616牛肉火鍋專門店 (三陂坊) (已搬遷) 新店位置

#616牛肉火鍋專門店 懷舊裝修，打卡一流啊，嗰d零食真係可以買㗎，充滿童年回憶。至於火鍋料就有好多特別部位嘅牛肉，iPad 點菜時可以睇到係咩部位，匙柄、金花趾都好食，推介牛雜湯底，牛肺同牛腸正～ ==============📍荃灣三陂坊14-18號安安樓地下B號舖*仲有好多間分店

早兩日同屋企人一齊食晚飯，有人建議打邊爐，我地就去左荃灣試呢間616牛肉火鍋專門店，呢間入面都幾大，有兩層。店舖設計舊式風格，用咗大排擋式圓枱同圓櫈。👍🏽如果係星期五六日就最好一早訂位。用平板電腦落單，十分方便。佢有幾十款牛肉揀，清楚列明唔同部位同埋口感🤗而最好嘅就係佢每一碟嘅份量都唔係好大而且價錢平，平均唔洗50蚊一碟，咁就可以叫多幾碟唔同嘅部位來食，佢每一隻牛嘅部位佢都會有介紹番大約係要煮幾耐，非常細心！除咗食牛，佢蔬菜同埋丸類都好多選擇。佢嘅醬料亦都好多，放晒喺出邊自己去配搭想要既醬料。

好掛住個環境！好掛住啲食物！連續兩星期，每星期都要去一次！牛丸必食$28/6粒（超值）牛肉餃皮薄餡靚（如果餡可以多啲就好啦）蜆煲好正， 份量好足，蜆肉肥美鮮甜👏🏻👏🏻牛肉唔使叫$68個啲， $48個啲已經不得了青花椒煲真係好刺激個人很喜歡自助醬汁吧有青檸提供， 絕對可以帶出食物的鮮味， 超讚！當日我們享用晚餐時， 後面有張枱坐著11個學生， 他們在大叫大笑， 超級嘈吵！不得不讚侍應姐姐主動有禮貌地叫佢哋將音量收細，真的感動

第一次來到荃灣的616牛肉火鍋店，在環境方面，都十分衛生同乾淨，四圍也可以看到不同懷舊既佈置，冷氣都十分足夠。員工也會介紹食物，態度也十分有禮貌。食物方面，牛肉十分新鮮，食落有鮮味，醬汁係自行調配的，價錢也十分合理。

之前經過都有見到呢間火鍋店，就約一班老友黎試，訂咗位 8:30，一去到基本上見到都係坐滿曬。落單全部以平板落，減少出錯 上菜快，牛肉，魚滑等等食材都非常高質，係扇貝差d，整體表現都好正。** 可能有其他枱食 d 好辣嘅湯底（我自己唔食得辣），一坐底，個鼻超辛苦，打乞次，鼻水得，用咗成包紙巾 當然，呢樣唔關店家事，係我自己嘅問題 only

喺Instagram見到朋友Tag呢間嘅打邊爐，望落幾正，所以去咗荃灣呢間試一試！.火鍋湯底 || 【花雕醉甲鍋】 $98好鮮甜！兩個人食，食極都仲有花甲，多到淨係食花甲都飽！酒味夠香，帶到花甲嘅鮮味～少少辣，完全啱晒我口味！.牛肉 || 好多選擇，老實講唔係好識揀，都係靠店員介紹，平均價錢都係 $48 左右價錢合理，份量適中！唔算多亦唔算少，兩個人食啱啱好有叫【安格斯橫隔肌】、【滑尾龍】等等。肉質各有不同，但整體都好滑唔難咬，牛味不錯。.其他食物 || 有【羽衣甘藍】！非常新鮮！亦唔係間間火鍋店都有，超有營養！用醉甲湯淥吸晒鮮味簡直一流！亦叫咗【雙拼牛肉餃】，麻辣味好特別，店員話係佢哋自製嘅，冇味精好好食。.整體 || 裝修以屋邨作藍本，好有特色，啱晒打卡。亦有祕製牛肉汁可取代豉油，更突顯到牛肉鮮味。呢一間有機會人再Encore

待應姐姐好nice 👏🏻👏🏻👏🏻我係OpenRice 第二次book 位已被認出， 好記性！👍🏼食物環境細細碟可以試不同部位既牛🐂雖然配菜種類不算多， 但貴精不貴多👍🏼

