616牛肉火鍋專門店 (西菁街)

營業中

休息中

經常喺呢條街搵食，見呢間店開咗一段時間，都未試過，心血來潮嚟食個下午茶先，4點嚟到，食客不多，坐得舒服，招呼不錯，一客邊爐牛肉烏冬，索價$48，連汽水，不加一，很不錯！

散叫又得，set餐又得，真係好正先講服務，一入去已經好禮貌，見到我哋拎住野，都主動話叫我哋兩個坐四人枱到落單前，佢介紹有散叫，每碟$48，又問我哋係咪第一次嚟，係就可以叫二人餐$338套餐包括:14款唔同部位嘅牛(有爽d,淋d,滑d,牛味重d) 又有一個蔬菜盤，兩個稻亭烏冬，兩罐汽水，仲包埋牛骨湯底，醬料，及唔收加一另外我哋加左碟封門柳食完晒，真係飽飽，好滿足埋單$338+$48=$386。每人$200唔駛，可以食到咁特別嘅牛肉火鍋。。只此一家PS:每晚10:00後有8折

為了吃這個午市火煱，專程到元朗616牛肉火鍋店，去到大概12:30，不是太多人，坐下便點了兩個火鍋套餐。火鍋配料有牛肉，牛丸，牛根，牛骨，黑栢葉，小棠菜，蕃茄和蘿蔔，之再加一個烏冬。鮮牛烏冬鍋$48火鍋料每樣兩件，吃埋個烏冬才夠飽，記得吃時要點個碟牛肉汁，令材料及烏冬更好味。

舊119址現在變成616牛肉火鍋專門店，牛不同部位的打邊爐，真是一次過可以食"一隻牛"，哈哈！我指的是不同部位啦。$388二人套餐，可以吃整頭牛不同部位，我覺得還是可以一試的，事實上，除了平常涮涮鍋外，我根本未吃過牛不同部位的肉…看杜如風去日本，不同部位的牛肉有不同的味道和口感，要自己吃過才知道吧！ 牆身有一幅元朗地標油畫，元朗老友記表示很親切！ 說回食物，湯底只提供粟米牛骨，清清的不會掩蓋牛的原味，個人覺得是有經過心思熟類的，所以一心以為616是打邊爐就大錯特錯了！ 醬料要另加十元，自助形式，沙茶醬和616秘製辛辣汁，個人強烈推介！（但另加$10我覺得是有點小貴…） 牛形碟上每款約有四至六片，size都比較小，涮熟後預料size會更小吧。餐紙上有列明牛的部位，亦有教大約涮多久，大概都是數秒左右，想食到最佳口感就要留心了。 不同部位的牛是怎樣味道我就不多說了，自己不是什麼食家，我覺得以牛味和口感來說，我們一行四人都覺得門杵肉是最棒的，所以亦忍不住追加了一碟，$48還可以！ 這個護心肉（之類的）口感好特別，比牛栢葉還要爽，非常特別！ 點菜用ipad mini啊啊啊！！（超想要一

天氣涼左，又係時候打邊爐，是晚下著毛毛細雨，就黎左屋企附近的牛肉火鍋專門店試一試，見谷友大力推薦話啲牛好正，咁就更加要試啦。店員話推出左個節日限定嘅全牛拼盤套餐，一次過咩都有哂，認真講，牛嘅各部位其實係咩味又真係唔知，咩都試下都好喎，套餐價$338，就點一個試試。如不點套餐，醬料係要$10一位的，先弄個混醬，湯底沒得選擇，一坐低落完order店員就會拎黎，似乎係牛骨粟米湯底。全牛套餐來了，賣相又真係幾靚喎，肉大約每款四片，另外有烏冬，金菇同生菜，再包兩罐飲品。另外散點了油麥菜，豆卜，響鈴，粟米，蔬菜料係$18ea。仲點左封門柳，牛朴肉，三花腱同裹腱肉，牛係$48ea，細細片，真係淥一淥就食得。靚牛甚有牛味，但已忘了每一片的名字了……每一味都淺嚐後，encore了封門柳，個人覺得呢款最正，每日有限定的，手快有手慢無啦。616取其名淥一淥，哈哈，啲牛淥幾秒就食得，火速KO了一整碟，牛痴絕對要黎一試。因叫了很多烏冬，響鈴等飽肚之物，四個人都係食左七百幾蚊，都唔算好貴吖。

