龍點心 (中達大廈)

營業中

休息中

飲茶食點心好似來來去去都係差唔多今日嚟到尖沙咀新開嘅#龍點心 10分有驚喜點心全部都係新派款式 仲有唔少東南亞味道出邊都冇乜見過特別喜歡佢有啱晒十五十六嘅人龍餃子同龍燒賣 一籠有四款唔同款啱晒一個人食或者係一大班人每人一粒唔同款式仲要全部都係特別嘢有新意另外推介鰻魚荷葉飯 勁足料有份量腸粉入邊有炸脆 擺耐咗都唔會變淋另外甜品驢打滾都相當煙靭好食 大推介📍龍點心 @lungdimsum尖沙咀海防道38-40號中達大廈1樓

好鍾意去d新式茶居飲茶食點心，如果望到d好靚好精緻嘅點心，食慾都會大增🤩見尖沙咀開左呢間龍點心，勁多特別燒賣同點心，忍唔住嚟幫襯下😻✨松露野菌晶瑩餃 - 顏色幾sharp醒，皮夠薄又軟糯，內餡好香松露味😋✨青森縣黑蒜帶子燒賣 - 黑蒜甜甜地好吊味，帶子同燒賣入面嘅蝦肉都幾鮮，而且幾爽口😚✨翡翠響鈴腸粉 - 第一次見腸粉包響鈴，裡面仲有紫菜同蝦肉，口感爆酥脆，層次幾豐富🤤✨鹹蛋黃墨魚燒賣 - 裡面原來有流心鹹蛋黃，一咬爆晒汁😂 ✨馬拉小籠包 - 肉汁用左肉骨茶嚟整，好特別同埋幾清甜🧡 ✨拉絲菠蘿包 - 入面熱溶芝幾惹味，個包整得好軟熟👍 ✨一口鹹水角 - 顏色夠晒搶眼，入面係香辣肉碎，溫度有，口感有，味道都有😎✨加倍開心果露 - 平時好少見到有開心果露，見到呢度有即刻叫！仲加左$10要大芋圓😍 開心果露質地好濃稠，配埋煙韌芋圓真係好滿足☺

龍點心嘅新派點心之前都有介紹過，今次尖沙咀新店仲多左多款創意甜品😛—————呢度嘅點心款式都幾多，淨係燒賣都有好多口味揀，咩都想試嘅可以嗌一龍大滿足，有齊6款人氣點心！鹹蛋黃墨魚燒賣會爆汁，酸菜肉鳳眼餃都幾辣🥵 另外燉湯都幾足料抵飲👍🏻-可能因為唔係第一次幫襯，甜品比點心更加吸引，仲見到唔少人係嚟食飯後甜品😛 估唔到飲茶都有打卡甜品食🤣 雪冰幾抵食，大大碗份量超多一定要share，而且賣相真係好啱打卡，味道唔錯不過冰嘅質地唔夠綿滑🥲-如果多人嚟食就要留意，尖沙咀店只有一間房係圓檯，其他都係方檯或卡位，share食物嘅時候就會冇咁方便，同埋遊客較多🤣QR code落單，茶位每位$10-部份餐點價錢👇🏻脆脆富貴紅米腸粉 ( $48 )厚切叉燒腸粉 ( $42 )滷水鵪鶉蛋燒賣 ( $38 )一龍大滿足 ( $68 )大澳蝦醬鮮魷卷 ( $56 )一口鹹水角 ( $36 )南北杏菜膽燉豬肺 ( $52 )可可熔岩慕斯冰 ( $88 )奥利給登頂雪山 ( $88 )焦糖杏仁布甸甜椰 ( $68 )

香港人一向喜歡吃點心，我也不例外，有時晚上也點心當飯食。近日經過尖沙咀海防道新開的「龍點心」，裝修懷舊得來又摩登，跟他們製作的點心一樣，傳統中充滿創意！創辦人黃啟賢Paul及他太太都富有創新精神，不斷嘗試，與匠心製作巧手點心的華師傅一同打造出「色、香、味、形、意」俱全的創意點心，將多款中式點心全新演繹。經過八個多月研發，從百多款點心中挑選出四十多款特色點心作推介，從粵式點心到甜品，都堅持要與眾不同，讓食客充滿新鮮感。龍餃子($50) 一籠四件，包括筍尖蝦餃皇、蟹粉菠菜香蝦餃、酸菜魚鳳眼餃，及松露野菌晶瑩餃。籠燒賣($46) 同樣有四款精選燒賣，包括懷舊燒賣、麻辣牛肉燒賣、龍蝦汁墨魚燒賣，及滷水鵪鶉蛋燒賣，喜歡吃蝦餃、燒賣的朋友，可以一次過品嚐不同口味的蝦餃和燒賣，真是味蕾大滿足！即叫即蒸點心還有馬拉小籠包4隻($42)，風味炸物有大澳蝦醬鮮魷卷($56)，即拉腸粉推介脆脆富貴紅米腸粉($48)，小籠包多汁，鮮魷卷彈牙，腸粉包炸兩亦相當脆口。甜品方面，原來還有另一張甜品紙有很多選擇，友人選了紫雪香芋冰 ($88)，適逢七夕節，店長額外送上玫瑰型的桂花糕 ($28) 甜品，人均消費 $15

