Amaroni's New York Italian Restaurant & Café (又一城)

營業中

休息中

今天路過九龍塘，把心一橫去又一城找吃。Little Italy 是過去常去的餐廳，使人懷念，就過去懷舊一翻。點了海鮮意粉，已經沒以前大碟的震撼感，而味道雖然是可以的，但對比其他新開的店，略嫌遜色了。 炸海鮮拼盤，魷魚，薯條，軟殼蟹，不過不失，不會再有驚艷，而性價比不高，不推薦。tiramisu 是傳統的意大利做法，咖啡味濃郁，濕濕的，但偏甜，適合重口味的朋友，是可以一試的。最後不得不感概一句：真的舊歡如夢😌😌

對上一次黎已經係好多年前既事，是日平日lunch黎到又一城，見到呢間久違既餐廳就入左座。 Lunch set 包前菜（湯/沙律），主菜及一杯咖啡或茶。 意式雜菜湯：味道不過不失 意式千層肉醬麵$138：焗得唔會好乾亦入味，蕃茄醬好足料，但味道略嫌唔夠濃郁，偏淡。 火箭菜牛肉通粉$138：味道不過不失，牛既部份煮得好淋軟，係加分位。 至於凍檸茶既茶味亦不夠，有少許失望... 兩個人最後連加一埋單共$304。 PS： 侍應服務態度非常一般，入座時枱上有幾份menu，問一位男侍應有冇lunch set，就咁用手指遠距離凌空圈一圈，一句聲都冇講就走左，服務態度實在有待改善。

食物味道一般食物賣相放得好求其真係相都唔想影除咗個薄餅見得下人員工派餐具嘅時候好似放飛鏢飛到你咪講聲唔好意思最搞笑係門口個接待員Teatime時間全場大把位竟然同我講限時啲水杯啊餐具啊，都係好多漬最離譜係裝水嗰個透明玻璃樽個瓶口黑色一達達非常倒胃口如果喺旺角，我都覺得可以接受但係佢呢度九龍塘又一城真係下不為例自己倒自己米咁嘅衛生程度同服務態度就算小小嘅細節都唔應該求其應該好難好生意麻煩個老闆睇到評語就改善

好耐好耐無黎呢度食，今日過黎又一城就試下，睇下tiramisu 仲好唔好食Caneloni Seafood $198呢個海鮮捲麵上枱望落好似唔熱咁但食落係熱既，感覺好一般，不過係好多蟹肉，味道不過不失Tiramisu $90不過不失，唔特別好食，沒有印象中N年前既好食Sundae $105幾大杯，杯係有雪凍，有3球雪糕、2件brownie、仲有雪冰左既生果，大大杯上枱係幾開心既～餐廳坐低無耐侍應就送上熱麵飽，橄欖油加黑醋，每位兩款幾好味，可refill 一次，我女好欣賞麵飽😂當日星期日6:30-8:30有live band唱歌，氣氛幾好。另外，小朋友可送個氫汽球，仲扣左個自家品牌鎖匙扣落去，小朋友好開心！

食物味道可以，但服務態度真係唔得！侍應不太有禮貌已經算，明明無人等位都催埋單，話90分鐘用膳時間已夠😤明明人均消費過$200已可以有8折，又話差幾蚊，等我哋再叫多樣野，最後埋單卻發現我哋一早已過要求！😠今時今日咁嘅服務態度，真係好難叫人返轉頭幫襯！

呢間餐廳雖然開咗好多年，但係都係第一次食食，係老公帶我食，佢話外賣好抵食。焦糖奶昔，好味，奶味香濃。封門牛柳8安士，medium，好嫩唔會韌，唔點醬都好食，點左消滯，係香港食過咁多間三甲內，仲有好甜既小番茄。海鮮麵，勁好味，好多蟹肉同芝士，一啲都唔乾，好多sauce。tiramisu 就麻麻，不建議叫，個面咖啡粉唔夠苦，餅底太濕一Pat野，加埋好甜好難食，好勉強食埋去。總括嚟講，我覺得每樣菜式水準都幾平均，平日入嚟唔使排隊，但係訂咗位就抵啲，有7折，無折埋單800。可再黎！

