龍津美食

營業中

休息中

燒賣套餐我最喜歡買這裡的燒賣，因為價錢經濟實惠，而且不用輪候多時，地點又鄰近地鐵站，來回相當方便，所以這裡經常是我的首選。今天亦無例外，因為最近要省錢，買這裡的燒賣當晚餐。這樣多才二十元，相當超值，亦能飽腹。每粒都相當大和飽滿，二人吃都相當足夠。喜歡店家給予大量的豉油和辣椒油，而味道亦相當好。燒賣有咬口，魚肉彈牙，皮薄餡靚，如果能多蒸一會至更軟身，必定更加完美，現在亦相當不錯。無論當小食，早餐，午餐或晚餐都相當合適。

老老實實，你話係咪好好食呢，又唔算嘅，但有時過吓口癮，食少少，又可以食吓啲港式街頭小食，都算係一個選擇。今朝做完嘢，又唔太肚餓，但又到午餐時間，感覺應該要食少少嘢如果唔係好難頂到收工，返：所以去龍津買少少嘢食。都係賣港式街頭小食為主。煎釀三寶一早炸好，但如果你點，揀好姐姐會幫你翻炸。三寶基本款式都有，size正常，唔會話細細粒（姐姐開頭夾咗件紅腸俾我，話啲紅腸好細件，送多件俾我，好warm呀❤️）等翻炸時，見好多人買雞蛋仔同夾餅，另外仲有腸粉，下次都可以試吓。

黃雨下的藍田，放工時肚空空，很想搵些東西….就在街角一個小店（龍津美食）傳出很香的香港味道.我點了很多魚蛋燒賣、腸粉炸三寶、韭菜豬紅腸，就這樣填飽肚子感覺很幸福⋯⋯原來幸福就是這麼簡單。

肚子不太餓，想食少少當餐...唔想食雲吞麵，米線又要排長龍...嘿，經過龍津美食，不如，來一個小食午餐，又見到新推出👑「石磨腸粉」，店舖前放有一個好大嘅石磨！唔，試吓先！好多款式喎！瘦肉、手撕雞、菜啊、蛋啊，咩都有。不過，落單之後，要先付款，因為即時新鮮製作，起碼要等5-10分鐘，再加兩三粒牛肉球。嗯！這個午餐真豐富！🍽🥳🥳回到家中，淋上豉油，新鮮熱辣嘅石磨瘦肉蛋腸粉認真好味！😎😎腸粉滑嫩，瘦肉有味，豉油唔鹹唔淡啱啱好。還有，腸粉載滿一整盒。好飽肚！$18腸粉+$12牛肉球，$30元一餐，份量足夠一人作為午餐，食到舔舔脷！

由藍田地鐵站走出來，看到這外賣小店，食物種類挺豐富的，有三文治、炒麵炒米、豬腸粉、魚蛋燒賣，還有石磨腸粉等。早晨時段，有幾個顧客在買食物。我對店員話要一盒炒麵，加甜醬辣醬。店員聽到我說要加醬，立即面露不悅之色。進食時，把盒子打開，嚇了一跳！14元一盒的炒麵，多得驚人，多得一個人吃不完，更驚人的是店員加的甜醬辣醬，多得像拌麵的醬汁。口味方面，麵太軟，沒爽彈的感覺，而且這炒麵基本上是沒什麼味道的，炒麵中有一兩條似是魷魚的東西，不過很硬，結果也沒吃。

夜晚收工買個魚肉碗仔翅，個呀姐淥兩下就得，結果食到第二日肚疴返唔到工。其他食物全部就算唔難食，最多都係叫正常，但都唔好食壞人致得㗎。另外夜晚多人買嘢，但姐姐唔會記得邊個先邊個後，十分混亂！你夠大聲佢厶聽到就係你先，斯文啲都有排等呀！

