀薯菜(蔬菜🥬) 。啲蔬菜都好新鮮，一啲都唔hea😌埋單價錢又平，坐落又一啲都唔迫，以後做完瑜珈🧘🏻‍♀️一於都去呢間食飯先🤓📍Baron cafe & restaurant (荔枝角)荔枝角通州西街1059-1061號新光工業大廈地下A室

今日同同事經過黎左食個快飯，見到呢間餐廳每日都係唔同Menu，有扒有意粉，都係六十幾蚊，非常抵食。我地叫左一個牛扒薯條同一個軟殼蟹意粉佢嘅薯條係粗嘅扭紋薯條，唔係好幼好乾身嘅薯條，而佢嘅牛扒都有大概1cm，唔會好薄，咁當然呢個價錢，唔會好多肉汁，好有咬口講完牛扒，就要講吓佢個意粉，佢個意粉同出面嘅唔同，因為佢個意粉非常之淋同好易斷，應該係烚得太耐，所以先會咁，而佢個意粉亦都係冇乜調味，淨係落咗個白汁上去就出，而佢個意粉亦都撈咗好多紅蘿蔔絲、椰菜絲、青椒絲同紅椒絲，所以揀意粉又唔中意食呢啲嘅就要留意下整體來講呢間餐廳好適合食平價嘅扒，但意粉就可以揀其他

.今日lunch同同事行遠左dd，發現左一間唔太顯眼，但又幾多人食嘅餐廳 - Baron cafe & restaurant 💁🏻‍♀️..我地2個人叫左2個午市套餐、一個沙律🥗..德國黑椒蜜糖豬手記黑椒汁 71豬手肥瘦適中，皮位置好爽口，肉質好淋身👍🏻..香脆魚柳配珍寶鱈魚蟹柳配黃金鹹蛋黃汁 69醬汁非常特別，烹調好有心機，每一個午市套餐都配有一款特色醬汁，鹹蛋黃汁好香鹹蛋黃味，炸魚柳好大份，淋上鹹蛋黃醬汁，好匹配👍🏻👍🏻..海鹽焦糖咖啡 +6餐廳有好多特色飲品，職員都好推介我地飲，推介無錯，果然好出色🥰..燒雞肉柚子田園火律 50份量非常多，兩個人食剛剛好，燒雞肉嘅部位係雞胸，好適合減肥人士/健身人士..地址：Baron cafe & restaurant (荔枝角)荔枝角通州西街1059-1061號新光工業大廈地下A室..

餐廳位置方便，喺荔枝角地鐵站行一兩分鐘就到，星期六下晝set lunch有好多選擇，價錢唔貴，而且質素都好唔錯，同朋友都食得好滿足燒牛肉沙律燒牛肉有淡淡的燒烤味，而且份量一啲都唔少，沙律菜好新鮮，一啖菜，一啖肉，好味燒雞扒配薯條雞扒處理得好好，一啲都唔乾，好有肉汁，薯條都處理得好好，最鍾意食曲型同粗身嘅薯條🍟黑椒豬手配螺絲粉黑椒豬手醃得好好，唔會太鹹，好夠味，而且一啲雪味都冇，好爽口，份量好大好多，食得好滿足

今日同朋友去左Baron cafe & restaurant 食lunch , 餐廳係水泥風裝修, 牆上有d Baron 插畫, Lunch time超多人排隊, 但上菜又幾快🤣餐廳日日menu 都有唔同菜式今日星期一就有香煎美食黑椒牛仔柳配黑椒汁(配薯菜) , 薯菜真係新鮮薯仔同蔬菜, 感覺健康d , 牛仔柳面頭輕輕烤香左, 肉質腍身, 配埋黑椒汁, 更惹味😋泰式香辣蒜香蔥油黑毛豬肉碎拌雞扒煎蛋飯,雞扒肉質嫩滑, 豬肉碎肥瘦適中, 同一時間有香辣同蔥油味,撈飯岩岩好👍和風燒牛肉玉子野菜沙律份量好多, 面頭既牛肉鹹香味幾出, 沙律菜好新鮮爽口, 配埋柚子汁, 好清新開胃😋紅豆冰紅豆好綿密, 仲有成半杯紅豆另外鹹檸七都好夠味

Baron cafe & restaurant (荔枝角)荔枝角通州西街1059-1061號新光工業大廈地下A室荔枝角地鐵站附近，戲院對面，有間不起眼但坐得舒服既西餐廳，扺食lunch set 牛豬雞魚沙律各式都有，星期一至六有唔同既menu，發現原來佢個menu set lunch 個pattern係第一行牛、第二豬、後是雞、魚和其他對有選擇困難症既人黎講就啱，只需諗想食咩肉類就可以，另外可配意粉、飯或薯菜簡單得黎花款又多。香煎美國西冷牛扒 配黑椒汁 $64配飯/意粉/螺絲粉/薯絛西冷扒肉質不錯，一d都無肥肉平時街市買塊平平d既扒都要$60而家加幾蚊仲有人煮埋，無得頂意粉份量好多，可以點燒汁食不錯。Lunch set of course 包飲品，如果時間flexible 既話可以兩點半後先黎，各set lunch 只係$48 份量一樣非常抵食。

這家餐廳就在公司附近，想吃沙律配牛角包都會過來買外賣。一直以來只吃這裡的Baron 精選（煙三文魚凱撒沙律配煙三文魚碎蛋沙律牛角酥），上一次幫襯是幾個月前，想不到今天的出品比以前相差這麼遠。附上照片，其他都不用多說。應該没有下次了。A picture is worth a thousand words. 在區內食店林立，競爭這麼大的情況下，竟然有這樣的出品，我也無話可說。雖然出品差了，但環境衛生和員工的友善態度算是不錯。