影片
開飯介紹
alfafa選用天然及優質食材，包括超級食物、環保海鮮、無添加激素肉類、菜籽油及橄欖油等，令你嘅繁忙嘅生活輕鬆有「營」多一點。
繼續閱讀
營業時間
今日營業
08:00 - 22:00
星期一至日
08:00 - 22:00
公眾假期
08:00 - 22:00
公眾假期前夕
08:00 - 22:00
以上資料只供參考, 請與餐廳確認詳情
有關獎賞計劃
相關文章
嚟樂富接友人收工，順便一起吃晚飯。朋友都想食西餐，揀咗商場入面呢間「alfafa」。餐廳主打健康歐陸菜式，裝潢亦以橙啡、寶藍及銀灰為主調，設計簡約，帶時尚感。點咗 2 個 alfafa SET，青醬意粉 同 牛肉漢堡，套餐附送熱飲，另外亦可以用優惠價加配小食及甜品。溫泉蛋牛油果青醬意粉：牛油果軟滑細緻，熟度剛好；意粉煮至軟硬適中，吃起來相當彈牙，配上嫩滑溫泉蛋，味道濃郁，但又絕對唔會覺得 heavy。安格斯牛肉芝士漢堡配黑松露薯條：漢堡超足料、麵包烘到微脆，牛肉選用優質安格斯，入口鮮嫩又多汁，配埋半溶芝士、番茄同生菜，味道清新討喜。伴吃嘅黑松露薯條水準亦唔錯，炸至金黃色，入口外脆內鬆化，帶陣陣松露幽香，令人食到停不了口。甜品點咗蝴蝶酥雪糕三文治，蝴蝶酥以全人手製作，無添加防腐劑，食落酥香又唔油膩，配幼滑嘅冰凍雪糕，造型超可愛，啱晒打卡！
繼續閱讀
位於黃大仙廣場的 alfafa 西餐廳是一個性價比高的用餐選擇，這次的晚餐體驗令人滿意且印象深刻。餐廳環境舒適，無論是主菜、飲品還是甜品，選擇多樣🌟主菜部分，品嚐了 帶子牛油果青醬意粉，意大利麵的口感令人驚喜，軟硬適中，煮至 al dente 的程度恰到好處。青醬清香濃郁，帶子鮮甜彈牙，牛油果和洋蔥條的加入增添了濃郁的味道層次，而金不換的清新香氣則提升了整道菜的風味🧡另一道主菜是草飼牛柳亞麻籽紅米飯，這道菜選用健康的紅米飯，混合了奇亞籽和蘑菇香氣，口感豐富有層次。紅椒與洋蔥作為配料，為紅米飯帶來清爽的點綴。牛柳肉質鮮嫩，帶有自然的牛肉香味，搭配少量餐桌鹽進一步提升了味道的細緻度，是一份兼具健康與美味的主菜😋沙律則是這次餐點的健康之選，蔬果沙律的新鮮度令人滿意。羽衣甘藍和生菜為主體，配以車厘茄和蘋果，清新可口，杏仁片的香脆口感與沙律汁的酸甜味融合🫶🏻飲品方面，玫瑰焙茶牛奶和抹茶牛奶各有特色。玫瑰焙茶牛奶散發著濃郁的茶香及淡淡的玫瑰香🌹抹茶牛奶則平衡了抹茶的微苦與奶的濃郁，是不錯的飲品。最後登場的甜品 蝴蝶酥椰子雪糕三文治，蝴蝶酥金黃酥脆，搭配的自家製椰子雪糕質地細膩，帶有濃濃的椰香和果粒，甜度適中。精緻的擺盤更是為甜品增色不少，視覺與味覺的雙重享😘
繼續閱讀
同朋友來到樂富商場的alfafa食晚飯，店員示意隨便坐，隨即送上qr code落單。餐牌選擇都幾多，價錢親民，就試下新推出嘅鴨腿同健康茶先。⭐南瓜甘筍湯 & ⭐餐包是晚餐湯係南瓜甘筍湯，仲附上烘熱過嘅牛角包，南瓜湯微甜好滑，牛角包鬆脆有牛油香，唔錯喎。⭐炸洋蔥圈跟餐加小食有優惠，叫咗一份洋蔥圈，一份有八隻炸得香脆😋⭐慢煮鴨腿配柚子紅酒燒汁及蘑菇炒飯朋友就點咗期間限定嘅慢煮鴨腿，即叫即煮上枱時熱辣辣香噴噴。鴨腿皮脆肉嫩，不過味道略淡，點下個柚子紅酒汁又ok喎，甜甜酸酸幾好食。蘑菇炒飯份量很多，一碟真係幾飽肚。⭐泰式紅咖哩雞紅米飯自己就揀咗個咖哩飯，蔬菜下面有超大塊雞扒，咖哩濃鬱有香料香，加上鮮甜蔬菜，好好食喎🤤⭐椰子雪糕新地跟餐加甜品都有優惠，叫做一個雪糕新地，嚟到個感覺似香蕉船，旁邊有香蕉伴碟，中間全部係椰子雪糕，份量超大，又香又甜又滑，勁好食😍⭐焕光養顏茶 & ⭐錫蘭奶茶餐飲就試咗期間限定免費加配嘅川寧草本健康茶，飲落清新唔錯喎。朋友點嘅奶茶都幾好，茶底好香。小店食物唔錯，價錢又唔貴，環境仲幾好坐立添，有下次。
