alfafa (康怡廣場北座)

營業中

休息中

行完太古城中心，就同屋企人行去康怡廣場，見到 Alfafa 入面唔算多人，於是就揀咗入去食下午茶餐。睇到餐牌都有10個下午茶餐可以揀，最後我哋揀咗3個餐，分別係雞肉溫泉蛋味噌湯稻烏冬，估唔到湯底都幾好味，烏冬比想像中彈牙，雞肉又夠大塊，總之就好味。仲有照燒汁烤雞有機蘑菇天使麵，又係好味道，份量又夠多，至於Alfafa 公司三文治及所配嘅輕營沙律，就唔算太大驚喜，而餐飲叫咗2杯（熱）有機蘋果茶及1杯（熱）雜莓茶，就真係好香及好飲。總結：食物水準唔錯，環境舒適乾淨，職員服務態度好，下午茶餐抵食。

🔥燒烤醬豬肋骨等候時間大概15分鐘，熱辣辣、香噴噴嘅豬肋骨終於上枱！一上枱，視覺效果先聲奪人。烤焗而微微焦化，散發出帶甜煙燻嘅香氣，令人食指大動。旁邊伴以一大碟金黃色嘅即炸薯條同新鮮沙律，份量十足，絕對對得起個價錢。急不及待用手套拿起一條肋骨，手感已經知道唔對辦——輕輕一掰，肋骨已經輕易分離，肉質軟腍到幾乎離骨。咬落第一口，外層帶有微微嘅焦脆感，係烤焗時間控制得宜嘅證明。而內裏嘅豬肉纖維卻保持濕潤鬆化，一啲都唔「鞋」口，亦唔會過份油膩。明顯係經過長時間慢煮，讓肉質變得鬆軟，再經高溫烤焗鎖緊肉汁同塗上醬汁，功夫做足。靈魂所在當然係個自家秘製燒烤醬。味道非常平衡，番茄嘅酸甜基底十分突出，繼而帶出煙燻 paprika、黑糖嘅醇厚甜味，以及一絲蒜香同微辣，層次豐富，唔會死甜或者得個鹹字。醬汁濃稠度恰到好處，能緊緊包裹住每一絲豬肉，味道深入骨髓，食到最後連手指都想啜埋。呢個醬汁，絕對係整道菜嘅神髓。

好耐冇去過alfafa，今日難得約到老友記黎食早餐，先發現alfafa已經裝修過，而早餐餐牌都換左。可能係附近太多競爭，而家排隊冇以前等咁耐，都係好事。餐牌都好多選擇，見到附近好多人都揀pancake，但店員就友善提醒pancake要等耐啲。我地朝早就唔好甜野，最後大家就選擇左G3 Energetic，有通粉濕下個口，又有得切下切下。而家用QR code落單好方便，飲品又可以選擇後上。因為我係app會員，生日月份有88折，抵銷返加一服務費，價錢呢區黎講都算ok。

早餐選擇頗多，當然選擇比較清淡的食物，無論食物質素，上菜速度，服務也很好，環境亦舒適，邊談邊吃，餐飲除了一般咖啡奶茶，還有不同花茶可選，也可以悠閒地享受美味的早餐。

早餐嘅選擇好多，價錢都好實惠嘅。下午茶好抵食，但係要等到下午3點先開始。有朋友住康怡帶我去食早餐同下午茶，當時傾計傾得專心，就唔記得影相啦！😂覺得味道好好，來買返學鞋順便帶個女仔過來食。不過午餐嘅味道就冇下午茶咁好食。用我女仔嘅話嚟講，就係ok唔難食，不過冇咩驚艷嘅感覺，唔會想再嚟第二次。其實我覺得早餐同下午茶真係唔錯。網上評論有講到服務問題，睇遇到邊個職員，有個阿姨服務好好嘅。仲有等嘅時間長咗啲問題，雖然冇到夸張到等咗70分鐘，不過等十幾分鐘就要啦。

約咗朋友今晚嚟食飯，睇之前嘅comment話啲服務好差，今日嚟到又OK喎，都好有禮貌。食物份量都好足，味道都不錯。幾欣賞呢幾個包，熱辣辣的二人餐咁大份豬肋骨！豬肋骨好腍！呢個牛肉pizza，味道可以，不過略嫌啲醬汁太多。其實唔需要有咁多醬。見到好多人都有叫呢個海鮮飯，味道不俗，不過青口就細粒啲。心太軟唔算好流心，不過都係熱辣辣，襯埋椰子雪糕，非常好！雪糕夾多士，原來係蝴蝶酥，都可以我哋三個人，叫咗一個二人餐，一個一人餐，總括嚟講每人$200左右，食到好飽好飽，性價比都算高！ pizza食唔晒仲要打包

呢度既早餐選擇都幾多，好似都有8-10款。我揀咗個"雞排杏飽菇炒蛋西蘭花蘑菇湯螺絲粉"，聽個名都知好足料，再配一杯熱飲，只係45蚊，與其排長龍食大型連鎖快餐店既早餐，不如安安靜靜坐係度慢慢嘆，反正度度早餐都已經咁既價。另外，再叫咗一個自選早餐，同全日早餐差唔多，揀咗牛角酥炒蛋粟米煙肉火腿排再配蘋果茶，只係52蚊，俾出面1份差唔多100蚊既全日早餐都唔差得遠。員工服務同態度亦好好。有服務又唔使另外加一好滿足既早晨，令你更有衝勁迎接一整日既工作

