AG Diner

在廣場不知吃甚麼好，而同行父母很少去西式餐廳，倒入去一試。三人都叫了不同的lunch set pasta，味道不過不失，唯一可取是份量足夠，不太大食的男人也覺飽。 只影了一張相，其他也沒有特別… 父母都說意粉好硬，但個人幾鐘意這個硬度，有咬口! 我們去的時間已接近二時，沒有太多客，但服務真的大有改善空間。落單時等了好久，侍應行過看到也不理會。之後想要杯水也沒人理，最後因坐得好近bar枱便自行拿了杯水，有個侍應立刻望著我們望了一會………查看更多

年初四，去完街唔想煮飯，所以同老婆&女女去試下呢間，睇下同其他Apple Green分店有咩分別。訂位時，問個Reception7點30分定7點45分方便有位，所得到嘅回應就係：「咁你係決定7點30分定7點45分未呀？」去到坐低，正常地都會有杯水招呼下，但係到落完單，叫埋比兩杯水，應左會轉頭會拎黎，點知轉左好多個頭，連意粉都到埋，再叫先拎兩杯水黎。但係呢啲都只係好小問題，完全接受得到。主菜黎喇，我地一邊食野，一邊餵阿女食粥仔(事關小女得8個月大)，當食到大半，阿女「濁」親，將剛才食嘅粥仔嘔返曬出黎，我老婆同女女成身都係，又攪到一地都係，第一時間照顧左同老婆同阿女先啦，但係我見到所有嘅店員行過見到，唔單止無幫手，連張紙巾都無拎黎，掂行掂過，到我地唔該佢地拎先拎兩張黎，順便叫埋單。以上嘅都算，最嬲係當找錢嘅時候，一名J字頭店員找錢期間突然間彈一句：「我諗你地都唔識講句唔好意思架啦可，唔會啦可，明白，唔好意思」(保證係原汁原味無加減)，仲要係一口氣講，連比機會我回應都無！我地立刻向店經理作出投訴有關呢名員工嘅態度問題，但係其實連經理都解釋唔到點解呢名員工會咁樣同客人講野。本人喺度重申，無論係訂位、攞位、點菜、要其他服務，本人都可以好有信心係好有禮貌，用餐期間亦絕無任何無理要求，但係作為一間食肆，見到上述嘅情況，正常都會拎啲野幫下手，或者問下有咩野要幫手，呢啲都係好基本嘅服務態度，而唔係咁樣反問返客人；再者，呢位員工所問嘅問題，係咪即係要客人即刻向返該店嘅每一位員工都講「唔好意思呀，我整污漕你地方」先得呢？當時我同我太太已經忙於整理小朋友嘅野，仲邊有時間顧及其他野呢？睇完以上事件，希望各位食家注意，作為客人，有無禮貌其實係客人係佢自身問題，但係並不代表服務員可以用此態度去對待客人。 講返食物質素，我地叫左「蜜糖炸雞翼」、「凱撒沙律」、「辣肉腸薄餅」同埋「香草三文魚柳意粉」。雞翼即刻炸起，味道不錯；沙律汁有返apple green嘅味道；薄餅一般，特點夠薄，唔會濟；意粉無味。…查看更多

今日一行七人到九龍城呢間apple green 慶祝聖誕，之前食過尖沙咀果間好好味，今次為免同人迫所以簡左九龍城呢間，點知中哂愛服食物誠意欠奉，首先係個沙律，佢有分大同半份，我地人多當然叫個大啦點知黎到份量吾值120蚊之餘賣相完全吾開胃仲要落漏左沙律醬同sauce ，後尾叫侍應呢返比我地跟住個薯條又係令人失望的，薯條極幼仲幼過麥記，搞到冇哂好感之餘淨係食到炸皮冇咩香薯味，雖然話係黑蟲露味但係好淡味.......跟住個薯格正常返少少，d千島醬加埋茄汁同卡夫醬都算可以，配埋既燒豬肉就一般冇咩味跟住呢個薄餅係有點驚訝，因為餐牌係話肉腸但吾知點解黎到係肉粒.....味道方面普通冇咩特別，而且賣相豪不吸引跟住呢舊磨菇索價68蚊加d面包粒同個蛋感覺好搵笨而且就係好普通既蘑菇味同面包味最後，兩碟意粉算係今餐最好味最正常既食物，但明太子個汁重手左搞到太漏。跟住個焗通粉係完全難食，好細碟之餘d cheese 完全吾香好水，感覺係加左水既芝士，總之口感好cream but 冇芝士既香味下次吾會黎九龍城呢間，都係去返尖沙咀果間…查看更多

