Amazing

營業中

休息中

一直喜歡城景酒店大堂餐廳的環境，地方寬敞、寧靜，是與朋友聊天的好地方，沒有一般餐廳有時限，而服務員很有禮貌，不會在你身邊走來走去，催逼你下單或埋單。看見openrice 有65折，相約了久違的學生，一齊去試食，果然沒有失望。青木瓜沙律，味道清淡，木瓜絲略硬，但仍算是不錯的沙津前菜。豚肉碎生菜包，生菜十分新鮮，豚肉碎加了適量的金不換及辣椒，十分惹味，配上清新的生菜，超好味！本以為是前菜，分量不多，沒想到食物的量比預期的多很多。原意是想點半隻海南雞，但來了一套海南雞飯，幸好錯有錯著，海南雞飯配來的湯，湯味濃郁，十分美味。同時，雞肉嫩滑，分量也不少。雖然，雞油飯分量少，但飯香卻令人回味，正合少食多知味的道理。在那坐了3個多小時，全單只花了$253，超抵、好味的一個黃昏餐。

買一送一放題ok 喎 份量雖然很少，但可無限加單，反而少食多滋味服務態度比預奇好，漏單亦會立即跟進。甜品出乎意外好味！必食芒果糯米飯，榴連pancakes 同 Movenpick 雪糕

諗住可以新年嚟同朋友食好少少，又見佢做緊買一送一優惠就嚟試下。一入坐又限時兩個鐘，又一張紙只可以點5樣野都算！點知坐嚟度等成個鐘一碟野都上唔到！仲要刺身都上唔到！仲要無人嚟解釋發生咩事！有其中一枱客又係咩都無食話要走，仲要比個staff話「走就報警！」我咩都無食等咗成個鐘究竟點解要比錢？最後有兩個阿叔發老脾走就先比啲客走！係成層客走晒因為無人有食過任何野！點解可以成個鐘一個人都食唔到野？絕對唔會再返嚟！

冇樣野夠熱，有部份食物咸到你根本冇辦法食，$261連加一話貴唔貴，但得一兩樣野叫好食D，叫個椰汁糕，但係三舊有一舊係變咗，唔會有下次本身係送半磅生日蛋糕，但又冇送，提都冇提，話比佢知D甜品壞咗變味，佢話咁我叫下廚師試吓先，sorry都冇句，態度麻麻，唔值得再去

看之前的餐牌以為有蟹， 三個湯， 等等。 不要上當了。 238+10%， 飲品還要加58元的. 湯是微暖， 其他食物偏咸。 水果都没。 甜品4款。 烤蝦霉的， 不新鲜。上菜速度可以， 但有漏單。 還有， 很多菜式已用上蝦仁， 不是整隻蝦。 咖喱蟹已没有餐紙上。 失望。 天氣熱不想找其他地方了。 就中伏了。 台與台太近， 鄰桌六個人其中一個女仕由頭到尾説話大聲真無品。 地方少， 没轉台可能了。 以泰式做主题真的不合格。 冬陰功湯得個咸字。 可以skip 佐這一家。

五知係咪因為疫情原因，所有菜式都是放題形式剔紙畫既，但係放題最怕無人招呼整間店明顯人手不足，叫好耐都點唔倒一次餐。 上菜速度亦慢，分量好細好細。重點係味道大部分都唔係正宗，好期待既串燒都好乾。唯一生菜包同甜點做得比較好。冬陰功湯得個酸字，其他菜式亦無特別。應該不會再光顧了當日亦無心情影相

今次第一次試任點泰菜晚餐,  我們被安排坐卡位, 環境舒適,  樓底又夠高, 一入坐, 服務員便很快的說: 「甜品和(忘記了什麼) 寫數目, 其他 tick 便可以, 而且可以tick 不只五款食物。」 見點餐紙, 便發現無了肉骨茶 ( 因為睇過openrice 的相片),  沒所謂啦, 一開始時總是興奮地落order 的, 而且上菜很快, 但有些食物有嚟, 有些無嚟, 有些遲嚟, 攪到好亂......我們沒有每樣都試,  其中, 空心菜很不錯, 可惜order 第二次, 無嚟。囝一開始便order 白飯, 到差不多夠鐘, 都無嚟, 我便開口問, 於是夠鐘時才嚟, 囝照吃了幾口。花膠蟹肉羹 : 吃到花膠。冬陰功湯 : 太酸 (老公意見, 我沒試)。豚肉碎生菜包 : 豚肉碎太辣。沙爹牛 : 不吃也罷。串燒鮮菠蘿 : 不是串上, 很 juicy.炭燒薄牛扖 : 不夠熱。海南雞 : 夠滑。黑毛和牛粒 : "鞋口"牛肉湯河 今次第一次試任點泰菜晚餐, 我們被安排坐卡位, 環境舒適, 樓底又夠高, 一入坐, 服務員便很快的說: 「甜品和(忘記了什麼) 寫數目, 其他 tick 便可以, 而且

