89

營業中

休息中

可能我拎得唔係咁好，所以d湯有點倒瀉，但這個酸辣絕對吸引到我回頭！蘿白索曬d汁超入味又冇渣！口水雞翼有三隻，仲有d青瓜粒！總括來說，$41性價比十分高！仲有個抄手食左又唔記得影相。個辣都係好令人回味~

係８９未轉餐牌之前食開佢的豬扒／炸雞球　米線配麻辣或者泰式酸辣湯底，覺得湯底幾好味同餸都質素不錯但今日陪友人食佢個豬頸肉海南雞翼扎肉豬骨湯金邊粉，大失所望首先，佢個豬頸肉太肥，沒有一啲瘦混雜，所以口感只有韌沒有粗的口感中和。而雞的部分也是太肥，沒有口感。雖然圖影唔到扎肉，但佢切得太薄了，大概只有２ｍｍ厚，影響口感和感觀。而最大問題是其湯底，有好大的麪粉味，似是沒有處理好金邊粉。另外友人亦點了份＂自家製炸韮菜餃＂，其實看樣子應該叫＂自家製炸韮菜雲吞＂，因為佢個皮應該係雲吞皮，不過這個不錯，炸得剛好，少少油而己不過內餡的比例要調整下，例如不要只有肥肉，加一點瘦肉，口感更佳。最出色＝涼伴花技片味道剛好，開胃小菜 ，份量也多

好耐未黎過深水埗，今日就上到黎西九中心8樓既美食廣場食下良心小店。餐牌一目了然，有飯有湯麵有撈麵有小食，價錢亦相當合理。招牌口水雞飯$40賣相唔錯，雞夠滑而雞皮唔會過肥過厚，下層仲配有幾舊青瓜。醬汁方面偏酸，辣啲既話就更加好喇。黑醋慢煮豚角飯$38豬軟骨煮得好入味好林，仲有隻蛋黎撈汁送飯，醬汁方面偏甜。紅油抄手$20另外加左個小食，可惜廿蚊得5粒😂，味道普通，同埋吾夠辣，偏蒜味！

招牌口水雞飯連飲品 $ 40 已經好耐冇在西九食飯 是日去完鴨記睇野就去左對面西九晚飯 第一次食89 見佢個餐 正常size 又有麻辣野 就試試 口水雞汁 有點似沙薑雞汁 但係麻辣 辣度算係BB辣 麻度都好快出到 食到第二件雞已覺得開始麻 個餐好效妙地加了五六細片的青瓜鋪底 食完雞&飯後 再食青瓜 麻辣的感覺就好快消失 因為冇太多麻辣感覺 罐可樂 最後冇飲比左朋友 ！！ 青瓜果然係今個餐的絕配 可惜今午餐太飽 試不到佢的紅油炒手 如叫餐 加10$就有3粒 值得下次一試

食左5年終於出名長期都多人幫襯口水雞係最出色，但其實仲有其他招牌菜口水雞我會叫例牌 加飯加菜另外叫瑞士汁雞翼 $20四隻 平到笑仲有佢自家製嘅特色南乳炸雞球內軟外脆得黎又唔會太濃味因為好多人都唔習慣南乳嘅味道但係你食落又有兒時嘅風味總括而然所有野都抵食夾大件可以話係全香港最好食嘅口水雞老闆阿平心地善良又好人成日都會送多啲俾客食次次叫佢加價但係唔使唔辛苦但係佢都話良心企業呢個post都係我第一次喺OpenRice度寫因為佢

「老細，唔該要碗721」編號721係扎肉豬頸肉海南雞翼米線/金邊粉湯底係泰式酸辣飲落有啲似冬陰功 啲餸真係多到傻左！！$45有碗咁重本既野好感動3隻雞翼7大條厚切豬頸肉4塊扎肉（半圓）米線份量都多芽菜大量、湯底草菇兩大塊 放心，佢看似濃味但唔會太咸（甚至係健康添呀，但唔會唔夠味！）唔會太辣我食完未飲水都唔口渴喎（我狂飲啲湯） 都係$45，良心老細，你有冇錢賺架西九龍中心foodcourt真係充滿良心既平民美食天堂咁講誇唔誇張 午市，等候時間都係幾分鐘快食好選擇

我個Office啲同事平均每兩星期就會order一次89，個個都話好好食，所以我今日又來叫返一份試吓。餐牌大大個又有圖，都幾繽紛，選擇都有好多，仲可以俾你左拼右拼。今日第一次試，當然係叫佢嘅招牌口水雞，口水雞舖得滿滿的，下面就有青瓜粒，一碗餸滿到頂，佢嘅麻辣做得好好味，雖然對我來講有啲辣，不過又真係辣得好過癮，我仲攞啲辣油嚟撈落個面嚟食，真係好好味😋撈麵係用瑞士汁撈嘅粗麵，瑞士汁份量適中，所以唔會過鹹，配埋口水雞嘅辣汁簡直係絕配。連埋一包紙包飲品，埋單$40，完全係衝擊味蕾嘅一餐，下次一定要再試埋其他口味！

