7E咖喱王

營業中

休息中

每次經過重慶大廈，都有很多印度人派唔同印度餐廳既單張。感覺好熱鬧又得意依棟大廈感覺上有很多卧虎藏龍既餐廳不過每次都係經過，未食過朋友由英國番黎，今晚約左佢食飯。佢話想食咖哩，大家不約而同都諗起依度。上網搵餐廳睇食評，揀左依間咖喱屋。果然冇揀錯😜我地叫左兩款咖喱，兩款薄餅咖喱雞 🐔香甜少辣，雞肉大大粒（冇骨）正！咖哩魚 🐟魚塊炸得香口，粉漿唔會過厚依款咖喱，比前者偏咸少少。但配合薄餅去食，又係冇得頂！兩款咖喱味濃香口，唔會油膩。很正宗又令人回味的印度咖哩原味薄餅好大塊又抵食點上咖喱味道一流芝士薄餅依款口感有點煙韌。熱辣辣出爐，中間的芝士很香口，豐富的層次感個人比較喜歡芝士薄餅另外，餐廳用錫紙包住器皿去盛載薄餅或許可以keep 住薄餅暖暖的溫度今晚第一次係重慶大廈食咖哩食物平靚正，一個很愉快的晚上

今晚同朋友去了尖沙咀的 7E 咖哩王食晚餐原汁咖哩蝦 咖哩汁需濃但不是很辣, 用來配飯 / 烤餅, 真是一流. 燒羊肉咖哩 肉質很嫩口配上香濃的印度咖哩汁煮法, 吃下去完全沒有羊肉的蘇味, 配搭非常好, 可一試.瑪沙奶茶 與香港的飲開的奶茶味道完全不同, 說不出的印度特色, 芒果乳酸 這個我最為推介, 沒有像飲開的乳酸那樣濃, 飲一杯真的不夠喉, 正.串燒雞柳, 肉質很嫩, 愛吃雞肉的可要試試.蒜茸烤餅 正, 很好吃, 我頗喜歡印度烤餅. 還有幾個味道可選擇的, 在上面塗上燒羊肉的咖哩汁很有吃PIZZA的感覺.

今日中午突然想吃地度的印度菜同咖哩，去了一間印度咖哩餐廳叫7E 咖哩王.我叫左印式雞肉沙津，有我喜歡的雞肉，肉質鮮美，不知不覺食了很多，配以沙津醬汁，令沙津好有田園感覺

如果想吃地度的印度菜, 及喜歡吃咖哩的朋友‚ 我可以介紹大家慮去重慶大廈里的一間印度咖哩餐廳 “7E咖哩王”, 在尖沙咀重慶大廈好方便。這裡的菜式真的很有印度的風味. 好像去了印度吃餐似的.叫了個印式雞肉沙津，肉質很嫩, 味道可以, 喜歡吃雞肉的可一試，沙津中的汁料好好味，令人好開胃不少，配以各種瓜類。由於我好喜歡呢度的食物，食物令人感覺像食緊印度菜，下次一定要試印度咖哩雞、印度薄餅、炸雞肉球等等.... 想起都令人好期望下次再來。

今日約咗個好喜歡食咖喱嘅朋友飯聚，理所當然就要食咖喱啦！但係講到喺尖沙咀區有邊間好食，佢就話飛重慶大廈裏面嘅7E咖喱王莫屬雖然朋友嚟過好多次但係佢都係依然要靠企喺重慶大廈樓下的專人帶佢去搭𨋢。講多少少啦，其實只要你喺大廈嘅門口搵到派傳單嘅印度籍先生同佢講想去幫襯，佢就會帶你穿過重慶大廈裏像迷宮一樣的小巷直接去到搭𨋢。不過唔好搞錯喎，記住一定係要7E咖喱王的接應專人先好跟而且接應先生還會給你這張會員卡，用這張會員卡結帳可以免收加一服務費原來店舖是屬於私人會所只招待會員呢友人極力推介這個特式雞，說必定要試試這個菜式屬於微辣，咖喱味不算很重再配上少許的奶油味，非常惹味而且內裏的雞肉雖然不至於很嫩滑，但是口感亦很不錯，是屬於有質感的那一類型，值得一試喔另外我們也點了菠菜芝士。原以為這個會屬於比較清新的類型，但原來有着十分濃厚的芫荽和青椒味，再配合菠菜微爛的口感，雖然是重口味菜式，但卻一點也不討厭而當中的芝士和我們平常在西餐廳吃的不同，芝士味屬於比較清淡，口感亦沒有西餐廳那種芝士的濃稠，有點兒像硬豆腐，配合濃味的菠菜茸吃有另有一番風味另外我們也點了兩個烤餅，其中一個是牛油烤餅。微咸的烤餅外表烤得

