龍順軒海鮮酒家

未見過一間酒樓啲服務可以差到飛起。入坐無人招呼，無人開茶，叫個部長開茶都耍手擰頭。落8款點心，只黎3款，等左半個鐘，催促佢地，佢地話只入左3款。真係未見過一間酒樓咁做生意剩係只顧住做熟客生意，Book枱就立即跟，侍應冇禮貌，連坐櫃檯收錢都不可一世咁嘅樣。唔願做生客，係門口貼只招待VIP，做咩生客生意。唔知係咪全部龍順軒所有分店都係咁嘅服務質素，但已經將依間咁嘅酒樓列入黑名單，完全影衰晒啲飲食行業。…Read More

畢竟係屋邨酒樓偏細，可以選擇嘅點心同飯餸都唔多。椰汁紫米露好足料夠濃稠，唔會太甜唔錯。乳鴿味道唔錯，皮脆，比較細隻，但肉質唔鞋。金錢肚夠肥夠腍幾好食，醬汁味道幾好。菜居然得一款，菜心，但粗幼不一，缺水同偏老，唔甜亦唔好食。腸粉皮超厚，唔好食。…Read More

驚喜食 - 平日去食係因為近，費事諗費事行就會去呢度食，尋晚唔知點解咁好食。第一次响呢度食北菇花膠扣鵝掌，花膠雖係碎膠咋咋地貨色，但焾得嚟不失少少爽脆口感，最重要佢掛到汁，鵝掌焾得嚟無茸茸爛爛，連底下埶煲嘅唐生菜🥬都係脆㗎。片皮鴨一向有食，今晚熱騰騰，留兩髀免斬，皮脆肉瘦，手揸住噬落去，好正喔🤤瘦叉瀨更不得了，啲瀨粉係透明噶，滑嘟嘟又無斷開一截截，放耐咗都唔會索晒啲湯焾晒，單食齋瀨我都開心😃呀⋯⋯仲有係叉燒瘦得嚟都無柴口，不過我下次都係叫番齋瀨，大碗啲😝…Read More

入到去無人招呼無人帶位，自己搵枱坐仲要係張張枱走晒都無人執。本身已經唔多客，啲紫色衫仲要黑口黑面，明知我叫佢仲要扮睇唔到。完全無問過我幾多位就自把自為落咗三個茶錢，見到我寫單就大大聲講無呢樣無果樣。到寫好晒要搵人落單又唔見晒人，真係咁大個人都未試過一間咁衰服務質素嘅酒樓！！！如果唔想做就摺埋啦⋯⋯成個商場得兩間食肆，唔係要陪老人家飲茶都唔會去呢間，唉.....下次寧願搭車都出大圍飲！！！呢間垃圾啲嘢又唔好食，下次咪洗再幫襯😡😡😡😡…Read More

今日去同大姨丈飲早茶，到了近佢屋企的茶樓！在商場2樓，有電梯直達。環境唔係好寬敞，乾淨明亮；服務也不錯，友善有禮！點心有早晨優惠紙（有孖寶、抵食點心、雙拼）點了：1. 鮮蝦蒸腸粉蝦不是太大隻，但爽口，腸粉普通滑2. 生菜鯪魚球粥綿綿的粥，足料、鯪魚香滑配有陳皮，有薑絲去鯹3. 咸魚豬肉餅飯咸魚鹹香又大塊，飯的口感不錯，豬肉餅不會太咸，細細碗幾好4. 鮮蝦菜苗餃菜好滿滿，餃皮好軟，鮮蝦細細隻5. 煎三色糕點包了蘿蔔糕、芋頭糕、馬蹄糕，蘿蔔糕好咸，芋頭糕好脆好香、馬蹄糕軟香甜美6. 流沙包蛋黃香滑，流沙的，麵包香軟，比較膩7. 蒸雞絲粉卷粉卷的口感比較硬，包埋雞肉、木耳、紅蘿蔔絲8. 蒸滑雞扎雞扎包了腐竹、魚肚、火腿條、芋頭、豬肉、雞肉…Read More

中午叫左個c餐 餐包括一碟河粉，菜，腸粉，薄撐 其餘食物都還可以 唯獨是個乾炒肉片河 肉片就搵唔到喇 肥肉就搵到一大碟 個經理仲死都要同我講果d係肉片唔係肥肉 講大話岀色過689👍🏾…Read More

選擇屋邨酒樓，只因有老人家行動唔方便，咁只好揀屋邨中的唯一一間酒樓！沒有選擇指定套餐，單點小菜！服務態度一般！櫈的皮爛哂，著短褲短裙去係會刮腳！食物賣相正常，味道一般至中下！唯一好處係星期日去都唔駛等位！如果唔係要遷就老人家，我相信我唔會再幫襯....…Read More