是日屋企人生日訂位，3個人點左3-4人餐Waitress會先上麵包，配olive oil & vinegar，經過見到包係自己烤既，香草同芝士?!味，兩個才都好好食食唔停除左包同第一道餸相隔一斷時間之外，其他野一下子送哂上檯，檯面有d負荷唔到，食得一樣另一樣又凍哂。青口個汁幾好食咖啡壺上，3-4人餐包飲品，3個人問waitress可以叫幾多杯。佢話可以俾我地叫3杯，所以應該4個人就有4杯??掛hahaha😂(可以問定先)扒好好食好有牛味，建議唔洗點但汁，落鹽食個味出好多。上檯好似好大舊咁，點失下面…放左2舊薯仔🥹即刻sad jor本身問waitress呢個會唔會太辣，佢話少少，點知原來真係好辣，所以食唔到辣既朋友仔可以order risotto最後我地麻煩左店員將我哋set個limoncello tiramisu改返做classic，因為聽講呢間野classic tiramisu好出名😂好好食😋

很多年沒有過來 Amaroni’s，記得以前大學時期，約朋友來又一城好鍾意 Dan Ryan 和這裡，餐廳的裝修風格依舊是古典路線，回到這裏勾起很多美好的回憶 剛點完菜，侍應為我們端上熱辣辣的麵包，橄欖油和醋，喜歡麵包非常鬆軟，帶著陣陣香草味，幾啖就食哂成籃 這個 chicken lollipop 幾有驚喜，雞腿棒棒啖啖肉，食用幾方便，肉質鮮嫩，充滿香草味，加埋檸檬汁, Italian sauce 非常開胃 這碟海鮮捲面（seafood cannelloni) 都做得唔錯，有非常多蟹肉，pasta 焗完又唔會好淋，控制得幾好，如果醬汁可以再多啲，海鮮味再濃啲，咁就 perfect 喇 Tiramisu: 這個反而是比較失望的菜式，始終作為意大利餐廳，經典甜品應該是拿手招牌菜，但這天的 tiramisu 酒味和咖啡味好淡，只係食到忌廉和蛋的味道 我們用了網上訂座功能，a la carte menu 有八折，都幾抵食

早幾年前曾到訪店舖享用生日晚餐，記憶中是一間食物環境服務都不錯的餐應。突然要去到九龍塘又一城搵食，左選右選下，想回味一下從前的味道，所以就選左呢間餐廳。可惜，食完呢餐之後，對呢間餐廳唔會再有期望，亦都應該唔會再選擇去呢間餐廳。當晚食左巴拿馬火褪蜜瓜、牛排、漢堡、意式千層麵、甜品、飲品，但無一樣覺得好食🥲當晚真係難忘的一晚🫣除左食物，服務態度亦很差😅唔明點解當晚餐廳都咁多人😅當晚4個人食左$13XX，感覺不太值得😭😭

經過見到好有美國特色嘅餐廳估唔到分量好大 亦幾好食！✨Margherita Pizza 薄脆的皮底搭配濃郁的番茄醬和香氣四溢的義大利香草簡單而美味奶酪融化到完美的黃金色吃起來濕潤又有嚼勁✨Strawberry shortcake 蛋糕底部鬆軟濕潤層層疊疊的鮮奶油讓口感更加豐富新鮮的士多啤梨天然的酸甜味增添了整個甜點的風味 🍴Amaroni's New York Italian Restaurant & Café📍九龍塘達之路80號又一城LG1樓LG1-32號舖

