1/2 Sweet

營業中

休息中

🍼 焦糖脆餅窩夫呢個焦糖脆餅窩夫真係令人好難忘，大大塊脆餅喺上面已經好吸睛，焦糖甜甜哋咁樣，夾埋中層嘅cream食落帶有一種小清新，好似食緊雪糕咁🥰🥰🍼 宇治金時窩夫宇治抹茶味嘅賣相真係好靚，淺綠色配深紅色嘅紅豆蓉，抹茶忌廉有淡淡嘅抹茶味，上面灑咗一層抹茶粉，忌廉夠晒幼滑，夾埋舊窩夫食真係好正😍😍🍼 焙茶脆脆窩夫焙茶忌廉香濃順滑，上面有好多粒Milo脆脆，食落脆卜卜咁，灑咗一層朱古力粉，好好味😌🍼 烤芝士布甸窩夫布甸有種custard cream嘅味道，上面有炙燒芝士同芝士粉，鹹鹹甜甜咁，味道好有層次🤤🧋美祿恐龍黑糖珍珠牛乳🧋榛果蕉蕉黑糖珍珠牛乳

葵涌廣場出名多嘢食扶手電梯上2樓就會見到呢間窩夫雪糕甜品店 @絆1/2sweet 今次揀咗呢款 4 x croffles + 2 drinks牛角包窩夫🥐揀左4⃣️款味🫐果粒藍莓 甜甜地唔太酸 🍵宇治金時 抹茶紅豆Ho Chris mi唔太甜🫘提拉米蘇 咖啡味濃🧀烤芝士布甸 呢個比較特別 芝士味好夾🧋飲品就揀咗香桃芒芒黑糖珍珠牛乳美六恐龍黑糖珍珠牛乳味道清新 加上透明珍珠

輕食甜品即點即做👍🏼夠晒新鮮離遠已聞到香噴噴，誰能抗拒⁉️每款各有特色嘅麻糬牛角包窩夫共有16款口味😍我哋揀咗4款同兩杯黑糖珍珠牛乳飲品牛角包窩夫入口鬆軟香脆👍🏼面層配上唔同口味嘅麻糬口感煙韌有層次，甜而不膩✨烤芝士布甸🍮咬落好軟熟，好香滑✨香桃芒芒🍑🥭有好多嘅香甜芒果粒，蜜桃味嘅mochi 好軟滑✨宇治金時🫘綠茶味香濃，配埋紅豆呢個組合無敵呀✨焦糖脆餅🥐焦糖味甘香🤤加有脆餅食起嚟又軟又脆👍🏼口感豐富✨香桃芒芒黑糖珍珠牛乳。香桃芒芒味道好香👍🏼珍珠好煙韌，奶味濃厚✨仙草焙茶黑糖珍珠牛乳。煎焙茶味好出，啜到好多Q彈仙草😍好足料👏🏼

🥢芒果蜜桃爆炸糖芭菲 $36本身想試What's Yogurt & Drinks可惜冇開門🥹見到呢間都有杯裝雪糕決定一試😗雪糕偏甜 奶味濃配上帶酸嘅芒果醬就balance返不過蜜桃醬好甜所以食到尾都係覺得滿口甜味😂走蜜糖醬嘅話應該可以減少膩度爆炸糖份量好少朋友食到一啖有爆炸糖我就一啖都食唔到😗唔鐘意爆炸糖的我表示慶幸😌杯底嘅粟米脆片都算多最鐘意芭菲好多層嘢食感覺冇咁寡芭菲嚟講$36真係幾抵份量兩個人share剛剛好👍🏻

📍好耐無去葵廣掃街啦!👯唔少舖頭都已經轉咗手 上到2樓就聞到好濃郁既牛油香 原來係間賣日式鯛魚燒同麻糬牛角包窩夫既舖頭 原本想自私食🙈 但最後忍唔住要買幾個返去同屋企人share～ 🔺牛角包窩夫有近16款 鹹甜口味任君選擇 除咗傳統生果/茶味/朱古力等口味 仲有店家自家研製特色口味 我就揀咗…🌀 蘋果忌廉芝士: Croffle口感酥化 外層卻保持微微焦脆既口感🙆🏻‍♀️ 面層被芝士奶蓋 同埋酸甜爽口既蘋果粒覆蓋 配搭得好好🩷🌀 咸蛋肉鬆: 鹹蛋肉鬆呢個係必勝組合 肉鬆份量澎湃 帶點鹹香 好惹味🙉🌀 烤芝士布甸: 布甸食落好吉士醬咁 口感綿密滑順 再放上2塊炙燒芝士🧀 鹹甜交替 口感層次係幾款入面最豐富🙆🏻🌀 榛子朱古力: 可可粉令朱古力相當突出 好鐘意麻糬煙煙韌韌 食落幾有層次 呢款我都大推! 見+$18 仲可以加配幾款黑糖珍珠牛乳飲品💟牛角包窩夫拎到返屋企 隔咗一陣先食都仲係脆身🙌🏻 抵讚

