影片
開飯介紹
餐廳主打韓國fusion菜，加入了西式、日式的煮法。口味偏甜，與傳統韓國菜截然不同。其招牌菜包括韓式厚蛋三文治、招牌牛肉汁蛋包飯等。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
有關獎賞計劃
影片
相片
芝士蛋卷蛋包飯
海鮮煎蔥餅
Banchan & Cook 小吃拼盤
+6.3K
+469
食家推介
週日嚟咗呢間韓國🇰🇷餐廳食午餐🤣呢度有 $398「Tasty Treat Combo 嚐吃套餐」，可以揀「1款主食+半份炸雞+1款Share（呢個名詞幾有趣）+1款甜品+自選飲品2杯」，咁我哋就揀咗下邊呢啲🤣1款主食 - 橡果黑毛豬卡邦尼意粉：睇個名就知道係新派卡邦尼意大利麵🍝，卡邦尼意大利麵當然係源自意大利啦🇮🇹，發展到世界各地就有好多不同版本，香港食到嘅 Carbonara 估計超過 99% 都唔係正式意大利口味🤣，不過唔緊要，啱香港人胃口就得🤣；呢度嘅意大利麵煮得軟腍腍，幾creamy，口味大眾化🤣半份炸雞 - 可以揀有骨/無骨，揀咗有骨，味道揀咗蒜香🤣；炸雞被厚厚嘅脆漿包住，味道甜甜哋，食得好飽🤣1款Share - 燒醬油黑毛豬白切肉配大醬生菜：黑毛豬肉大約75%瘦肉25%脂肪，夠甘香又有醬油味🤣，仲可以用生菜包住 黑毛豬+泡菜+生蒜片+韓國甜豆豉醬 一齊食，幾好食🤣1款甜品 - 開心果芝士蛋糕：唔係好甜，夠 creamy，有啲開心果碎食得好開心🤣伯爵茶鮮奶咖啡：有凍有熱可以揀，咁要咗杯熱嘅，幾 creamy，有好 subtle 嘅伯爵茶香🤣軟綿綿紅豆•豆花鮮奶咖啡：都係有凍有熱可以揀，咁都係要咗杯熱嘅，裏邊有啲紅豆同埋有幾小塊好滑嘅豆腐，幾好玩🤣
繼續閱讀
上個星期六放假🗓️，入咗東涌行街🚶♂️，呢度個商場好抵買🛍️，買嘢行街行到攰😮💨，入咗Banchan & Cook食左個晏🍽️。套餐內容見到好豐富🤩，今次就嗌咗啦📋烤牛肉蛋包飯真係香到飛起🥩🍳，牛肉唔乾唔鞋👌，蛋滑得黎又包住成個飯🍚，好足料👍。蒜香炸雞只叫咗半份🍗，但係份量都大大份好抵食💰，外脆內嫩😋，蒜味重但唔搶🧄，好有韓式feel🇰🇷燒醬油黑毛豬白切肉配大醬生菜🥬，燒醬油黑毛豬就係驚喜位🎉，啖啖肉夠味😮，配埋生菜、大醬一齊食🥗，真係夠清新又開胃😌。甜品方面，提拉米蘇唔太膩🍰，啱晒食完重口味之後用黎清一清🧊飲品方面，士多啤梨紅桑子梳打夠酸夠醒神🍓🫐🥤，白桃甜蜜梳打就啱啱好唔會太甜🍑，好match成餐嘢👌整體嚟講，環境舒服🛋️、味道正😋、啱晒想歎番餐韓式又唔想太heavy嗰啲人🙆♂️。重點係$398套餐真係超抵💸！食齊晒以上咁多樣嘢，兩個人食真係飽到行唔郁🤰，建議三至四個人一齊share更完美👫👬，啱晒週末約埋friend一齊慢慢歎~😋👨👩👧👦
繼續閱讀