街坊酒樓提供親民早茶優惠，星期六日亦有提供。最適合我們－家大細，難得週未可以輕輕鬆鬆歎早茶。早茶優惠，供應時間06:00- 11:00。至11:00當Bruch 也可以！我們多是星期六早上去，人流不多，10:00前一般不用等位。雖然是早茶優惠但點心款式應有盡有， 鹹甜蒸煎炸點心都有！重點是價錢親民，質素也不錯！點心拼盆 $23六款點心， 有仔仔最愛的叉燒包和薑汁紅棗糕。叉燒包鬆軟，不糊囗或黏牙。紅棗糕帶少少薑汁辛香，不太甜煙煙靭靭，不錯！蝦餃，蝦爽口只是皮比較厚煎腸粉腸粉每條都有輕輕地煎香，質地也不厚，還有少少蔥花及蝦米其他晨早孖寶點心也不錯，只有鯪魚波粉比較多。整體來說，環境及服務—般，街坊酒家級數但勝在抵食！…Read More

今日有個朋友帶左小仙女去食佢覺得最好味既雞煲今日星期六，而我地9:00後入座 咁就118注意: 如果兩個人或以上黎食，會送雞煲，食完雞煲再打邊爐等緊雞煲既時候可以過黎攞野飲同醬料雞煲黎啦呢種雞煲係乾炒既，小辣已經好似平時出面中辣咁。而且估唔到比出面濕既雞煲更入味，啖啖肉都好夠味，又多香料！而且好多雞，平時可以2個人黎叫個雞煲加兩碗飯都夠飽，如果淨叫雞煲既話只需要88蚊。食到差唔多就可以叫野食打邊爐啦菜菜類可以出去拎頭先雞煲可以唔洗食晒啲雞加湯，咁可以試下唔同口味。基本上樣樣野都有得叫！…Read More

二月十二日 (星期二)今年的農曆新年是有史以來最忙碌的一年特別是年初三，由大埔先走到馬鞍山,先後拜訪過兩位長輩，之後又再出發到大圍慶幸的是有私家車代步，從馬鞍山接載我們到大圍上過長輩家拜年後，大伙兒便走到樓下的酒樓飲茶每逢農曆新年，每家食肆都是人山人海，尤其是中式酒樓連這家平日只有半滿的(據聞)，也要等上半小時才有位首先獲安排一檯較細的枱，遠看也知不夠坐，即使放得落十多張櫈，但坐落也想像到是迫得要命要求換檯，可能新年時間太忙碌，侍者回答的態度不太禮貌，但最終也順利地換到最大的枱由於太餓，我倆就拍板點單，各款包類,蝦餃,燒賣,牛肉球等等，一共點了三十多款點心各款質素和味道比預期的都理想得多，特別是炸雲吞，蝦仁彈牙鮮味，皮又脆又好吃馬拉糕既香又鬆軟，質素甚至比某些有名氣的酒樓做得還要好十多人吃到捧著肚子離開，埋單也只是七百多價格實在相宜得很，若服務質素能改善一下，那就更和氣了…Read More

今日係鬼佬父親節，龍順軒唔使等好耐就有位，但係要搭檯嗟!...望吓個餐牌，所有點心連茶錢全部臨時加晒價，真係良心老闆...牛肉腸--本來叫叉燒腸，等咗20分鐘來錯牛肉腸。之前知呢間店操作混亂，都係食咗先至講。牛肉拌和荵花、腸粉尚算嫩滑，味道可以接受。鮮蝦腐皮卷--外皮夠脆，蝦肉較少...食之無味，棄之可惜...糯米卷--糯米花生餡軟綿香口。膜皮好薄，入口乾涸，糯米卷唔得新鮮。流沙包--還幸保持水準，中上質素。豬大腸--醬料入味，大腸肥美，就是只得6小件太少，反而墊底的鹹酸菜大大件的喧賓奪主。咖哩魷魚--勁多油無乜汁，魷魚嚡口厚身，只有咖哩粉死味。四寶雞扎--上次無腐皮，店家用伊麵條取替失敗之極。今次正常出品，火腿、豬皮、雞件、香菇、腐皮足料挽回不少分數。屋邨茶樓，7籠點心3位茶連加一差唔多$200...唉!...…Read More

大圍美田邨位處偏僻山坡開建，邨內有兩間食肆，龍順軒是其中唯一酒樓，且開業不足半年。風聞邨內抵食好味，於是與家人前往一試。酒樓餐樓面積數千呎，來到了剛好需要輪籌，等待約10分鐘已可內進，幸好不用與人分檯品茗。豉汁金錢肚，豉汁入味，不腍不韌恰到好處。燒鴨賴粉，燒鴨有點過肥，肉質不賴，下午特價粉還算了。四寶雞扎，竟然是用伊麵包裹，魚肚豬肚亦小...非常失望。蝦餃，比外間的體型較小，但質數不差。燒賣，雖然咬落肉汁豐富，四粒東西就是體型不見接近統一。叉燒包，餡料惹味。黃金流沙包，鹹蛋黃液汁較欷小心溢出，吃時很燙口。雖然開業一段時間，仍有失單、亂單發生，人手尚見混亂。這裡周一至六由早上6:30AM~4:30PM，小點$6.8、中點$8.8、大點$11.8、特點$14.8及頂點$18.8、茗茶每位$5。…Read More

