881包子

營業中

休息中

鮮肉大包食得多，醬肉包都係第一次食。原來係將肉碎、香菇、醬料混合成內饀，再新鮮熱辣拎去蒸。我最欣賞佢嘅麵包部份，鬆軟得來又有彈性。另外佢哋仲有鮮肉小包、雞蛋雜菜包、豆沙包等等。鮮肉小包一啖一個。雞蛋雜菜包夠曬健康，豆沙包豆味十足唔會太甜。經過叫返一個醫肚就真係啱啱好。 ⁠⁠「881」主打售賣醬肉包，讓傳統與創新結合。係全港首間醬肉包主營店，絕無僅有！現嗌現包現蒸，新鮮食材睇得到！承諾絕不售賣隔夜包。

旺角行街經過見到唔貴又係新開，入去買幾個食下。香菇醬肉大包，入面放有入左味既豬肉外，仲加入左好多既粒粒香菇，醬香味較濃，食落更香口而且外層麵包好軟熟。雞蛋菜包，面相當足料既素食包點，有紅蘿蔔絲，木耳絲，粉絲，蛋同切好的菜。口感豐富味道輕薄點。紅豆沙包，唔會太入面勁多紅豆沙。鮮肉小包1籠5個，一口一個而且入面勁足料，豬肉比例較多。所以食落唔會有多肥豬肉。豆漿唔會太甜有豆味，天氣咁熱飲番杯凍豆漿又夠健康。

行街行到我餓餓地，係朗豪坊對面開咗間新嘅包子店🤪⁠⁠「881」主打售賣醬肉包，係全港首間醬肉包主營店，所有包子現嗌現包現蒸👍 引領香港包點新潮流！「881」承諾絕不售賣隔夜包！新鮮食材睇得到！一口氣點了幾款包子，喺旺角呢啲咁貴租嘅地方，佢個價錢出奇地平！主打嘅「醬肉大包」一個只不過係$12💰瓣開包子，啲料都唔少👍喜歡素菜嘅朋友可以試吓「雞蛋雜錦包」、「紅豆沙包」，店家嘅產品，迎合咗其他喜好嘅朋友！「鮮肉小包」一籠有六粒，每隻都好飽滿，一口一粒👍同朋友share就最好嗌呢個！唔知係咪新開張嘅關係，臨走仲送咗杯綠豆湯俾我飲🤪抵讚臨走仲見到門口有大大個玻璃窗，可以比途經嘅路人見到包嘅過程👍師傅手勢好好三扒兩撥已經包好一隻包子，仲要啲餡起勢咁加🤪 絕不留手！✣ 醬肉大包 $12@1✣ 雞蛋雜錦包 $8@1✣ 紅豆沙包 $8@1✣ 鮮肉小包（6個）$30@1籠

今日經過旺角見到全港首間醬肉包主營店 881包子, 小店主打傳統手工中式包點, 全部每日新鮮製造, 現嗌現包現蒸, 唔會隔夜。每款包點皮好薄, 包身鬆軟, 可以品嘗到滋味十足嘅新鮮口感醬肉大包出爐燙手, 打開見多超多醬汁, 主要用了冬菇和豬肉, 肉味香濃, 完美結合傳統與創新雞蛋菜包 素包主要用了椰菜, 木耳, 粉絲, 雞蛋, 餡料豐富, 配搭清新紅豆沙包 包身口感煙靭有彈性, 入面既紅豆餡香甜綿密, 有超大既紅豆粒鮮肉小包 每籠有六個, 剛好一口size, 餡料鮮嫩多汁

💡【新鮮手製包】係旺角行街，見到一間以紅色為主🔴的店鋪寫住881 的店鋪名，好搶眼，忍唔住入左去睇，原來係買包，每一個都係新鮮手製，即叫叩蒸，仲要主張不賣隔夜包，忍唔住都買左幾盒番去食。🫓醬肉大包$12招牌大包，餡料用上豬肉🐖跟冬菇🍄，新鮮出爐，兩者味道好夾，值得一提個醬汁好香，令到個包昇華左🫓雞蛋菜包 $8素菜包包，內含雞蛋🥚粉絲，椰菜🥬、木耳，紅蘿蔔🥕等等，味道夠曬fresh，健康之選。🫓鮮肉小包1籠(5個)$30$30已經有5個，呢個真係好抵食，餡料有豬肉及馬蹄，多汁之餘仲好豐富。🫓紅豆沙包$8呢個就真係超級爆餡，入面有好多紅豆，仲要係起沙，味道香濃又唔太甜。