繼續閱讀
同朋友一行多人，喺周日嚟午膳。餐廳的午餐唔算好抵，但勝位置方便、易揾，環境唔差，加上食物選擇多，有2-3頁午市餐牌，基本上每人都可以揀到心頭好。另外，午餐組合靈活，部分餐如需跟沙律、湯、特飲、甜品等一律可以以優惠價加購，豐儉由人。由於每個人的口味唔同，所以我哋都點咗好幾款午市套餐。南瓜紅蘿蔔湯：沙律餐+$12可加配沙律/湯，揀湯的話會跟餐包；湯的味道純正，就係蔬菜味，食得安心；送上的餐包有時係小牛油餐包、有時係小麥包，而我個湯上檯果轉係跟半個牛角包；問過侍應，佢話可以換款，只要講想換邊種餐包便可Alfafa沙律：上檯時俾佢的份量嚇一跳，唔係食唔曬，只係未見過有餐廳的沙律咁慷慨，俾咁大碗沙律。沙律以羽衣甘藍、西蘭花為主，墊底係雜錦沙律菜，亦有少少藜麥，鋪面有蘋果片同~1/4個牛油果。雖然食材唔講得上係貴貨，但蔬果新鮮，素食者喺外食見到呢個沙律一定收貨薑黃鮮奶咖啡：沙律餐跟普通餐飲，但見到呢款新出飲品只係+$12，加上感覺薑黃比較正氣、健康，就點嚟試下；飲品聞落有薑味，飲落就唔覺，薑黃粉冇令到咖啡好辣或變得古怪，可能份量好少，只係點綴藍莓芝士餅：同朋友一齊share甜品，甜品係跟餐加錢，+$38-58不等，而我哋點的2款甜品都分別係+$38，好可惜當日心太軟售磬。芝士餅冇特別，非常普通，唔建議試朱古力布朗尼+雪糕：都係+$38，呢款好味好多；雲呢拿雪糕夠凍，味道ok；布朗尼裡面有唔少大粒合桃碎，冇咬口，幾好食；由於布朗尼係解體再擺盤，所以大家share甜品都方便啲以下相片係朋友點的食物、飲品。整體嚟講，餐廳的食物份量夠大，味道幾好，賣相仲幾靚（以呢個價位嚟講），有花過心思。餐廳的座位唔算擺得密，係一個適合傾計、聚會的地方。人手方面，當日有啲員工好似進行培訓/指導，人手有啲緊張。
繼續閱讀
好幾次去樂富商場都俾Alfafa嘅西式餐廳時尚裝修吸引今晚趁好姊妹唔駛同屋企人食就入去撐枱腳！果然無揀錯！☺️----好姊妹嚟前睇咗食評，話見到海鮮飯套餐啲相好多料，好正咁喎！一於叫先！飯嚟之前上咗個南瓜甘筍湯，配埋熱餐包🥯🥣湯好滑同好綿，好有營養個包熱辣辣，加埋牛油好好食海鮮飯之後好快到：有藍青口幾隻、虎蝦1隻、仲有蜆肉、魷魚、鱈魚柳！🦪🐟🦐擺盤賣相好吸引😍有驚喜既係個意大利飯，好入味，我哋都話好鍾意！成個份量啱晒女士們。我哋兩個share食啱啱好---我就想食意粉，正唸緊叫咩好，職員俾餐牌推介期間限定意粉🍝（只係剛剛出咗一兩日），仲要係流心布袋芝士！唔係間間西餐都有！我呢個芝士迷，當然要試！個芝士皮夠厚，切開要啲時間內裡流汁，裝住濃郁嘅cream！ 正！我同好姊妹都係第一次食，好清意粉有濃濃既香草茄醬，裡面有啲乾番茄粒條，第一次食呢款！好惹味！成個意粉唔油膩，清新又好食！ 😍----用app叫發現可以餐後先揀嘢飲，咁就唔怕叫熱飲攤涼晒☺️好姊妹叫咗熱雜莓茶，味道ok ☕我就飲凍嘢，叫芒果熱情果梳打，酸甜有氣好好飲！ 🥭最後當然唔少得加碼，叫杯椰子雪糕新地🍦有好多椰子肉粒，自家製，100分！----總括點咗呢啲：Alfafa海鮮飯套餐 -南瓜甘筍湯配餐包熱雜莓茶 流心布袋芝士意粉 -芒果熱情果梳打 自家配方椰子雪糕新地 （跟餐加$38）----下次一定會再嚟！我哋坐得好舒服，傾咗好耐傾😁餐廳keep住有客嚟，一啲都唔嘈，燈光又有格調職員服務態度有禮又好，係個好體驗！ 🥳
繼續閱讀