Amour Cafe

營業中

休息中

今晚去完廟街夜市之後，就係佐敦搵飯食，無意間發現咗呢一間西餐，佢係喺舊址度搬過嚟，以前都食過幾次。封門牛柳配薯角伴紅酒汁🥩🍷牛扒生熟度剛剛好，肉質嫩滑紅酒汁甜甜地，用嚟點牛柳都幾夾蘑菇煙蠔意粉🍝都算大份同埋多餸，係我好多年前食開嘅口味，充滿着回憶嘅味道最後梗係唔少得甜品，甜品佢有兩款，有吉士蛋或者芝士餅，我全都要，一次過試晒兩款味道。個人嚟講，覺得吉士蛋淡淡地，幾香蛋味，但係略嫌啲焦糖汁唔夠甜。另外芝士蛋糕好香濃，個人意見覺得芝士蛋糕比吉士蛋好味。

去剪頭髮之前要醫飽肚仔先，就入了這間Amour Cafe; 這店搬來了現址，亦已幫襯過幾次。可是，今次真是徹底的失望。當奉上這個日式豬扒，－看様子心已經涼了一截，豪不吸引；吃一口飯，竟然是凍的！切開豬扒吃了一啖，感覺就是無味且乾，點－下所謂的神秘醬汁，亦不甚特別。心想真是被騙了…. 仲要是特意行過來食的😔還好，杯咖啡是正常的😅🫣以前的食物好食好多，感覺是用心準備 ，但今次的食物真是－般過一般，不知是換了廚還是什広原因呢😒😒

佢張相上面明明寫住自己係八點半後七折, 後來原來佢話只係加配嘅東西先有七折其他餐全部沒有七折, 做咗豬!廚房唔閂門跟住嗰啲油煙味係咁攻出嚟但係嗰啲米蘭豬扒幾好食, 佢嗰啲意粉嗰啲蒜蓉, 我上次喺度叫外賣嘅時候佢落咗勁辣嘅勁多嘅蒜蓉汁搞到好辣嘅蒜蓉味嗰個餐牌上面明明寫住番茄銀魚意粉但係佢冇魚淨係得雞髀菇.嗰啲湯好似狗糧咁嘅味道, 薯仔配搭起白湯簡直係令到嗰啲湯好唔滑好多渣, 仲要用杯裝, 好奇怪吉士蛋嘅味道好. 

平時想食豬扒意粉就會黎呢到 點知見佢執左 以為無得再食🥲點知上次同朋友傾開 原來搬左鋪去左南京街😂新鋪闊落左 走工業風格 雖然係彌敦道附近 但係環境好寧靜 食客們都唔會好大聲傾計 坐得幾舒服👍🏻👍🏻見今日有時間 就即刻過黎拜會下🤭下午茶餐的大大塊豬扒 醬汁加左勁多原粒蕃茄既茄汁意粉 下午茶餐賣緊$37-$42 包一杯飲品 仲要唔收加一 杯咖啡仲要好香滑 搬左新鋪都無加價 難得的快餐店 抵食過好多茶餐廳👍🏻👍🏻

今日去佐敦上攝影治療全日堂，放飯既時候落住大雨，幸好今朝一早睇定課室附近有咩食，就過左對面街既餐廳午餐。鋪頭亳不起眼，外面睇因為係咖啡色窗身，讓人有錯覺地感覺無營業，要行到餐廳門口先知佢係咪營業。😆餐廳係屬於西餐廳形式，不過佈局就好似茶餐廳，但係價錢亦都好親民，同老闆娘講起先知道原來餐廳開業左二。十。一。年！😱餐牌佈滿牆身，今日就點左是日套餐P1-磨菇鮮蠔意粉試試。意粉乾爽無過淋，落左蕃茄火腿鮮蠔仔洋蔥塊加蕃茄醬炒，蕃茄味濃蓋住成碟意粉，而且份量以呢個價錢來講相當充足，好肚餓既我食到成碟清，認真好好味。😋😋加左三蚊嗌左杯熱朱古力咖啡，感覺一般般過得去，面層泡沫好厚，味道可以接受，無太大既驚喜。跟餐嗌左呢個布甸蛋不得了！吉士蛋用焦糖淋面，苦味突出甜味，有層次，為呢餐畫上完美既句號。80零蚊有野飲有主菜有甜品，你仲想點💖👍

午飯時間經常幫襯，各樣食物都係正常發揮，呢個價錢有湯、主食、飲品、甜品真係抵。最鍾意食佢既雞排，煎到脆皮但又唔太咸（雖然可能有人嫌少許淡），同事就最鍾意食米蘭豬扒。甜品吉士蛋真係食得出係自家製，唔係太甜啱我口味。最鍾意間餐廳細細老闆二人處理哂，手腳唔係最快、落單可能會有錯，但食餐飯有人同你真心微笑多謝係無價。試過中午時間同同事黎仲可以whtsapp餐牌落單先，係方面客人既貼心服務。一定會繼續支持呢間小店💪

人情味的小店係我同朋友的favourite 呢間舖已經係佐敦區20年有多今日一食 十分有SURPRISE華多夫沙律酸甜開胃 好FRESH青蘋果🍏絲剛剛好 加埋個SAUCE 同提子🍇中和返工的累斧頭扒媽～～完全係誠意之作1）份量好足 （好啱打咭）多到打包走2）食完係完全唔油 仲要好鬆化 （好似上個月係灣仔某H字酒店食的）3） 連配菜都做得剛剛好 薯角脆 紅蘿蔔香 沙律FRESH🤤🤤TIRAMISU又係女仔至愛。同朋友掛住食唔記得影我覺得可能呢間小店裝修係簡約D但想食得好又唔想太浪費錢呢度係幾好

