20•越南粉

咁難得嚟到紅磡美食巷，一定要過嚟試吓食呢一間越南餐廳。由正宗越南師傅去煮食！雖然去到好多人都嗌越南撈檬/河粉食，但身為咖喱控嘅我好想試吓越南咖喱到底係點樣，所以今次就特登叫咗啲咖喱豬扒飯。喺咖喱方面，同一般香港茶餐廳嘅咖喱唔同，椰汁味較重，而且沒有太重辣味，剛剛好，是我喜歡的味道。而豬扒方面，肉質鬆軟，熱辣辣新鮮煎出嚟。喺凍飲方面，佢都有唔同種類，見到最特別係有牛油果飲品。不過，身為餐餐都飲可樂嘅我，都係飲返可樂。總括而言，都推薦大家過嚟食！不過店舖內環境比較狹窄，所以可能要同人搭枱。…查看更多

午餐時間，去到土瓜灣「DOI MUOI」的越南餐廳，雖然地方並不算高級，但也算是個可試吓的地方。點了他們的招牌越式蒸餾咖啡和生牛肉湯河穩陣啲首先是越式蒸餾咖啡，這款咖啡的特色在於用特殊的蒸餾方式提取，喝起來帶有一股濃郁的香氣，且有點像是在喝濃縮咖啡再加點糖的感覺。味道雖然不算特別驚艷，但那份濃厚的苦味和微微的甜味，讓人覺得像是在品味一段沉澱的時光。我自己很享受的。接著是生牛肉湯河，這道菜看起來普通原本都不討什麼期望，卻意外地讓我跌眼鏡。牛肉厚薄適中肉質鮮嫩，既有生牛肉嘅鮮，亦有熟牛肉嘅香味，生將佢浸落湯底，加幾粒指天椒青檸，清新嘅果香再襯埋指天椒嘅辣，立刻提鮮。天口熱鬱鬱悶悶，最啱就係食碗有湯嘅河粉，湯頭則是清淡而帶點草本香味，配上米粉還算順口，但整體感覺平淡無奇。牛肉的鮮味似乎沒有完全激發出來，反而讓人覺得這碗湯河多了一些等待和期待的辛酸。食飽之後，這次經驗讓我體會到，很多小店雖然看似平凡，但背後的辛苦是值得我們多多支持的。希望大家能多給這樣的地方一點機會，也許下一次會有不同的驚喜吧。畢竟，平凡中也藏著不平凡的故事。…查看更多

今日走到去崇潔街搵嘢食。 行行吓見到有間相信是越南人開嘅越南小餐館，呢間小店主耍係食越南湯河粉/撈檬/飯/地道小食咁，見都好耐未有食過越南嘢，就試吓呢間。 餐館裝飾樸實簡單， 似有去到當地餐館地道味道。 我個人認為一間越南餐館嘅魚露做得好唔好， 基本上可以反映間餐廳嘅食物水準。呢間餐店嘅魚露就…..麻麻地。 所以我唔會考慮叫撈檬， 最後點咗一碗香茅豬扒湯河粉，優惠價追加一份春卷， 再加一杯越南凍奶咖啡。碗粉size唔算好大， 豬扒香茅味道唔夠，可以不理， 但碗粉熬製嘅湯頭夠清， 嚐起來意外地味道鮮甜，而且河粉Q彈順滑。 吃罷確令我意外地驚喜。越南脆春卷正常水準 。外皮非常酥脆， 內餡豐富 。好耐無飲過一杯地道嘅越南咖啡， 呢杯咖啡飲得出加入煉奶嘅甜， 而且獨特嘅咖啡香味，十分濃香。 …查看更多

喺澳洲食完咗正宗越南粉之後一直都好想食番！喺香港食咗好多好多間越南餐廳，今次終於搵到一間正宗嘅越南順化粉餐廳真係好好食！ 大大話話都搵咗10幾年正宗越南粉終於喺紅磡崇潔街搵到正宗順發粉豬腳好味同澳洲，外國嘅越南人開嘅餐廳一模一樣味道！ 好難得佢嘅價錢仲要係好抵食，超級推介呢間正宗越南餐廳！ 香港食到真係越南人開嘅餐廳好少！食咗正宗越南順化粉！ 一句講晒，真心推薦一間抵食正宗嘅越南餐廳！ 今次食咗碗越南豬腳，順化粉都係$58 …查看更多