尖沙咀新開創意點心✨🍄🎉🦥✨觀塘和灣仔也有分店，終於在鬧市中心開新店，餐廳以中式點心為主要菜式，但並非一般的點心，是極具創意的點心，運用了特別的食材加入到點心當中，全新演繹中式點心，名副其實是傳統與創意之融合。此外，新店以種精緻的甜品為賣點，有更滋味的享受！除了傳統的中式甜品外，亦有創意「椰皇系列」、「芋圓系列」及「雪冰系列」等。《一龍大滿足》$68所有點心都非常有特色，每樣都想吃的朋友，又怕單點會浪費食物，可考慮點這個特色的點心拼盤，以木架上碟，包括有：酸菜魚鳳眼餃、蟹粉菠菜香蝦餃、筍尖蝦餃王、松露野菌晶瑩餃、鹹蛋黃墨魚燒賣、豌豆桃子。《脆脆富貴紅米腸粉》$48色彩和口感都非常豐富的腸粉，脆卜卜和軟淋淋的口感，紅米健康之選，具有特色的腸粉！《龍躉球蒸飯》$86足料滿分的飯類，龍躉球大大件，而且是新鮮的味道，吃完點心，也可點這個飯share呢！《拉絲菠蘿包》$38甜點方面也有菠蘿包，這個菠蘿包，內裏是拉絲的菠蘿包，非常特別！《紫雪香芋冰》$88雪冰系列，這款紫色和白色的為主，外層軟綿綿的，有紫薯和牛奶的味道，內裏收藏了芋圓和餅乾，口感非常豐富！

這家點心店位於最多遊客的尖沙咀，海防道這條街有許多名牌店，而這家點心店就在名品店的旁邊，所以生意也非常的好。 菜品選擇也非常的多，因爲我們是晚餐的時間段去的，所以我們點了兩個蒸飯，一個是排骨鳳爪，一個是臘腸雞肉，價格都在59左右，也算是比較合理了。除了蒸飯，還有許多燉湯也十分的健康，我們額外加了甜品菠蘿包，還有一份他們家的招牌腸粉，腸粉的外面是被炸過的，所以十分的香口最後還叫了一份紫米番薯糖水打包。

餐廳好有好多卡位，坐得寬敞🫶🏻<一龍大滿足>包括: 酸菜魚鳳眼餃、蟹粉菠菜香蝦餃、筍尖蝦餃皇、松露野菌晶瑩餃蜿豆餃子推介！最適合貪心嘅我🤫餃子包薄，咬落煙韌，每款餡料都好多，當中最中意松露野菌晶瑩餃蜿豆餃子，一入口就好濃郁嘅松露香。<青森縣黑蒜帶子燒賣>帶子爽口，黑蒜味剛剛好，唔係搶左帶子鮮味👏🏻<拉絲菠蘿包>推介！入口係芝士拉絲，菠蘿包外層好鬆化，正！<翡翠響鈴腸粉>響鈴脆卜卜，又唔太油膩，口感好豐富。<黑虎掌菌燉瘦肉>推介！超級足料，味道好甘甜🫶🏻<鳳爪排骨飯>好多排骨😳鳳爪好大隻又好入味，排骨唔會太多碎骨🫶🏻

同🤴🏻都幾鍾意嘅 ‘ 龍🐲點心 ’ ，喺尖沙咀開咗一間分店，咁去尖沙咀行街就順便上去探吓店啦😚😚相比之前兩間 ‘龍🐲點心 ’ ，尖沙咀分店多咗好多甜品🍧😀😀～～～黑糖芋圓仙草～～～非常多配料嘅仙草甜品，獨立食或者撈埋食都一樣咁好味😋😋，特別係芋圓大粒又煙韌😘😘而且底部係豆腐加少少薏仁，非常非常有驚喜😋😋～～～葡萄🍇綿雲冰🍧～～～打卡甜品之一，表面勁多芝士🧀️奶蓋cream，中間嘅綿綿冰🍧細滑有滿滿嘅葡萄🍇味😄😄，再加埋佢配上嘅煉乳，好味程度加倍再加倍👍🏻👍🏻，但記得要趁凍食，當綿綿冰融化後好味程度就大減😅😅～～～香辣雞軟骨燒賣～～～🤴🏻話呢度點心店，點都要食啲點心食啲熱嘢😝😝，呢款雞軟骨燒賣唔止單單燒賣上面嘅雞軟骨，燒賣內都同樣有雞軟骨，而且香辣味真係幾辣，不過都係辣一吓過吓口癮🥳🥳

見到新開 同班同事黎試下等左一張枱時間 大約十分鐘左右要行一層樓梯上去 裝修光猛靚仔誠意推介肉鬆馬拉糕 好好食蝦餃ok 反而小龍包一般鳳爪排骨蒸好食 係我鍾意食既飯 粒粒分明 不過唔記得影相

