龜苓元坊

營業中

休息中

燒賣加了木耳好爽口，菜肉飽也好味。試過菊花茶、雪梨茶較其他舖少甜，最怕太甜，上次牙肉痛加舌腫吃過龜苓膏ok,佢地比黃糖我但我走糖吃，也不太苦。問售貨員有什麼啱經期後飲，她介紹美人茶話可補血，$36, 有d 貴但我唔識煲野補身，下次試下，希望不要太燥，否則脷又會腫。

喉嚨乾涸, 還是找點飲品潤一潤, 就來這裡買了支杏仁雪梨茶.杏仁雪梨茶 $18: 8分, 有熱的或者凍的揀, 要了支熱的, 不過其實只算溫. 大大支, 都有排飲. 飲落口又真是幾舒潤, 不會太甜, 以雪梨的味道為主, 另外再加小小杏仁味作點綴.大家新年吃得多煎炸食物, 也真的要記得潤一潤呢.

除了吃兩件餅, 也在這裡買了支野飲.金銀菊花茶 $18: 8分, 一樽裝收$18, 但如果回樽的話會有$1回贈. 據店方講, 金銀菊花茶是有明目的作用. 飲落口沒有甜味, 是否即是健康一點呢? 大大樽, 都夠飲到下午三點, 幾好的.下次再試試另一個項目吧.

放工同朋友閒逛商場, 發現呢間小店有得賣龜苓膏, 即刻買番去食下啦! 最近成日打邊爐, 要食下呢d野中和一下.一路喺度等緊碗外賣時 (講緊係幾分鍾時間), 有位好過份熱情嘅店員姐姐係咁喺度sell 佢地d龜苓膏點好點好, 點百年老字號, 又sell 埋佢地新出嘅 老火湯, 真係煩到痺.拎到碗龜苓膏番屋企即刻食啦. 佢聲稱用黑糖代替糖漿, 的確係唔錯ge! 一邊食, 一邊上網睇番呢間小店嘅來頭. oh! 唔怪得嗰位店員姐姐話咩百年秘方啦... 又係同一個葫蘆原來咪又係恭和堂d人喺度出黎搞多間! 我以前都係食開最貴ge恭和堂, 但自從上次被踢爆佢d 龜苓膏無被沒有土伏苓成份後已經立誓唔會再光顧. 我幫親咗10年有多架喇, 覺得俾人呃, 所以唔會再幫親, 亦唔會再幫親呢間龜苓元坊. 所以, 食到一半, 我都無再食lu!! 下次都係繼續買番食開有土苓嗰間隱陣d!

是咁的...本來我想找的地方, 是這裡的日式芝士蛋糕店, 可是來到 (OK, 那時已時 7:45, 人家好像是 8 點關門), 早已沒有散裝的芝士蛋糕賣, 再在商場兜了個圈之後再回去, 連燈都熄埋, 所以都是下回請早了。在商場裡發現了幾家有興趣試的店, 但剛在 Coco 壹番屋吃了咖哩飯而且好些店都已經關門了, 面前這家龜苓膏店, 正是不二之選。本身是想喝點東西的, 例如暖身的黑糖生薑茶 ($23/樽, $13/杯), 但想起這樣只會更加熱氣, 不如來碗龜苓膏啦。店員小姐一見我有點興趣就嘩啦嘩啦 (不過都算誠懇) 地介紹她們的產品, 就是用上百年原方, 落足藥材云云...其實我沒啥興致聽啦。龜苓膏賣 $38 一碗, 店內有 coupon 可用, 減 $3 (其實是店員小姐主動減給我的, 也不必用), 所以是 $35。店子沒有堂食的地方, 所以照片就沒有拍到打開了的樣子。伴吃的糖漿店員小姐說是黑糖來的, 因此平常吃龜苓膏不下糖漿的我也加了下去吃, 還真的不錯, 黑糖微微的甘味和酸味沒有一般糖漿的膩口, 我少有地整罐糖漿倒了進去呢! 龜苓膏因為是凍吃的, 藥材味沒想像中的濃烈, 加上有黑糖