不斷落雨 足足落左兩個星期⛈️🌧️難得一日好天☀️梗係出去行下掃下街係旺角出左港鐵站 行左兩個街口見到一間紅色❤️裝潢光鮮既中式包點店竟然係用數字881命名 就當然要八卦下啦原來係主打醬肉包 結合傳統同創新製法 全港首創 又真係未聽過喎🧐🧐另一個賣點係即嗌即包即蒸 100%新鮮肉 一定唔賣隔夜包👍🏻👍🏻 反正未食午餐 就一口氣買左幾款同朋友分享除左王牌醬肉包之外 仲有幾款蒸包 小食 豆漿亦可以叫包+豆漿既套餐 蒸包唔細件 價錢唔貴 幾抵食👌🏻今次就試晒4️⃣款包包💥醬肉大包 大大個既招牌包 飽滿既感覺☺️包身好軟綿鬆化 香味濃郁 滿滿既冬茹肉餡😍肉味好夠 而且都幾飽肚💥雞蛋菜包係素包 餡料幾豐富有雞蛋 椰菜 紅蘿蔔 粉絲 木耳 食落就清爽啲 而且包同餡有兩種唔同既口感 💥紅豆沙包紅豆沙蓉起晒沙 綿密得黎帶顆粒感 甜度適中 食完都唔會膩💥鮮肉小包好似蒸包版既小籠包肉餡香滑帶肉汁 好味細細個 一啖兩啖 好快食晒買包仲送綠豆水 咁熱飲清涼一下😀

香港這個美食天堂,想要脫穎而出實屬不易,旺角的包子專門店卻成功做到了。他們堅持以新鮮食材為本,並推出了一系列創新又獨特的醬肉包,成為了香港包點界的新典範。醬肉大包。外皮白白入口鬆軟,一咬下去餡料軟嫩多汁,瞬間爆發出醬香四溢的迷人香氣。餡料裡的豬肉鮮嫩可口,與醬料完美融合,營造出極致的口感。與此同時,濃郁的肉汁更是讓人垂涎欲滴。這款醬肉包可謂集香味、口感和視覺於一體,絕對是招牌之選。大包之外,鮮肉小包同樣也很出色。包子外皮薄而有勁,包裹住餡料飽滿多汁的鮮嫩肉餡。一個個小巧玲瓏的小包子,外皮香噴噴的,咬下去餡料汁水四溢,讓人忍不住連吃好幾個。堅持以新鮮食材製作,更承諾絕不出售隔夜包子。這份對品質的堅持,也正是他們成功的關鍵所在。

【油尖旺區】【881】喺旺角 Sukiya 附近見到有間新開嘅外賣店叫做「881」，個名好鬼電台，唔知賣乜。行入去就知道原來佢係全香港首間醬肉包主營店，主打售賣醬肉包，仲話要令顧客「盡享傳統與創新嘅完美結合」，咁勁。不過我都唔知咩係醬肉包，之前亦都未食過。行埋去見到佢哋原來所有包點都係現嗌現包現蒸，呢點勁吸引喎！佢哋仲「承諾絕不售賣隔夜包，新鮮食材睇得到」，咁堅，就同細豬哥一齊試吓佢啦。首先試佢哋嘅招牌菜，就係 $12 嘅「醬肉大包」，我哋一人一個，好正， 肉香味好出，大家都好中意。之後試各 $8 嘅「雞蛋菜包」同「紅豆沙包」，前者個餡係雞蛋椰菜木耳粉絲，夠清新，後者豆味香濃得嚟又唔甜，正。試埋 $30 一籠嘅「鮮肉小包」，肉餡好食，勁邪惡。夾埋只係 $70，食飽兩個人。咁樣食包法可以話係絕無僅有，引領香港包點新潮流。。。（地址：旺角亞皆老街33號美聯金融大廈地下）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #ta

