Asiri

營業中

休息中

想推介呢間喺鰂魚涌嘅日式小店Asiri~主打北海道名物湯咖喱 🍛香港真係無邊幾間有 係幾unique! 由一對日本夫婦經營 特別親切好家庭式feel! 加上食物都唔錯 值得再黎! 仲有個鬼仔server haha! .🍛🐖豚肉湯咖喱(HK$108) 第一次食呢種煮法嘅curry 色香味俱全呢🤤 成碗放咗滿滿嘅蔬菜 茄子 西蘭花 南瓜 蓮藕 紅蘿蔔 豐富到一個點感覺好healthy~當然唔少得主角豚肉都好入味 同埋份量都幾多! 咖喱味道竟然有啲似印度果種spice 帶少微辣 送飯好開胃 可以食兩碗🤭! 配果碗北海道米飯好好食 粒粒分明咬落煙韌! .🎃 北海道南瓜薯餅 (HK$55)發現有餡嘅餅我都好中意食 特別係忌廉蟹肉餅🤤呢個都唔例外 放咗勁多南瓜蓉 入口軟綿甜甜地 薯餅亦好脆!

呢個cafe係行日式小店風 同埋牆上面有一個手繪既北海道地圖 超靚😝😝·北海道雞脾湯咖哩 $108呢個湯咖哩同平時D日式咖哩唔同 佢係比較稀既 食落似湯飯多過咖哩 同埋可能因為佢稀D既原因 佢D蔬菜唔係好入味 不過佢個雞脾超好味 超級tender🥰🥰·鮭魚石狩鍋 $108個湯係超rich既魚湯味😍😍好味 填飽左我地個小肚腩keke同埋佢好有誠意 仲有個溫泉蛋比你撈飯😋😋·#rbyeat#rby鰂魚涌·📍鰂魚涌海光街11號地舖

天氣又凍咗，想食熱辣辣嘅嘢。諗起呢間有鍋物。午餐配麵鼓湯。前菜可以自選。我選了溫泉蛋及涼伴茄子。呢個魚骨魚湯鍋，點之前好疑惑究竟有咩餸。嚟到真係有三文魚的，有椰菜同雜菌，湯都有魚味。下次可以再食

位於鰂魚涌一間由日籍夫婦主理的cafe，主打一系列湯咖哩料理(｡･ω･｡).🐓雞腿湯咖喱來到這裡不得不點他們的湯咖哩吧❗️咖喱香味撲鼻而來，湯底由雞+鰹魚+昆布熬成，非常足料而且沒有味精，即使把湯喝完都不覺鹹~雞腿肉質軟腍，煮到骨肉分離，再沾上湯咖哩一同吃，味道更為惹味🤤.🥦雜菜湯咖喱這個湯咖喱比剛剛的稍微清淡，不但能嚐到蔬菜的清甜，更多了一點蕃茄的酸味~ 材料全是蔬菜，有南瓜+茄子+粟米+蓮藕+秋葵+菇，健康得黎其實還蠻飽肚的😆一定要提提這裡的白飯真的特別好吃，平常夜晚都不多吃飯，今晚竟然把碗裡的飯吃清光😎 這裡用的是北海道米粒，口感軟綿，但不是糊口的那種!! .這家小店無論是食物或是氛圍，都帶給人一種溫暖和諧的感覺💓 晚市套餐更提供薯仔沙律、麵豉湯和飲品，非常抵食🥳

呢間日本餐廳真係由日本人打理，企reception嘅老細係日本人，而且佢仲識講小小廣東話，好鬼犀利架👍🏻原來餐廳嘅lunch都好full，我排左一陣，終於等到位啦😊炒羊肉配北海度出名嘅成吉思汗醬汁+味噌湯+日式煮浸茄子+薯仔沙律原來成吉思汗醬汁嘅味道都幾特別，辣辣地咁配埋有少少羶味嘅羊肉又真係好夾架喎😲而且仲有芽菜同九菜一齊炒，縱使點個肉食嘅lunch set都可以食到一定份量嘅蔬菜，真係非常好👍🏻燒汁豚丼+味噌湯+日本温泉蛋+高菜豆腐北海道”帶広”特製嘅燒汁，如果味道膈平時嘅燒汁比，餐廳嘅比較偏甜，但配豚肉同食就剛剛好，相信大人細路應該都會鐘意。當中除左豚肉，仲有椰菜，令口感變得清爽，加左大蔥就吊起左個香味

係香港好少見到餐廳有湯咖喱🤔今次嚟呢間由日本人開嘅小店，主打日式家庭料理🍱豚肉湯咖喱$108//第一次食湯咖喱，原來係好大香料味果種咖喱，但食完唔會口湯🤗材料非常充足！有大量蔬菜同豚肉，送飯一流🤩自家製吉列豬扒咖喱 $128//除咗湯咖喱，仲有日式咖喱🤪吉列豬扒飯非常鬆脆！大大件配埋日式咖喱超級滿足呀🤩好多飯都係套餐，跟一個薯仔沙律同埋飲品！老闆同員工都好友善👍🏻真係由日本人開設架😋抵食又滿足🥰