前兩晚去咗位於葵芳葵涌廣場2/F嘅@ha lfsweet 甜品店食酥皮鯛魚燒 🐟🐟🐟，除咗酥皮🥐🥐🥐 之外，佢另一個特色係有十幾款topping揀，於我哋從中揀咗4 款味道試吓 ：1.）宇治金時 🍵🍵🍵 ： ⭐️⭐️⭐️ 味道同酥皮好夾，正！2.）伯爵阿華田 🍫🍫🍫 ： 相對比較甜嘅一款，甜伯爵茶味配朱古力粉，適合鍾意甜嘅朋友～ 3.） 厚燒忌廉芝士 🧀🧀🧀：炙燒過嘅cream cheese上面再放芝士粉，好香口 😋😋😋4.） 炙燒奶皇 🥛🥛🥛： 火炙奶皇第一次食 🔥🔥🔥，甜中帶香，味道又幾新鮮禾 整體甜度適中，好啱口味 😋😋😋👍👍 下午茶、飯後甜品 & 宵夜都好啱食 🍰🍰🍰 ⭐️⭐️⭐️ 另外 絆1/2 Sweet仲有麻薯牛角包窩夫 🥐🥐🧇🧇🧇 下次再去試吓先～ 😇😇😇

新派牛角窩夫🧇同屋企人去咗葵廣掃街🚸葵廣2樓有間叫絆 1/2 Sweet🧇小店以牛角窩夫研製甜食☺️主打牛角窩夫及雪糕🍰暑假又有間解暑好地方😁麻糬牛角包窩夫，36蚊雙份💰榛子朱古力🍫榛子朱古力味，用咗特濃朱古力醬，甜度唔會太甜，朱古力醬入口香濃，至於麻糬窩夫係鬆脆，店員話即時食係最好今😋宇治金時🍵宇治抹茶味，抹茶忌廉有淡淡茶味，加埋抹茶粉，抹茶忌廉輕盈軟滑，忌廉底有紅豆蓉好清甜，啱哂喜歡抹茶嘅朋友😁花生奶醬🥜花生奶醬味，花生奶醬質地較為濃稠，口感滑順甜，忌廉輕盈軟滑，灑上大量嘅花生粒豐富口感😊特濃黑芝麻🐼黑芝麻香味，有粒粒芝麻口感細膩，質地濃稠，感覺好養生，黑白芝麻味香特別濃🤤可可美祿爆炸糖芭菲，36蚊杯💰大量美祿粉同朱古力醬，內有爆炸糖，食嘅時候聽到爆炸糖嘅聲，非常有趣，雪糕香滑不過要盡快食好快溶🫠士多啤梨爆炸糖芭菲，36蚊杯💰士多啤梨果肉新鮮鮮甜，窩夫非常香脆，口感上層次分明，大量士多啤梨醬，味道幾好🍓整體窩夫非常酥脆，夏天啱哂去食返杯芭菲，推介比鐘意去葵廣掃街嘅朋友🥰🥰

最近發現葵廣既1/2 sweet 除左賣雕魚燒之外仲多左麻糬牛角包窝夫～一共有16種口味可以揀，咁我就試左其中4款，培茶脆脆，提拉米蘇，咸蛋肉鬆，蘋果忌廉芝士。蘋果忌廉芝士應該係我最欣賞既口味😛蘋果粒粒口感，甜甜酸酸相當開胃。忌廉芝士既口味有d 似奶蓋，如果你都係中意奶蓋既人，好推薦你食依個👍！咸蛋肉鬆係我最期待既口味，應該係唯一一個咸食。食落口肉鬆味道好香夠濃，又食到咸蛋黃既甘香😝提拉米蘇非常cream，食落唔算太甜，就算食晒成個都唔會好膩架，加埋窝夫餅底隔左陣仲脆卜卜😋～培茶口味唔算太濃，怕苦既人都可以一試架，d cream 都好滑～整體唔會太甜🤪另外仲有2款爆炸糖芭菲，啡控既我肯定試下咖啡脆餅爆炸糖芭菲先啦，首先有跳跳糖係雪糕既表面，入口既感覺好得意。仲有d燕麥脆脆同半個窝夫餅。建議窝夫餅最好同雪糕一齊食，因為本身味道淡。雪糕加埋espresso，整體偏微苦，啱晒唔中意太甜既我。另一個芒果蜜桃爆炸糖芭菲，粒粒既芒果同蜜桃配上燕麥脆脆片。整體味道偏甜，連埋窝夫餅一齊就啱啱先

