Baguette (已搬遷)

屯門隠世越式法包店 Baguettes🥖🥖.其實想介紹依間法包店好耐但因為外賣店係街邊好難影相同埋次次都係忍唔到自己食先過相機🤣依間小店太值得推介所以提自己要忍住口影完先食.小店舖面好細 位置係隱啡背後無堂食位置 但對面停車場有幾張長櫈 可以坐係個度食今次食香茅牛肉法包 $36牛肉份量超多 爆晒出黎肉質柔軟 唔會咬唔開表面有燒過嘅焦香 啖啖都有肉法包配有泡菜 青瓜同芫荽中和牛肉嘅油膩感仲用咗肝醬令成個包鮮味提升.重點係所有法包都係$36之前試過豬肉 都好好味不過同樣價錢好似牛肉抵食啲😋另外最好唔好要辣 佢個辣醬超級辣反而遮晒法包嘅味道.…查看更多

成日睇fb屯門grp話好好食但又唔係成日開 摸過門釘好多次😢😢😢好好彩禮拜日晏晝有開！！！佢個位置係中旅社嗰邊白色無招牌既老闆係後生仔 幾年前係越南黎仲識講好流利既廣東話叫咗兩個雞肉同牛肉包個包即烤好脆好好食雞肉都好滑 牛肉唔會過熟香港地真係好少越南法包入面有勁多白蘿蔔紅蘿蔔絲同青瓜好似仲有啲吞拿魚醬（？）如果唔鍾意可以問下可唔可以走曬同埋一定要即時食！如果唔係個包無咁脆😂由叫到拎野前後5分鐘左右陸陸續續都會有人排隊如果有埋越南咖啡賣就好了😆😆😆…查看更多

於不同渠道知道上這間店，老闆是越南裔的年輕人，廿歲才來到香港，不諳廣東話。原先舖面陳設非常空洞，像家徒四壁般，只備有門口一部雪櫃陳架。老闆勤奮地一人工作，但每日只是賣出一兩個法包，無法繳付交租，面臨結業邊緣。但幸運地被幾位本土議員訪問，繼而臉書介紹予區內居民，再經口耳相傳，成為一間食店小故事。現在雖然談不上生意旺盛，但一人店舖已經擴展成要連同母親及弟弟幫忙才能應付生意，店面亦多了許多存貨。餐牌只賣一款食物，就是越式法包。可以配上不同肉類：豬肉、雞肉、扎肉、火腿、或肉醬，都賣$31元，價格合理。但可惜店家不提供地道餐飲，賺少了些酒水錢，建議應叫媽媽弟弟幫忙，購進一些濃濃的廉價的越南咖啡粉，再加幾個滴壺及熱水爐頭。一份法包，連一杯滴漏咖啡，加店家只說越語、門口增添幾張越南獨特的矮椅，絕對賣座有吸引力。以套餐價每份賣$98元，，眾人排排而座，絕對可成屯門一大漂亮風景。我有種壞習慣就是喜歡偷看人家的廚房。這裡爐具只得炸爐及小焗爐兩款，再加門口一個陳設冷櫃，成本不過一萬元，竟敢在香港開啟餐飲業務。這位年青人，勇氣可嘉，值得鼓勵。店家先將肉類醃製切片，然後以竹籤串緊，放進雪櫃冷藏。當客人落單，便直接拿出拋進炸爐簡單炸熟。法包則中間切開焗爐烤脆，拿出塗上牛油，加入青瓜、酸蘿蔔條、蕃茄、原條蔥絲、再夾上剛炸好的肉片除掉竹籤，最後淋上酸酸甜甜的紅色秘制汁醬。總覺光是哽硬麵包，不夠過癮，缺乏了一種越南感覺。碰巧旁邊咖啡店的門外有一排矮椅，內進購了一杯濃郁的Americino，座於門外，觀望四周路過行人，很有越南路邊咖啡店的味道。咬進一口豬肉法包，麵包外表剛脆，餅皮隨嘴彈落地上。豬肉帶有隱隱若現的香茅氣息，雖以沸油炸制，但即被淋上一層紅色醬汁，除去油膩，也不令肉質有乾身口感。麵包夾有一系列多元化的伴菜，酸酸甜甜的，令人開胃，總括味道超卓。最後要談談營銷手法，如何學像Baguette般將餐廳包裝描述成一個故事，一個傳說，然後再透過人家口耳相傳，誘人光顧的手法。人的大腦構造牢記一個活生生有血有淚的故事會比較記一道美食容易，所以有些市場營銷專家，會建議將餐廳的主人翁描繪成深刻艱苦的形象。隨口娓娓道來一兩則故事：媽媽以往每日都煲家常靚湯，不落味精，使用豐富材料，慢火半日熬製。子女長大後有感到外面渴不到純正靚湯，便向媽媽取經，記下秘方，開啟以湯為主題的餐廳。青年廚師自少對法國甜品著迷，中學輟學與父母爭吵，遠走法國寒窗苦讀，進入藍帶學院，再進米芝蓮餐廳當學徒，十年努力晉升至泰國分店主廚。回到香港，有感辜負父母，亦想香港人吃到正宗法國甜品，毅然中環開店。就是這些不以美食作包裝，改為包裝主廚的營銷手法，其實也會令人垂涎三尺呢。…查看更多