日式放題食得多，泰式無試過，叫埋d同事一齊試吓啦，無諗過咁伏。因為book咗8:30，一坐低已好肚餓，係咁tick咗好多食物，一次過嚟咗好多嘢，但一夾落口就... 沙律既蘿白無切過，好似泡菜一塊過，味道就唔駛係講，真係形容唔出咁難食...蝦餅又係從未遇過，超薄，無厚度唔彈牙，我問d friend乜慳本可以慳成咁，將d餅一開二，佢地話好明顯係d凍肉鋪買既雪藏貨...沙嗲、蟹肉羮、炒雜菜、咖哩，仲有好多好多，根本唔係你一般喺出面食到既味道。個個每一樣嘢放內口，都不由自主驚嘆「好奇妙既味道，形容唔到... 你自己試下啦...」正常既有生蝦、燒波蘿、炒通菜、燒原隻魷魚、各款甜品。我同另一個同事都係生日月嚟食試吓，好彩唔係正日嚟celebrate，唔係肯定勁嬲。

食物質素差，環境也舒適，唯一可稱讚的員工服務態度非常好，四五個員工照顧二十幾張枱嘅顧客，又要落單又要執枱又要在廚房取食物上菜（像日式放題落order叫食物）態度很好👍🏻值得一讚

今晚同女朋友來晚餐，見酒店做咁優惠，咁我哋就試吓呢一個泰式放題啦。我哋滿懷期待，一坐低左叫咗啲小食前菜咁樣。第一輪嚟嘅係煎蝦餅，煙三文魚沙律，泰式生蝦。嘩！啲蝦餅一食落去就知係街邊買返嚟嘅急凍貨，炸返熱俾啲客食。諗住可能係呢一樣唔好食姐，即刻再試吓個生蝦同埋煙三文魚沙律啦，一食，正！兩樣都係室溫。食到呢度我都唔敢再抱住就希望㗎啦，但特登嚟食放題，連lunch都冇乜食嘢，真係好肚餓，咁就再叫啲熱嘢食。。。。我都唔想浪費時間形容啲食物，大家直接睇圖。我只可以話比大家知， 成餐最好食嘅就係蒜蓉包，因為佢係熱嘅。

疫情影響都好少一家人出街食飯，最近情況有點好轉所以就一家大細出去揾食。諗起之前去過Amazing食tea都好有水準，今日再去試下泰國菜，晚上餐廳滿座，職員都好熱心招呼。睇見餐牌食物選擇都好多好豐富，任點任食晚餐當然要食盡佢。前菜泰式鮮蝦刺身🍤、炸蝦餅、焗蟹蓋🦀、酸辣鳳爪⋯十足泰菜味湯類有驚喜除咗冬陰功、肉骨茶，仲有花膠蟹肉羹⋯讚👍🏻👍🏻👍🏻冬陰功～酸酸辣辣足料夠開胃😘泰粉絲原隻大虎蝦 ～ 粉絲好入味泰式鹹豬手 ～ 食落軟腍腍，入味又有骨膠原泰式海南雞 🐥～ 雞真係好味，好嫩口，雞皮唔會覺得肥沙爹、串燒、咖哩應有盡有真心值得推薦的餐廳，感覺大廚好用心去諗每度菜式。

滿心期待來到，但食物種類與月初的食評已有點分別，亦沒有頭盤。生蝦不太新鮮，最重要的沾醬汁淡而無味。蝦餅是來貨再翻煎，油膩不彈牙，死死實實的。酸辣鳳爪完全只是形似，但不入味。冬陰功是偏酸果種，每碗内有一隻雪蝦。串燒無論是雞/牛/豬，都是過度使用鬆肉粉，阿婆無牙都食到，最失敗之作。青咖哩海鮮薈，比茶餐廳還要差。串燒虎蝦中規中矩，唔算大隻，無論寫幾多隻佢哋只係會跟人頭每人比一隻。燒魷魚：連薩利亞都比不上。燒菠蘿、和牛粒、甜品、羊鞍：正常總括而言，完全唔似食緊泰國菜，只係個菜名同埋部分食物嘅賣相似，但所用香料同烹調方式都一定唔係出自泰國廚師。很失望，差不多每款菜都沒有再翻點，未夠鐘就結賬離坐了。