係到唔止買左一次咁少 但每次都感受到啲員工既態度係勁差😞首先 有一次買燒賣 我同佢講要7蚊 咁我俾左10蚊佢 但找錢個陣佢俾返2蚊 咁我問佢唔係7蚊咩 個個啊姐就答我 冇錢找喎 俾多粒你啦但其實冇問過我 直接幫我決定曬 其實呢件都唔係好大件事 都覺得可以由佢😧又一次去買 話要咩既時候我就已經講埋我要拎走 但佢俾我既時候係就咁俾我 咁我同佢講我係拎走既 但佢就話我又唔早講 成個態度係勁差勁悔氣 但明明就係佢一直掛住同人地傾計而唔記得左😡之後 另一次去買 話要7蚊 佢直接話買10蚊啦買7蚊既話得6粒咋 我冇理佢照買7蚊 雖然買左返黎都有10粒 但我覺得佢個番說話根本就係逼你買多啲 強買強賣咁😤😤😤我之後應該都唔會再去呢到買 😓其實啲魚蛋燒賣都非常麻麻😫

事源小弟喺某報章媒體得知，龍津小食呢間嘢嘅創辦人老細早排接受某報館專訪，所以小弟於琴日 (即2016年6月18日) 下午五點零鐘，就專誠由鑽石山坐車嚟到藍田呢間分店前嚟幫襯。點知……未食到啲嘢，就開始受氣喇！惡劣態度接踵而來，山長水遠嚟到呢度，幾經辛苦下，卒之俾我搵到呢間嘢，當時見到企喺店裡面嘅就有兩個阿姐同一個阿叔喺度。 於是我好有禮貌咁問：“唔該啲魚蛋點賣呀”？，其中一個呀姐黑口黑面咁嗒低頭回應：“大碗二十，細碗十蚊”。我問：“咁一串幾錢呀？”(原本諗住買一串試下好唔好味先)，點知個呀姐拿住塊面唔彩我，跟住我再問：“係唔係冇一串賣㗎？”，於是個呀姐就好似食錯藥咁，怒睥咗我一眼之後，突然遞隻手上嚟好大力咁猛拍掛住喺裡面嗰條 “$7一串魚蛋” 嘅價目牌，跟住好大聲咁咈：“你唔識睇㗎？” (由於小弟係初次幫襯，再加上頭先俾前面個客遮擋住咗，所以先睇唔到嗰價目牌)。小弟當時已經好嬲喇，但為咗息事寧人，自己啲EQ都算控制得好好，(心諗千祁唔好同呢種人一般見識，最多下次唔再幫襯嘅啫)，惟當時就真係谷到自己成肚氣。 好喇，當時我當然冇心情再去試魚蛋喇，咁

1月27日，約晚上七點，天氣好凍，我諗住買雞蛋仔保暖自己。我過去對負責燒雞蛋仔的姨姨講“我要雞蛋仔。”佢樣子不肖講“八元！”我比八元佢，之後“吾該，要熱的！”佢對我“你要林啲？”我沒有回應！跟著，雞蛋仔差吾多燒熟，這位姨姨直接將它放入紙袋，沒有比雞蛋仔吹硬，就硬比我！雞蛋仔林哂，點食？😠😠這樣服務態度太差，而是第一次見！！

今晚晚餐唔想食飯,狂掃小食當一餐。平時見佢由朝開到晚,早上六點幾買早餐已開舖,夜晚十一點幾都未關舖,食物種類多又夠平,味道又唔差,做買一送一,$7元10粒魚蛋,$7元10粒燒賣,平靚正,魚蛋有咬口,燒賣蒸得剛剛好,唔會唔熟,又唔會過耐👍碗仔翅,材料一般,水多,唔多夠料,但買十蚊,咁平又點會足料腸仔,$6元一條$10元有兩條,味道幾好,幾香。章魚燒$20元7粒,唔好食,唔知點解個章魚燒味係雞蛋仔味,怪怪地,內面菜料就足料賣相就幾靚,但唔啱我口味

藍田龍津新開左無幾耐，就已經吸引左好多人放工排隊買黎食😉我一眼望落去就已經好吸引，食物林林總總，又香噴噴！所以情不自禁買兜燒賣食(╯з╰) $7就一大兜燒賣，好平啊！好似有12粒左右，唔記得了，因為痴埋哂! 但又好失望，因為賣相好差，一pat野咁，d燒賣痴埋一舊！真係好差好差! 但燒賣味道就唔錯啦~有魚肉香味! 不過我覺得d豉油太咸啦! 但加上特別既辣醬，辣味好夠，又香口 就搭“救”左唔少了！