89 (已結業)

我個Office啲同事平均每兩星期就會order一次89，個個都話好好食，所以我今日又來叫返一份試吓。餐牌大大個又有圖，都幾繽紛，選擇都有好多，仲可以俾你左拼右拼。今日第一次試，當然係叫佢嘅招牌口水雞，口水雞舖得滿滿的，下面就有青瓜粒，一碗餸滿到頂，佢嘅麻辣做得好好味，雖然對我來講有啲辣，不過又真係辣得好過癮，我仲攞啲辣油嚟撈落個面嚟食，真係好好味😋撈麵係用瑞士汁撈嘅粗麵，瑞士汁份量適中，所以唔會過鹹，配埋口水雞嘅辣汁簡直係絕配。連埋一包紙包飲品，埋單$40，完全係衝擊味蕾嘅一餐，下次一定要再試埋其他口味！