今晚去了九龍城廣場shopping 完之後，我與我妹好就正在找餐廳食飯，最後我們今晚去Applegreen食飯，一坐下來，員工都會主動問你想要暖水定凍水。今次我們點了兩杯暖水，他們就會取走你枱上的玻璃杯，之後轉了用陶瓷杯盛裝的暖水！地方環境都好幽靜，感覺好舒適。  打開餐牌選擇都不少，有沙律、前菜 、意粉、薄餅、扒類等選擇，可是晚上了沒有set dinner order的，一定要散叫 蟹肉牛油果青瓜沙律 $89-----如果想食多啲的話可以點全份是$148，想試少少可以點半份是$89，今次我們選擇了半份，蟹肉是幾鮮甜可是份量真是好少，牛油果真是好少，反而最多是青瓜條，感覺都好清新，但是份量真是好少。 三式芝士意大利肉腸Pizza $128----既然是三式芝士，當然有三款芝士有cream cheese ，mozzarella，parmesan及辣肉腸，個批底是薄身餅乾，食落似薯片的口感，咬落都好脆，可是個pizza 都晤耐熱，芝士味一般，不過單食此薄餅都不是好飽肚 最後，當我們差晤多食完餐飯時，店員都會主動遞上濕紙巾，服務都好主動收碟斟水，食物方面水準好一般，想來想再點多少少食物，不過我們都晤散抱太大的期望，最後埋單$239，總括來說食物水準與價錢晤值晤抵食。 …查看更多

之前嚮旺角新世紀食過2-3次, 覺得brunch set 都好豐富同好味.  當知道旺角店closed左，都有Ｄ失望。。　見到九龍城開店，　終於特登出去試。。。　點知。。２大１小，中午到達，　間鋪差吾多無人。。叫左杏仁雞沙律　－　Ｄ菜明顯吾夠新鮮，　好多黃及啡邊。。　ｄ杏仁及雞分量非常少whole eggs brunch　－　等左最耐，　但一食包同蛋都只係暖暖地。。　感覺好吾滿足呢。。Carbonara + meat balls　－　個meat balls真係非常吾好食，　大家只係食左一啖，　就不能再食。。焗什菌包。。　（我地本以為係什菌整既麵包。。點知原來係用鍚紙包住Ｄ什菌焗。。　ＨＥＨＥ）黑松露薯條食左４百幾蚊。。。　但係真係吾好食。。。…查看更多