我同朋友都超級鍾意食牛🤗🤗🤗🤗🤗🤗今日佢同我講有一間616係專門食牛嘅火鍋有好多款唔同種類嘅牛🤤🤤🤤😍😍😍所以今日決定同佢一齊去試下睇下啲牛有幾好食啦😋😋😋😋😋牛肉足足有成十幾款唔同部位或品種牛，款款$48／$68咋。😋😋😋😋😋真真正正嘅平靚正兼款式多。 👍🏻👍🏻👍🏻👍🏻👍🏻👍🏻👍🏻間店嘅裝修係真有令人回到過去嘅感覺。 人均消費$200左右唔洗300一定夠飽。自問係牛魔王？！必試！

今日又去咗打邊爐啦🙆🏻🙆🏻呢間616係港式懷舊裝修😍😍枱櫈好似大排檔咁牆就用咗舊式懷舊舖頭裝飾🍬呢間舖頭用牛做主題🐮🐮🐮有好多款牛嘅唔同部位🐂用tablet落單 撳入幅圖度仲會有簡介👍🏻👍🏻價錢唔貴都係$48-$68 每碟有大約9-10片可以試多啲唔同部位🤓🤓我今次就講下牛以外嘅嘢食啦🐷黑豚霜降肉 $68呢個黑豚霜降肉肉質好鮮嫩😋😋 口感幾獨特🥟黑豚灌湯餃 $68餃子包得好靚 個皮好薄好滑😎 煮完入面好Juicy😋 餡料食到有啲豬肉同埋豬皮💟磯燒原隻扇貝 (2隻) $48用咗蒜蓉海鹽牛油嚟燒♨ 蒜蓉味好香濃🦐鹽燒活海蝦 $8調味幾好 蝦都幾新鮮皇帝菜 $28用咗個好似花盆嘅盤嚟裝住 份量都算幾多醬料 $10@

616 牛肉火鍋名字改得很好，除容易上口外，六字普通話為牛字發音，牛作主題，而且還有很多不同牛部位供選擇，吃得專門，很短時間已開了多間分店，今天終於有機會過來試一試。又是電腦平板點菜，打開清楚詳細介紹牛的不同部位，每碟分別$48-$68不等⋯⋯看完個Menu 詳盡介紹牛的不同部位，簡直是上了一課，真是要在不是太肚餓的時候去研究，否則會失去理智，亂點一通。花多眼亂多心，選擇困難症即將爆發。醬料每位$10, 他們的秘製牛肉醬汁好味濃郁，略嫌太甜。每碟牛肉端上檯面到來時，保留那張點菜單，令食客知道那碟其部位。由於每碟分量很少，所以很適合三兩知己好友圍在一起，多點選擇不同部位。反而一大班人的到來的話，由於看見碟碟分量太少，那些愛牛者，點牛會點到失去理智，容易重覆再重複，筆者認為有大小碟Size 之分，可供選擇會好一點。蔬菜類別:水蓮菜$28~很喜歡這裡有水蓮菜, 因為不是很多地方可吃到。羽衣甘藍$28~筆者覺得這菜不適宜作火鍋用，太韌了。黃喉$48~一向喜歡這部位，烚一烚爽脆。野箘什菇$38~鹽燒牛脷串$48~筆者當晚最喜歡這個，下酒小吃一流👍🏼👍🏼黑豚濃湯餃$68~由於其中一位不吃牛，在這裡