當初被店員的熱情，吸引近去用餐，看菜單價格看似便宜，也點了店員瘋狂推薦的$388全牛拼盤，可是送上來後整個傻眼，每種肉只有少少4、5片也切的超小塊，丟進湯裡煮縮水變更小，小到吃不出口感與鮮味，火鍋湯裡雖然有蔬菜，卻沒煮入味，湯頭和水一樣清，吃完全牛拼盤、蔬菜盤、麵和另外加點兩盤肉跟蔬菜，還沒有飽的感覺，實在覺得不值，不如多加點錢吃火鍋吃到飽。😫😫😫😫😫😫😫😫😫😫😫😫😫😫

係朋友臉書見到個呢間店套餐隻牛牛板好有特色，所以決定黎試下。試到好多未食過既牛部位~好有新鮮感，又長到知識服務良好，上菜勁快價錢適中，$48/碟味道新鮮烏冬都好好味

今早在網上訂唔到位， 因網上訂位有送一客 匙柄，我打電話去訂位， 職員話都會送一客 匙柄， 價錢都不算貴， 去到店時候都只是等大概10分鐘便有位， 而且店沒有收加一， 及可免費存放蛋糕， 更深刻既係店員服務態度好好， 及主動好開心向壽星講 生日快樂， 並不是一位職員講， 都有其他都主動祝賀，及店鋪好乾淨。起初我們滾牛肉時間長咗， 所以冇特別好食， 但後來縮短滾牛肉時間， 只是大概10秒或多少少便可以， 及好食好多， 更容易食到牛的鮮味， 最後嘗試湯底精華， 好甜好有牛肉及牛骨味道。

元朗嘅人流越嚟越多，所以好多餐廳都選擇落戶。今日我哋特登走入元朗行吓，買吓聖誕禮物嘅同時，仲睇吓有咩好味抵食推介！咦！午餐火鍋？！基本上每個星期，我地都至少打一次邊爐先滿足，但真係未試過下奏就打邊爐囉！搞到我哋火鍋隱發作，一於入去試試呢間專食牛肉嘅火鍋專門店啦。午市套餐選擇唔多，而且肉類方面，亦只供應牛肉，所以唔食牛肉嘅朋友，真係So Sorry喇！牛餐肉！打錯字？午餐肉由豬製成、牛餐肉當然係由牛製成啦！聽師傅講，經過秘製嘅牛肉，再製作成牛餐肉，所以牛味好出！而牛餐肉經過微微煎香，所以食落好脆口，加上煎嘅時候，時間控制得啱啱好，又唔會煎到乾淨淨！你以為呢個飯最大嘅賣點就係牛餐肉？咁就大錯特錯喇，呢個珍珠米真係內含一個驚人嘅秘密！用上牛湯煮成嘅飯，所以每粒飯都好香牛肉味，淨係個飯都感受到餐廳嘅細心誠意，原汁原味，正呀！同M佬開心share完個飯又點夠飽吖！所以我哋就要試吓午餐打邊爐係咩一回事喇！湯底依舊係用牛骨製成，湯底一滾起，已經聞到陣陣清香牛肉味。而配料方面，有牛腿肉、牛筋、牛丸、牛骨髓、黑柏葉、菜、蕃茄同烏冬。其中位於牛臀腿部位嘅牛腿肉，雖然脂肪含量較少，但切得薄身，一樣好滑，肉味

2016第一打.....今日LUNCH 走左去元朗到食野...見到原來元朗都開左間616.....之後就同班FD一齊走左入去....之後見到佢地原來而家做緊LUNCH SET ~ 我見其實都幾抵...所以我地就每樣嗌一個試下...第一個牛餐肉飯話到明牛餐肉~唧係佢=午餐肉咁樣....幾得意...可能本身冇食過牛肉做既餐肉..哈哈一咬落去好軟腍腍....本身仲諗住佢整到咁既色應該會幾燶種感覺~但點知又冇喎~佢個飯先至係重點呀...佢個飯用牛肉汁黎煮架....嘩...幾邪惡呀....真係食哂個飯~又多份量...一個LUNCH 48蚊真係抵食...之後再黎多個【鮮牛烏冬】黎得呢到梗係要打下邊爐啦...份量一樣係咁多....如果女仔既話一個LUNCH根本上會食唔哂~佢個烏冬好滑身呀....湯底照舊都係牛骨去滾既...好濃呀個味...而佢個配料都多呀...有牛丸，菜，牛骨髓，蕃茄，牛柏葉，牛肉...最鐘意佢個牛骨髓呀.....食落煙煙UNUN咁~

