影片
港鐵金鐘站 A 出口, 步行約1分鐘
繼續閱讀
電話號碼
28668838
營業時間
今日營業
07:00 - 17:00
星期一至六
07:00 - 17:00
星期日
全日休息
以上資料只供參考, 請與餐廳確認詳情
Lunch去買三餸飯，佢地管理同內部溝通極差，無左個樣餸唔即刻截住唔比人買，有10個8個人比佢叫返去話賣哂果樣餸要轉其他。見佢滿牆貼住d外賣平台單，唔知係咪佢地優先。仲跳單做，唔順單號，買個兩餸飯都要等半個鐘，仲要咁岩我身體不便企咁耐。返到office得番15分鐘食飯。例湯係普通味精湯，無湯渣，墨魚春卷咬到有沙，飯盒份量細，飯好少，餸又少，如果唔係平時幫襯開果間2餸飯賣哂都唔會試呢間。呢間就算下次餓死都唔會再幫襯！！！
繼續閱讀
超級好味，老闆好有人情味，收銀好好禮貌，出品好，早餐全餐好抵食，午餐日日新鮮，最好味係老細嘅椒盐骨，好正，價格又便，每日都幫襯，仲可以叫外賣送上樓，正👍👍Yummy
繼續閱讀
換咗個新女仔成日落錯單，已經落錯幾次，我都冇話佢，今日好聲好氣同佢講，佢去仲惡過我！以後唔會幫襯！以前嗰啲個個都好好，係呢個女仔好唔掂！又落錯單，又找錯錢，好混亂！
繼續閱讀
喺金鐘返工閒閒地都差唔多成舊水，真係幾貴！難得今日嚟到呢度，唔同粉麵同飯都只係三十幾四十幾蚊左右，咁抵食當然要試下佢！🤩三餸飯 ($42)🍚呢度每日都有大概十幾個餸作選擇，可以揀雙餸($37)或者三餸飯 ($42)，睇menu都幾吸引！.✨清炒椰菜 - 椰菜份量幾多，簡單調味，清清地都唔錯；口感爽脆，感覺新鮮，唔錯~🥬✨香煎齋鴨 - 齋鴨厚身，外皮煎得焦香，食落有豆味、無酸味，好食🦆✨泰式豬頸肉 – 應該用咗豉油作簡單調味，肉質唔柴唔硬，份量算多~🐷.呢度嘅餸都幾好味，係個人覺得有啲油，同埋飯底加咗豉油有啲過鹹…😬下次走豉油應該就剛剛好。喺呢頭可以$42食到個咁嘅水準嘅lunch，真係好滿足了！🥴
繼續閱讀
今日晏晝，唔係好想食飯，所以行咗過去海富中心嘅呢間龍門快餐店，諗住買個外賣番去食。叫左個黑椒雞扒撈丁，因為係即時整即刻撈，所以都等左一陣。買完我就拎番工司食。啲出前一丁好入味，雞扒都唔錯，但係就鹹左小小，總體而言都唔錯。
繼續閱讀
您可能會有興趣的...