放假食晏唔想又食粥麵飯咁，諗起有間經常向網上提到越南法包🥖，講到好好食，就去試試先。駛唔駛呀，已經下晝2點幾，仲要大熱天市要等咁喎！無計啦，又無堂食，只有外賣，點完兩個包包只好企埋一邊等，一等等左成20分鐘。⏰真係頸都長😆烤雞飲肉法包 （加左辣）我比較鐘意食偏辣嘅野，所以可提提有興趣去買的，記得記得要加辣。烤豬肉法包整體都幾好食，因為佢個醬好開胃，我唔知點混出黎，但味道好鬼👻夾，同時都令到人有深刻印象，所以會食上癮的，大家要小心😝…查看更多

Bagutte 👍支持小店 越式雞肉法包。 非常香脆，雞肉嫩滑。配埋支羅漢果水。好清甜。$50真係超值。屯門區隱世小店。最近仲多咗小食，下次一定要試吓。老闆好好人好禮貌。…查看更多

今晚係屋企附近食左一個好高質嘅越式法包，價錢唔算十分貴，但又唔係十分平😂屬於中等嘅價錢，但質素非常高👍店舖地方不太大，所以只限外賣，而你點餐後，店員就會即時新鮮製作食品，所以食好嘢都唔急得架！😝而且店員的服務態度也非常友善，還會細心地問有冇啲咩係唔食架呢？同埋 食唔食得辣呢？在製作前店員也會用酒精搓手液消毒雙手，讓我們感到十分安心 和 衛生！這也是很重要的環節，尤其係依家疫情肆虐嘅情況下，給人留下深刻印象！👍👍…查看更多

地方都唔算難搵，可能因為冇招牌的原因，第一次行過冇睇到，行咗成個圈先見到，係正中旅社樓下，食左一個越式雞肉法包，每個包都有落芫茜，不過我自己唔食，如果有唔食芫茜的朋友記得走芫茜，即叫即整，攞到手熱辣辣，成個包好juice，同D配菜都好夾，好清爽，不會好油膩，真心覺得不錯。…查看更多

入屯門必試名物~ 性價比超高越南法包超大個, 超足料, 四十蚊有找, 可以當一餐飯.每個包均有扎肉, 秘製鴨肝豬肝豬肉醬, 越南泡菜, 香菜, 青瓜沙律🥗. 法包選用越式的法包, 比正宗的掟死狗法包軟熟, 適合阿婆牙骹. 小編建議一定要加煎蛋, 蛋香將整個法包的味道昇華. 茜友和嫌茜友可因應個人喜好加茜或走茜. 雖小編係嫌茜友, 不過整體配合起來, 芫茜的味是可以接受的. 小編已經試晒豬牛雞三款法包. 小編是牛控, 第一次吃牛包, 已經覺得烤得好香, 好好味. 第二次試埋雞和豬, 雞和豬比較juicy, 相比之下, 牛就比較乾身. 雞包充滿越式雞醬, 如果不吃辣的朋友會覺得有點兒辣, 或選擇少雞醬. 其實介紹了很多朋友光顧, 大部分朋友和小編一樣, 覺得豬包係最惹味, 最juicy烤豬火候剛剛好, 香茅味超出建議如果想試晒三款, 最好最後先試豬, 因為食完返唔到轉頭由於是隱世小店嘅關係, 建議大家先打電話去查詢有否開門才到訪, 摸門釘就唔好. 小店只供外賣, 沒有堂食, 可以打電話去pre-order後自取. 小店十分隱世, 店名招牌也沒有只係門口寫住法包嘅法文名Baguette. 隱世到唔好以為自己去錯地方, 正確位置在屯門杯渡橋底, 中旅社附近, 內街嗰邊. 希望大家搵到…查看更多

星期六嘅下午終於嚟到食到依間傳說中嘅小店，成日有機會行過嘅話佢就未開或者冇開門所以今次好慶幸食到話說小店嘅位置唔係太容易搵到，佢係喺馬會對面蘋果搵到出名嘅咖啡店嘅話呢就會搵到佢啦😂如果見到好多阿叔喺隔離跑馬嘅小店旁邊就係佢店入面嘅餐牌都非常之簡潔，簡單啲來講就係有唔同味道嘅法包，今次就嘗試吓豬肉法包本身諗住店主唔識講廣東話仲同佢講英文😂樣衰咗添😂😂即叫即整，要少少時間去整架，等待期間可以去另外啲小店買下嘢飲或者買下出名嘅炸雞脾第一眼見到個包都幾足料，首先扎肉都有三大塊，越南泡菜一睇就知勁多，同埋係有芫荽嘅，如果唔識嘅人記住叫佢或者你自己掉咗佢😂仲有類似吞拿魚沙律醬嘅嘢一咬落去口感好豐富，由於太多肉汁嘅關係影相都比較朦朧😂😂總括嚟講如果$36嘅話我相信男人食咗都會飽嘅可以一試！加上肉質豐富我下次應該會去試吓牛肉或者其他味道…查看更多