鰂魚涌打工仔食晏其實都幾艱難，多人就離不開飲茶，就算少人，間間都問齊人未，未齊人sorry....都明既，每間食肆都唔想錯過每一分一秒，唔想位被白坐，還掂都係要齊人，不如去間好味😋性價比高Asiri 係主打北海道菜既餐廳....其實即係日本菜，anyway.....店員有日本人有外國人，裝修風格都幾日式，枱唔算超密，唔介意坐高枱其實幾好夏天manual 有soba/ udo,今次點個炒牛肉soba, 肉就正常似肥牛，但soba 正，前菜都好味，一百蚊左右既午餐set , 配合埋環境，地段及食物質素，是ok 的

食到有啲嬲，lunch嘅時候，已經好多人明明就係我哋嗰台排隊先仲要比前面嗰台。不過唔緊要照樣日，叫咗嘢食， 但係食物質素真係好麻麻，見佢嘅湯咖喱係招牌但係可惜百幾蚊一個餐真係好唔抵。味道好淡，d豚肉好似平時煲完湯啲湯渣既質感好唔掂。下次都係去茶餐廳食咖喱焗飯好過。不過網上睇佢嘅賣相係唔錯嘅，同事食嗰個都覺得一般般，價錢真係對唔住呢個飯。等於平時啲湯飯入邊有啲肉，但係要百幾蚊先有得食嘅話真係好嬲囉，唔會再光顧。

曾經係北海道食過幾次湯咖哩，返到香港念念不忘。 知道香港都有日本人開嘅湯咖哩店， 於是去試下佢。 一間係cwb, 味道很普通。 呢間係鰂魚涌，staffs 幾好禮貌， 日本人老細會問客人對佢地d咖哩有咩comment. 有心做好件事，都會support下。 試左雞脾咖哩， 咖哩味道較淡，香料組合較簡單，重cumin seed 味， 唔係個個中意la. 有instruction教你點食。很貼心

約左中學舊同學食飯，終於有機會試下依間日本菜。我地約左12:45係餐廳等，竟然都仲有超多人排隊，記得要齊人先入得。其實價錢黎講相比起其他餐廳，係偏貴嘅，平均都要$100。因為湯咖哩好似出名嘅，就試左佢地嘅炸魚柳湯咖哩。Lunch set可以自選兩個小食，我地都揀左薯蓉同溫泉蛋，都唔錯嘅。湯咖哩黎到嚕！炸魚竟然浸左係湯入面...快d拎返出黎唔好浸到淋晒！炸魚都幾好味～ 至於個咖哩湯，個人覺得佢太重香草味...蓋過左咖哩味...依個有少少失望...不過配菜特別，有南瓜片、秋葵、薯仔、紅蘿蔔、蓮藕、茄子同洋蔥絲，比起平時咖哩豐富，不過味道就真係唔啱我口味啦！

今日又去釣魚🎣,所以一返工同朋友快快係附近搵嘢食,我就介紹左佢地食lee間北海道湯咖哩小店𥚃面裝修幾清新,d畫好cute cute,之前食聽到d staff都係日文對話,可能係日本人開,不過注意未fact check的🙈佢有set dinner,有嘢飲跟埋,比較特別有green apple tea同peach tea,唔洗加錢個餐跟埋薯仔沙律,日本style嘅薯仔沙律係最好味的,果然好正👍👍我地一行四人,三個人嗌左個湯咖喱雞髀🐔飯🙈朋友話同北海道比,佢比較水同淡,其實我就覺得好食嘅,雞脾又滑,配菜都好多種類得我男朋友好特別咁嗌左湯咖哩豚肉飯,望落幾正咁食完有個日本人行埋黎問意見,最欣賞佢用有限嘅廣東話問,好親切又有禮貌👍👍

第一次品嚐湯咖哩同男朋友係鰂魚涌食晚餐， 係太古坊附近做晚市既餐廳唔算多， 咁岩俾依間北海道料理店吸引左。外觀望上黎好似一間文青風格既cafe 店。而裡面係日系淺木色裝橫，牆上仲畫左色彩繽紛既北海道地圖。係一間好清新而又有日本地道風格既小店。裡面既枱唔算好多，但唔會覺得逼，好舒服。細問之下， 原來依間係由一對日本夫婦開既， 周圍好多枱都係日本人食客，𣊬間仿似黎左日本食野。我同男朋友都有選擇困難症，望左餐牌一陣子，而老闆娘就好親切同我地介紹左唔同特色既餐，佢會話如果想食得健康d可以揀咖哩湯/蔬菜鍋系列， 如果想share 又想飽d 就可以揀吉列豬扒，勁有耐性介紹左唔同系列。最後我地揀左一個湯咖哩同花魚set dinner，配有前菜同飲品。前菜係薯仔泥沙律，有種好fresh 既感覺。主菜係豚肉湯咖哩我本以為係好濃郁既咖哩汁，但原來係好清甜既湯，唔辣，有別一般既咖哩飯。食落去唔會覺得好肥膩。旁邊仲有一張卡仔介紹食法，十分窩心。湯內既配料都好足，有南瓜，茄子，蘿蔔，薯仔，西蘭花等，全部都好淋，連湯一齊飲好易入口。個湯撈飯食，勁開胃，個飯會好快食哂，仲會好想加飯！第二款set係花魚配飯，係是日晚

