B記車仔麵

昨天叫了碗魚旦, 蟹柳加牛根米粉, 打開發現有4條眼睫毛 +1條 頭髮, 今天打電話去想叫佢地小心的衛生, 點知聽電話個仲話冇可能, 全部男人做野, 話係豬皮毛就信, 態度極差, 不停話豬皮毛就信, 首先, 男人冇眼睫毛嗎? 再加上他們的態度, 以後不會再幫襯!!…查看更多

香港人係辦公室既時間仲長過留係屋企, 由於又要加班, 晚餐叫外賣, 估唔到一打開個車仔麵.....叫左3餸連熱飲 $37魚皮餃/牛筋/墨丸米線, 加腩汁小辣由於是外賣, 湯分開上, 加左腩汁既湯好濃味但係個車仔麵一打開就發現頭髮？牛筋毛？分佈係魚皮餃同米線上面 之前一向食B記, 但今次就.....無辦法只好硬著頭皮, 夾走有頭髮？牛筋毛？既部分, 食左佢魚皮餃同墨丸各兩粒其實已經無左佢本身既味, 可能是煮得耐吧. 牛筋約4-5舊, 其實炆到好淋好入味, 米線就碎左少少, 佢既小辣其實都屬於辣, 如果無頭髮？牛筋毛？ 會好食好多…查看更多

當日下午要過灣仔, 難得過來, 就順便係灣仔係埋LUNCH先返公司。正當我苦惱灣仔近近地有咩好食既時候朋友推薦我去附近吃B記車仔麵。車仔麵也是小女很喜歡吃的, 加上朋友說這裡的豬紅很好吃, 便前來一試。價錢的確不算便宜,但如果食物質素高的話還得我可以像銅鑼灣榮記車仔麵, 正所謂一分錢一分貨嘛。今次點了三送一麵,連野飲 $41豬紅,羅白,金錢肚米線 (清湯)         豬紅：好滑而且入味, 我個黎講豬紅夠滑先係最好食~不過佢既唔係牛腩汁味味道比較獨特, 暫時未係第二間食過呢隻味。(小女還是比較喜歡腩汁味豬紅)蘿白：係幾夠林同埋唔會苦~不過食落好多蘿白絲...金錢肚：口感不錯,易咬唔un, 但是味道又係比較獨特的, 有少少酸的味道,不知道用什麼醃料。相信係醃料味道問題, 而不是變壞, 我食完冇事大家可以放心試下XD另外仲有幾條"贈送", 通常車仔麵的菜都比較一般(硬身和苦)但呢間既菜都幾新鮮, 至少不會苦, 而且淥得夠林。加上環境算乾淨, 店員態度又很好,其實還不錯的。喜歡吃車仔麵的, 不妨前來一試。…查看更多

經過左好多次都冇入過去食, 每次都見到好多人係門口, 今日終於入左去, 去到門口問有冇兩位, 有位型男話加個位比我, 本來以為好逼, 原來都唔係, 入到去仲要係出奇地乾淨, 乾淨過好多好多茶餐廳同車仔麵, 點完餸見到以為加野飲要俾十幾蚊所以冇叫到, 佢收完張紙返黎提我地話野飲跟餐GE, 非常好, 我見左豬紅雞翼通菜河加辣汁 (因見對面位女仕D通菜個樣幾精神), D豬紅係好似寧記個D咁樣GE台式豬紅, 唔係一般係街食到個種一舊4方形個D, 喜出望外! 雞翼我個人非常十分鍾意, 味道剛剛好唔會太深色, 雖然唔係話好大隻但完全OK! 湯底個辣唔係好辣, 我諗唔夠辣可以加, 但總好過另外CWB有間好出名的車仔麵環境逼而且衛生惡劣, 如果叫辣一黎就辣死人了...不過愛辣人士可能好鍾意GE...我就好滿意LI到啦今次引得我LI個懶人打LI篇食評GE原因係佢GE服務, 話說男友叫完野食冇耐可憐地被公司急招返去做野 , 但無耐碗野就黎左啦...隔左一陣我問可唔可以幫我轉落外賣碗蓋住佢先, 位型男伙計非常好, 佢問我男友係咪唔返黎? 我就話佢知啦, 於是佢就拎走碗野話轉頭先男友返黎先整返俾我, 真係太好啦...不過最後我都係轉左外賣碗拎走啦今次食評冇相, 因為估唔到會為左佢寫篇食評, 希望小店可以繼續做落去啦! 十萬個…查看更多

今日行過食左一碗好好食既淨餸，野食好食不在話，入面既伙記更加令我好意外，除左同你吹水外，仲會細心提你有野飲跟，隔離檯唔飲野，伙記仲主動加多幾條菜比啊小姐不特止，仲附上一杯凍水！香港地難得仲有d咁有人情味既鋪頭，從來未食過豆卜會預先處理好，配埋腩汁&辣汁，好好食，會再幫襯！…查看更多

平時慣左自己一個人食 lunch, 覺得時間易就 d, 行到邊食到邊仲可以買下野添！好多時買完野唔夠時間坐低食，就會揀呢間，雖然等外賣既時間都唔短，咁 ... 邊等邊玩手機都唔覺好悶既，鬼叫呢間又確實係幾好味咩 我係一個好貪心既人，三餸滿足唔到我，每次一定要叫四餸至 happy ~ 佢個辣汁唔錯啊，唔想太辣可以落單時註明要 '小辣'，首推佢既卥水蛋同雞翼，可能佢地既卥汁比較出色，卥得好入味，我好喜歡！…查看更多

來這裡一定要點辣汁，汁可以分開上，自己決定幾辣，這個汁可以使你吃完4個餸還想再吃一碗，環顧灣仔附近，地鐵個邊啦！譚臣道樓上個間啦都比不上，可說是最好味的車仔麵，粉麵種類很多，瀨粉都有，不過剛開業，餸種類唔多夠，暫時無一D可代表自己風格嘅餸菜（特色），例如銅鑼灣有勁辣四川魚旦，中環澳門過江龍有咖喱旦，而到食過兩次。第一次食豬腸，魚角，紫菜河，不由分說落曬所有辣汁，好辣呀！豬腸新鮮無（蘇）味第二次紫菜，冬菇，魚皮同墨丸，好細心，魚皮用碟分開上，不過墨丸稔身咗D，今次唔敢落噤多，好有慟動吃多碗，最後噤住，人流比上次多了！二餸：$27三餸：$30四餸：$37跟冷／熱餐飲…查看更多