Bagel Gogo

營業中

休息中

佢哋嘅bagel同餡料都可以自選✅唔係台灣嗰種夾心bagel ‼️咁就可以食到bagel本身包體口感💕今次我試咗黑芝麻麻糬配紫薯紅莓bagel🥯 （$58+$3）麻糬可以選擇原味/抹茶🍵我就揀咗原味 黑芝麻味道好香濃‼️食落仲有沙沙嘅感覺 麻糬有糯米香得嚟 口感好軟糯 仲可以拉絲😏個餡料真係食完好滿足 而且勁足料架🫶🏻 呢個組合梗係要揀返個甜味bagel 紫薯紅莓bagel 食落幾有咬口 唔會過韌 略嫌就唔太食得出紫薯味 食落就有淡淡嘅紅莓味強烈建議麻糬控過嚟試吓佢哋嘅拉絲麻糬bagel‼️另外仲買咗個芝士Bagel🧀焗返熱之後 外脆內軟✨ 芝士味好濃郁 食落鹹香 就咁食都覺得好夠味😚📍 Bagel Gogo (紅磡)紅磡崇志街35號地舖

去完紅磡做野 經過附近有依間bagel，有勁多種口味決定買一個返公司試試佢！舖頭有勁多款口味揀，但今次就揀左唔會出錯既牛油果滑蛋bagel！個包裝都幾精緻～一打開個bagel睇落有少少細不過啲餡料都算多，女仔食完都夠飽既～個蛋夠嫩滑，而且牛油果都俾得幾足料，唔會話得兩三片！至於一個bagel最重要既野：麵包體，個人就覺得個包體都算紮實，但就未至於好q好好咬果種，算係不過不失啦！總結黎講，個人就覺得未算係好出色既bagel,但就勝在鹹甜款都好多口味，如果經開附近都可以一試既～

今次專程去紅磡試呢間小店Bagel Gogo，Bagel外皮煙煙韌韌，咬落去嘅口感正到爆👌 抹茶cream嘅茶香夠濃郁又唔會苦澀，紅豆餡煮到起沙又唔會過甜，最正係中間嗰層麻糬😆 每啖都食到真材實料，睇得出老闆真係落足心機。貝果每日新鮮製作，仲可以揀原味、全麥或者竹炭口味做基底。我今次揀咗原味，麥香十足，同抹茶餡好夾。店員仲好貼心咁問要唔要翻熱，熱食嘅話麻糬會更加拉絲，凍食就口感更煙韌，兩種食法都值得一試！✅ 優點：真材實料、口味獨特、麻糬多到癡線❌ 缺點：價錢偏貴、飽肚感一般

Bookmark左好耐嘅Bagel店，見到有好多人推薦，滿心歡喜特登去紅磡食，點知中了大伏...份量又細又貴味道都好一般，完全同網上睇嘅係可以話一啲關係都冇叫左厚切雞扒菠蘿Bagel，煙三文魚Bagel同埋一杯latte同椰青美式咖啡厚切雞扒菠蘿Bagel 加一杯lattle $104.4價錢嚟講佢係一啲都唔平，重點係佢叫厚切雞扒，到底厚切左喺邊？一打開個Bagel一邊係得一塊1cm都冇嘅薄雞扒而另一邊係得一粒雞皮喺入邊無錯係一粒雞皮我哋係要自己問職員攞份刀叉切開塊薄雞扒等兩邊都有肉食無論係同網上嘅圖定係佢菜單上面嘅圖都可以話係一啲關係都冇，個Bagel仲又凍又硬，菠蘿係冇味嘅，雞扒就普通屋企煎嗰隻味，真係好失望杯lattle得死甜味，而且好細杯有圖有真相：煙三文魚Bagel加椰青美式咖啡 $104.6個實物同大家嘅圖依然係一啲都冇嘅三文魚就應該得兩塊都算個Bagel我揀咗混合Bagel(洋蔥加蒜加芝麻)，同樣係完全唔熱，而且好硬係比雞扒嗰個全麥Bagel更加凍同硬杯椰青美式咖啡我仲以為佢落漏咗椰青水喺入面，係得咖啡味，0椰味兩個包都又薄又凍，明明啲食評全部都話好足料點解會咁嘅鋪頭地理

