龍運燒味火鍋茶餐廳 (已結業)

絕對唔係打手， 去過呢間嘢都兩次啦。首先如果要求環境好嘅地方， 就唔好去呢間打邊爐， 店內嘅環境真係非常之一般， 雖然佢係晚市有打邊爐， 但確實呢間店舖只係一間普普通通嘅茶餐廳。講返食物先， 我同老婆晚市打邊爐， 款式絕對唔多， 肥牛都唔係靚嘅肥牛， 其他乜丸手勿丸都係非常之普通， 但係有海鮮， 每一round嘅海鮮都唔同， 而且非常之新鮮。店員都非常親切有禮。值得再去。…查看更多

天氣開始轉涼又開始心思思想打邊爐，趁著今日早收工，同好友即慶去到深水埗食個麻辣火鍋過一過邊爐癮今晚大約7時許到達，以往座無虛席的龍運只有兩枱客，好不冷清。其實龍運火鍋一向以放題海鮮火鍋吸客，而我同一班好同事兼朋友都支持了好幾年。湯底濃郁，真材實料令我印象難忘。好可惜，今晚令我好失望。今晚照舊第一輪有扇貝、蝦同蜆，第二輪就三點蟹、蜆，第三輪就鮑魚仔同蜆，第四輪就瀨尿蝦仔同蜆，而第五輪開始就得返蝦同蜆，不會再由頭輪過。他不會因應你的要求而向你供應特定海鮮，全部由廚師發板。蜆好多沙，瀨尿蝦仔有發育不良的感覺。食到都無乜心機，而海鮮單一又發育不健全沒有太大驚喜，與以前海鮮一上枱大家會有「嘩！」一下的感覺截然不同。另外，龍運的樓面一向由很友善而有人情味的姐姐打理，今晚突然留意到有一位戴眼鏡的後生男仔非常沒有禮貌，不單大大力將食材放到客人枱面，更用手阻擋其中一枱客人於last order後到汽水櫃拿汽水，連坐在旁邊的我也覺得很唐突，因為一向last order只計要落單的食材，沒想到一大間餐廳連一罐汽水都要跟客人計較😓😓😓 一直都欣賞龍運的人情味，不過可能新人新作風，不但沒了人情味，連價也加了。再光顧？不了…查看更多

今日一心諗住去太子嗰間倫哥火鍋，但見到前面有間龍運又係食海鮮火鍋嘅，所以入去試吓，店舖雖然吾大，但都坐滿人，啲海鮮同聖子都好新鮮員工服務很好，隻蟹又真係幾好食👍而且價錢都算平，牛肉都好好食，有個類似廚房大佬嘅男人就出嚟問嘢食夠唔夠食，餐廳員工好nice，我去過甘多間海鮮火鍋呢間都算新鮮…查看更多

「燒味+任飲任食海鮮火鍋」未試過平民任飲任食火鍋淨係叫海鮮都已經滿足，一開始會送個燒味拼盤俾你，餐牌有20多款選擇，但只要不斷係個餐牌上邊點”時令海鮮”1份，第一轉🦐、蜆、帶子；第二轉大大隻糕蟹；第三轉活鮑魚、特大蜆......雖然冇得指定要乜嘢海鮮，不過個老闆話只要我哋有嘅，每一轉都希望盡力做到不一樣，人多啲仲有🦞、象拔蚌、花螺⋯⋯而且每次出嚟都真係識郁嘅👍，招乎親切、價錢仲好平民🤭，值得推介👍…查看更多

我訂位就定六個人 , 原來去到先發覺訂多咗一個位, 當我哋食完埋咗單, 畀咗錢走咗先發覺,原來佢收咗六為錢,我打電話同佢講知道我哋係得五位,但係冇通知我哋, 佢話但係食物照出六位,所以收我六位錢, 離曬譜…查看更多

本來食過一次覺得好味 專情再約朋友來eg！還提早了差不多2星期預約！期待咗咁耐！！！就為咗今日！！！！！約好了星期一但店家早一日突然說星期一停電要改期，改星期四後！人到了但說沒位置？！？！要不就坐店外（用二手煙廢氣做調味嗎？）要不就等到9點才有位置！！！那我為乜要預約呢？預約來做乜丫！！！！！？！？？！改期時完全沒提過店內沒位置！！要是坐街邊，我不如自己買料返屋企食算啦仲係生日飯！！！！一肚火！！！！…查看更多

自從上年朋友推介過呢間燒味海鮮放題邊爐後，我地耐唔中就會返去食一次，返兜再返兜。最初仲好奇怪火鍋茶餐廳會有咩海鮮邊爐放題咁奇怪，又唔貴，一度擔心會唔會係伏嚟，經我多次試驗，咁嘅價錢，咁嘅質素真係唔伏兼值得推介。燒味味道ok，任食情況下可以叫少少嚟過下口癮。丸腸都係平時放題邊爐嘅大路嘢，冇咩特別，肥牛就一般，可以不吃。呢到嘅主打係海鮮，每次你剔個時令海鮮，佢都會睇人數隨機執碟海鮮俾你，經我多次試驗，蟹/斑/蚌/鮑魚/賴尿蝦/龍蝦仔都試過有出，好正路地呢類型嘅海鮮只會出一次; 蝦同蜆嘅出席率最高。海鮮好新鮮，好好味平日夜晚放題邊爐人頭200蚊有找，性價比高，係店鋪位置比較吊腳，深水埗站行過去10分鐘左右。提提想食朋友記得book位，我今次經whatsapp book，店家都好快覆。…查看更多

