龍朝牛雜牛腩專門店

營業中

休息中

龍朝牛雜牛腩專門店 (元朗)元朗教育路51-61號紫荊樓一期地下J號舖入去元朗菠蘿園玩完之後，出返市中心就很想吃一碗牛腩河，找來一間不錯的牛腩粉麵點，但因為實在太累了最後決定打包回家吃。崩沙牛腩河粉$42份量很多，崩沙牛腩層次分明，而且很有牛味，河粉吸收了湯頭，非常可口。筋膜連少少肉， 肥瘦剛剛好，有一層薄膜豐富的膠質，好咁爽軟而不硬。牛魔王飯$58按摩和飯，集齊了牛蒡、牛腸、牛肚和牛肺等，應有盡有……當然亦有崩沙腩，佢想一碗滋味的紫菜湯，明人一吃愛上。淨雲吞$32正雲吞太大粒，裏面全是彈牙的下蝦仁和豬肉！炸魚皮（大）$20炸魚皮很有口感脆卜卜的！用來真紫菜湯吃一流。菜心$10菜心很大碟！

放左工搵啲野食，經過見有間牛雜舖就食佢先，除左粉麵，都有飯食㗎。店內好新好乾淨，感覺係新開張？之前經過又真係好似唔覺眼。點左一碗粉，加14蚊有飲品同油菜。點左熱奶茶，聽到店員話賣晒新煲嘅，呵呵，咁就飲佢先，茶香奶滑幾好飲喎～後面個杯係熱水，店員主動比嘅，可以用黎洗餐具。點左崩沙腩米，賣相幾正喎，腩都有成十件。影多張先，半肥瘦位正呀。有筋有肥有肉，煮得軟腍好好味。米粉吸了腩汁超正，份量都幾大碗添。湯底鮮味，飲左一大碗都唔覺得鹹。本想叫腐乳通菜，但今晚無，咁蠔油菜心都ok嘅。菜心好嫩好翠綠，點下蠔油簡單又好味。一個人食飽飽，幾十蚊又平又好味。

今日喺元朗食咗一間唔錯嘅粉麵 佢個湯底係用咗牛骨慢火淆製 牛味濃沃而且清澈不油膩崩沙牛腩，牛雜，牛筋……都很受歡迎 基本上每位食客都必點牛類食材牛魔王河$48牛肺 牛腸 牛肚 牛蒡 牛腩 牛筋 一碗麵有六款牛嘅部位 一次過滿足多重願望 最開心就係有內臟食 肥美嘅牛腸真係好邪惡 牛筋好淋充滿膠質崩沙牛腩麵$42本店採用優質全蛋麵 非一般味道及口感 非常爽口 麵質很彈牙 崩沙牛腩肥瘦均稱 炆得好淋好入味 好重牛味 肉好淋好滑淨墨魚丸$32墨魚多過麵粉 所以食落都幾彈牙 而且很鮮味 真材實料炸魚皮(小)$12 脆卜卜 很香口 不油膩 浸湯食一流套餐加$14配油菜及凍飲 真係抵食 另外本人非常推介店內的辣菜脯 菜譜鹹香微辣 口感爽脆 加入粉麵之中別有一番風味

今日同朋友去元朗行下街肚仔餓，路過呢間牛雜牛腩專門店，就諗住入去試下🤣 話曬我都係由細到大都超鍾意食牛腩河嘅人🥰 因為大家都肚餓，我同朋友都嗌咗好多嘢食🤣朋友嗌左一碗牛三寶河 $42 呢個牛三寶河入邊有牛腩牛肚同牛筋😍 分量十足!! 牛腩煮得好淋，幾乎入口即溶，又好夠味😍 食落口又淡淡油滋味，肥瘦適中👍🏻 三款當中我最鍾意嘅就係牛腩🤩 牛肚口感都唔錯有少少口感，牛筋軟硬適中，煙煙韌韌😋 湯底叫咗多腩汁😋 夠曬濃味。而我就嗌咗紫菜魚三寶河 $36呢個紫菜四寶河入面有魚蛋，魚角，魚餃!! 最適合一啲有選擇困難症嘅人嗌嚟食😂 一次過滿足你三個願望～魚蛋都幾彈牙，魚餃就十分之大粒，入口爽滑😋 小食方面我哋嗌左一個大魚皮 $20 份量都幾大，脆卜卜😋 另外我哋都嗌左一碗淨鮮蝦雲吞 $32 雲吞粒粒都好大粒～ 每粒入邊都有兩隻爽滑嘅蝦仁，皮薄餡靚！