之前已經見過唔少人講呢間由一對日本人夫婦打理既日本餐廳～ 咁啱小編們前排係鰂魚涌附近搵地方食晚飯 醒起一於就黎試試呢間啦😚_一入門口老闆娘已經好親切咁招待我地 完全係賓至如歸既感覺🥰 我地坐左係吧檯到 一路同老闆娘傾計 得知原來佢媽咪其實係香港人 所以佢都操得一口流利既廣東話😚經老闆娘介紹後 我地最後叫左炸魚柳湯咖喱 左口魚西京燒 同南瓜薯餅黎試～_炸魚柳湯咖喱套餐 $108 🍛日式咖喱就食得多 但湯咖喱真係第一次食！先飲一啖湯... 嘩！好好味呢😭💓 有別於一般日式咖喱 呢個唔會咁甜 反而香料味重好多 同埋帶點微辣 所以零舍香口惹味 而且唔會太鹹 所有味道元素配搭得恰到好處 果然係招牌呢😻😻 然後估唔到連個炸魚柳都有驚喜！炸漿薄身唔油膩 食落非常鬆脆 然後入面既魚柳仲要好嫩滑好鮮甜！係食過最出色既炸魚沒有之一！_左口魚西京燒套餐 $128 🐟另外既左口魚西京燒一樣出色！左口魚本身油脂比較多 所以一食落 成個口腔即刻油香四溢😻 而且燒魚既火候控制得好好 所以保持到肉質鮮嫩多汁！加上香甜既西京燒汁 味道更上一層樓！配上煙韌軟糯既珍珠米食 真係好滋味🤤🤤🤤 對於好魚既👧🏻小編黎講 呢個完全

湯咖喱係北海道札幌嘅名產🍛，2000年代開始係札幌盛行，將日式甜咖喱汁調配成稀湯，可直接飲用或送飯。湯雖稀，但味道濃郁，帶有香草同蕃茄嘅酸甜味，味道同一般日式甜咖哩唔同。 湯咖喱一般同白飯分開呈上，形式類似韓國料理「豆腐泡菜鍋配白飯」。由於湯咖喱熱潮並無傳至北海道以外地區，所以香港人對此菜式較為陌生，今次亦係我首次認識湯咖哩。Asiri 老闆係日本人，老闆娘係香港人，金童玉女，非常相襯。午飯時間都會見到二人拍住上，親自招呼客人。 餐廳牆上嘅壁畫係一幅北海道地圖，顯示着北海道著名景點。旁邊嘅小黑板亦會定期更新北海道天氣，以及札幌球隊比賽成績，字體工整。單靠餐廳裝潢配置就看出佢哋對北海道嘅愛餐盤有提示品嘗湯咖哩嘅方法，好貼心。用餐匙盛湯，感覺到湯嘅質地好似一般老火湯咁流質。驚喜地，味道豐富有層次！先係少少蕃茄酸味，繼而係蔬菜嘅清甜味，最後係香草等香料嘅味道。湯底濃郁而且無味精，飲完都唔覺口渴。餐點包括兩款小食：日式薯蓉同温泉蛋薯蓉用沙律菜墊底，口感軟綿，有少少薯仔粒，保留口感。味道清新、唔太濃，唔怕搶走主角湯咖啡嘅風味。温泉蛋加咗啲啲蔥花做點綴，可配白飯一齊食。1\雜菜湯咖喱素食餐點照顧到

呢度啲員工都幾好，似係日本人，識廣東話但口音唔正環境都ok，坐得幾舒服但食物安全真係有待改善同朋友食左一個咖哩炸蝦飯，飲凍蜜桃茶又叫左個一個炸雞定食，飲凍柚子蜜除左中午食lunch之外我地都冇食過野所以基本上應該唔係其他餐廳有問題我地食完一個鐘就大家一齊肚痛唔舒服原來只係輕微搞肚痛但之後朋友就開始疴我又疴又嘔左幾次味道本來就已經唔算好食啲雞唔滑，炸到好老啲咖哩都冇乜特別依家係連衛生都有問題會食到人肚痛又疴又嘔永久Blacklist