龍糖坊 (好利時大廈)

隱藏於尖沙咀亞士中厘道，鋪頭掛滿有關「應時而食」的裝飾店面雖然細細但充滿傳統港式糖水鋪的風味，一於試下佢😎✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫🥢芒果河粉（凍）💰58椰奶浸著一條條晶瑩剔透同彈牙的「河粉」。「河粉」真身係由椰汁同啫喱粉製成，河粉QQ非常滑身，椰汁中仲加左哦芒果汁同芒果粒增加口感，夏天食一流！🥢一盤大滿足（熱）💰60鐘意食中式糖水既朋友仔就可以揀呢款，一次過試哂蛋白杏仁茶、香濃芝麻糊、養生核桃糊同十年陳皮蓮子紅豆沙🤩 杏仁茶質地細膩，蛋白份量都幾多😝芝麻糊同核桃糊堅果油脂香😝紅豆煲到起沙但仲有保留到顆粒感，陳皮化解左紅豆既甜膩🥢府城蝦捲💰38外皮十分酥脆，內餡的蝦肉紮實彈牙，混了少許豬肉增加滑潤感，偶爾咬到馬蹄粒，清甜多汁。✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫✍🏻總評：加🔟服務費：❌👭🏻推薦指數：🌕🌕🌕🌕🌕👭🏻回頭指數：🌕🌕🌕🌕 🌕👭🏻環境評分：🌕🌕🌕🌕🌕👭🏻服務評分：🌕🌕🌕🌕🌕✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫💰人均消費：$50-$70…查看更多

💟寶石媽媽美食好介紹💟近排暑假尖沙咀街頭人頭湧湧！我想行完街街就返屋企，突然女女話見到一間甜品店，甜品賣相好靚💞。猛咁話好想食。好啦，我都行到攰攰地，不如食埋個甜品先返屋企啦！見到呢間叫做龍糖坊💚嘅甜品店中式甜品西式甜品都有，選擇好多。花多眼亂。🤩但到最後我都係選擇咗❤️❤️心心念念的芒果🥭河粉，其實我一直都好鍾意食河粉甜品㗎，好鍾意佢嘅外型，好鍾意佢濃濃嘅椰汁香味。呢度嘅芒果河粉更加係用芒果果肉芒果濃汁混合椰漿河粉配搭一流！女女比較少女心選擇咗荔枝雪花冰，嚟到嘅時候大叫太可愛，太夢幻了！因為賣相好靚，荔枝白雪雪，雪花冰白雪雪❄️，但係有好多粉紅色嘅甜甜粉，佈置啱晒啲少女了！兩個甜品都唔夠我哋三份食，到最尾我仲叫咗杯開心果奶萃特飲。濃濃嘅開心果香味又細膩又滑溜超正。🥳今次試過，如果再去尖沙咀食飯，我都一定會再幫龍糖坊，食埋甜品，醫好第二個甜品胃先至滿足！😎#pollywings_foods#尖沙咀 #尖沙咀美食#打卡#食好西#美食#高質 #香港美食#香港必食#尖沙咀好去處 #吃了甜食會開心 #吃吃喝喝的日常@lungtongfong☸️龍糖坊(尖沙咀)☸️尖沙咀亞士厘道22號好利時大廈地下 …查看更多

平時食開銅鑼灣個間龍糖坊，位於尖沙咀新開咗間分店，7月4日正式開張同銅鑼灣嗰間嘅甜品有好大分別，多咗好多款唔同特色嘅甜品，無論係味道、口感都令人驚喜，值得一試。而且平日下午仲有能量午餐系列，抵食又健康手工雙皮奶就叫咗2款，一款係 [ (凍)牛油果甘露雙皮奶 $52 ]牛油果漿同雙皮奶好夾，牛油果果肉粒放係中間，牛油果味道濃郁，味道又唔甜，配搭營養豐富嘅奇亞籽，但又唔會掩蓋雙皮奶嘅細膩，食完唔會覺得膩另一款係 [ 焦糖娟姍雙皮奶 (凍) $40 ] 順滑雙皮奶係下層，面層加上脆口焦糖，焦糖雙皮奶味道好夾。焦糖唔會過甜，反而添咗層次感，奶味濃，又香又滑手工芋圖系列有呢款 [ (凍)雪燕蓮桃芋圓奶凍 $40 ] 夏日消暑嘅好選擇，每件奶凍都彈牙滑溜、雪燕晶瑩剔透，口感順滑、蓮子口感爽脆、滿滿桃膠煙韌爽滑，令人好有食慾、芋圓口感煙韌，當然要落埋揶奶，就更加滿足，口感豐富雪花冰系列嘅 [ 陽光青提雪花冰 (單人版) $68] 有分享版及單人版，朋友就叫咗個單人版，外層有青提子包圍住，青提口味嘅雪花冰清新又消暑，口感細膩，青提甜味剛好，係夏天必食甜品，冰涼透心，單人版夠哂一個人食，食完心情更加好…查看更多

