Arte by Padaria

營業中

休息中

今日晏晝專登搭去九龍塘，試吓新進駐Festival Walk嘅「Arte by Padaria」。話晒係過江龍，未入門口已經俾佢個甜品櫃閃盲眼！琳瑯滿目嘅「邪惡系」甜點，搞到人選擇困難症即刻發作。 最吸睛一定係佢哋新出嘅慕絲撻系列，咖啡同黑朱古力味睇落濃到化唔開，仲有開心果味嘅Tiffany藍撻殼，靚到唔捨得食！曲奇控注意啦，特厚4款新口味每塊都「餡」阱重重，咬落去脆皮包住流心，真係「甜到入心」呀～ 當然要試鎮店之寶「鹹甜點藝術品」！法式可頌夾心球外脆內軟，仲有迷你蛋糕精緻到似珠寶。最後揀咗黑朱蜜餞橙慕斯撻同反烤蘋果杏仁撻，前者朱古力同橙香撞出層次，後者蘋果片排成玫瑰花咁，杏仁餡香滑得嚟唔膩，食完成個人「甜絲絲」！ #九龍塘達之路80號又一城UG層M2舖（九龍塘站C出口行5分鐘） #ArteByPadaria

【地道港式食評】Arte by Padaria甜品攻陷九龍塘 今日晏晝專登搭去九龍塘，試吓新進駐Festival Walk嘅「Arte by Padaria」。話晒係過江龍，未入門口已經俾佢個甜品櫃閃盲眼！琳瑯滿目嘅「邪惡系」甜點，搞到人選擇困難症即刻發作。 最吸睛一定係佢哋新出嘅慕絲撻系列，咖啡同黑朱古力味睇落濃到化唔開，仲有開心果味嘅Tiffany藍撻殼，靚到唔捨得食！曲奇控注意啦，特厚4款新口味每塊都「餡」阱重重，咬落去脆皮包住流心，真係「甜到入心」呀～ 當然要試鎮店之寶「鹹甜點藝術品」！法式可頌夾心球外脆內軟，仲有迷你蛋糕精緻到似珠寶。最後揀咗黑朱蜜餞橙慕斯撻同反烤蘋果杏仁撻，前者朱古力同橙香撞出層次，後者蘋果片排成玫瑰花咁，杏仁餡香滑得嚟唔膩，食完成個人「甜絲絲」！

今日中午，我行去達之路80號Festive Walk ，一間叫Arte by Padaria嘅高級餅店買曲奇，以前去過K11買，原來Arte by Padaria已登陸又一城！一去到，就是又一城溜冰场旁边，就聞到陣陣香甜嘅味道，好誘人。我揀咗Lotus焦糖合桃曲奇同埋朱古力布朗尼軟心曲奇。焦糖合桃嘅味道好濃郁，焦糖嘅甜同合桃嘅香脆配合得好完美，咬落一口，幸福感滿滿。朱古力布朗尼軟心曲奇就更加正，朱古力味濃濃嘅，軟心部分好柔滑，喺嘴裡慢慢融化，好滿足。我仲想再次再買多幾盒帶返屋企比家人享受，實在太好食喇。

我嘅至愛💗Arte by Padaria繼Harbour City同K11 Art Mall分店，最近再擴充至又一城喇，🚈港鐵九龍塘站C出口，步行約5分鐘即到，交通非常方便😘！Arte by Padaria最近就推出咗幾款新式甜品🍰包括創意慕絲撻、曲奇🍪及法式可頌夾心球。今次我就試咗佢哋嘅主打香港首創「鹹甜點藝術品」法式可頌夾心球，賣相好吸睛👁️，真係震撼咗我嘅眼球，當然要買嚟試下啦！呢度有多種口味，包括伯爵茶芒果🥭可頌球、流心黑朱古力🍫可頌球、香蕉🍌肉桂朱古力🍫可頌球、瑪德蓮菠蘿可頌球、鹹蛋可頌球、X.O醬可頌球、肉桂蘋果🍎可頌球及紅絲絨杏仁可頌球等，真係選擇多多，總有一款啱你口味🥰！今次我就試左賣相鮮豔嘅紅絲絨杏仁可頌球💕，食落去外層嘅可頌酥皮，鬆脆煙韌。中間瑪德蓮蛋糕🍰，軟滑細膩，加上帶流心嘅夾心餡料😋，口感豐富得嚟，又有多種層次，味道一流😍！呢個首創產品真係好特別💖！📌香港達之路80號Festive Walk UG層M2舖

Arte by Padaria 嘅分店愈來愈多，最近係九龍塘又一城都開左👍🏻 最鍾意佢地嘅創意慕絲撻系列，用上多種極受歡迎嘅水果同堅果作主調🍌 6款口味以「浪漫」嘅法式甜點風格裝飾，視覺同味覺多重享受😎🔸 榛子朱古力蛋糕榛子同朱古力一向係好夾👍🏻 唔會太甜 好好味，好似雲石紋圖案嘅外層，用左黑朱古力🍫 入面係口感極幼滑嘅朱古力慕絲，上層仲加咗少少金箔，整體感覺好奢華😍 朱古力控一定要試試🔸 法式反烤蘋果杏仁撻 依個甜品嘅造型實在太吸睛👀大大都紅色玫瑰 真係好靚好精緻🌹 中層係蘋果粒果凍，口感好清爽，最低層係朱古力杏仁餅底，口感好豐富👍🏻