200蚊位，另外加一，其實都唔應該抱太大期望，但有以下嘅要點畀大家參考一下：1）menu話係虎蝦，但只係普通嘅蝦。2）大部份嘅板燒食物都冇咩味道，或係同一隻味，亦無醬汁跟。某啲食物重燒燶左少少。3）個pad thai係全晚最難食嘅嘢，建議唔好叫以免浪費。4）蝦餅唔好期望係坊間漲卜卜手打果隻，似係機整，扁平平嘅，唔彈牙冇肉汁。5）個放題唔包餐飲，只有杯香茅菜做welcome drink同白開水。6）芒果糯米飯連新鮮芒果都冇，個人覺得不如唔好提供。7）餐廳人手似乎唔夠，但睇得出服務員已經好努力同加快手腳。要推介嘅話，個人覺得以下嘅食物ok:1）泰式活蝦刺身：回本之選，同出面食到嘅無分別，都新鮮爽口，挑清蝦腸，只係無苦瓜配搭。2）蝦春卷：夠脆口，餡料蝦肉充足。3）釀蟹蓋：細細隻，但釀滿蟹肉同蝦肉，面頭芝士都充足。4）蒜蓉飽：香脆，裡便鬆軟，正常發揮。5）羊仔鞍：好大件好厚，燒得啱啱好，約8成熟，唔羶，但冇汁點，可以問侍應要薄荷醬。6）布甸杯：尚算香滑，有奶味。總括而言，真係想食泰國菜嘅，都係正正經經搵間餐廳散叫啦。

泰國菜一向都受香港人歡迎， 生日月家人請我到油麻地九龍窩打老道23號的Amazing慶祝生日， 上年來過一次吃泰菜， 印象非常好。 原來今次是放題形式， 每位$200， 兩個鐘頭任食， 枱上有一份餐牌已經包括所有任食的菜式， 跟店員落單就可以。先來一碟頭盤按人頭計， 頭盤有泰式生蝦刺身， 煙燻三文魚牛油果沙律， 金不換芝士焗蟹蓋和糯米釀雞翼。 生蝦鮮甜爽口， 三文魚牛油果沙律新鮮開胃， 焗蟹蓋質感太散， 糯米釀雞翼帶點微辣夠惹味。食完頭盤之後， 試了不同種類的泰菜， 泰式花膠蟹肉羹， 冬陰功， 肉骨茶， 柚子沙律， 炸蝦餅， 豚肉碎生菜包， 板燒原隻魷魚， 燒原條龍利魚， 串燒有機海虎蝦， 串燒菠蘿， 黃咖哩雪花蟹腳， 和風蒜片炒黑毛和牛粒， 泰粉絲原隻有幾大虎蝦煲， 炭燒薄牛扒， 泰式鹹豬手， 蛋包雜錦海鮮炒金邊粉， 蒜蓉包，煎薄餅。 最後甜品有金箔榴槤冰皮卷， 芒果糯米飯， 椰皇鮮奶布甸杯和 彩虹千層糕。 泰式花膠蟹肉羹～ 偏鹹， 花膠有幾粒都算真材實料。冬陰功～ 不太辣， 酸酸辣辣的幾開胃。肉骨茶～ 味道普通， 肉骨茶味太淡。柚子沙律～ 柚子酸酸甜甜幫助消化。炸蝦餅～ 炸得香脆好

得知呢間泰式餐廳首次做放題兩小時, 而且價錢亦好吸引所以就一於網上booking 嚟朝聖!未夠鍾都可以安排入座睇住 menu嘆住杯香茅茶, 夠鐘落order 急不及待地揀食乜,但每次只可 叫五款食住先 咁就先嚟糯米雞翼 生蝦 炸蝦餅 等等。不過餐廳都幾細心,每位入座後都會有一碟大會指定食品畀大家食住先。包括有糯米雞翼煙三文魚卷 釀蟹蓋 及泰式生蝦! 不過個人覺得糯米雞翼啲糯米有些少失望因為我個人鍾意食煙韌的,但欠奉。之後陸續都嗌得好多款式： 有 燒海蝦 粉絲蝦煲 雜菜煲 蝦春捲 海南雞 粒粒牛柳 咖哩蟹腳 數之不盡!不過我個人唔會推介咖哩蟹腳因為我食落有些少鹼水味 ,希望大會下次有改善啦! 最後就 叫埋 甜品合共四款都嗌齊曬 ：包括有三色糕 芒果糯米飯 冰皮榴槤pancake 燉奶布丁! 但係三色糕 及芒果糯米飯都係有少少失色 ,食落糊口 ,問題都係唔煙韌!總括每位＄200連加一都有差不多五十多款任君選擇尚算抵食,另外每位加＄59蚊就可以任飲紅白 啤酒及汽水!