Bakerie.C

營業中

休息中

依間甜撻店，由網店開到有實體店，真係好有實力👍🏼👍🏼，值得一試再試。佢地嘅甜撻整得好靚，剩係睇相都已經可以吸引到我，好想食。雖然價錢唔平，但睇得出係好用心去整，味道亦都好好。😋😋今次買左以下五款：1. 「一抹」即係抹茶口味，中間會有焦糖流心，好驚喜！2. 「The Moon」檸檬芝士撻，好鍾意食檸檬口味嘅甜品，所以必選。3. 「三點三」係煉奶花生味，不過依個我無食到，俾朋友食左🤣。4. 「黑武士」可以話係我最愛，係橙味朱古力撻❤️，超想encore的一款！5. 「美漩」就係tiramisu，依個一樣係俾朋友食左🤣。（相中影唔到）

兩星期前開玩笑的問好友情人節可有空一起晚飯，怎料她爽快答應，還主動問我要不要嚐嚐她手勢，這般幸福的機會怎能不立即抓緊！？遂自薦帶甜品上去好讓她少煩一樣。 早在社交網站留意到不少熱愛烘焙的有心人，要從網上世界走到實體商店並不容易，有機會光顧以示支持。小店位於工廠區內，不熟路的我花了少許時間找那大廈入口。工場提供少量現貨發售，目測款式並不齊全，有心儀的還是預早告知店主好讓他們預備。 The Moon $32、黑點子 $36、雲海 $32適逢情人節，當日供應款式比平日少；三款撻皮薄香脆，牛油味香之餘亦帶點點杏仁味道；好友最喜歡的是清香的檸檬口味，不過我略嫌面頭蛋白馬令有少許蛋腥。 更得我心的是那朱古力棉花糖撻，棉花糖口感特別，配上濃郁甘苦的朱古力十分合襯；而剩下的黑芝麻味濃，加上煙韌麻糬內餡像極中式湯圓，相對有趣。 試過三款也覺頗有水準，雖有其他口味想嚐，不過地點對我而言不就腳，不知要等到何年何月才會再來，有緣再會。