極多極多Bagel & Cream cheese口味選擇, bagel 愛好者一定要試！ 焗返熱之後更加chewy、外皮脆，口感非常好，最配鍾意blue berry cream cheese 新鮮原粒嘅大藍莓👍🏻There are so many flavor options for Bagels & Cream Cheese—bagel lovers definitely have to try! After heating them up, they become even more chewy with a crispy exterior, and the texture is fantastic. They pair perfectly with my favorite blueberry cream cheese, featuring fresh whole blueberries! 👍🏻

讀書時期已經久仰佢大名，因為見啲人影相好似好大份，好爆料咁，畢咗業一段時間先過去食😂 份量嚟講，老實講係有啲失望，因為都唔係好大份，不過先提自己唔好俾佢外表影響咗判斷😂 秘製牛肉bagel （配酸種混合bagel）($74-$77)呢款真係好驚喜，外表平平無奇，但啲牛肉係好淋好入味！可以想像係滿滿嘅牛腩肉絲喺bagel入面🥰 另外仲有蕃茄青瓜中和下，好健康Bagel 係出色嘅！因為佢唔係勁難咬個隻，煙韌得嚟好容易咬得開😆好鍾意❤️肉鬆麻薯bagel （配酸種芝士bagel）($58-$61)鍾意食麻薯嘅人一定好開心！因為bagel入面有好多麻薯，不過麻薯就唔係好甜個種。另外，bagel入面仲有肉鬆同花生醬，甜鹹甜鹹，出奇地夾！📍Bagel Gogo (紅磡)紅磡崇志街35號地舖#麵包 #九龍美食 #紅磡美食 #香港美食 #alwaysgugu #gugu #hungry #土瓜灣美食 #美食 #cafe #hkcafe #cafehk #food #hkfood #foodhk #foodie #foodiehk #hkfoodie #cafefood #打卡景點 #打卡餐廳 #打

突然想食bagel, 但好多間cafe嘅bagel都唔啱我口味，靈光一閃記得紅磡廣場附近有間專食bagel嘅小店，年幾前都去過食果陣排晒長龍，印象中呢間bagel係令我最心刻又覺得好食，而且佢餐牌款式好多有唔同嘅組合，仲有bagel款式都有好幾款，唔似得其他cafe只有原味bagel。今次叫左煙三文魚加蛋bagel配百香果話梅咖啡，bagel口感煙韌唔係食面包嘅質地，同埋佢會翻熱個bagel, 店員會切開一半，拎上手食方便好多👍至於咖啡就俾百香果蓋過左咖啡味＆略甜。

揀好食咩後就要諗諗用咩口味嘅bagel夾住啦當日我係星期六下午時間 就有7-8款🥯選擇佢地既貝果真係似貝果😗唔係走麵包路線！食起上黎要啲牙力！雖然揀咗洋蔥及大蒜bagel 但我又唔係好食得出個分別🫨總之成件事都錯晒😞唉 睇埋我以下既分享 你就明架啦～⍥ 秘製牛肉bagel三文治·洋蔥bagel橫切面幾吸引 好似幾爆餡實際係中間最爆 側邊無咩肉🙂牛肉比我地想像實在係清淡得多🙂‍↕️！！！連我食開清淡既都覺得唔滿足最搶味既 竟然係⋯cc🥺⍥ 教父bagel三文治·大蒜bagel呢款係最基本嘅餡料簡單嘅蕃茄 生菜 火腿及意大利香腸又係無咩味 淨係食得出cc 😒嗯⋯我⋯無野補充⍥ 紫薯奶⍥ 拿鐵紫薯奶可以走甜 讚👍🏻而且好有紫薯味 飲落都唔假題外話 用紙杯雖然方便 但好似好唔環保🤔

今日去咗紅磡試 Bagel GoGo，聽講佢哋嘅 Bagel 好有特色，好多唔同嘅配搭，所以專登去朝聖一下！一入到去，見到佢哋手寫嘅menu，啲字就有啲密密麻麻，好彩有啲相睇下。雖然有啲眼花繚亂哈哈，不過都感受到佢哋嘅用心嘅。我今次就試咗佢哋其中一款招牌 bagel，係芋泥、肉鬆、抹茶麻糬嘅組合，仲揀咗紅莓bagel。 食嘅時候就有啲狼狽，啲餡多到瀉晒出嚟，搞到成手都係！不過都算係一種體驗嘅！ 食落去嘅感覺，覺得佢嘅組合比較似台灣 fusion。芋泥好綿密，肉鬆又夠香脆，抹茶麻糬就 QQ 彈牙，配埋酸酸甜甜嘅紅莓 Bagel，味道幾豐富。睇返啲 OpenRice 嘅食評，佢哋嘅其他 Bagel 都好似幾有特色，例如雞扒配菠蘿，墨魚汁配洋蔥芝士等等。個配搭聽落都幾得意，下次再去試下啦！