聽聞經常排長龍。。又餓又累又唔識路。。但不知怎地今日十分想幫襯。。放棄念頭萌生之際，到了！幸運日！居然唔洗等位！店內簡潔，冷氣充足。由於能量指數到低點，先要了燒味。呀~~雖然為海鮮火窩而嚟，但是燒味都很吸引。尤其是燒鴨和义燒。好香~火燒肉皮很脆~火窩食材燒味都是放题。其中一項是海鲜精選，別由厨師話事。別以為求求其其，嚟到啲蜆會郁。種類也多，有海蝦、帶子、鮑魚、肉蟹。而且種種都很新鮮呢~鮑魚也不少。壯臂！還有象拔蚝刺身！食物質素比許多大食店要好之餘，在家庭式作業的氛圍下食嘢特別温馨 😊 開始有啲掛住 😁…查看更多

‼️‼️一定要預約‼️‼️去到沒有預約，受到小許🌚🌚唔緊要啦，是自己問題😇😇因為星期六關係，$188一位任飲任食。4個人安排坐門口位置將枱，$30選一個湯底，可以鴛鴦湯。我們選了豬骨和麻辣。飲品就自取的，都是一般汽水和「楊協城」飲品。如果要飲酒精類飲品，不能自取，價錢另外收費。開始點食物，我們第一輪點有肥牛、時令海鮮、金菇、蘿蔔...🤗🤗時令海鮮是店家不同海鮮輪流出枱。我們第一輪有海蝦🦐、貴妃？、蜆。第二輪海鮮有🦀肉蟹，鮑魚。海鮮整體上都好鮮甜，值得一去👍🏻👍🏻👍🏻其他食物就不過不失，還可以（沒有影相，抱歉🙇🏻‍♀️🙇🏻‍♀️）…查看更多

朋友介紹佢家樓下打邊爐，一班男仔唔知食咩就去打邊啦！見到個名叫燒味火鍋茶餐廳都幾搞笑，到底係食燒味定係打邊？但朋友話呢到有時令海鮮好正，可以抵食過隔離果間。 "時令海鮮既份量係跟你枱人數，都至少一人一份。仲可以不停落單。第一次上既係蟹！！！好正好新鮮有蝦，蟶子，沙白，花甲，鮑魚，等。主菜仲有肥牛片，丸，菜，燒味，炸響鈴，水餃都好似有。野飲多數都唔駛錢。overal感覺幾正，又有ｔｖ睇，d海鮮都新鮮,不過有時覺得點得愈多次就愈俾得hea,都係第一次點係最好最正，可能咁既價錢唔可以咁貪心…查看更多

90後朋友介紹, 周日晚約埋老友共6人慶祝生日,試下。地點雖然是福華街,但近太子。夜晚行去較靜。店名"燒味", 梗要試下啦… 先來一碟 义燒拼燒肉, 普通茶餐廳質素, 當時晚7:30, 食落半肥义肉已放凉,口感…唔知, 燒肉皮係冧的 若以此質素當招牌, 真係唔得囉！*因我們吃放題, 燒味都可以任食火煱底選了沙爹及莞茜湯底。沙爹惹味，可以呀 莞茜清清地,都ok啦…混醬得5種(鼓油佔两格, 蔥,蒜,麻油,辣椒粒),飲品任叫, 汽水及幾種罐裝, 另有三四樣註明要另收費的。失望沒有低(無)糖汽水食物紙上 "時令海鮮" 每次點都不同配搭。份量以你枱人數執料。是足夠的。羔蟹, 全蝦, 扇貝, 沙蜆 會重複, 鮑魚(只出一次,每人一隻)。感覺新鮮的其他菜蔬，丸子，雲吞，餃子, 響铃, 麵食等 質量也過得去。食物上枱時間等候太耐, 等到湯水滾完又滾都在等 ……當晚也不滿座, 火煱料啫, 丸子雲吞等執夠就上得嘛！！話90分鐘啦, 當晚冇人等位, 我們超晒時都可繼續呢總結: 每人$220 可以一試啦…查看更多