今晚諗唔到食咩，求其搵左呢間越南嘢，本身見到$58一碗生牛肉河已經覺得幾平幾抵，一食，認真係above average！即使佢收出面街價$78一碗我都覺得好值，更可況佢淨係$58！！！會encore！…查看更多

據聞是越南人主理的小店，位於較隔涉的但多美食的崇潔街。小店座位不多，午市客人多會有點逼。午市點了一碗生牛肉湯河($55)和香茅豬扒湯河($50)，加$23兩件蒸粉包和$8凍青桔茶。生牛肉湯河湯底清香順喉，牛肉份量適中。香茅豬扒肉質鬆化，正常發揮。蒸粉包味道稍淡，要自行加魚露調味。青桔茶微酸清新，幾特別。整體來說性價比高，下次可以試試其他菜式。…查看更多

呢度前身係一間好好食嘅米線，咁啱有人行過見到米線執咗笠變成越南舖，就膽粗粗入咗嚟試。叫咗生牛肉河，好有驚喜。湯底唔會過鹹又唔會過甜，牛肉份量亦都足夠，價錢合理。…查看更多

#平價＃越南菜平時返工放飯都會去紅磡崇潔街附近覓食今次就去咗呢間新開無耐嘅越南餐廳入面都算多位同闊落 中午時間都唔使等位中午有lunch set 平均50-60蚊香茅雞扒河 $52#香茅雞扒大大塊又厚身食落啖啖肉香茅味都幾出味道相當正宗成碗河粉份量都唔細配料都好足52蚊一碗可以話係十分抵食…查看更多

星期六晚同爹哋細佬出街食飯🥰得知加太賀附近開咗呢間新越南餐廳生意好旺，已經坐滿，等咗10分鐘位Menu選擇豐富，多款撈檬、湯河、飯、法包、小食、飲品🇻🇳▶️ 椰菜雞絲沙律 ($58)成座山咁高⛰️份量超足沙律混入椰菜、紫椰菜絲、芽菜、紅蘿蔔絲、香葉，味道清新，咬落爽脆面頭放上大量雞絲同炸蒜醬汁又鹹又酸又甜又辣🌶️有刺激味蕾開胃作用(不過食到底都幾鹹，飲咗幾杯水haha)▶️ 燒牛肉撈檬 ($62)好crave牛肉🐂揀咗呢個兩大條牛肉串燒，燒到外表焦脆惹味，面頭黐住超多香茅絲，香口肉質比預期中軟腍，入面粉嫩唔乾，冇乜肥膏筋位👍🏻檬粉有質感，少煙韌唔易斷配菜有醃蘿蔔、紅蘿蔔絲、生菜、青瓜、薄荷葉、花生粒、炸蒜，撈埋檬粉非常豐富有層次口感🥬醬汁自己落，少少酸甜唔會太鹹係好食嘅一碗撈檬😋全KO▶️ 香茅燒豬扒湯檬 ($58)試咗daddy一塊香茅豬扒，同樣肉質軟腍比牛肉豬肉實正🐷帶少許骨同肥膏位反而冇燒雞同燒牛肉肉串咁重香茅味然而湯底清而夠味▶️ 燒雞肉撈檬 ($56)細佬之選，同燒牛嗰個差唔多，只係換上雞肉串燒雞肉都滑嫩，冇骨冇皮，香茅味重🐔▶️ 香茅串燒沙嗲雞 ($50)｜香茅串燒沙嗲牛 ($58)驚唔夠肉食，加咗兩份串燒各三串，每條都巨型size，$50/份幾抵食同撈檬嘅牛串同雞串味道一模一樣🤣只係旁邊多咗沙嗲醬，有花生粒，惹味又唔辣🥜鍾意佢整得唔油膩，同時保持肉汁▶️ 牛油果沙冰 ($32)即叫即榨，夏天飲消暑解渴🥑飲落好杰身，沙冰綿密似刨冰唔算太重牛油果味，不過幾好飲唔甜食完啲辣辣地又重口味嘅嘢，飲返杯好夾！▶️ 越式凍青桔茶 ($18)味道得意，似港式檸檬茶，但冇咁酸感覺清涼🧊唔飲沙冰可以試呢個-食物出色，調味到位，要香茅有香茅味，檬粉落足香葉😍味道相當正宗欣賞佢肉類處理得好好，而且份量仲好足少數喺香港覺得做得好嘅越南菜 (繼「第一郡」之後)環境ok，大概有32個堂食位因為得一個樓面(見佢非常忙碌)，服務冇咁周到，但係有禮貌而且勤力嘅所以大家嚟到見諒一下，預咗要等耐啲🙇🏻‍♀️始終小店經營性價比高，埋單大概$400，食咗三個小食、三碗麵、兩杯特飲晚餐平均$130/人，以質素份量，抵食👍🏻午市套餐都好經濟實惠，$50起，有機會嚟呢頭不妨試試～…查看更多