星期五睇完戲返到元朗, 十點未到, 巴士站好多食店已經已經關門了,  然後想起呢家開得夜的, 就走過來幫襯.環境 : 好光猛干淨, 地下唔跣, 枱面擺設亦整齊.招呼 : 一入去就有店員叫量體溫, 及提示要掃碼, 但只有一個店員, 負責落單, 收拾, 出嘢, 埋單, 睇到都辛苦食物 : 由於已經快十點, 唔想食太飽, 就叫了一個牛什河, 扣底,  凍奶茶.等了7,8分鐘吧, 因為店內都大約七成滿, 又有人等外賣,  牛什河來到發覺無扣底,  有點浪費了.有四五件草肚,  一條幼腸, 一條大腸, 三件肺, 一件膀.草肚太淋, 偏咸, 幼腸, 大腸好多肥膏, 牛肺居然切成一片片, 唔係平時的一塊塊, 牛膀就正常, 整體的牛什都有偏咸的情況,  但湯底居然好少味精, 返到屋企都唔會有口渴的情況凍奶茶反而正常, 比一般的茶餐廳還好一點點.總體 :  環境唔錯,  價格亦合理, 希望改善一下食物的出品, 價錢 : 牛什34蚊 加奶茶7蚊, 總價41蚊, 正常唔貴,  

今日去咗食牛腩麵啲牛腩炆得好琳，肥瘦適中，個面真係值得一讚，好有面味，湯底又好味，腐乳通菜，個腐乳通菜都好大碟，啲通菜都幾新鮮，腐乳汁覺得啱啱好，真係唔錯唔錯，凍檸茶凍檸茶反而有驚喜喎，嗰個甜呢都幾好飲，我本身唔係鍾意太甜，個糖漿教得幾好，好滿意啦，元朗區都屬於高評分一間粉面檔，第一次食喜出望外，滿意值得推介麵啦腐乳通菜啦凍檸茶啦嗰樣嘢都好平均，第一次食估唔到都幾高評價，在元朗區呢間新開嘅粉面檔整體算唔錯，仲諗緊幾時會再去食，哈哈

越簡單嘅嘢食其實越難搵到好食~簡單到一碗牛腩麵可話周街都係，但算得上好食嘅真系寥寥可数🤣 位於元朗教育路嘅呢一間龍朝牛腩牛雜專門店果然冇改錯名，啲牛真係好掂😍😍 招牌嘅崩沙牛腩撈麵，半肥瘦嘅牛腩，燜得超級入味，色香味全部10分👍🏻 最值得讚嘅係佢個面超小鹼水，用全蛋麵但係個面依然彈牙🤪撈埋少少蠔油，食到停唔到口呀😍另一碗牛魔王河，唔單止有牛腩牛筋，仲有牛肺牛腸等牛雜喺入邊🤤🤤 成碗都係牛，唔怪得叫牛魔王啦🐮，河粉相對出邊嘅更加滑同埋冇咁易爛，牛雜入味得來唔會有洗唔乾淨嘅味🤪健康嘅我哋當然少不了叫碟菜！跟住見到隔離枱嗰碟魚皮好似好正又叫咗一碟，果然冇令我失望，香脆可口，輕輕浸一浸落啲湯度，香上加香更加好食！最後嗌埋兩杯野飲~ 好飽啊🤤

今日由屯門屋企去咗元朗體育館打疫苗，打完疫苗有d肚餓，行到教育路見到有間新開嘅牛腩牛雜粉麵舖頭，就去試一下味啦！職員都比較有禮同主動，我最後叫咗一碗牛腩米粉，上枱個賣相都算OK喎！先試左個湯底都算幾濃味喎！飲咗啲湯都唔覺得口渴，應該冇落味精！再試下啲牛腩，淋得黎都幾有口感，唔錯！下次去開元朗可以再食！

早前見佢已試業中但未有時間入去試，足知琴日再經過見到佢開張，咁就入去坐一坐，舖頭好光猛感覺企理，我叫咗碗牛腩牛肚麵，啲湯同牛腩好味喎，牛肚都唔差，麵又夠彈牙，伴菜嗰3舊仔蘿蔔又淋又入味，整體真係唔錯喎，最緊要我食完2個幾鐘都冇見口渴吖嘛，呢個價錢同味道可以令我再回頭