在又一城，午膳的選擇很多，價錢嘛⋯⋯不少店都要排隊的，這店面積很大，基本上都有空位。光顧多次，我滿意這店的，否則不會回頭。第一次被安排在店的盡頭位置，感覺同前面的座位不一樣。都是以前的選擇，湯、沙律，100元就可以了，份量蠻大的，一定夠飽。沙律的菜很新鮮、雞肉嫩滑，還有堅果、啤梨、草莓、健康選擇。我也喜歡他們熱辣辣的湯，餐後，我今天點了檸檬水。以前是份量多些的，今天只有一杯，我還是滿意的。希望這餐廳能夠繼續下去。

見到九龍塘呢間餐廳開左好耐，今日黎試下好唔好食我地叫左set ,裏面有1️⃣凱撒沙律🥗2️⃣炭燒小魷魚筒及芝麻菜3️⃣8安士西冷牛扒🥩配薯條🍟和洋蔥燒汁4️⃣白汁意大利芝士煙肉🥓意粉5️⃣小意大利甜卷首先會送上餐前麵包🍞，係軟身嘅蒜蓉包，較特別係每臺都會比一碟黑醋點黎食，都幾開胃凱撒沙律芝士味好香濃，幾好👍小魷魚筒食到炭燒香味。牛扒正常發揮，略嫌有筋。意粉同出面嘅調味有唔同，有少少滯🫣甜品有啲失望，我覺得唔好食🥲消費價錢：2人💰715，人均💰358結論：（5個⭐️為滿分）味道：⭐️⭐️⭐️性價比：⭐️⭐️回頭指數：⭐️⭐️餐廳名稱：Amaroni’s New York ltalian Restaurant & Cafe餐廳地址：九龍塘達之路80號又一城LG1-32號舖

今日諗住去又一城坐低食一個輕鬆啲嘅午餐，去到Amaroni‘s，見到個餐牌都好似OK，就入去坐低。叫咗煎盲曹魚，第一碟嚟到嘅時候，我以為我同個廚師有仇，成碟食物亂糟糟好似發脾氣咁。個侍應生都知道賴嘢，我望一望佢，佢已經知道要拎返去廚房換。第二碟嚟到嘅時候，雖然個樣好啲，但係都係好似隔夜，然後攞入微波爐叮翻熱咁。個 Tiramisu 都唔好食，完全同以前差十萬八千里。其實做餐廳做到咁，又冇誠意，啲嘢又唔好食，而家香港租金咁貴，建議執咗佢。

一家人去親九龍塘諗唔到食乜就一定會黎Amaroni’sNew York Italian restaurant 每次的service都覺得好好小朋友又好開心有氣球送 門面靚、內里環境大、坐位夠寬闊舒服開始會先上麵包，挺鬆軟同小朋友至愛食，其實每次都會點- truffles flies 薯條好多- carbonara 奶油和芝士味濃郁 - pizza 蕃茄酸酸甜甜同芝士好夾總體每樣也幾好味份量好充足夠大家share plate 成日想點甜品但已經太飽希望下次食到dessert啦～

很久沒去又一城行街，正好去CityU睇展覽後，睇電影前，到這間餐廳再嘗往日情，幾年沒去了。服務員態度明顯比往日遜色不少！例牌一坐底叫餐前，服務員會送上麵包欖再係碟度倒Oliver oil及醋。我記得以前黎，D麵包食完，服務員會埋黎問你要唔要refill ，D麵包係任食，但係而家就無lu，見你食完就拎走個欖，毫無表情問都無問，以前麵包欖里有四款麵包，而家得兩種一般般既。今次中午點了烤雞及羊扒各一set，烤雞好食但份量比以前細了，而$268再加一既羊扒，只得兩塊細小得可憐既size，完全未見過有餐廳可以用這個價錢出這樣小塊既羊，要用相機近距離拍先有睇落大D，而且味道一般，失望，餐湯似例水，所以餐後已經唔想叫甜品。現場環境非常嘈吵，剛好隔離一大台有兩家合四小朋友，wewa鬼叫，走來走去。唉，我唸我都唔會再去嘞！