前排同好友各有各忙~ 好耐冇見~ 突然好掛住佢添~ 即慶約聽晚食飯~   得左~ 想搵間靜少少既餐廳同好友慢慢談心~ 就諗起九龍城既Applegreen喇~ 睇落九龍城廣場唔太就腳~ 但原來公司附近有一架巴士可以直達~ 食飽飽之後大家又有巴士可以直達屋企~ 原來九龍城都幾方便喎~ 所以去得過~ haha~ 今次終於坐到卡位喇~ 2個人可以舒舒服服咁傾偈~ 最愛Applegreen既簡潔裝修~ 窗明几淨~ 感覺好舒服~ 加上食客唔多~ 可以靜靜地, 慢慢咁享受呢餐飯~ 如果係油尖旺~ 一定嘈到好似街巿咁~ 2個女仔唔可以order好多野食~ 同埋仲要留肚食甜品~  所以好簡單咁order左個加州棒棒雞沙律 + parma ham蜜瓜pizza~~加州棒棒雞沙律~上次d薄脆俾過多既沙律汁浸到淋晒~ 今次汁既份量正常返~ 食到最後d薄脆仲係脆既~ ~Parma ham蜜瓜pizza~蜜瓜 + pizza 呢個配撘聽落有d怪~ 如果唔係見有食家讚呢個pizza好食~ 真係未必會order黎試下~ 咦~ 食落又真係唔錯喎~  原來蜜瓜 + pizza都夾得到喎~ parma ham+蜜瓜平時多數就咁食~ 變左pizza餡之後~ 攪到個pizza甜甜地鹹鹹地好得意~ 好似有d食上癮~ 一路打呢篇食評一路回味緊~ 邊食邊傾~ 話咁快就KO左個pizza~ 雖然每人食半個批~ 但都唔覺漏~係衰在食起上黎都幾"呢hea"~ d材料一路食一路跌~ 唔知係咪人少既關係~ d侍應比較得閒~ 成餐飯不停有人斟水~ 絕對唔使舉手提佢地~ …查看更多

今日放假專登黎食，真係好彩，黎到唔洗等唔識啲野食叫咩名，勿見怪！坐低叫左個辣腸pizza,蘋果脆脆，無限添飲凍檸茶。pizza還是又簿又脆甜品蘋果脆脆甜味岩岩好下次有機會要再食過…查看更多

已經幫襯咗好幾年啦！好唔開心點解搬咗去九龍城之後啲水準會差咗咁多，lunch set 既牛扒第一次煮完基本上係生既，退回之後再煮第二塊有圖為證，仲有好多位係生既，waitress話因為我order medium，但其實從來都無人問過我要幾成熟，我根本都唔知原來有option可以揀。我只係食咗兩啖就無端端放低張單俾我，從來對佢地的服務態度都好欣賞，唔知點解今日會咁？廚師煮唔熟塊扒係我既錯？所以要快啲俾張單請我快D走？點解？…查看更多

applegreen 一向比我感覺清新同女士最愛，次次去親入面70%都系OL姐姐 同滿座。但唔知點解尖沙咀同新世紀分店陸續關門大吉，再三找尋下知道九龍城新開分店。系咪的租金太貴所以搬呢？ 比起MK 同TST，九龍城絕對唔系交通方便既地方， 但太懷念佢地了，幾唔方便都去試試。平時applegreen book位都可能full，但呢間五洗book之餘成間餐廳都幾空，原因冇咩人去（鬼咩，人流少得可憐），希望做得住啦！例牌叫了巴馬火腿蜜瓜Pizza，炸珍寶磨菇配黑松露忌廉醬同明太子意粉。 兩個人食分量剛好！巴馬火腿蜜瓜Pizza依然keep住水準，是為必叫菜色，pizza皮薄脆口，表面還有沙律菜同芝士碎，薄切蜜瓜同巴馬火腿之間還有少許醬點綴，咬落去咸咸地火腿同甜甜地蜜瓜形成強烈對比，一D都五乾，好juicy tim，中意食巴馬火腿蜜瓜呢個combination既朋友一定中意！ 不過會食到好‘ne hea’，要小心！炸珍寶磨菇配黑松露忌廉醬都系每次必叫，真系冇得頂！！炸珍寶磨菇炸到好次天婦羅咁，炸皮超薄，唔會吃幾件就好濟。炸磨菇依然系外脆內軟，超級juicy，配上黑松露忌廉醬，真系多重享受呢！每次我都‘liao’勁多醬，雖然肥，但超級滿足最后每次必叫就系明太子意粉啦！！ 意粉會附上一塊garlic bread，因為太脆關係，我都會俾人食，友人超愛呢塊包！ 明太子意粉屬於creamy系列意粉（餐牌會列明），濃郁既白汁加上明太子微辣既鮮味同魚子粒粒口感，成為我至愛意粉系列頭幾位，再滴少許檸檬汁，又令意粉味道更豐富，正！中意明太子既朋友一定like爆啊！ 食飽就帶著滿足既心情離開lu！ 希望香港可以開多幾間啦（目前得翻兩間ja）！…查看更多