Arte by Padaria繼Harbour City & K11 Art Mall分店，再擴充分店，今次去到又一城，證明真係好食😋主打精緻創意慕絲撻，今次見到呢兩款，鍾意朱古力嘅朋友一定要試下：🌰榛子朱古力迷你蛋糕外層係朱古力脆皮，香濃朱古力味道，帶點黑朱古力嘅回甘，頂層係朱古力慕絲，好細滑，上面有幾粒榛子，不同口感層次，還有小許金箔裝飾，令蛋糕顯得更高貴。☕咖啡朱古力歌劇蛋糕呢款蛋糕外表已經好吸引，上面有一朵鮮紅色的玫瑰花朱古力及小許金箔裝飾，好似藝術品一樣。再有一層層的朱古力咖啡慕絲及蛋糕，朱古力和咖啡嘅味道非常夾，一試難忘。除咗慕絲蛋糕佢哋仲有創意曲奇及香港首創嘅「鹹甜點藝術品」法式可頌夾心球，都好吸引，每款都有唔同嘅味道，例如：開心果抹茶白朱古力曲奇、朱古力布朗尼合桃曲奇、肉桂蘋果可頌球、鹹蛋可頌球、黑朱古力流心可頌球等等，下次要再試下。

《Arte by Padaria 》主打高水準法式西餅。平時最鐘意呢度d 慕絲撻，既美觀，又美味。今次嚟買左:✨️藍莓杏仁慕斯撻大大粒嘅藍莓多到堆成小山丘放在撻上，粒粒新鮮多汁。上面仲有小白花和雨點做裝飾，十分美觀，打咭一流。再配合淡淡杏仁味慕斯撻，味道匹配。切開撻中，內餡仲有驚喜 ~ 甜甜流質藍莓醬，滋味無窮。✨️棒子朱古力迷你蛋糕雲石圖案簿朱古力包著海線蛋糕，上面有數粒棒子 和 金薄，富有華麗貴氣。內裏仲有微甜嘅朱古力慕斯，口感 Creamy 和 滑溜。📍九龍塘 又一城UG M3鋪

之前係i Harbour City 同 K11 Art Mall見過分店，最近係又一城開左新店有好多款新野，包括慕絲撻/曲奇/可頌夾心球，仲有限定優惠，買可頌夾心球可以半價選購慕斯達，最尾揀左好耐試左兩款慕斯撻慕斯撻大部分都係水果同堅果主調，有6款口味，個樣勁精緻，視覺、味覺都得到滿足😍藍莓杏仁慕絲撻面頭有大大粒藍莓堆到山咁高，再加幾朵有白色菊花同雨點裝飾，賣相好吸睛，切開入面仲有藍莓醬，整體酸甜開胃，食得出係新鮮藍莓製作，加埋牛油味好重既撻底好好味😍青檸慕斯達克瓦兹撻呢個撻層次好豐富，一共有四層夾心，第一層係忌廉同青檸醬，中間係青檸慕斯，下面係椰汁層同椰絲，最底層係椰蓉，整體酸同甜度岩岩好，加埋椰子味更加增加口感🥰

店內的經典香蕉太妃批，一口下去，濃郁的太妃糖香氣率先在舌尖散開，甜而不膩。香蕉的軟糯與太妃糖的醇厚完美融合，蛋糕體濕潤綿密，每一口都充滿著紮實的幸福感。 士多啤梨杏仁慕斯撻同樣驚豔。酥脆的撻底，輕輕一咬便發出美妙的聲響。細膩柔滑的杏仁慕斯，帶著淡淡的堅果香，與新鮮多汁的士多啤梨搭配，果香與奶香交織，口感豐富有層次，從清爽到濃郁，在口腔中演繹出一場精彩的味覺盛宴。 這家店不僅甜品美味，店內環境也十分溫馨舒適。店員服務熱情周到，讓人倍感貼心。

最近發現左Arte by Padaria响又一城開咗新分店呀🤩作為佢哋嘅fans，當然要去試吓啦！今次買咗兩個蛋糕番屋企🥰，分別係青檸慕斯達克瓦兹撻同熱情果杏仁慕絲撻青檸慕斯達克瓦兹撻有青檸既香味之餘，又有有少少椰絲味，口感好特別❤️熱情果杏仁慕絲撻鍾意食帶酸嘅甜品好推介！佢中和咗個撻既甜味，食落酸酸甜甜好好味佢哋啲蛋糕真係做得幾好，味道唔會太甜，而且造型又唔錯，就算放咗兩日都完全無損佢嘅味道呀。