作為混血兒嘅我，喺香港基本上冇乜搵到正宗嘅越南餐廳，除咗之前半山有一間，不過好遠同埋好貴🫠直到今日終於俾我搵到一間平靚正嘅飯堂！嗌咗一個生牛河、一杯滴漏咖啡、同埋一份扎肉米紙卷，只能說係接近滿分水準！...1. 生牛河 ($55)+ 第一啖湯飲落去就已經知道水準唔一般！飲得出唔係平時出邊餐廳嗰啲湯包或者係味精，而係真係熬出嚟嘅靚湯！+ 配料足！食到我超飽，絕對冇偷工減料- 一開始上菜嘅時候見到個牛肉實在太太太生，有少少嚇親🤣不過好彩個湯夠熱- 少咗黑色嗰隻醬（唔知佢叫咩）爭少少...2. 滴漏咖啡 (+$12)+ 一句講晒：正宗!!!...3. 扎肉米子卷 ($42)+ 好夠料！超好食！- 可能係唔同地區唔同整法，不過我覺得用嚟點嘅嗰個汁有少少鹹，同我細個食嘅唔一樣...Overall呢一間係非常正宗嘅越南餐廳，大家多多支持，唔好俾佢執笠！🥹如果唔係我又冇咗回味童年嘅地方啦！(掛住食嘢，唔記得影相添🤣淨係影到米紙卷）#lunchhour價…查看更多

8月27日下午，靚媽要到，紅磡庇利街做牙齒保養工程，揾食肥華，就安排在，牙科診所附近，呢間越南食店，食下午茶，今日肥華，靚媽，都不約而同，點咗越南名物，生牛肉河做主食，再加一客墨魚餅及一條越南春卷和兩杯冷熱飲品，就喺今餐嘅内容。而餐内嗰兩碗，越南生牛肉河，無論，個湯底，河粉，生牛肉，質素都有極高水準，用下午茶特價時段價錢，食到呢兩碗，高質生牛河喺超值之選。至於另點嘅兩個小食，墨魚餅及越南春卷，論價錢唔算抵食，但味道亦算好食，加上用兩杯特式飲品，呢餐越南食品，下午茶餐值。👍👍👍👍👍…查看更多

自從上年去完越南之後，就一直心掛掛越南嘅美食😋😍。最近我喺 #紅磡 發掘到一啲隱世美食，就係 《20•越南粉》。所以同朋友約埋一齊去試吓。🍝河內燒豬肉撈檬 $65 必食👍🏻佢哋獨有撈檬汁，絕對係佢哋嘅招牌，酸酸甜甜，味道仲有啲鮮味，配埋佢哋必食嘅燒豬肉，豬肉用秘製汁浸住，每一口夾小小檬粉再沾上甜酸汁黎食，再配埋薄荷葉一齊食，真係超級惹味，食完又想再食😋😋。🍚香茅豬扒飯 $58香茅豬扒酥脆可口，外脆內軟，配上白飯一齊食，簡直絕配👍🏻。🥖豬頸肉法包 $50爽嫩多汁嘅豬頸肉，配上熱辣辣香脆嘅法包，包入邊仲有紅白蘿蔔絲、青瓜🥒、青菜🥬，係我喺越南食嘅熟悉嘅味道😍😍。🥭芒果沙冰 $32芒果沙冰超級鮮甜解渴，再加上了少少嘅熱情果，飲落超清涼，絕對消暑一流👍🏻🥳。🍊越式凍青桔茶 $18甜甜香香嘅桔茶，飲落口超級清香，令人一飲難忘👍🏻。…查看更多

