180 POPCORN (The LOHAS康城)

營業中

休息中

每次經過都超級向佢喺正地鐵一出嘅商場入口，呢種味道每次都吸人望住同埋好想買，試過去嘅朱古力味，佢嘅味道唔及許嘅香氣咁吸引，價錢同味道綜合嚟講都係一般般 ，不過位置真係好方便

每次行過都會聞到爆谷獨有的甜美香味就會忍唔住幫襯，而且時不時有限定口味keep住有新鮮感~不過通常都係買朱古力味多，朱古力味非常濃厚，配上爆谷本身有的些少鹹香味，甜鹹感覺令人欲罷不能，誠意推薦

180Popcorn成日都見到佢嘅身影，真係行邊都有一間，好奇心驅使我買左包細嘅試下！🍴焦糖爆谷 小袋 $38 (7/10)爆谷幾香脆鬆化，唔會硬，粒粒都有焦糖包圍着，但有幾粒會淺色啲，似戲院嗰啲爆谷，焦糖味幾香唔甜，但唔算好出，冇Garrett咁香濃咁好食。推薦指數: 7/10口感冇garrett咁脆，鬆化啲，中意淡味可一試但未到會推薦，都係garrett好食好多！

好抵食！大家食到舐舐脷！大包裝本來 HK$69.00但竟然可以選四款口味：1. 焦糖脆脆2. 海鹽牛油3. 朱古力脆脆4. 期間限定 - 香焦味所以最終是 HK$75.00我們平時都甚少/不食爆谷的，只是行過看見，不貴，也可以買來「邊玩邊食」，是過時過節的佳品！講開味道，一般戲院只是分䶢和甜。但這些的甜有三種，䶢有一種。甜的那三種，非常好味，好夠甜。䶢的那一種，有很濃厚的牛油味。整體而言，買來「邊玩邊食」是很合適的！

成日行過間舖都聞到好香爆谷味😗 今次終於買咗兩包試吓🥹 買咗焦糖脆脆味同朱古力味 佢有袋裝同罐裝 罐裝比較大 比較適合送禮🫡每一粒爆谷都佈滿焦糖 好甜 外脆內軟🥹 食到停唔到口😂😂 $38呢個質素 會encore!! -另外都買過朱古力味 不過感覺朱古力味唔係太夠🫠 同焦糖味相比 無咁甜同無咁惹味 仲要比焦糖味貴 所以比較推介焦糖味😋 -另外佢仲有海鹽牛油味 不過sales話比起其他味 呢個味無咁脆 所以無買到 期待下次試吓😌 -雖然佢係好好食 但好唔健康 成日食會食到糖尿😂 所以大家適時買嚟止吓癮就好了👍🏾

記得180 Popcorn岩岩係康城開既時候，經常大排長隊，都難怪既，因為佢開正係電梯上面，個陣爆谷既香味真係非常之勁，令人好想買黎食焦糖爆谷每次去買，為食貓都只會買焦糖味佢既焦糖完全cover哂成粒爆谷，無一忽係無焦糖既，而且佢炸得外脆內軟，個size又岩岩好，唔會太大或太細粒，食食下，好容易會一次過食哂成包雖然佢既價錢唔係話好平，但佢比起戲院既好食好多，自己係屋企又整唔到，所以間唔中買黎止下癮真係唔錯

呢間爆谷店真係好食到傻咗😂係食到停唔到口，內心要有隻天使叫你停手先停到😂太邪惡了😵每次經過康城商場，都會好大浸甜味，原來係呢間爆谷店發出嚟嘅，之前啱啱開張，好多人排隊，今次經過終於冇乜人，所以買咗包嚟試吓店員話包裝最多可以放一日，但係罐裝可以放大概一星期，我買咗個大包裝嘅$59嘅焦糖味，真係好食到痴咗線，焦糖平均分布在每粒爆谷上，同戲院簡直兩回事，好足料嘅焦糖。認真嘅，一大包一日熄晒真係會好飽，所以我食咗半包，另外一半我用密實袋裝住放落雪櫃，隔咗兩日再攞出嚟食，都OK，都keep到係脆嘅，只不過係唔會熱囉😅😅值得推介

呢間新店開咗唔係好耐，經過次次都要排長龍。今日經過見到條隊比較短，於是乎買咗包焦糖味爆谷試吓。買完飛等咗大概五分鐘就有得拎啦，見佢新鮮熱辣入袋，好香好吸引。拎上朋友屋企開心share, 拆開嚟食原來都幾大包。八個人狂食一輪都仲未食晒，分量都唔細。味道方面，大家都覺得好味好脆，食到唔停口。見佢仲有兩隻味，朱古力脆脆同埋芝士味未有得賣，下次有機會可以再試下。