影片
以前食過幾次午餐，晚餐都好好。扒係煎得靚同份量足。仲有朋友會專登揸車嚟食，話呢度嘅扒好好味，一定要試好過出面費西餐廳，所以就每次經過有位都入去食。因為係小店想有位都係要靠運氣。今日咁啱經過，見到冇乜人有位就入去食霉記憶中嘅靚扒！但係今日呢個午餐，一見到心中「唔係呱，咁叫西冷扒「，薄過茶餐廳嘅薄牛扒就係肉眼扒，用一大堆翠玉瓜同茄子放喺底，墊高都唔會令塊扒厚咗架。最好味嘅係焗薯同汁。講真，呢個位置咁吊腳，都係做街坊生意，或者附近上班嘅人都唔係好消費得起，$68一個午餐，中上價，可以令食客滿足成日有回頭客先係互惠互利嘅方法。真心好想支持呢間小店，但係品質水準跌到咁，真係好難令人會想去幫襯。另外入邊嘅環境清潔都麻麻，明白嘅人手不足，但係都可以keep住整齊乾淨啲。繼續努力，食物加以改善，會更多人支持小店💪🏻
繼續閱讀
喺葵涌發現咗個美食好去處，真係掂呀！80後冰室令我驚喜連連，嘅典型香港風味。我啱啱試咗佢哋嘅招牌菜之一，溫泉蛋卡邦尼意粉，真係令我食指大動。意粉做得啱啱好，唔會過硬或者過爛，而溫泉蛋嘅溏心程度簡直無得輸，加入咗意粉之後香滑得嚟，有一種幸福嘅感覺。😋卡邦尼醬汁都係另一番風味，奶油同蛋香完美結合，豐富嘅口感同埋滿滿嘅香氣令人回味無窮。Becon嘅濃郁香味配上Mushroom嘅鮮美，真係夠晒心思，每一啖都食得出佢哋嘅用心良苦。雖然距離上次去食已經係幾年前嘅事，但記憶中嘅味道至今難忘。要講，佢地間餐廳環境簡單樸素，但卻唔失溫馨，仲有貼心服務，真係食客嘅心頭好。反映到嘅價格相比其他西餐廳更加親民，但食物質素一啲都唔輸蝕。最正係食嗰陣，周圍都係會話嘅熱鬧聲，感覺就好似係大家庭咁。呢間店，我一定會再嚟，同三五知己一齊享受呢啲美味嘅。💪🥂
繼續閱讀
午餐套餐：香草红酒燴牛尾飯57元跟餐飲品：凍柠檬茶4元午餐61元在這個地方。可以吃到不錯的午餐算不错了。味道香浓，午肉煮到剛剛好。牛肉和配菜都足料。凍檸茶大大杯。
繼續閱讀
喺石籬呢個美食沙漠度，竟然有一間充滿心思嘅西餐，店主係貓奴，而且仲係黃店！一定要懲罰下！舖頭十分之細，大約只可以坐二十人，一到午飯時間就會人頭湧湧。但係佢啲嘢食全部係好有心機整㗎！大約一個星期就會轉一次餐單，餐單嘅嘢食都好多元，主要係以西式，日式，為主。午餐都主要係$60至$70配凍飲加$4如果想飲啲特飲，例如珍珠奶茶，桂圓茶等等就要加$6-$10金菇肥牛配薯菜 用咗原個嘅薯仔，配上香蔥煙肉同埋酸酸地嘅汁，好好味！好有誠意，焗薯真係唔係度度有得食！但係建議啲汁同煙肉可以多啲！而配菜都好豐富，係油炸過嘅茄子同翠玉瓜，有肉又有菜，重有咩好彈？鴨胸肉鮮果沙律啲水果勁多，有蕃茄仔，蘋果，火龍果，橙，蜜瓜等等，好健康，但係有少少唔夠飽🙈紅酒燴牛尾世界級好食，啲牛尾肥美，有五六舊，好好肉地，煮到骨肉分離，醬汁好濃郁，入邊仲有洋蔥， 青芹，好多香料，撈飯食一流！
繼續閱讀
今日去8O后食紐西蘭西冷牛扒配薯菜，送熱飲。個薯仔幾好味，西冷扒都幾腍，但係就比較細件，不過因為個薯仔夠大，所以都飽。個汁幾好，少少甜，瓜菜點汁都好好味。$63都算平，上菜個樣都唔錯，可以喇😆
繼續閱讀