天氣甘熱，最岩食撈檬，涷食撈檬配上魚露甜酸汁，食落比較容易入口。今日來到這家主打食越南野既隱世餐廳，店內裝潢好有越南特色，牆上越南語「Xin Chao 」好搶眼，意思是您好的意思。河內燒豬肉撈檬：招牌菜之一，由多款豬肉而成，有豬肉丸、豬頸肉，豬肉等，好足料。豬肉用秘製酸甜汁浸住，每口夾小小檬粉再沾上甜酸汁黎食，伴埋薄荷葉一齊食，口感特別開胃，涼透心。香茅燒豬扒撈檬：香豬扒外脆內軟，咬落香口軟嫩；檬粉煮很剛剛好，軟硬適中，再配埋魚露一齊食，酸酸甜甜，越食越開胃。串燒併盤：特大版既串燒，每串都好大條，雞、牛、豬各兩大串，好足料，肉質軟硬適中，調味適中。芒果沙𣲙：賣相好靚，飲落有驚喜，芒果香味濃郁，夠晒涷，極度消暑。鮮百香果特飲：飲落清甜爽口，酸甜配搭剛好，好fresh。🔎20•越南粉 (紅磡)📍紅磡崇潔街20號地舖…查看更多

正宗的越南美食店，價錢好親民！而且職員都係越南人生牛肉湯河清湯配上河粉 上面放咗新鮮嘅生牛肉配搭埋辣椒、香料葉子、薄荷葉倒入去，擠上檸檬汁，越食越有味道，啲生牛肉食得出係新鮮，河粉都好順滑河內燒豬肉撈檬大大碗有豬肉、豬頸肉、豬肉丸加埋香茅整到啱啱味道好足，食落一啲都唔油膩，配合埋佢旁邊嘅薄荷葉同埋酸甜汁汁牛肉法包法包鬆脆 加上裏面嘅秘製醬汁配埋牛肉真係好似喺越南食到嘅味道 所有加埋一齊好好食牛油果沙冰估唔到口感可以咁Creamy越南滴漏咖啡滴漏咖啡係越南嘅特色 配搭埋煉奶 加埋一齊咖啡味好出好香滑 呢個好少地方有得飲…查看更多

串燒拼盤 $130河內燒豬撈檬 $65越式咖哩雞扒飯 $62鮮百香果特飲 $22牛油果沙冰 $32.第一次黎紅磡崇潔街呢邊食野，估唔到原來呢度有條食街，喺咁熱嘅天氣就黎左呢間越南餐廳食野啦！整體上呢間嘅性價比都高，而且店內嘅店員都係當地人，第一印象就係可以食到D地道越南野嘅感覺啦！每樣食物都大大份，完全唔孤寒，價錢又唔貴。.串燒拼盤 份串燒拼盤一共6串，牛、豬、雞各2串，每串D肉都大大件，正！肉質方面又唔會燒到乾身，咬落去都腍且有肉汁！河內燒豬撈檬 呢個勁力推介！喺咁熱嘅天氣，可以食到D咁開胃又好食嘅撈檬，即刻食欲大增！睇佢好大份咁，原本都擔心會唔會食唔哂，但將D粉一舊舊咁點落D汁度，同凍凍地又酸酸甜甜嘅汁一齊食，好清新又開胃丫！D燒豬肉份量都多，咬落串燒嘅不一樣，另一種感覺。呢個撈檬咁出色，難怪店員都推薦呢款！份量大又好食，黎呢度食野的話，絕對要叫呢個丫！越式咖哩雞扒飯由個顏色同濃稠度睇個越式咖哩，就覺得係好味。食落去真係好香濃，加埋塊香煎雞扒，味道好夾，送飯一流！.鮮百香果特飲 夏天飲杯百香果，感覺舒服D，味道方面就係正常嘅百香果梳打味道。牛油果沙冰色澤翠綠，口感綿滑， 味道清新creamy，啱晒夏天飲！.值得食完再食嘅餐廳！.…查看更多