平日的 Lunch time 到了九龍城廣場，由於周圍都好多學生，所以誤打誤撞來到這間餐廳，因為唔算多人。從裝修同餐牌黎睇，我感覺這算是一間港式的西餐吧﹗ 上菜算快，不過唔馬虎，點了一個三文魚扒，算有驚喜，三文魚扒亦煎得岩岩好，而且個汁調得唔錯，仲有幾隻蜆仔，有點誠意，賣相也不錯。…查看更多

在九龍城算新開的Applegreen, 開業2-3個月後的今天, 我們終於來到一試味道了!一向都好喜歡這裡的自選沙律, 即使只叫半份 FOR 2人吃都算很多了!而且可以自選自己最愛吃的配料, 味道當然自己一定喜歡吧!今次見到有something like"季節限定"的一款梨, 味道很不錯呢!墨西哥卷 - 一客有4件, 熱辣辣的送上; 配上一個好似蘋果肉既Sauce, 有點甜又有小小辣的一個醬, 聽起黎雖然有點怪, 不過配上墨西哥卷也滿夾的啊! 墨西哥卷入面有焗到熔熔地既芝士, 好好味的一個appetizer芝士焗通心粉 - 呢個係比較新推出的食品, 我見到有好幾檯客人都有點這個呢! 其實佢係那種很細粒的通心粉, 再用芝士和忌廉焗出來的, 其實很漏, 不過我喜歡! 因為有很多很多很多的芝士! 哈!不要見佢細細碟, 可能有點漏的關係, 份量少都有飽的感覺呢!…查看更多

在網絡上見到這家餐廳，好像不錯，蠻適合來約會的長長的Menu脆杏仁雞絲沙律 ﹝半份 $62﹞上桌後，還添上即磨的黑胡椒份量很多，有不少的生菜跟雞肉爽甜的生菜，加上嫩滑的雞肉而且裡頭有不少脆脆的果仁，口感很豐富香蕉果仁蛋糕，口感很扎實裡頭的果仁應該有預先浸泡過，吃起來軟軟的，但香氣十足蕃茄汁網球肉丸 ﹝$44﹞非常香濃的蕃茄味，肉丸真的像網球般大小旁邊還有不少的芝士，很正讓人口水直流啊！！鬆軟的肉丸，很juicy 好吃卡邦尼意粉 ﹝$94﹞意粉十分CREAMY,，但略厭有點太乾， 味道濃郁有很多配料在裡面，麵條軟硬度亦適中服務生很貼心，一開始會問要冰水還是暖水？？用餐的時候不停的幫我們加水跟換碟，最後還會問合不合口味～ 讚啦 …查看更多

是日同好友去睇戲 黎九龍城吾食泰菜黎左呢度食國餐廳 出奇地好味wor 食完又想再食~我地2個人 lunch食得吾多,book左6點食個early dinner.炸珍寶蘑菇配黑松露醬 半份脆杏仁雞絲沙律 焗芝士通粉我同友人都鍾意食菇 不過厭佢油太多我地兩個不斷用紙巾去"索"油 食得太多會好膩下次都系多人先食呢個烤菇.salad就好好味 D菜好fresh而且好開胃 個汁又吾會令人覺得好"流"最後一個芝士通粉 鍾意食芝士ge我地冇意見一個字: 讚!!!!見隔離食緊棒棒雞沙律,卡邦尼意粉下次ge target就系你地la~~~…查看更多

難得放假楂車搵地方食飯OPENRICE一下九龍城區先知道開左間APPLEGREEN我不嬲食開新世紀，但超多人排隊所以決定去幫襯~由於係閒日，超少人希望佢做得住....坐低先知道有SET LUNCH，比起平日真係抵食! 所以推介~ (而且可以做到第一個寫評級既人，哈哈)唔講咁多，去相!…查看更多