之前從未食過越南包 所以專登過黎試一試 叫左個豬肉法包 感覺好fresh 個人唔太鍾意食法包 因為好怕石頭咁硬 但呢個係完全無硬挖挖 脆口 熱辣辣 大家都記住襯熱食喇 😌包入面配菜都多 有青瓜 酸蘿白絲 有塊扎肉 加埋辣汁 呢個配搭又幾好味喎 豬肉分量大概係一串串燒既分量 女士食都ok 但身邊既食肉獸朋友表現唔夠喉 建議比個加底版滿足下食肉獸朋友仲有一個位想讚讚老闆 老闆衞生意識好好 收錢都係直接放枱 唔會掂錢整污糟隻手 見到食都食得安心d :)…查看更多

話說屯門有間店最近好火紅呀！原來係食越南法包，店舖好特別沒有招牌，如果佢冇開門就唔知道那個舖是他的！平日時間去所以都唔需要等就可以order 啦，我們就點了香茅豬肉法包、越式雞肉法包，這店只有外賣而我們是買回家品嚐，雖然經過一些時間仍不失味道，首先是包的餡料非常豐富，真係不停話好味👍🏻而且係即叫即做，下次一定要再試其他口味👍🏻…查看更多

香港目前仍是國際大都市(好好珍惜), 美食天堂很大程度上歸功於香港人很願意取各家所長, 去趟旅行, 有個邂逅, 學有所成便是遠赴某地學師云云, 相反移民或其他種族後裔踏足飲食業而響朵的少之又少這間小店沒有賣弄什麽, 門口中央一塊大木板, 貼上一張彩印餐牌, 中英對照, 頗有中環遊客區格局, 實質上店內超級簡陋, 只有生財工具(合理啊)靚法包外脆內嫩, 顏色金黃, 有嚼口。今次是某君外賣返屋企, 包皮不脆也是情理之內。一打開包裝已經整齊切好, 包身似濕way潛艇堡, 餡料一目了然, 橙綠層次清晰, 視覺上非常豐富。 兩隻法包, 一隻牛, 一隻扎肉, 牛肉無疑比較惹味, 但扎肉醬汁比較回味, 難以分高下, 而坊間罕有的豬肝醬確實獨特, 添風味、易入口想起中西區一間情侶檔法包店, 開業不過兩三年已於年初結業, 門外貼有雜誌訪問、名人合照, 法包脆到刮損嘴, 也只是一段被消費的故事佐敦一間賣法包賣到街知巷聞, 由主流媒體當道到現今人人皆記者, 依然風評不改。 雖然暫無食神, 希望將來世界各地的美食區區都有代表作…查看更多

越式法包，屯門得好少店有！e間好食，一共買左3款，豬肉 肉醬 扎肉，最鐘意豬肉個款＞＞基本上食e個已經可以食哂大部分店有提供既食材！！個包size較唔細，可以當正餐，加兩蚊仲有飲品！超正！可惜只做外賣，買完要企係附近食..疫情下有d 危險…查看更多

終於禮拜得閒去試呢間隱世法包啦，叫左個雞肉法包。本身仲有少少驚佢d肉或者醬唔知會唔會辣，好似唔辣。（好似佢都有問要唔要辣，我估都有辣醬可以落既）買左外賣就去市廣場附近坐低食。勁勁勁好味。法包好脆，入面d酸瓜味道岩岩好，雞肉都夠味，唔會太咸或者唔夠味。入面有少少肝醬。等我下次試埋其他款式先～～越式雞肉法包係33蚊。仲有其他款式，扎肉法包就＄28，香茅豬肉法包＄33香茅牛肉法包＄33越南雞蛋麵包＄25火腿法包＄28加2蚊就有野飲汽水揀…查看更多

前幾日行過發現有人等外賣，見到係越南法式三文治，喺屯門區無乜見過呢類食物，所以諗住試一試。今日去買咗一個牛肉法包，一個豬肉法包。食完好有驚喜，法包軟硬適中，唔會界口，但又有法包嘅脆口。豬肉有少少辣，牛肉亦都好多汁，酸菜酸度剛剛好，又爽脆。個包搽咗肝醬，食落為個包加咗香味，又有青瓜加左啲清爽。整體上兩個包都好好味，價錢又實惠，女仔一個包已經夠飽，男仔可能就要加多隻蛋或者加多一個包會飽肚啲，一定會再幫襯。…查看更多