之前在尖沙咀K11買到這間Arte by Padaria的蛋糕，很好味！今日來到又一城，原來這裏也新開了一間分店，忍唔住又買了這裏的產品。今次我想試試他們的曲奇及法式可頌夾心球，呢兩樣食物都有好多款選擇，創意曲奇有八款口味，造型特大，而法式可頌夾心球，我一直想試呢！🔸開心果抹茶白朱古力曲奇香濃開心果碎與清新抹茶粉完美融合，白朱古力的甜絲絲柔滑，曲奇酥脆，讓人回味無窮。🔸流心黑朱古力可頌球外層酥脆，層層可頌麵皮裹著濃郁黑朱古力，甜度適中，喜歡吃黑朱古力的一定不能錯過。

[✨Arte by Padaria💝]最近發現左一間幾高質嘅蛋糕甜品店 - Arte by Padaria🫡佢地提供嘅甜品無論係味道定造型都好出色，全新推出創意嘅慕絲撻系列用上多種極受歡迎的水果及堅果作主調，六款口味以「浪漫」法式甜點風格裝飾，今次我地就試左藍莓杏仁慕斯撻 & 經典香蕉太妃批🥰💝經典香蕉太妃批手工朱古力撻底好酥脆，朱古力味仲要好濃郁；配搭高高嘅焦糖奶油山，仲要內藏香甜新鮮嘅香蕉片，無論係味道同外表都好有層次感👍💝藍莓杏仁慕斯撻🥳係深藍色果莓上面有一朵細細嘅白色菊花點綴，感覺好精緻好突出；新鮮藍莓大大粒又juicy，結實飽滿口感柔和，酸酸甜甜咁好開胃；撻底一樣好酥脆，勁好食💯📍Arte by Padaria🏠九龍塘達之路80號又一城UG樓M3號舖

精美造型蛋糕❤️Arte by Padariaʕ๑’ㅅ’๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡Arte by Padaria擴充至又一城都有分店啦🍰主打法式可頌夾心球、各款造型蛋糕同全手工曲奇✨▪️咖啡朱古力歌劇蛋糕🖤蛋糕造型超精緻 有朵玫瑰花係面用嚟打卡真係夠晒靚🌹而味道方面都有濃郁嘅朱古力同咖啡香味☕️甜度適中 蛋糕都非常之鬆軟✨▪️抹茶紅豆麻糬曲奇💚創意曲奇系列一共有8款口味！我就揀咗經典配搭抹茶紅豆🫘特厚x特大曲奇真係好正🍪好鍾意佢入面嘅麻糬超煙韌！買返嚟做下午茶真係一流✨⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 📍 Arte by Padaria香港達之路80號Festive Walk UG層M2舖（港鐵九龍塘站 C 出口）

今日行街發現Arte by Padaria 繼Harbour City & K11 Art Mall之外，喺又一城都開左新分店，尼間嘅法式甜品全部都超級精緻，今次試左佢地用水果同堅果做主調嘅創意慕斯塔，估唔到味道都好有驚喜，真係視覺加味覺嘅雙重享受✿ Classic Banoffee Pie尼款塔味道同外表都好有層次香蕉同Toffee嘅味道好夾一啖可以食到綿密嘅Cream、香甜嘅香蕉、酥脆嘅朱古力撻底✿ Hazelnut chocolate cake係朱古力控唔可以錯過嘅一款甜品外層嘅朱古力好似雲石咁靚入面嘅慕斯口感幼滑仲有金箔點綴 真係超級細緻

融合藝術創意的餅店-Arte by Padaria，除了出售外觀精緻的慕絲達外，還有多款口味的全新法式可頌夾心球和曲奇及特色蛋糕。二月份更推出全線限定優惠，凡購買任何可頌夾心球可以半價選購慕斯達。我也把握這個機會到位於九龍塘新開的Arte by Padaria購買慕絲達和可頌夾心球。上次品嘗經典香蕉太妃批和士多啤梨杏仁慕絲達，留下香甜美味的回憶。今次選購藍莓杏仁慕絲撻、香橙朱古力慕絲撻和伯爵茶芒果可頌球。藍莓杏仁慕絲撻：大大顆藍莓一層層地堆疊著，有一小朵白色菊花和雨點狀作裝飾，賣相非常討好。藍莓山下隱藏著酸甜的藍莓醬，與下層鬆脆撻皮一同吃，有不同層次的口感。香橙朱古力慕絲撻：店員表示這款慕斯撻用黑朱古，不會太甜。上層黑朱古力cream 與下層橙肉混合，清新中帶點微甜，非常喜歡。喜歡吃朱古力的你不要錯過這款甜點。👍😋伯爵茶芒果可頌球：被可愛的可頌球吸引，趁今次優惠便決定買來吃。店員推介喜歡飲伯爵茶的人，也會喜歡這款可頌球，於是我就買下來。把酥脆可頌球切開，內裡散發著伯爵茶香氣瑪德蓮蛋糕和芒果夾心配料，層次豐富，味道也不錯。