今天是女兒的生日,在家切完旦糕後,便與家人落樓下試火鍋,經過早兩次的不愉快經歷,今次學乖了,先打電話去book檯~今次來的服務態度好好多了,除了叫了兩次個"爆漿芝心丸",叫極都唔嚟之外,其他方面,如食物送上檯的速度,叫侍應有回應,都總算正常~ 任飲任食火鍋,成人$78,小童$48 (1.25米以下的小童),三歲以下的小童免費,任食兩個半小時,任飲方面有汽水,第一轉的是樽裝,第二轉的是罐裝,另有四款涼茶及酸梅湯類的飲品,而啤酒是要付費的. 可以多點無妨的--->>美國牛肉粒,黑椒牛丸,釀豆卜,炸魚皮(呢款自己出去攞), 不叫也罷的--->>水餃(太易散開,又唔好食),蟹柳(一放入去便散),脆肉鯇 (太多細骨) 我們一行4位成人,1個小童,1個BB,埋單 $360元,需然不能說得上十分好食,但...真係抵食過自己買料係屋企打~經過呢幾日,食了點心,叫餸食飯,同埋呢次既火鍋,都係發覺點心及火鍋值得推介,不過,要有心理準備,始終是新開的店,各部門都未完全磨合,希望他們會積極改善不足之處,而優點方面則繼續保留吧~…Read More

早上來了這間酒樓試過點心了,晚上唔駛煮飯,便想帶囡囡來試吓個任飲任食火鍋,因為價錢抵,成人$78,小童(1.25米以下) $48,包茶芥,包加一,仲平過自己買嘢~ 晚上七點九來到,門口那些知客話未有位,要等一陣,我放了囡囡去隔離文具店玩彈波. 等到八點,發覺唔多對路,問個知客,有人埋單未?仲要等幾耐??(心諗,要再等的話,便死死氣番餐廳吃好了),點知,她身旁一位似女經理的女士,跟我說,吃火鍋就未有位,如果叫餸食飯,就有檯,為了不想再浪費時間,好囉,反正未試過,死死氣的,又試吓吧~ 入到房後,便即刻點了兩個菜,點完菜十分鐘左右,才發現...........隔離檯正在打邊爐既??咁....點解知客及女經理話,打邊爐仲未有位既??叫餸食飯才有位??我的隔離檯根本就唔駛用"邊爐檯"都可以打邊爐,可惜,我發現時,已經點菜一會了,唉~~~ 我與囡囡兩個人,叫了兩個餸"金沙焗海蝦"及"窩貼小棠菜",酒樓新開張,仲送了一碟六件的乳豬件比我地."金沙焗海蝦"--->>個殼好香脆,可惜.......蝦個條黑麻麻的腸,赫死人,當然,我都明白黃金蝦,不可能挑腸的,但...看來有點赫人,只能死死氣的自己挑腸個囡囡食~ "窩貼小棠菜"--->>>20:06分落單,20:45分個小棠菜都未到,最後,20:53分才到~~期間催了兩次,仲要嬲到我話d飯都涼哂了,幫我取消吧,它才到~以為慢工出細貨,點知,呢個小棠菜只有外在既靚,沒內在美的,因為,內在係食到我成口都係"粉",早知如此,就不用叫飯吃了,因為,食嚿粉團都食飽了~,都係將軍澳"三姐"果度既小棠菜好食,當然囉,人地係用墨魚膠+小棠菜炸的,唔似呢間用"粉",唉~~ 至於送既乳豬,就還可以,皮脆-->>但...肉厚,加好多肥膏埋單$129元,仲貴過我係果度打邊爐,(我同囡囡如果打邊爐的話,都只係 $126元而已~)又等得耐,所以,我嬲那個知客及女經理,唔係冇道理的~ 好彩今次只係我同個女來試食,如果老公同行的話,佢一定拍檯罵人的. 吃飽後,有氣力了,便捉了個男經理來問,點解知客同女經理會話打邊爐沒檯,只有叫餸吃飯才有檯的?結果,就在我旁便有人在打邊爐??那即係代表普通檯都可以加爐上去用,不需要等"邊爐檯"啦??男經理say sorry後,跟我說,可能是言語上有誤會,咁都得??經理級都咁唔識補飛,難怪下級了~ 至於仲會唔會去呢間酒樓??一定會去,因為,成個村,只得兩間食肆~…Read More

屋企附近昨天開了間酒樓,早上女兒話想食點心,我便同囡囡早上七點,去飲早茶,飲完才上校車,我們叫了四個點心,蝦餃 -->>皮薄餡靚燒賣 -->>大路貨式山竹牛肉 --->> 都唔錯,有牛味~牛肉腸粉 --->> 幾滑溜,個皮好薄~ 兩個茶位,加四個點心,埋單64元~值得一提的,是開張不久都有一個毛病,就係職員唔夠,叫極都冇人應,唔知係咪太早,佢地未瞓醒,要好好改善~ 同日,老公加班,不回家食飯,又再去多次試晚飯,因不能放太多照片,故此,在另一篇打出來~…Read More