由於太喜歡食咖哩羊同nann個d，所以就決定拉朋友去家姐大推既重慶大廈咖哩試下！入到去完全唔知要係邊坐lift，甘岩有個人派佢既傳單就叫佢帶我地坐lift😂呢度都幾多外國人食，香港人都有，睇黎真係幾出名😂⭕️脆餅 (送的)呢個偏重胡椒味，點個個青青地既醬一流！另外就叫左一羊一雞既咖哩同2款nann做晚餐😍⭕️雞勁滑勁大件，完全唔柴口！同份量勁多，實夠食！⭕️羊好夠羊騷味，又勁嫩唔會咬唔開！偏向小小辣配nann夠惹味！⭕️芝士nann 芝士味唔算出，但食落咸咸地，配咖哩或掂胡椒餅個青醬一流！⭕️蒜蓉nann呢個偏厚身，食落實心d，味道好出偏濃味。同羊最夾！⭕️mango lasii 呢度既mango lassi有冰同唔算杰，但芒果味好出好解渴！

以前係附近做野都有嚟過食咖哩，今日這再次嚟到呢個熟悉嘅地方因為佢係7e，要記得行入小小先好撘lift，唔好撘錯去另一block!! 一坐低這即刻叫杯mango lassi) 又解渴又開胃，酸甜度適中！之後嗌左個瑪沙拉雞，偏甜同辣，雞件有7到8件，冇骨而且幾大舊。另外再嗌左薯仔煮椰菜花咖哩，冇咁辣，d薯仔好淋好好食食咖哩當然要配naan la~叫要cheese & original. Strongly recommend cheese naan, 有芝士香嚟帶重牛油味，點咖哩食一流朋友仲要食d惹味野就叫左鐵板雞同肉腸，雞好滑而且味道好特別，吱埋檸檬汁落去食味道更好，小小酸加辣，好香口

同3個朋友去尖咀買野當然要搵地方食晚餐朋友們都冇乜所謂 咁我心血潮話去重慶食原來三個朋友都未去過一入門口 就有人不停比卡片你咁但其實我已經係OPENRICE睇咗食邊間先喇揀咗間叫7E咖哩王上到去門口有塊牌寫住只招待VIP我覺得好搞笑一坐底就每人送一塊胡椒餅我地就點咗炸洋蔥圈 咖哩角 沙律 咖哩雞肉 羊肉當然唔少得個炸洋蔥圈 好唔襯 唔好味 朋友都冇人想食好似只係食個炸麵粉咁 咖哩角都算唔錯 幾香口 又脆口都幾好味沙律又係好一般 食左一啖都冇人想再食而家咖哩雞肉同咖哩羊肉就幾好味咖哩味幾重 算重口味不過間間印度咖哩店都係重口味個人覺得整體都算OK但環境一般 唔太乾淨既感覺

入到重慶大廈，即刻好似離開左香港，成個感覺好似去左印度咁😂前排同個朋友去左重慶大慶食咖哩，咁我地就選擇左去7E咖喱到食，因為個日係平日既11點左右，所以人都比較少食左既野： 1.) 咖喱雞👑依碟咖哩真係超好食，廚師好似放左啲生果落去煮咁，係有種果甜既咖哩，辣辣地2.) 咖哩牛👑依碟都好正，同nan一齊食真係一流！3.) 牛油nan熱辣辣既nan點咖哩食真係非常夾4.) garlic nan總結: 好好食，會再去！

今日同朋友去尖沙咀行街，經過重慶大廈。就試下正宗咖哩😜一坐低就有餐前小食胡椒餅配薄荷醬胡椒餅好脆口，再配埋醬，辣辣地幾過癮，幾好食。之後我們叫左拼盤係香辣雞拼免治牛肉卷雞燒完仲好滑，唔怕乾。辣辣地好香口免治牛肉好有牛肉味，配上檸檬汁更加開胃。特式香料雞，配料好多甜甜地，雞肉都唔少，好嫩滑芝士烤餅，份量好多，有四塊配上醬汁好夾之後叫左份蔬菜類芝士菠菜菠菜打成溶，當中有香料，口感豐富蒜容烤餅有三大塊蒜容味好香。熱辣辣好吸引芒果奶昔好fresh 好新鮮，好有芒果味，夏天飲一流呢個環境都幾好，侍應都親切有禮會再黎幫襯

一直喜歡食印度菜，聽聞重慶大廈有好既咖哩食當然要去啦。去到都係叫d大路野，菠菜芝士，咖哩羊，biriyani 等等，職員態度友善，可惜食物只係一般般，都幾失望，可能係迎合左香港人口味，尖沙咀更多其他更好既印度餐廳。