龍糖坊這間中式糖水甜品店在銅鑼灣和尖沙咀都有分店，無論是傳統的中式糖水還是創意甜點都應有盡有。近期推出的芫荽系列包含綠牛牛奶昔、綠洲雪花冰、芫荽Gelato，好想試他們推出的芫茜檸檬巴斯克蛋糕，可惜是銅鑼灣店限定。🍀芫荽綠洲雪花冰 $78口感綿滑，不會有草青味，內含自家手工製作的芫荽波波奶凍。每一口都充滿新鮮芫荽的草本味，冰粒質地輕盈，與芫荽奶凍搭配，味道突出卻不過於濃烈，剛剛好。🎁大滿足盲盒 $60一款充滿驚喜的甜品，特別適合一次過想試幾款糖水的朋友。盲盒內含四款獨特糖水，包括：🫘陳皮蓮子紅豆沙紅豆煮至軟滑，甜度恰到好處，散發淡淡陳皮香氣，讓人回味。🥚招牌蛋白杏仁茶杏仁風味濃厚，富含蛋白，口感滑順，讓人一試成主顧。🍠紫米蓮子芋圓西米露多款配料混合，口感層次豐富，甜而不膩，每一口都帶來驚喜。☕️桑寄生蓮子蛋茶桑寄生帶來淡雅香氣，蓮子則增添自然甜味。這道甜品不僅美味，還有營養價值，適合喜歡清淡口味的人。…查看更多

龍塘坊的芒多多楊枝甘露雪花冰是一款非常受歡迎的甜品。這道雪花冰的特色是雪花冰層輕盈細膩，入口即溶，配以大量新鮮香甜的芒果肉，帶來濃郁熱帶風味。楊枝甘露部分則酸甜適中，融合了椰奶的醇厚和西柚的微酸，口感層次豐富。更特別的是，裡面加了椰凍和奇異果，增加了口感的多樣性和清新感。整體甜度平衡得宜，冰涼又解暑，無論是炎熱天氣還是飯後來一碗，都是完美的清爽享受。這款芒多多楊枝甘露雪花冰在龍塘坊成為必試甜品，深受本地及遊客的喜愛。…查看更多

之前成日聽人講龍糖坊，好奇心爆棚！之前佢喺尖沙咀開咗間分店，終於抽時間去試試啦～✨楊枝甘露雪花冰 (單人版)配料超豐富！雪花冰上鋪滿新鮮芒果肉，表層淋咗忌廉同芒果汁，芒果粒粒大又甜爆～仲有2粒藍莓同幾嚿椰汁膏，食落去完全似飲緊新鮮椰青水咁清新椰香！整體都幾好食但主體冰嘅芒果味有啲人工，食多幾啖覺得假假地～所以呢個我覺得麻麻地啦楊枝甘露雙皮奶芒果大概有5粒大塊，新鮮juicy～感覺比雪花冰更有楊枝甘露味，食到西柚嘅酸爽同西米露嘅Q彈！雙皮奶唔會太甜有奶香味，嫩滑順口，夾埋芒果楊枝甘露嘅酸甜平衡，食落完全唔膩，呢個我中意😆完美收尾～下次想試埋佢哋嘅芒果河粉同焦糖雙皮奶，好似好誘人！…查看更多