由於屋企人選擇唔係正日做節，我得以同兄弟出黎打下邊爐，今次就黎試下荃灣三坡坊既<616牛肉火鍋專門店>~~當晚由於係冬至正日，選擇打邊爐既人唔算太多~~<616>係裝修方面仿照大排檔風格，餐廳裏面有一部分設有售賣懷舊零食既counter~~餐廳采用電子點餐，餐牌介紹清晰，牛肉部位選擇多而且特別，由點菜到食物上台，整體速度十分快~~值得一讚~~餐廳設有自助醬汁吧，醬汁方面更有餐廳自家調配既牛肉火鍋汁~~我地當晚以花雕醉蜆鍋為湯底 $98 - 蜆既數量算多同厚肉，配合有花雕香味既湯汁十分惹味，但部分蜆因有少少沙而影響口感~~吊龍伴 $68 - 牛味濃而有咬口~~~牛腩心 $68 金花趾 $68  - 味濃而爽口~~蝦滑 $48 - 有蝦滑應有既爽滑，個人認爲比牛滑出色~~~牛坑爪 $68 - 肉質彈牙但不油膩~~牛駝峰 $48 - 油脂較多，牛味濃郁~~安格斯 - 橫隔肌 $48 - 牛味濃而質感嫩滑~~個人最愛之一~~滑尾龍 $48 - 加入蛋汁令牛肉更滑，食完成班人互望：“滑牛！！！！！"黑豚梅花肉 $68 - 另一必食推介~~~牛舌 $48 - 切得好

忙完一輪 終於可以黎個二人世界打邊爐啦自從有左小朋友後 好少去打邊爐 始終周圍都係燙湯 一個唔小心真係後悔都無用講番正題 個晚去左食屋企附近既616佢個名已經夠哂gimmick 入到去個裝修仲好有心思 好有七 八十年代感覺 勁親切打邊爐最緊要湯底 今次叫左個花椒牛骨鴛鴦鍋 有辣有唔辣 輕易滿足哂所有人啦呢間店主打牛肉 仲要食得好刁鑽餐牌上啲名聽都無聽過不過唔洗擔心 因為佢會介紹番究竟佢係牛邊個部位 同埋質感如何 再唔係搵個店員問一問 即係俾到心水你個日我地試左4款牛 分別叫封門柳 牛上肋 牛頸脊 同脖仁 係咪好多都未聽過呢？😂😂😂四款各有各特色 牛上肋就重油脂 比較腍 封門柳就重牛味 牛項脊同脖仁都係指緊頸位 但脖仁既牛味最重老公鍾意牛味 所以佢對脖仁讚口不絕 鍾意牛味既朋友一定要試下啦另外要特別介紹既係一隻叫水蓮菜既蔬菜 佢個樣好特別 味道有少少帶芫茜既香味 出面好少見 配菜既麻利牛都值得推介 酸酸辣辣既開胃菜

天氣開始涼涼地，約埋三五知己打邊爐就一定係最好選擇！荃灣好多火鍋店，但好食的火鍋店數埋都冇五隻手指，上Openrice睇下有冇其他好味而我又未去過！竟然發現到一間有甘多牛食😋😋，我是牛魔皇黎，甘就一於試試你😏個麻辣湯底認真辣，但好味👍🏻👍🏻真係好多牛啊，我們叫左五款牛，但我已經忘記叫乜名，喺度叫牛好好，因為幾十蚊細細一碟，我可以試好多款👏🏻👏🏻👏🏻冇錯🥺lee度除左牛就冇乜其他野食所以喜歡食牛的你，絕對不能錯過😋😋

天氣漸轉涼，最岩記係打邊爐！揀左好耐最終揀左616。朋友有係其他分店食過中午飯，話水平不低，咁今日就黎試試全牛宴！🤤首先講下個湯底，有人食辣又有人唔食，所以就叫左鴛鴦鍋，一邊牛骨一邊辣，牛骨湯真係有少少失望，味道太淡，拎黎煮菜都有少少香味，但煮肉真係好似清湯咁...辣湯唔錯，但唔好指望係好辣...佢大概係十小辣既程度，都算幾適合鍾意食辣但又唔食得既人，而呢個湯底好香好適合煮烏東👍🏼👍🏼👍🏼總結而言，愛牛者的天堂，有唔同牛部位選擇，可以黎一試！

第一次到訪616，4個人食，預約左9:30，來到就即刻有位牛肉多選擇，叫左好幾款試，個人認為「匙柄」好味而且鮮味湯底種類都十分多今次選擇了沙嗲及牛骨清湯底推薦沙嗲湯底！越食越上癮！而醬料方面是自助的，可以加入自己喜愛的配料。另外除了牛肉之外還叫了幾款食品，有生菜⋯響鈴⋯黑柏葉⋯蝦滑⋯稻庭烏冬等等。自己推薦食蝦滑！非常爽口彈牙！正！今次預約還有優惠！十分抵食！最後值得一讚是職員態度親切友善一定會再來