侍應態度及對待客人方式十分過分新年期間對訪用膳 對有給利是的食客就笑面迎人 主動免費升級甜品不給利是的就安排差劣的坐位 話中帶刺 務求令客人於一個不舒服的環境中用膳非常過分 永久blacklist

今年情人節正正撞正農曆新年，所以預早慶祝，今年放低唔到個囡，要取消原本預約好既high tea，轉為要搵一間適合的親子餐廳。呢間集團式既餐廳，食物唔錯，價錢合理，原本去食tea，點知原來係要3:00先開始，早左又無問，無食tea。Tea抵食。講返食物先，order左個拿坡里繪手撕豬肉螺絲粉 $94個粉好多醬，味道唔錯呀alfafa 海鮮飯 $142味道唔錯，都幾大碟，海鮮都足叫餐可以加$36 享用黑松路薯條普普通通，都夠脆餐加$36 享用香烤雞翼每個餐都包飲品及 可選湯或招牌沙律，湯及沙律都好味呀！忘記影沙律相🙈佢地做緊member promotion,可以即時join左，傳入現金即時找數，仲有積分及coupon送，所以食飯時記得即時做埋member,會抵左。

不吐不快！今日聖誕節，怕多人於是早啲食晚餐，入場時已見男侍應黑口黑面，落單或問嘢已經唔敢煩佢！快手食完，準備埋單再用QR code 睇幾錢，意外發現出左兩個 free items. 送Coupons 同朱古力。我哋比左錢，女侍應只比coupons我地, 老公於是出去問個男侍應係咪重有朱古力送？ 已比埋張單指埋個 item 比佢睇！個男侍應好吋用反問既方式問我老公，咩嚟㗎⋯⋯？我老公見佢咁態度都嬲，再指住張單一次，再同個男侍應講，呢度寫會送朱古力！我話系統出係咁寫，我話再講，無唔緊要，係寫左先咁問！個男侍應無出聲，後面個女侍應就響櫃拎包朱古力出嚟，比個男侍應時講，最後一包啦！無啦吓！其實送晒無問題嘅，但有冇都好，唔好咁態度應個客！做前線重要做飲食，咁態度同趕客無分別！坦白講，呢間餐廳食物質素已經麻麻，西冷韌，上菜時食物又唔夠熱，得個湯好味啲，如果連態度都咁差，我諗唔到點解我要返轉再比錢你哋賺？！兩位女侍應態度唔錯，至少有問有答重會傾兩句！一家人出來食飯，只求開心，今日重要係聖誕節！好後悔選擇左呢間餐廳過節！

原來alfafa都幾多分店，午餐時間嚟咗康怡廣場分店。都有唔少客人，要等一陣先入到去。餐廳環境光猛，枱與枱之間都有一定空間，唔算太逼☺️☺️焗烤春雞半隻配烤新薯及香草檸檬蜜糖芥末醬 $120🐥烤春雞火喉控制不錯， 雞肉嫩滑，仲有少少肉汁。蜜糖芥末醬配搭好夾， 微香稍甜又有少少芥末嘅刺激， 不論係點雞件或者烤薯都係好嘅選擇。🤗🤗😁烤進口有骨豬柳天使麵 $98🐽部分豬柳連住骨位， 係最嫩滑嘅部分，雖然角度上唔係咁易切，係最好食嘅位嚟。 醬汁不過不失，似係普通燒汁，如果搭配烤春雞嘅蜜糖芥末醬相信會更吸引✨✨🤗另外有配餐包， 湯或沙律及飲品，食飽飽啦，滿足😋😋🥳🥳

在門外餐牌見套餐不錯，我們叫餐後，先上南瓜湯及沙律，味道很好，配麫包也很鬆軟。主菜叫了牛排，叫左七成熟但不淋，有少許硬，燒豬排天使麫的豬排十分硬，很「鞋」口，幸好海鮮飯幾好味，2人餐還跟蝴蝶酥配椰子雪糕，很鬆脆和美味。

諗住食完睇早場，上菜等左20分鐘。我地簡既呢兩款都比較普通無咩特別，味道偏淡。🍴morning glory 煙三文魚菠菜芝士奄列配棒子包，呢度餐包選擇有七款，揀咗捧子包，外表比較硬身，無咩特別。🍴Egg Benedict牛油果醬芝士芝麻包配沙律，流心蛋時間控制得好，仲系流心加埋芝士一齊食好味道，仲有沙律菜配搭，非常健康

今天下午一行11人到康怡Alfafa食Tea set, 服務員很用心幫我們安排坐位，讓我們可以坐埋一齊享用下午茶，態度非常好，值得一讚。食物也令我們滿意，有機會會再去試下其他食物。

来此店数次，效率每况愈下！上次隔离枱叫左个二人套餐，等左70分鈡先到，个客催左N次，waiters 只説需要！差D不欢而散，結果个manager 免单先安撫到个客！今次輪到我唔好彩，叫个海鲜饭等足40分鈡，真係趕时间千祈咪黎！