早幾日同朋友係尖沙咀食完晚飯，諗住去食個糖水😛揾到呢間係附近嘅「龍糖坊」，見到好多人幫襯，所以就去試下😊後來先知原來佢都係屬於龍點心集團，同埋龍糖坊已經有兩間分店🙀餐廳環境座位數量都幾多，感覺好寬敞好舒服，而且好乾淨☺️見到佢個menu好多選擇，除左有傳統糖水系列、手工雙皮奶、手工芋圓等，亦都有新派嘅甜品，我地就揀左其中兩個黎試😉🔻芒果河粉 $58呢個係新派中式系列，未食過芒果河粉所以好好奇係咩黎，其實佢仲有榴槤味，不過朋友唔食榴槤所以冇揀到🫢估唔到入面真係有一條條「河粉」！食落好有椰香味，同埋滑捋捋咁好特別！個底係芒果同椰汁🥭芒果超甜，撈埋椰汁好match 好好食👍🏼🔻陽光青提雪花冰 $78 /單人版呢排咁興食冰緊係要試試佢，睇落好吸引😻其實單人版都幾大份😮上面有好多青提舖係面，啲提子好甜，仲有啲藍莓🫐中間有cream, 下面就係雪花冰，食落好清新😛🔻紅柚鐵觀音 $28/凍加左杯飲品，呢杯好似幾特別，飲落都真係有西柚同鐵觀音嘅味道，但又唔會好澀，好解渴👍🏼…查看更多

原本只喺想食雪花冰+中式糖水！點知職員話新出咗芫荽口味嘅甜品同飲品🫣，本身好鐘意芫荽，對芫荽一啲都唔抗拒，諗左一諗又驚奇怪，點知朋友話不如試個Gelato😱！膽粗粗叫咗一個雪花冰+ 芫荽Gelato！其實都想試埋芫荽奶昔😬！不過太飽，唯有下次再試🤩！！1️⃣ 芫荽Gelato $48原本以為會勁重芫荽味，點知滿滿驚喜，聞落係好清嘅芫荽味，食落係清清甜甜，加埋脆杏仁，配搭好清爽😯，食到停唔到，鐘意食芫茜嘅話真係好推薦😍😍。2️⃣ 楊枝甘露雪花冰 $78嗌咗個 楊枝甘露雪花冰嘅單人版，爆多芒果肉，超豐富好滿足，而且夠多芒果汁，唔會好甜，料又夠多。唔怕食到得返啲冰😚！…查看更多

尖沙咀食完晚飯，試吓呢間新開嘅糖水甜品舖，傳統中式同埋新派甜品都有，餐廳環境都坐得闊落，枱同枱之間唔會好迫😛除咗銅鑼灣有分店，嚟緊元朗都會開分店～叫咗一熱一凍，中式日式都有～🔸 宇治抹茶雪花冰雪花冰幾綿密，抹茶味都幾濃，仲有啲紅豆同cream match埋一齊食，食完透心涼😗🔸 芝麻湯圓燉椰皇養生啲嘅就可以食椰皇，芝麻湯圓大大粒，都多芝麻，燉鮮奶都幾滑😁🍴龍糖坊📍尖沙咀亞士厘道22號好利時大廈地舖…查看更多

今次去尖沙咀食個甜品🍧個舖隱蔽少少 要花啲時間搵🤣▫️焦糖娟姍雙皮奶 （熱） $40見到有焦糖就揀咗嚟試 出面比較少見雙皮奶好夠奶香 質地都好順滑🤍面頭薄薄一層焦糖 微苦帶啲焦香焦糖同雙皮奶比我想像中夾🫶🏻▫️芋圓芒果仙草奶凍 $48對比下比較普通 份量比較少芋圓都算幾煙靭 芒果夠甜仙草俾得比較少 奶凍都係正正常常勝在唔會過甜但就冇乜特別焦糖雙皮奶幾推介！環境都坐得幾舒服！有時想識吓甜品都可以考慮吓🫶🏻…查看更多

🔸龍糖坊🔸喺尖沙咀開咗分店啦，之前喺銅鑼灣食過，佢哋而家做緊優惠，只要like咗佢哋嘅專頁就可以有兩份布甸😍，呢間糖水店以美顏養生為主題，佢哋所有食材都係無另外添加🤩，仲有分咗四季適合食嘅野，食得健康之餘仲冇罪惡感添😆🍧楊枝甘露雪花冰(單人) $78 :另外仲有個分享版 $118，其實兩個女仔嗌單人都好夠食，事關佢嘅份量都唔少，面層係滿滿嘅新鮮芒果果肉😋，另外配左粒粒乳酸啫喱，再加上豐富嘅芒果醬同埋新鮮水果粒，而底層就係沙冰，消暑一流👏🏻👏🏻🍧一碗大滿足 $73 :另外就嗌咗呢碗大滿足，就係咩都要，椰奶，芋圓，桃膠，蓮子，仙草，西米，香芋同埋紅豆，可以揀凍或者熱，呢個甜品就可以食到晒所有嘅配料，的確唔錯😍😍，如果覺得唔夠仲可以加錢配其他配料，我就加多兩粒芝麻湯圓😋，超滿足，芋圓做到煙靭效果🤤，香芋好夠棉，仲有美顏嘅桃膠，冇得頂👍🏻…查看更多