881位於旺角上海街朗豪坊斜對面 主打皮薄餡靚嘅包點特設櫥窗畀客人親眼見證食材即嗌即包即蒸係全港🇭🇰 首間醬肉包主營店 暫時都仲係絕無僅有 ~除此之外 亦都係即叫即包 唔係一早包好晒先俾你你要幾多就入幾多 落個盒到佢哋個盒 都花咗少少心思 好方便攞出嚟唔使攞住個盒 有時啲包熱辣辣 攞住個盒都怕辣親隻手佢地都係 現嗌現包現蒸承諾絕不售賣隔夜包～ 全部都採用新鮮食材架！.🐷醬肉大包呢個包都幾特別 係佢哋嘅招牌菜裏面嘅餡料係冬菇同埋滷肉個味道都幾濃郁 啲料都算比得足～ .🐷雞蛋菜包相信好多人同我一樣都冇聽過乜鬼嘢叫咗雞蛋菜包裏面都幾特別因為除咗有雞蛋之外 仲有啲紅蘿蔔、椰菜、木耳、粉絲雖然係冇肉嘅素包 但係材料都豐富 食得同樣滋味小編就覺得攞嚟做早餐唔錯 唔會太過油膩.🐷紅豆沙包紅豆沙包口感鬆軟 內餡豐富 甜而不膩啲紅豆仲要可以起沙 整得唔錯.🐷鮮肉小包鮮肉小包外皮較薄軟 內餡鮮美多汁 一買就可以要晒成籠 勁多個人share都OK～.🐷881📍旺角亞皆老街33號美聯金融大廈地下

「881」全港首間以醬肉包做主打嘅中式包點店！全部包點現叫現包現蒸, 佢哋標榜絕不售賣隔夜包, 喺玻璃窗見到師傅現包包點, 睇得出係新鮮製作～🥢醬肉大包熱呼呼嘅大包, 一咬開就見到滿滿嘅冬菇同豬肉, 餡料飽滿, 相當足料！包身軟熟有彈性, 濕潤度剛好, 好美味！🥢雞蛋菜包 餡料有雞蛋🥚、椰菜🥬、木耳、甘筍絲等等, 食到木耳同甘筍絲嘅爽脆質感, 保留到蔬菜嘅清甜滋味, 清香而不膩, 呢款包點特別啱素食人士食！🥢紅豆沙包包身蓬鬆香軟, 豆沙餡香甜綿密, 仲食到粒粒紅豆🫘, 整體唔會太甜🥢鮮肉小包1籠有5個, 外皮軟綿帶Q, 有彈性而不黏牙, 肉餡鮮嫩多汁, 豬肉肥瘦比例平均, 唔會太膩

今天去了這間包子店，地點位於旺角市中心，小包子肉汁好多，味道不錯，新鮮熱熱，咬下去時還有肉汁，吃一個也好滿足，服務快而有禮，可再去🥰還送了飲品，值得一讚，下次午餐再吃另一款試試。店家的服務也堪稱一流,態度親切有禮,無論是平日還是節假日,無論是早上還是晚上,他們始終以最專業的態度為顧客服務。下單到取得食物也快速到位，店鋪環境也乾淨整潔。如日後能加設堂食，將會是一個很好的選擇，期待下次推出更多款式。👍🏽👍🏽👍🏽👍🏽👍🏽👍🏽

岩岩經過見到間新鮮即整中式包點鋪 係玻璃見到師傅即整緊包🤣買左一個試下 個皮同平時食開有少少唔同 比較有咬口 彈少少 食完即刻買曬幾款返公司同同事食醬肉包 $12/個 👍🏻👍🏻👍🏻👍🏻爆餡有冬菇同肉 食得出好新鮮 同x記果d好唔同 雞蛋雜錦包 $8/個 👍🏻👍🏻👍🏻超多椰菜 木耳 甘筍絲 有粉絲同雞蛋少見呢隻餡 岩素食人士紅豆包沙包 $8/個 👍🏻👍🏻👍🏻👍🏻👍🏻呢個好有驚喜 食到豆沙同一粒粒紅豆 唔太甜同同事都覺得好食鮮肉包 $30/籠👍🏻👍🏻👍🏻👍🏻👍🏻有四個 全部都係肉 同出邊d肉包唔同 無咁實個人同同事都最鐘意呢個肉包整體個人覺得包同香港食開既口感唔同 幾特別可能比較接近內地質地 整體幾平唔貴