我叫咗一杯latte，咖啡豆偏酸，唔係我鍾意嘅味道。堂食熱飲唔用玻璃杯， 用紙杯太差，打開蓋，個紙杯見到拉花唔靚，作為咖啡店一啲都唔專業。估唔到另一杯仲過份，直接無拉花，叫左杯開心果latte，打開蓋，冇拉花，見到綠色加咖色泡泡，見到冇意欲影相，味道可以接受。肉鬆麻薯bagel，肉鬆麻薯味正常， bagel叫左原味， 唔覺得好食。環境污糟，成張枱都係麵包碎，餐廳店員完全無理會。第一次幫襯，又唔好食又唔好飲，性價比極低，交智商稅。

bookmark左好耐🔖趁放半day終於去左試啦😍鋪頭唔大 得8個位左右多數客人都係外賣🥡兩邊牆上貼滿密密麻麻既menu好多選擇🤘🏻今次叫咗我最鍾意嘅芋泥肉鬆麻糬bagel餐廳一早已切開兩半 食起上黎好方便勁多餡 真係好足料😋麻糬有得揀原味/綠茶味而bagel都有多款選擇🤗雖然$68對個人嚟講少少貴但都叫對得住個價錢大家經過都可以一試☝🏻

終於試左呢間人氣bagel店試左最多人推介既綠茶味bagel配芋泥肉鬆麻糬Bagel好煙韌 即使有其他餡都唔會蓋過綠茶味同d餡都好夾芋泥肉鬆麻糬正常發揮 麻糬煙靭 本身有得揀綠茶麻糬但當日售罄 相信會仲夾個bagel會想再黎試其他味👍🏻

I love this place! Whenever i want to relax this place is the only i can think of. Staffs are great too. We're almost here everyday! I think we have tried all the bagels on the menu and it never disappoint us! The best bagel in town and I highly suggest the Coconut Americano! My latest favourite coffee ❤️

Bagel GoGo係bagel專門店，餐廳有超級多唔同嘅bagel配搭，仲可以自由配搭，鹹甜嘅bagel都有🥯肉鬆芋泥抹茶麻糬咖啡朱古力bagel $59揀完配搭可以揀想要嘅bagel口味，口味都好多Bagel即叫即整成個bagel勁爆餡😍Bagel口感煙韌，配料每樣份量都勁多😍芋泥超軟滑麻糬好軟糬，夠哂拉絲，加左錢轉抹茶麻糬，抹茶味好突出唔會澀好多肉鬆，肉鬆夠哂脆卜卜☕️開心果拿鐵 $49開心果飲品有開心果Dirty同開心果Latte但好可惜整體開心果味欠奉🥲Bagel＋ 飲品仲會有9折優惠😋👍鍾意食bagel嘅朋友一定要去試下，一定會搵到款你鍾意嘅口味😋

主打全手工製作bagel🥯 酸種bagel件件口感實在同時煙靭 口味更多達16種店座位唔算多 室內大約8個座位 室外亦有2張小枱子，走小Cafe路線芋泥麻糬 配 紫薯小紅莓bagel $61麻糬可揀綠茶或者原味 麻糬軟糯QQ 充滿米香 估唔到同bagel會咁夾秘製牛肉 配 酸種蒜bagel $76牛肉炆煮得嫩滑 牛味好濃郁 絕對唔係重香料味路線，配合不同蔬菜夾在bagel間 是清新的～Sweet Potato Dirty $49上層是香濃咖啡 溫的狀態，下層是紫薯，店員哥哥推介分層享用 非混合兩層，這樣更能飲出它層次，紫薯入口絕對是天然的味道Pistachio Latte (cold) $49充滿烘烤果仁的香味 細滑順口，顏色自然 唔係坊間普遍既鮮綠色* 口味的配搭實在太多可能性 請教左店長哥哥 比意見我🥰* 細心位：bagel會用紙包好 切成兩件 方便進食* Bagel配飲品會有9️⃣折* 雖然係小店 但接受多款支付形式Visa/AE/Master/支付寶/微信/八達通/現金*不設+1服務費