2025年6月22日 星期日呢個週末去左東涌一日遊，去左好多地方，返到東薈城已經差不多7點，就決定係果到食埋晚飯先走行到3樓竟然見到banchan & cook，突然間好想食蛋包飯同炸雞，見到暫時都唔需要等位，所以冇諗太多入咗去，遲少少啲人都開始要拎飛等入座坐低慢慢睇餐牌見到裏面有好多唔同種類嘅食物，當然包括我期待嘅蛋包飯同炸雞，另外仲要咗紫菜包飯、飲品同甜品添，價錢唔算太貴，而且店員都話呢個份量足夠兩個人食點完餐等咗一陣飲品就首先嚟到，分別係左邊軟綿綿紅豆豆花沙冰同右邊既紅豆鮮奶沙冰外觀已經令人垂涎，底層係冰涼細膩既豆花沙冰，口感介乎豆腐同雪糕之間，綿密細緻上層擺放左滿滿既紅豆同輕盈鮮奶油，再以薄荷葉點綴，清新感十足一口食落去，豆花既香滑同紅豆既香甜係口中融合，冰涼解暑又不失層次感右邊就係紅豆鮮奶，樸實卻深得人心底層紅豆飽滿、煮得軟糯，配埋順滑鮮奶，口感豐富飲用時可隨意攪拌，令到紅豆同奶香融合，係一杯令人安心既甜飲，適合不喜歡太甜既朋友，清爽又有滿足感之後蛋包飯就登場，係芝士和牛漢堡蛋包飯，成塊蛋鋪咗喺飯上面，店員幫忙用刀一切開，成塊蛋就完美包住晒啲飯，滑蛋帶住淡淡嘅牛油香，夠晒柔軟，配埋飯一齊食簡直一流至於中間既芝士和牛漢堡排，厚厚一塊和牛漢堡排煎得啱啱好，外脆內嫩，肉香濃郁，咬落去仲有肉汁爆出嚟，滿口幸福感！！呢個係明太子蟹肉紫菜包飯，個壽司一上枱就令人眼睛一亮，上面淋左滿滿明太子醬仲有橙紅色魚卵，大啖咬落去蟹肉鮮甜、明太子鹹香剛剛好，米飯軟糯又夠味，超有層次，會令人默默一口接一口咁食食韓國菜當然唔少得有炸雞，我哋要左韓式蜜糖味炸雞，外皮超脆之餘，雞肉juicy唔嚡口，蜜糖醬甜甜地又黏身，食落甜中帶少少鹹，超有層次連底下既薯條都沾滿醬汁，好邪惡但好正！！最後甜品有開心果芝士蛋糕，蛋糕本身帶淡淡綠色，口感滑溜綿密，入口即融上面灑滿開心果碎，唔單止加咗香氣，仲有啲脆脆口感，咬落去層次感好豐富味道方面芝士味濃郁但唔膩，同開心果香味融合得好自然，而且甜度啱啱好，唔會太甜，食完唔會有負擔埋單每人百幾蚊，性價比幾高
繼續閱讀
好耐無去東薈城Banchan & cook對上一次已經係一年前同frd行山前黎食啦嗰次覺得好好食，所以今次行完山同朋友黎dinner2000入座唔需要等位今次叫二人套餐，好似抵食過一人叫一份main我地兩個share 橡果黑毛豬卡邦尼意粉，都夠食~撈暈蛋黃同意粉，個carbonara醬係金黃色，配合煎得香脆嘅煙肉，好味無骨 炸雞半份揀咗甜辣味，我最愛。無骨啖啖肉仲有薯條同埋炒年糕~~不過點解今次辣過上次咁多嘅？！瘋狂飲野+飲水~飲品我叫咗Mocha, 朋友叫咗蝶豆花Latte燒醬油黑毛豬白切肉配大醬生菜用生菜包住黑毛豬白切肉~再自由加醬料、配料，超juicyBanchan & Cook Tiramisu呢個tiramisu同外面食到嘅唔同，中間有一層係紅豆幾特別，未試過東薈城名店倉依家開咗好多新餐廳，但banchan &cook 都係好多人食~證明真係好食~~同埋價錢都好抵，咁多野食每人都唔洗$200
繼續閱讀
🛍️東薈城血拼完，梗係要搵間舒服餐廳醫肚啦～見到Banchan & Cook新出抵食二人餐，即刻入去試試！呢個二人餐$398好豐富～招牌烤牛肉蛋包飯，牛肉香甜多汁，蛋香非常軟滑，口感好豐富，食落好正呀❤️半份甜辣無骨炸雞，外皮脆卜卜，甜甜地微微辣，好惹味！底底仲有脆薯條同埋年糕添，半份都好夠食架🌟燒醬油黑毛豬白切肉配大醬生菜，啖啖肉嘅五花腩，夾住泡菜、大醬同紫蘇葉，韓式風味食到停唔到口👍🏻🍰甜品提拉米蘇，偏向奶油味，口感輕盈～飲品揀咗軟綿綿紅豆豆花鮮奶咖啡同白桃甜蜜梳打，都几好飲！
繼續閱讀