上次經同事介紹之後，早就決定會再黎食，尋晚晚一行半打人（6位），再黎擦一餐🤪今次一坐低，拿拿林點左啲燒味攝吓牙喇！有白切雞，油雞，叉燒。切雞油雞我都鐘意食，夠味，叉燒就可能因為我個人比較喜歡食半肥瘦，太瘦既叉燒我麻麻😅但用黎攝牙我都唔會要求太高。上次人少就只揀一款湯底，今次可以揀鴛鴦湯底，我點左麻辣湯底，豬骨湯底，個麻辣湯底幾夠辣味，我鐘意👍同事們話好辣喎！豬骨湯底我無掂過，所以唔知好唔好味？不過同事話豬骨湯底唔太濃，但都唔太差既。今次人多左就可以食多啲🤗亦都食到好飽🤭哎呀！講錯野添！呻饑莫呻飽，應該係話呢餐食得好滿足！而且海鮮都真係新鮮海鮮，不過今次我身有帶傷，唔可以食太多海鮮要戒口，啲海鮮就益晒同事們喇！幫我食埋我果份🤤…查看更多

【因為手快禁錯禁，又要重頭打過篇食評】😳星期六晚，我同事朱頭話帶我食好野，已經即時好興奮，諗緊今晚究竟食乜正野先？約左5:45am深水埗地鐵等，跟住問佢食乜野又懶神秘，淨係話得啦！你跟住我行就得架喇！係都唔講我知喎😎行左5-10分鐘，行到福華街佢先至話食【龍運】，我一望茶記黎既，有乜好食呀？朱頭話打邊爐，當時心諗茶記打邊爐有乜咁特別呀？一入店內，見到店鋪唔太大，總共6-7張枱左右，亦無乜裝修，第一感覺就係2個字普通，但係又眼見佢張張枱都係訂枱黎既，即係無做walk-in ，原來朱頭訂左6:00am/2位，照計我地應該係晚市既第一枱掛😎一坐低就自己去攞飲品解渴，跟住就開始點食料，睇下有咩野食先，估唔到竟然係海鮮邊爐普通既我點左金菇，生菜，蟹柳，南瓜片，響零⋯⋯跟住海鮮就魚蝦蟹都有，魚有鯇魚片，蝦有海蝦，蟹有膏蟹，仲有一人一隻鮑魚，同埋仲有珊瑚蚌，最令人意外就係海鮮超級新鮮，$168（有加1）計盡都$190有找，任食1.5小時真係超值👍當晚用膳期間見有幾個walk-in 都無得幫襯，因為真係枱枱都係訂枱，不過我自己都食緊，一間咁平價又好食既海鮮火鍋，如果間食店唔爆場真係無天理！另一要讚就係店內有2位靚女招呼，一個紋身靚女，我留意到佢同其他食客溝通對話，超級有禮貌，有耐性，有問必答！👍另外一位望落圓碌碌既美人，好鬼親切🤗同食客好有交流，不時關心食客夠唔夠食，呢餐邊爐打得好舒服，食得好開心😜我必會再黎踩場既😜我去邊食野都係相機行先食先😆一影完相就即時上Facebook 打卡，有朋友見到我post問我D野食得唔得？仲話係佢老友既老友開，我心諗關我蛋治咩🤣我理得你邊個開丫！好就讚差就彈，呢個係我食野宗旨，不過始終好唔好食係主觀！大家不妨自己去食吓咪知道囉！但係我個人就大讚既！👍👍👍如果菜單可以有木耳，涼瓜片，窩筍，咁就更加正喇😋本來覺得好普通，食過就話好鬼正！🤪…查看更多

經過多次都見坐無虛席，昨天決定訂座，試下質素。一入店，見到場面十分熱鬧，目測食物質素不錯，肥牛不算得只有肥無牛，海鮮很新鮮。$168/位，湯底$20有5款可供選擇，我揀了麻辣/莞茜皮蛋湯底，麻辣湯不算太濃郁👍🏻，莞茜皮蛋湯清甜😋，接著海鮮陸續送上，海鮮有中蝦，鮑魚仔，膏蟹，大花蜆，瀨尿蝦，象拔蚌刺身(你冇睇錯呀，放題有刺身食👍🏻👍🏻)，膏蟹多膏👍🏻👍🏻👍🏻，海鮮相當新鮮，蝦，蜆，蟹，象拔蚌上到枱還會郁㗎👍🏻，還有各式丸類(黑椒牛丸必食👍🏻👍🏻)，蔬菜類，還有燒味可供選擇，燒味質素相當不錯，聽店員講，燒味是自設工場，每天新鮮運到，有一點遺憾沒有我最愛的芋頭，兩位$356埋單，性價比相當高，抵過自己買材料。…查看更多

為咗朋友生曰上open rice𥄫𥄫有咩新餐廳可以試下，而我哋四人又係海鮮迷，結果比我搵到呢間隱蔽但又有好評，最重要係價錢唔貴，海鮮任食，味道ok!雖然唔近地鐵站，不過都易搵，而且Book咗枱一去到就有位，因爲我試過去潮福，上水人⋯⋯成曰都要等😑😑一坐低即點即上煲，海鮮好快陸續上嚟，如果無你揀嘅海鮮佢比時令，但絕不馬虎仲要新鮮任食，唯獨扇貝有少少沙，燒味也不錯，牛肉同其他食材就一般，咁嘅價錢絕對超值我帶咗2支白酒，1支清酒都唔收開瓶費，仲同店員一齊飲，原來佢哋喺家族生曰，打成一片無人等位唔會催你走…查看更多