After You Dessert Café

營業中

休息中

來到啟德Airside Mall ，被這間新式泰式甜點店的落地玻璃窗所吸引，於周四的黃昏時段到訪，可以即時入坐。店鋪的裝潢清新，以簡潔的木系為主，空間寬敞，令人感覺溫暖，坐得舒服。店內有自助伯爵茶凍飲提供，職員態度親切友善。這裡有相當多款式的泰式甜點及一系列咖啡和非咖啡飲料。叫了鹹蛋黃吐司和奶茶刨冰。Original size約售130元，可選擇較便宜的Baby size，比原裝細小一些。鹹蛋黃吐司是香港分店獨有的，吐司新鮮出爐，份量很大，還配有兩球冰淇淋和鮮奶油，是適合兩人分享的甜點。雪糕相對上不是太甜，反而吸收了的牛油和鹹蛋的吐司，食落好香口，有一種入口即化的黃油味，鬆軟程度恰到好處，烘焗乾度適中香脆。非常濃郁的鹹蛋香味，每一口都是非常香甜的。而這間ᴄᴀғᴇ最具代表性的刨冰，表層淋有鹹甜的奶蓋，另配有一小杯泰式奶茶給我們自己倒落去，非常特別。刨冰質感扎實，但食落去有種軟棉棉既感覺，容易入口，加埋鮮奶油和朱古力一齊食，有複雜的質地和口味，口感非常豐富。而且刨冰不會有一直在融化的感覺，口感綿密。吃到底更有面包丁以及涼粉，帶來驚喜！雖然價錢較貴，但質素幾高，好有泰國特色，是值得一來的泰式

在平日的晚上，用膳後，來到週末假期必要排隊的After You Dessert Cafe食甜品，今趟不用等侯便可以入坐，今次點選了Baby Thai Tea Kakigori加Organic Bangkok 和 Iced Matcha Latte...各款食品都沒有令人失望，質感十分細绵的刨冰內还有浸了泰茶的麵包和仙草，好食到停唔到口。Organic Bangkok 有淡淡茶香，Macha Latte 的抹茶也很棒。最令人估唔到的是那自助式且免費的Berry Earl Grey凍茶，都係好好飲，大家記得試吓。期待下次再試其他口味的刨冰😆

假期一家大細去行下商場，諗住搵個地方坐低食少少野，下午3點幾去排隊，等咗差不多成個鐘終於可以安排入座。但去到喺門口要再企多10分鐘先有職員過嚟帶位。臨入去嘅時候，職員先同你講原來佢地人手不足，坐低落單要等1個鐘以上先有得食，反問返你仲食唔食😂真係多謝哂。你人手少要人等無問題，但叫得人排隊點解唔先同客人講聲？叫對方有個心理準備都好，時間唔啱人地可以即時轉第二間，而唔係浪費個客成粒鐘先嚟講，收得咁嘅價錢俾咁嘅服務真係祝你生意興隆。

間舖頭收10點，晚上8:45去到門口，女侍應行出嚟話冇晒，我問係冇晒刨冰定係冇晒嘢食？女侍應話9:00 last order ，所以冇得食啦，跟住我話而家係8:45 ，然後女侍應堅持話已經last order，所以冇得食啦行返出去同朋友講話冇得食，朋友話冇理由㗎，都未到9pm，朋友行埋去問，今次係男侍應走出嚟，男侍應話刨冰要等一個鐘，朋友問咁即係有刨冰定係冇刨冰，男侍應木無表情，唔直接答問題，只係重複:「刨冰要等一個鐘」，言下之意，即係「當時已經8:50啦，舖頭收10點，刨冰嚟到9:50 ，你食定唔食？」其實簡單啲講，兩位侍應都唔想你入去…一句講晒，根本就係趕客囉

第一次嚟到啟德呢個商場，求其搵咗間舖坐低食少少嘢。呢間甜品店都幾多人幫襯，排咗三四個字終於有位，求其點咗個甜品，叫咗杯泰式奶，雪糕融埋係麵包磚到食好好味，麵包有蜜糖，加埋cream 食好得。泰式奶茶反而麻麻，唔特別。不過整體價錢偏貴。

食完飯想食啲甜品，選擇左新開Airside 既依間甜品店，之前喺另一間分店都試咗其他味道，今次我揀咗芒果糯米飯刨冰😁芒果糯米飯刨冰(小)一開始食嘅時候見到面層我諗過淨係椰子汁，點知食落去真係有淡淡的糯米飯味我都唔知點解🤣好香🥴食到入邊嘅時候真係估佢唔到，竟然真係有糯米飯喺入邊，我真係好有驚喜🤭雖然份量真係有啲少，但係呢啲應該就係重質不重量，呢個份量我同朋友兩個人食都足夠，純粹為咗試吓味道同埋食少少甜品😋