食咖喱一定係重慶大廈。已經唔係第一次來7E咖喱王，還是那正宗印度味道。餐廳喺E座，由正門直入，到服務台轉右，再轉左，搭lib上7樓，出lib轉左即係。餐廳內部似普通茶餐廳，熟悉的感覺。必點經典【蒜香烤餅】鬆軟烤餅➕十足蒜香，齋食或配咖哩都美味【牛肉烤餅】雖無蒜香味的厚重，但也烤得鬆軟有嚼勁，另有一番風味【椰汁咖哩雞】咖喱汁與椰汁混合後，中和了咖哩的辣，入口後回味甘甜，雞肉可能事先醃過，肉呈鮮紅色，送飯啱晒【咖喱齋】花菜、薯仔、青紅椒，蔬菜配咖哩汁，小小辣更惹味【鐵板雙拼】鐵板雞拼牛肉腸，煎得熱辣辣，加小小檸檬汁引出肉香，再食啖蔬菜，絕對滿足如果想品嚐正宗印度咖喱，咖喱王不會讓人失望。PS 重慶大廈都係好得人驚😅

重慶大廈不嬲都係出名食印度野，今晚朋友介紹去呢間頗為出名嘅7E咖哩餐廳，入到去環境簡單冇乜裝修，但當服務員服務態度都幾好，一坐低就有胡椒薄餅配薄荷醬，食落都幾香囗爽脆，加埋薄荷醬味道更清新。呢個香濃茄汁繪蝦球啲蝦幾大粒都幾爽口，咖喱非常香濃，小小辣幾開胃。再叫個蒜香薄餅，兩者配合黎食簡直一絕。再嚟多個咖哩牛腩, 牛腩囗感剛好，咖喱汁甘甜, 味較重, 配個原味薄餅，薄餅有彈力唔油膩，整體味道正間中來下食印度咖喱真係一個唔錯嘅選擇，呢度嘅印度咖喱真係好正宗。

食得咖哩，全宇宙都知道要去重慶大廈，但係選擇太多，就唔知應該去邊間好。今次就決定試下7E咖哩王，皆因之前睇電視喬寶寶介紹過。基本上一行到入重慶大廈，就會聞到一陣陣咖喱味道，記得係門口被好多人圍住既時候千祈千祈千祈唔好亂拎卡片/宣傳單張！係打算食果間先好拎！如果唔係拎左就當你有幫襯架喇～而再入到去7E，嗰陣濃濃的咖喱味就更加之犀利！好香又好肚餓呀！老闆(好似係)好熱情落力招呼！先來的是印式燴羊肉，好香，睇得出有好多香料，不過當然係佢識我我唔識佢啦，我講黎講去都淨係識masala~ 講返個羊肉先，羊肉燴到好林好入味，啖啖肉好正！美中不足是我嫌佢唔夠羶 跟住有印式蒜蓉薄餅，蒜香味好重好香口，配埋咖喱真係無得輸！而且仲好鬆軟，好好味呀！接着是咖喱白汁燴雞，椰汁味好重，我老公特別鍾意！我個人就鍾意羊肉嗰個多啲～呢個就冇咁辣，如果有小朋友食就啱晒，可以撈三碗飯！最後係印度皇飯，老闆話係用印度米炒的，同我哋食開嗰啲飯唔同，佢係好一粒粒的，最後我都係撈咖哩食，不過掛住食唔記得影相～正唔正宗我就唔知，不過我覺得好好味囉～～

重慶大廈嘅咖喱出哂名，身為香港人無食過都枉叫食家。今次去嘅呢間唔係大店，但水準一流。對於一啲未去過重慶大廈嘅朋友，我奉勸各位揀好餐廳先去。只要你係大門逗留超過一秒，都會俾巴藉人士"圍攻"，瘋狂地介紹自家的餐廳，將啲卡片隊去你塊面度，都幾恐怖。間餐廳有啲難搵，你要每部只去一個block. 都要轉幾個彎先搵到。未入到餐廳門口，老闆已經好熱情咁問幾位。餐廳擺設有點茶餐廳風，乾淨簡約。頭盤有印度薄烤餅配綠色辣汁，建議不要點太多，都幾辣。老闆介紹咗個白汁燴雞，心諗我嚟食curry，唔係食大家樂。跟著上菜時先發覺係加椰汁多嘅意思。啲咖喱有大中小辣揀，啲椰汁唔會蓋過咖喱的味道，而且會加點雜果（主要係椰果），令咖哩多咗啲夏威夷風味。如果想咖哩汁撈飯嘅朋友，配呢道嘅黃薑飯係絕配。咖哩汁配普通白飯會變得太糊。黃薑飯用泰國米，撈完咖哩汁都仲係一粒粒，有口感。本人食咖喱比較喜歡naan. 呢道啲naan有唔同味揀。不過如果食濃味咖哩就無必要加其他味了。通常一份naan嘅份量配一碟咖哩，啱啱好。