元朗越來越多新開的餐廳，令人目不暇給，是日經過西菁街，竟然看到616的Lunch Set 只是$48！看落食物也很吸引，於是我們一家四口便決定一試。Lunch Set 共有兩款，我們各點一款。先上菜的是牛餐肉大碗飯＄48。平時午餐肉都是豬肉火腿製，但這裏的牛肉餐肉是由餐廳親手用牛肉製作，牛肉味突出，微微煎香高，所以味道也不錯。賣相像台灣的便當，有糖心蛋等配菜，但沒想到最吸引的竟然是碗中的飯，原來由熬成的牛高湯煮好，所以單單吃飯已覺得很鮮甜和香牛肉味。另一款鮮牛稻庭烏冬＄48更令我們滿意！一大份烏冬配上牛肉拼盤，一點也不單調，亦由師傅挑選當天新鮮的牛部位，包括牛朴肉、牛丸、牛柏葉、牛骨髓、牛筋、番茄、蔬菜等，$48能夠有這麼大份量真是抵食！牛朴肉雪花分布平均，牛脂肪味香，而牛肉有嚼頭，加上餐牌上有顯示不同牛部位的最佳涮牛時間， 以保持最佳鮮味和質感。另外牛丸也很彈牙，牛丸汁亦多，很鮮甜。 牛筋雖然軟滑，不過味道較淡。整體而言，午市套餐可以試勻多個牛肉部位，性價比很高！看到午餐味道中上，店面上寫着很多特別的牛部位 ，我們也很心動想試試，於是決定再來個火鍋！餐廳使用iPad自動下單，除了有圖

完全唔係之前食評講既咁樣，手打牛丸我自己覺得絕對唔係手打，冇選擇得牛食，仲要得幾片薄到冇可再薄，價錢一d都唔平，絕對唔抵食，冇下次，唯一贊只可以講係有d服務同裝修特色，但真係唔值得再試，唔明點解d人贊到天上有地下冇，我估呢間野想做集團，但真係攪好食品先啦！

同屋企人行過西菁街，發現左間新既牛肉火鍋店 同家姐立即躍躍欲試，碟碟牛肉$48，哇，好耐冇見過咁平既牛肉...仲有好多牛唔同既部位..6點入座時只有3-4台客人。服務員介紹新店優惠 汽水免費，真係幾抵wor...睇睇餐牌，(用ipad落單，好潮) 除牛以外，食物種類好少呀~~得10種以內。雖然話專食牛，但建議餐廳加多d其他種類既食物，畢竟火鍋類餐廳吸引一大班朋友聚腳食飯較多，食物種類迎合到不同人，生意一定會更好 一行3人點了6款不同部位既牛(牛肉名稱忘記得一乾二淨...)，烏冬，粟米，金菇(配菜好像$18一碟，抵呀!)牛肉味道不錯但各款分別不算大。 埋單四百多，算抵食夾大件之選整體好評，推介

😋如果只愛牛肉火鍋，就一定要試，好食……好正……店內各員工好禮貌，牛腩心和牛丸必吃!因為係真正手打牛丸。款式不多和碟分量看似很少，但勝在新鮮，啲菜真係正菜，冇得輸! 我咁大個女都未曾寫個食評，今次係第一次!希望味道永恆不變，必定再吃。祝生意興隆!

大人唔會食，後生仔唔會去，點解？我2個人去試，叫左3碟牛，1碟菜1個烏冬，埋單差不多300蚊，但係并唔係佢講到d牛咁神化囉！只係得2個評價，無其他野食選擇，大人又點會去呢？後生仔又會覺得貴，其實呢d牛肉好多火鍋店都有，只不過佢地想拎黎做gimmick ，但睇情況我估唔成功囉！而裝修方面係幾有特色既，服務都餐還可以（可能無咩客既關係啦！）牛肉方面個人口味覺得一般，份量太少整體2.5分😣😣😣