葵芳廣場真係有好多好多嘢食🍡🍨🥧🍮🍩 在門口搭電梯上到2樓直行 見到有一間甜品店，好多人排隊。原來唔係 Croffle 牛角包窩夫 Puff Parfait 真係好吸引😍 味道都選擇 有幾個比較特別同吸引 Earl Grey & Black Sugar, Tiramisu, Matcha&Red Bean, SaltdEgg&Meatfloss 等等。樣樣都想食 🤣 忍唔住買咗4個味道同一份Partait。我個人認為在一間小店買Croffle 不能要求太高。但係今次真係有驚喜。我買外賣出去附近食，無論有咩醬汁，喺上邊都唔會影響佢嘅味道 最重要係一樣咁脆咁好食。味道不會太甜，但係好好食。我最鍾意食係 Earl Grey & Black Sugar Croffle。唔會太大件，但係都唔會小到食唔飽。價錢好合理，同朋友一齊分享一流 👍🏼👍🏼👍🏼

Croffle即叫即造😋外層帶有淡淡的牛油香氣🥐金黃酥脆，內裏有少許軟糯的麻糬，層次感十足。🔸果粒藍莓：新鮮藍莓果肉爽脆🫐加上藍莓醬，味道更豐富，且酸甜適中🔸香桃芒芒🥭果肉鮮嫩清甜🍑食落清甜多汁🔸宇治金時：抹茶味香濃🍵帶點回甘，加上紅豆🫘味道搭配得宜🔸蘋果忌廉芝士：香滑的忌廉及芝士🧀配上蘋果🍎口感綿密滑順，再帶點嚼勁🔸焙茶脆脆：焙茶香濃郁，加上朱古力脆脆🍫口感豐富🔸特濃黑芝麻：黑芝麻香濃順滑🤤令人回味無窮。

炎炎夏日，跟住網上的介紹，來到葵廣食甜品消暑，先來一杯水果雪糕芭菲，再試埋店內嘅人氣麻糬牛角包窩夫，的確透心涼！🍴芒果蜜桃爆炸糖芭菲＄35好大杯～芒果蜜桃粒粒果醬酸酸甜甜！4.3 牛奶雪糕奶味濃郁，配上爆炸糖彈跳口感，配搭新奇有趣！🍴藍莓彗星爆炸糖芭菲＄35藍莓味雪糕芭菲，同樣加入招牌麻糬牛角包窩夫！甜甜脆脆，底層仲有穀物脆片增加口感，大滿足！ 🔺窩夫方面～今次點左 榛子朱古力，芝士布甸，香桃芒芒，焦糖脆餅，4 款口味，即點即燒，收到仲係熱辣辣。麻糬牛角包窩夫🧇＄36/2 件烤芝士布甸香桃芒芒榛子朱古力焦糖脆餅法國牛角包窩夫外脆內軟，加入唔同味道嘅忌廉吉士醬，再鋪上朱古力、果醬、芝士、焦糖、脆餅等食材中間仲有煙韌麻糬，口感香脆又甜絲絲！當中我最中意烤芝士布甸窩夫，芝士醬、芝士片，仲有燒得香脆嘅焦糖口感，幾好味，值得一試！