其實呢間cafe仔係佐敦好多年食物質素同環境明顯搬新鋪後好左好多尤其晚市比較高質素 有水準唯一美中不足就係冇招呼如果係午飯時間幫襯簡直係貼錢買難受有位上年紀既收錢阿姐次次都好冇禮貌咁呼喝落一個餐佢要重覆問你四五次但係都仲會出現落錯單既情況相信幫襯開既客都會有同感如果呢點改善到就會好好多順便一提 佢地有d甜品 芝士餅 吉士蛋本身都做得唔錯但係近兩個月 明顯每況愈下可能轉左甜品師傅同之前食開好有出入倘若要加錢先有甜品個人認為唔洗加錢試

叫左3号雞扒餐，雞扒調味時間應該唔夠，咬落去一啲味都冇，從來都未食過冇味嘅炸雞扒，食咗一啖原块攞走，好彩個面汁唔錯，大熱天時間鋪唔夠冷氣，食到大汗的細汗，好難有下次

都唔知食咩好周圍行吓，見到呢間門面都唔錯，就去買個外賣試吓先叫咗個蘑菇煙蠔意粉，整體味道還可以，蠔仔份量都足夠呢個吉士燉蛋幾好食，唔會話太甜，幾有蛋味，調味料唔多證明材料都新鮮凍朱古力都衝得幾好飲，唔會太稀

朋友極力推介，我不妨試一試，反正在尖沙咀午餐價錢很貴，所以由尖沙咀公司步行到佐敦。行到南京街差唔多到街尾，有一間外表平凡的一間餐廳，拉開趟門，簡簡單單的餐桌，是舒服嘅，不過冷氣唔係好夠😅開始我嘅午餐啦1) 薯仔忌廉湯2) 煎雞扒煙肉香辣長通粉3) 凍檸茶4) 燉蛋布甸味道方面，香辣長通粉用了小辣椒仔帶出辣味，味道不錯，最欣賞就是燉蛋布甸，不會太甜口感不錯，哩個set盛惠$79，已經可以有飲品+甜品，讚份量足夠。支持小店

幾年前朋友帶我們到舊址吃了幾次，當時店面有茶餐廳的感覺，絕對想不到能做出精緻又高質素的西餐廳，十分驚喜！晚餐的價錢一般都不高過$100，卻又包含餐湯﹑餐飲及甜品！知道他們搬遷了，首次到訪新店，雖然離舊址不遠，但新店位置較隱蔽，附近亦沒有其他食肆，要專程到訪的有心人才能找到呢不過新店的店面較寬闊，座位多了亦坐得較舒適～今次我們一行四人前往，共點了三款意粉餐，加了每人一件的羊架，結賬也只是每人$96!先來的是薯仔忌廉湯，因我們只有三個餐，額外加了一碗。與一般的港式西餐白湯不同，這是非常濃厚的薯仔湯，像是將整個薯仔都煮溶了～略嫌用餐當天調味重手了少許，有一點偏鹹再來是主菜——意粉的部份，辣蕃茄意粉沒有想象中的辣，反而蕃茄的酸味更重，非常開胃配料有大大塊的雞扒，肉質嫩滑不會煎過火；另外還配上大大塊又多汁的新鮮蕃茄，以及少許煙肉片帶出鹹香味。這道一上桌時，大家都被大大顆的牛柳粒吸引住！意粉汁非常好吃，芝士味會慢慢滲出來，但又不會過膩，只可惜這道的長通粉份量比剛才蕃茄長通粉少，有點不夠喉牛柳粒大顆之外煮得剛剛好，不會過韌，調味適中，還能保留牛肉香味。整體來說這道是下次再訪必定會再encore的款式

今日Lunch比較餓，食多少少🤏疫情關係，我已經好耐冇黎呢度堂食了！米蘭雞扒番茄長通粉$7x雞扒超大塊，米蘭煮法同一般嘅炸法唔同，外層香脆，肉質亦都比較保持嫩滑！長通粉口感正常，番茄汁正常發揮！薯仔忌廉湯算幾重忌廉味架！飲落口係比較杰身！味道幾好的！芝士餅搬咗鋪之後都未食過佢芝士餅，今次食好似冇以前咁甜！質感唔係實的的個種，餅底做得幾好！熱檸茶檸茶就普通，反而要提一提呢度嘅咖啡係幾唔錯架！呢餐真係夠晒飽🙉

已經幫襯過多次，會繼續支持。頭號推介米蘭豬扒蕃茄意粉頭。其煮法不油膩，食落香脆富有芝士味道，意粉唔會太淋入口口感啱啱好，蕃茄汁加入少許蒜頭，味道帶起了蕃茄嘅味道。豬柳醋意粉，此意粉味道特別，唔會太油膩，令原本我唔太鍾意食豬肉都覺得可以再試一次。此店CP值很高，只是70-80元便可order 一個餐，有湯，有甜品，仲有餐飲。正。薯仔湯有薯蓉加碎粒煙肉。甜品又有芝士餅或吉士蛋，仲有飲品。一間小店有如此食物質素值得支持。當然值得一讚係老闆嘅待客態度。

行過佐敦，朋友介紹呢間食意粉嘅小店。裡面職員好親切，午餐都抵食，今次點了 “奶油蘑菇煙鴨胸意粉”，好香濃的奶油味，沾滿每一條意粉，好味！另外加配芝士餅，朋友就試吉士蛋，我個人就鍾意芝士餅，加$9抵食。