店主特登入咗蘋果反送中紀念冊給同路人、遊行日子都見冇開店、店有連儂牆🙇🏻‍♀️ 呢間89同隔離食喇沙嘅連住，一齊有大大塊嘅連儂牆～ 🐔 去骨海南雞飯 $38 送油菜/飯品咁大碟都係$38連飲品，良心企業呀😭😭 仲畀咗雞脾位我，可能覺得我肥所以畀雞脾我食～ 雞肉好嫩滑😙😙 仲配有三款醬料，好好送飯😌 雖然佢係普通白飯唔係油飯，但呢個價錢已經冇得輸😙😙😙😙完全係糧尾之選，真係大件夾抵食～ 一定要再嚟支持☺️

好好味既口水雞，又平，又有碟菜👍下次試下佢其他野先不過老闆成日唔開門，真係要好好彩先食到🤣🤣🤣🤣🤣🤣 希望老闆多些開門，益下我地可以食到咁平咁好味既野啦

//#黃店地圖系列間野叫：89邊度黎：深水埗欽州街37號西九龍中心8樓美食廣場9號舖環境點： 平平無奇的小店滲透出猶如口水雞汁般心熱如火的意志🌝：曾送逆權運動100天特刊《自由之夏》 鼓勵食客捐錢及單據印有支持運動的字句 參與反送中遊行 餐牌牆身化身連儂牆▪招牌口水雞飯(連飲品) $388分老闆雖然一腳踢收銀加廚房 但係都好有心機慢慢整 雞件全部去曬骨又掛汁 口水汁好夠麻 帶蒜味 大約屬於中辣程度 麻辣人士必食 最抵讚係砸底嘅青瓜 入曬味 可以一口氣清曬 食完個嘴麻到無曬知覺 好鬼爽 下次一於試埋個自家酸辣雞

西九龍中心food court好多好西選擇兜左一個圈後 呢間黃既小店係我選擇之一佢再好多野食揀我就叫左個去骨海南雞飯 $38真係好抵食38蚊係連野食茶餐廳都搵唔到呢個價錢同埋老闆好有禮貌值得一讚本身平時既我係唔食醬我見佢有醬就唔好哂淋落去一食真係好味都爆個醬真係好驚豔我覺得佢既醬同海南雞真係襯到絕勁好味同埋飯同雞既份量唔少係夠飽既野飲都有得揀完全推介重點係又黃又平又好食不過可能得老闆一個做所以要等耐少少

雖然今朝個早餐食得好飽，但見其他同事都叫「89」外賣，我最後都加入埋一齊食。呢排「89」都只係做晚市生意，難得肯開午市，一於食食食💪一直都係食「口水雞湯米線」，今日轉一轉，就食同事推介的「口水雞撈米線多色」。口水雞，撈米線同湯，舖部都係分開包的，而下圖係本人將所有野放係米線上，等大家睇下佢嘅份量。口水雞d調味係麻辣的，我仲將d調味汁倒落d撈米線度，撈埋一齊食，真係越食越麻。口水雞個口感唔算滑，但唔係鞋。米線比較淋。個湯我飲到係冬瓜味，同事話咸左d，但我太麻喇，我又唔覺得咸喎😅由於呢個口水雞岩我口味，我會再幫襯。

口水雞米線 滋補雞湯底 $3030蚊有碗米線連口水雞一碟真心好抵！口水雞仲要唔係淨係得皮 仲有啲青瓜墊底 個麻辣汁先正 有麻香又帶微酸 咁岩米線個雞湯冇乜味 加啲辣汁落去岩岩好！.香茅豬頸肉米線 豬骨濃湯底 $30豬頸肉比得都幾唔吝嗇 每塊都大大片 肉質彈牙 仲有泰式辣醬可以點黎食😍 豬骨湯底未到好香濃 但啲米線都幾入味.提一提 Openrice個營業時間係唔準的😂因為不定時有落場時間 應該係啲食物供應唔切 所以要有心理準備去到可能要等開鋪

支持黃色經濟圈！今日去到深水埗，就上咗西九龍揾黃小店食，見到89！招牌口水雞飯太吸引，朋友就叫咗無骨海南雞🤩 超級抵食，每個飯都係$38！印象中第一次去西九龍美食區到食，老實講個格局有啲似大陸個啲food court，同埋都真係有少少味嘅😨 不過個口水雞真心吸引，老闆好有心機慢慢整，見到都流哂口水！仲好好送咗烏龍茶😆 個口水汁超入味，係麻嘅，對我黎講都有啲辣，但真心好出色！雞又滑💁🏾‍♀️ 朋友話個海南雞都好正，仲要無骨，啲汁都好好食💁🏾‍♀️ 有機會一定要試埋隔離間喇沙！

位於西九龍中心8樓, 看到水門海南雞已關門，貼出告示，介紹各位到89這店消費。舖面給貼滿香港人的心聲。.香茅豬頸肉飯 ($38)分數: (8/10)豬頸肉十分香口，肉質冧，不會太硬太乾。配上甜甜的豉油撈飯，簡單的一個飯也十分好吃。這價錢還有甜點和飲品送，真的抵吃。甜品是包裝布甸。飲品則可選紙包飲品或罐裝汽水。.去骨海南雞飯 ($38)分數: (5.5/10)海南雞肉質有些嫩滑，有些較鞋，有一塊雞還沒有熟。很可惜是白飯底，不是油飯底，令海南雞飯比下去很多。這也有甜點和飲品送。