今次掃街見到有麻糬croffle 仲有超多口味選擇 即刻買左4件食🤩🤩🤩榛子朱古力&特濃黑芝麻&士多啤梨&香蕉朱古力 ($36/2件)食完麻糬croffle好似番唔到轉頭食普通waffle🤣🤣因為croffle質地真係好正❗️❗️邊邊好脆 然後中間又比waffle煙韌 熱食仲有牛角包新鮮出爐嘅香味😍😍😍大推香蕉朱古力👍🏻👍🏻呢個經典組合本身都好難唔好食 但係呢間加左層焦糖係香蕉上面 令成個味道更有層次😋😋😋另外黑芝麻果款無落好多糖去掩蓋芝麻嘅微苦 啱曬怕甜品太甜嘅朋友🙈🙈藍莓彗星爆炸糖芭菲($36)呢款性價比好高🤑軟雪糕份量好多 而且藍莓醬裡面超多藍莓粒 都算呢間鋪頭幾有誠意😂😂😂 雪糕幾香奶味 唔會過甜 一入口有少少爆炸糖 幾新奇有趣👻 食到最底啲玉米片仲脆㗎 有驚喜🥳🥳 上面壓扁左嘅牛角包有少少牛油酥香味同鹹味 配雪糕食好正💓💓

葵廣有咁多小食店，但係比較少有一間賣窩夫嘅甜品店 今日難得喺葵廣買小食就到新都會草地野餐 野餐點少一甜品呢平時鯛魚燒都已經好好食 而家出埋窩夫即刻試吓先賣晒所有小食 到新都會草地野餐熄晒所有最後先食窩夫但係窩夫仲係好脆 唔會比醬汁浸腍叫左六款口味 大家分享咁食1️⃣焙茶脆脆2️⃣特濃黑芝麻3️⃣忌廉芝士布旬4️⃣提拉米蘇酥皮5️⃣蘋果忌廉芝士6️⃣宇治金時我幾鍾意提拉米蘇口味咦朱古力比較重 咖啡同酒香就比較少面層中落左啲芝士粉同可可粉外型真係好似Tiramisu 仲有趙少奶黃酥皮口味表面焦糖灸燒 帶上奶黃咸咸甜甜 可能有啲人嘅唔鍾意但對我嚟講幾特別 會想再食多次咁熱天氣當然都叫左兩杯雪糕雪糕會落爆炸糖 令到效果加強有曬聲視嗅味 滿足四種感官1️⃣咖啡脆餅爆炸糖芭菲2️⃣芒果蜜桃爆炸糖芭菲兩種口味真係好唔同兩種口味都依然好鍾意一個比較清爽日夏感覺另外一個比較濃郁帶上焦糖嘅感覺底下仲有啲爆珠粒粒 脆片增加口感豐富性

😎去野餐，於是就去買麻糬牛角包窩夫，細細件開心share食先，叫左一盒6件口味，即叫即整❤️提拉米蘇酥皮❤️焙茶脆脆❤️宇治金時❤️特濃黑芝麻❤️忌廉芝士布甸❤️蘋果忌廉芝士個人最鐘意提拉米蘇酥皮，佢吱左咖啡醬都好濃郁，再配上可可粉😝忌廉芝士布甸好特別，有啲奶黃味感覺，鹹鹹地，再配上一塊灸燒芝士勁香☺️焙茶，抹茶，黑芝麻都做到特濃😙值得一讚，唔系即刻食，要拎去野餐，但個窩夫底都做到勁脆身！天氣太熱，引唔住食左杯雪糕先，爆炸糖芭菲，好搞笑爆炸糖灑面咖啡脆餅爆炸糖芭菲，咖啡糖醬好香濃，面上仲會有一塊Lotus 每啖雪糕在口中內爆炸，仲會有窩夫🧇插上芒果蜜桃爆炸糖芭菲芒果🥭汁遇上蜜桃🍑粒粒清新夏日質感，好fresh，同樣有窩夫插上份量好大杯，兩個人share 都夠食😆

好耐冇掃街，但咁既天氣要係條街排隊，實在好辛苦🥵咁就去返中學必去既葵廣，嘆住冷氣掃個街，一上電梯就比呢間吸引住左！係Croffle 呀！😍------------------------------Croffle = Croissant🥐 + Waffle🧇 將牛角包整到窩夫咁，之後再揀自己鍾意既topping！🟥揀左Tiramisu + 烤芝士布甸 + 蘋果忌廉芝士 + 咸蛋肉鬆🥰 一次過滿足四個願望！最有驚喜係🍎🧀，蘋果粒料足加埋忌廉芝士幾夾！行過路過，唔好錯過🫶🏻🟨加碼試左個芭菲，係可可球Melo加爆炸糖口味😯加埋爆炸糖個口感幾有趣，再多啲更佳，雪糕都好軟滑🍦大滿足😌