8點零黎到，侍應即刻問你飲咩茶先，跟住比QR code掃落order，點知一睇已經咩都售罄，咁濟，一心諗住試試佢地既必食推介同埋燉湯系列，點知都售罄，建議下次餐廳推介食物售罄最好先講聲，講左先可能會唔食等下次再試（得返啲普通蒸飯同甜品真係會影響心情😵‍💫）。餐廳既冷氣仲要唔開齊，搞到風口位滴水。野食就不過不失啦，叫做即叫即蒸有少少良心，最激氣係食晒D野之後聽到某一啲點心又有返，真係一次好差既體驗。依家係咪？

新開嘅點心舖，頭價錢唔算特別平，係算行摩登點心路線嘅鋪頭三個人食咗下面幾樣嘢，每人120蚊，只可以話整齊味道不過不失，但係冇乜邊樣覺得特別好食，亦無話食完好想再回頭賣相黎講睇得出有用心擺盤，但係好似個紅米脆腸粉咁，其實上面嘅蛋黃醬有啲多餘跟住龍蝦汁墨魚燒賣，雖然插住枝旗仔叫你小心爆漿，但係其實咬落去係無嘢爆出嚟嘅蒸飯就正常發揮冇特別脆豆腐我就覺得做得比其他地方差，因為佢層炸衣非常之厚食一次就夠了。。。

剛好約左係九龍公園附近交收, 肚仔餓餓地, 離遠見到好醒目的招牌, 比佢吸引左埋去, 間餐廳叫龍點心, 唔知好唔好食, 上 openrice 搵下資料, 原來係觀塘和灣仔都有分店, 評價仲好高分, 咁就入去試下囉, 係門口被告知要等幾分鐘, 上面無曬位, 咁都無計啦, 食 lunch 時間, 好彩等左不用十分鐘就有位, 入到去都幾好招呼, 兩條友都比左張卡位我, 第一次食唔知食乜, 佢地有舊野也有好精緻嘅新派點心, 我就叫左招牌一龍大滿足, 入面有 6 粒點心, 都好好食, 又叫左龍餃子, 呢個係意外, 本來想叫龍燒賣, 自己撳錯掣點錯咗最鐘意係香辣雞軟骨燒賣, 第一次食咁得意的點心, 正到爆, 我最鐘意食雞軟骨, 未試過有人用雞軟骨去做燒賣, 仲有個魚肉燒賣都夠特別,最后叫左個都好靚仔的響鈴腸粉, 幾特別, 埋單 300蚊, 有少少貴, 但都值得, d 野食食得出好新鮮, 應該係即做即蒸, 埋單送左張 20 現金券比我, 唯有留返下次用, 早 d 比我就可慳返 20 蚊麻

星期二中午同同事黎食點心，全場爆滿同坐位幾逼，冷氣都唔太夠。叫左幾款特色點心，⭐️肉鬆馬拉糕，味道幾好食，第一次試咁嘅配搭⭐️鳳尾蝦多士炸得香脆也不油膩⭐️馬拉小籠包有淡淡的肉骨茶味⭐️口水汁龍利魚腸粉幾得意，但我覺得魚同腸粉加起來口感有點怪其餘點心冇咩記憶點，不過值得一讚係佢哋上菜速度真係好快，食物亦夠哂熱。

今日試吓新餐廳。店子的裝修有舊日港式茶室的氣氛，整體明亮整潔，沒有太狹逼嘈雜的感覺。這壺普湒茶的味道相當淡, 沒有茶味。這兒是QR code 下單的，主打特式點心，全自助，埋單也是自己去counter 埋單的。一龍大滿足$68這－款有齊蟹粉菠菜香蝦餃、酸菜魚鳳眼餃、松露野菌晶瑩餃、蝦餃皇、碗豆桃子、鹹蛋黃墨魚燒賣. 其實這幾款點心的味道都ok. 蟹粉菠菜香蝦餃有大部分的菠菜風味，不太吃到蟹粉的味道；酸菜魚鳳眼餃的味道好特別，酸酸地用魚肉做饀；松露野菌晶瑩餃味道不錯，素而不寡，滿有野菌風味；蝦餃皇十分爽口彈牙，蝦餃皮唔會太厚；碗豆桃子就係壽桃包，包身軟滑鬆軟，饀料是綠色的，味道香甜；鹹蛋黃墨魚燒賣有gimmick, 墨魚燒賣有D似墨魚丸，但有少少爆汁鹹蛋黃，帶－點油份，味道幾特別。埋單$97， 茶位$20，加10% service.

隱藏係點心舖入邊嘅糖水舖咁巧妙嘅搭配一定充滿驚喜夏天食個桃膠甜椰，滋潤清爽透心涼食個靚靚糖水心情都即時變靚靚，哈哈哈-隔離有間包廂見到班uncle auntie係度慶生仲有好精緻嘅壽桃包，氣氛好熱鬧呀下次生日會考慮約frd一齊嚟