终于不用去湾仔吃了，after you开到启德了。之前在湾仔一去就是排长龙。这次我们一群人去吃，点了好多东西，真的太棒了！听说这家的食材包括冰是泰国运过来的，每款冰都是有不同味道，甜甜的与平时的冰不同，吃起来很绵密，入口即化！而每款刨冰里面都内有乾坤！芒果牛奶冰：不仅仅有芒果粒，里面还有芒果糯米饭！真的好特别。焙茶牛奶冰：这款真的好喜欢，茶味很浓郁，里面的焦糖啫喱和焙茶珍珠QQ弹弹！太好吃了。士多啤梨牛奶冰：居然里面还有牛奶酱芝士蛋糕，真的很有惊喜。咸蛋黄吐司雪糕：喜欢咸甜口味的一定要试一下！每块吐司都浸透了雪糕，入口很软糯香甜。冬日限定黑松露吐司：香港独家！它把黑松露雪糕和新鲜原只黑松露切成薄片，再搭配上香脆的吐司，切一小块放进嘴里，咸咸甜甜的！嘴里充斥着浓浓的黑松露香气！超赞！

在泰國期間沒有機會試，好在香港開分店，終於可以試試。我試了After You的「泰式奶茶刨冰」，清新爽口，奶茶的香氣恰到好處，不太甜。另外，「金莎朱古力吐司」，朱古力和雪糕十分搭調，口感順滑不膩。「士多啤梨金寶」,餅皮裡面鋪著紅潤多汁的士多啤梨果醬，吃起來很滿足。After You的食材新鮮口感一流，能體現出其泰國特色作風。整體來說，這次在After You用餐非常滿意，日後還會再次幫襯。

來自泰國的過江龍，係泰國食過，想試下係香港的分店如何。結果係體驗過就夠了。餐廳明顯人手不足，就算有座位都要等10分鐘。7點幾已經無曬所有芒果相關的甜品同飲品。Menu都無乜可以揀。其實見到價錢都想走，不過無其他選擇就繼續留低試下。呢個甘精緻的窩夫要百鬆，而且無其他配料。很不值。飲品價錢正常D，但冰占了2/3，真係好傷心。。。總結：有更好的選擇。

店鋪一直人氣超高，次次經過都見到好多人排隊🫣 今次係airside 新分店終於都試到！餐廳好有空間感，木系裝修舒服，落地玻璃有自然光照入！餐牌有多款特色刨冰同埋吐司，刨冰有baby 版，今次就一次過試左兩款刨冰😍 /泰式奶茶刨冰 $99/泰式奶茶味道濃郁，不過味道偏甜，面頭忌廉口感順滑，入面仲有仙草啫喱同埋牛奶醬多士粒👌🏻 /芒果糯米飯刨冰 $99/個人比較鍾意黎款🥭 真係好似食緊芒果糯米飯咁幾有趣！芒果味道清甜，加埋芒果醬味道更加濃郁，椰奶醬鹹鹹地，入面仲有芒果粒同埋糯米飯，非常有層次感😍

剛剛聖誕節去泰國旅行時，專程去到人氣甜品店After You品嚐最受歡迎的芒果糯米飯刨冰，果然名不虛傳。返到嚟香港，咁啱見到Airside原來開左After-You，當時可能好多人都仲食緊lunch，所以排隊等位嘅人唔算多，我同朋友等左陣好快就有位啦。😊入座後，當然要回味一下美味嘅芒果糯米飯刨冰。呢個芒果糯米飯刨冰果然無令我失望，同我喺泰國食嘅一樣，都係咁香甜、好味，既有芒果嘅甜，又有糯米嘅香，再加入刨冰的冰爽感覺，真係好好味。😋以後一得閒就要嚟食甜品，暫時止下去泰國嘅旅行癮🤣

🍴芒果糯米飯刨冰 $148 (7.5/10)比起之前係銅鑼灣食細好多？baby size係一人份，好似手掌咁大，建議食返正常會開心好多。個冰係芒果奶冰，口感輕盈細滑，雪花綿綿冰質感，有少少芒果香甜同酸，白色係椰子奶蓋有少少椰子味都算輕盈唔膩，芒果汁正常，食到中間會有糯米飯，好煙銀有口感，整體嚟講都算幾好食！但$148一個size咁細係貴咗啲同唔值，我會食返之前介紹北角嗰間🫢🍴芒果沙冰 $48 (3/10)用熱飲熱杯裝，勁冇沙冰feel，飲落好怪，似係用未熟嘅芒果加芒果汁打，好酸好澀，好難飲😂😂希望餐廳改善返。推薦指數: 7/10芒果刨冰係好食嘅，不過就貴同埋細份，沙冰就不了，見到餐廳新開張，希望佢可以做返好🙏🏻