陽光青提雪花冰(單人版)好少見係青提味嘅刨冰😍外表望落勁吸引！食落青提味都出，好fresh😆值得一讚係真係有唔少青提，每粒都大粒、多汁😋雖然係單人版但份量都唔細，同朋友兩個人食都覺得夠，滿足到想食冰嘅癮！🤭然後就有quota試埋其他甜品啦～😙焦糖娟姍雙皮奶超鍾意呢個🥹🥹✨勁香奶味、勁滑！！再加層薄薄嘅焦糖，勁似中式cream brûlée，完全滿足到食甜野嗰種幸福感紅柚鐵觀音感覺到真係用新鮮紅柚打出嚟嘅果汁，再夾埋鐵觀音嘅茶香，成件事好舒服～不過對我嚟講有少少太甜，有得揀埋甜度就好了🤣…查看更多

雖然已經十月，但日日都三十幾度，條街鬼咁熱🥵行到攰有咩好得過食個消暑嘅甜品吖😆去開尖沙咀，有朋友話有間新開冇耐嘅甜品鋪龍糖坊嘅楊枝甘露冰好正，緊係要試下啦🤩 1. 楊枝甘露雪花冰 （單人版$78）叫左個單人版，但都勁大碗，勁多芒果🥭芒果大大粒，覆蓋哂成碗楊技甘露冰，配埋唔同嘅生果同埋啲cream，份量真係無得輸👍🏻芒果粒粒都好甜🥭🤩每啖芒果連冰食真係消暑最佳享受😋2. 鮮芒甜椰 （$72）另一個都係芒果🥭甜品，一個椰皇殼裏面有椰汁糕，底層係透明嘅椰子味啫哩，清甜可口，一流👍🏻下次經過再試其他甜品😋👍🏻…查看更多

食完飯諗住search下尖沙咀有咩糖水店，見到呢間d相睇落唔錯就去試下，一共叫左四個甜品：🍧 宇治抹茶雪花冰 $78食落好濃抹茶味加埋紅豆好食，同埋都好大碗，要share食比較好🍧 鮮芒甜椰 $72估唔到有咁多芒果，同埋芒果都甜，入面係有椰青味啫喱，呢個好清甜好好食 🍧 芋圓芒果仙草奶凍 $48呢個比較少配料，食落冇乜特別🍧 榴槤甘露雙皮奶 $73好少可呢d季節仲有榴槤食，朋友就話覺得榴槤同雙皮奶個味唔係好夾到(我自己本身唔食榴槤🙊)，唔係難食只係呢兩個食物唔夾總括黎講味道係ok，但價錢偏貴同埋入去食既都係遊客多…查看更多

「龍糖坊」位於尖沙咀亞士厘道，專注於傳統中式糖水及新派甜品。店內環境舒適，糖水選擇多達約50款，從傳統的燉椰皇、雙皮奶、台式芋圓，到新式水果甜品和蔬果特飲，應有盡有，甚至還提供涼茶及鹹小食，讓人感到選擇困難卻又滿心期待。🥭楊枝甘露雪花冰（單人版） $78雪花冰非常外觀吸引，表層加了忌廉和超甜的芒果粒，果香四溢。這款雪花冰質地輕盈，入口即化，內藏爽脆的椰子奶凍。雖然是單人版，但份量充足，還搭配奇異果和藍莓，讓口味新鮮健康。甜度適中，不膩口，完美消暑。🌰馥綠開心果露 $68開心果控必試之選！每一口都充滿濃厚的堅果香，卻不油膩，口感幼滑，讓人享受到實在的好料，絕對不會有水的感覺。🥛榴槤甘露雙皮奶 $58榴槤控可以試一試，內含厚實的榴槤肉，香氣四溢。甜度恰到好處，絲毫不膩。雙皮奶白滑細膩，奶味濃厚，既傳統又養顏，整體口感絕對令人難忘！#龍糖坊 #尖沙咀美食 #香港甜品 #港式糖水 #中式糖水 #雪花冰 #mic2eat #hkfood…查看更多