龍島

營業中

休息中

Last day at the office so my turn to buy cakes for everyone!! Overall its pretty good value for money. Much better than the Maxim cakes for similar price.But the Tiramisu is typical of the HK style, not like overseas or Italian style. The blueberry cheesecake lacks cheese taste.

今年一班友人送左一份生日小禮物比我~~ 龍島蝴蝶酥(原味及芝麻味), 我問佢地為什麼要送黎樣野比我呢? 點知個個異口同聲話我係最為食既人>-< 好嬲s 不過睇到黎個包裝都不錯, 罐既顏色好sharp似我, I like it. 打開個罐, 原來都有好多片, 兩款都好入口鬆化, 食落去仲好脆ssssss tim. 原味比較重牛油香味, 仲一d 都唔覺得好甜, 恰到好處. 芝麻味仲正!!!!!!!! 中間內層有超濃郁既芝麻醬再加上牛油香味~~一流~~真係要推介下~~

上次試咗龍島曲奇都幾好味, 今次個friend生日就買個蛋糕試吓先. 我買咗個立體芒果芝士蛋糕, 個賣相真係好cute 呀! 仲有兩隻朱古力老鼠送埋添,散買都要十幾蚊一隻, 幾抵喎! 切開裏面原來有兩層芝士, 一層軟芝士同一層焗芝士, 都幾特別, 芝士味好濃好滑, 值得推介.

一直對龍島的出品抱有信心，今次新嚐的蝴蝶酥果然沒令我失望它由多層酥皮製成，紋理清晰可見。咬下時香脆鬆化，表面的砂糖粒，沒有甜膩感覺之餘，更能提升層次感。獨愛其香濃的牛油味，只是少少一啖，已令口腔香氣四溢。一句到尾：讚

今日媽咪生日, 我就梗係買個佢最愛既朱古力蛋糕佢食啦 ! 行左一轉 Sogo , 最後我就選擇左龍島o個個 "Heaven Chocolate Cake " . 因為我完全比佢個 Description 吸引左 . 店員話呢個蛋糕係用 84% 高級比利時純黑朱古力造架 ! 而且個蛋糕個樣都好朱古力下架 ! 一返到屋企, 我地第一時間切蛋糕啦 !果然我真係無選擇錯 ! 呢個蛋糕真係有樣有內涵 !朱古力味好香好濃 , 而且好滑 ! 最緊要係好食得黎唔滯 !絕對值得 encoure 呀 !我地今次食既係原味, 我聽店員講同款蛋糕好似仲有其味架. 好 , 我下次試下同款既其他味先 ~~

好耐冇寫食評.....太懶喇估唔到榮少生日...買蛋糕令到我斷左條懶根因為,真係好好...好好味呀外層淡淡地既軟滑芝士~裡面亦有香濃芝士(好似NEWYORK CHEESE CAKE)!側面重有朱古力脆脆圍住TIM!!!再加埋2隻又CUTE又好味既朱古力老鼠仔連我麻麻地食蛋糕(蛋糕用黎許願同埋切嫁之o麻)都有幸福感覺有機會再試下其他款再續&再會

聽人講話呢度既蛋糕幾好味架喎~朋友生日專登買左個黎慶祝下~唔.可能對上一次個朱古力蛋糕係來自另外一間好出名只係賣cho既旦糕既關係~~~!!今次呢一個cake難免令人有少少失望...!!個cake既樣又唔係話超令..!!!食落去個cho mousse有少少盈住左咁..!!!mousse應該係幼滑一點的吧?唯一可取既地方係呢個cake 都幾多layer出面一層cho丈,cho cake,cho mousse,cho cake雖然我唔係超過好食朱古力,但壽星仔係朱古力愛好者.!!!佢食完之後都冇好大既comment話好好好好味~睇黎呢一個cake真係有少少名過其實了呢

薑餅人買了三件芝士餅, 分別是紐約芝士餅, Tiramisu和雙層芝士餅.Tiramisu酒味不足, 忌廉也不夠滑.其餘兩款芝士餅都屬濃味硬身類型, 也是我和薑餅人的那杯茶.

第五站 , 前兩日試左側邊個間既new york cheese cake , 感覺麻麻今日試到我比較有信心既龍島啦 , 買左佢雪櫃入面得返一件既blueberry cheese cake($23)我地行返去匠工個邊stand bar食 , 因為冇枱俾你坐係到嘆cake 打開紙袋仔 ,有一隻膠"差" , 仲有一間小三角既blueberry cheese cake雖然件cake好似細左d , 但味道最緊要牙ma第一口食落去就即刻講左句 , 好味過隔離個間 佢d cheese味好出 , 又滑 , 唔會好似上次隔離個間個件起粒粒 blueberry酸甜度岩岩好 , 難怪賣淨一件 , 好彩俾我買到 好快一口一口咁就征服左呢件cake , 雖然少 , 但確實好回味 , 好味既野係唔需要多既!!下次落黎試其他味既cake先

逛完SOGO又打好底後，是時間再次拜訪友人新居了。時間關係，我與老公帶上去也是SOGO的甜品，而原來Oli也一樣，當日頓變SOGO感謝祭甜品午茶!! 　其中龍島可算是隻黑馬，一直覺得它的餅不好吃，然而原來兩款方型拿破侖頗為酥脆，雖然芒果味那款不夠香甜，但榛子味那款卻極香脆可口，令人留下深刻印象，水準並不比跌watt後的Tony Wong差。千層朱古力餅也有濃郁朱味，也應令人滿足；相比下較失色是木槺蛋糕及拿破侖千層，不為別的，其實是我不喜中間的海綿蛋糕而已。　其他的SOGO美食還包括12件mochi cream糯米糍，完全解凍後頗為軟糯好吃，特別推介綠茶、草莓千層；另外臨時counter的iwahana日本空運到港的芝士餅及蘋果批也各有特色，幾好吃的，大家有興趣快趁這個週末買來試試!　最後再加上梅酒、GODIVA朱古力奶、屋主準備的柚子、開心果、葡京曲奇、東南亞糕點，還有甜魔all time favorite的雪糕，這頓下午茶吃得異常飽足；然而事隔不夠一小時，大家又要出發，往人氣爆棚的權發飯店晚餐了! 明天再寫~~ 　更多當日美食片段可見：http://hk.myblog.yahoo.

這是妹妹的生日蛋糕朱古力海綿蛋糕 不夠幼滑但是重朱古力味Mango頂層 沒有茫果味道 可惜!!中間的mango mouse還可以 滑滑的ps朱古力片,生日牌都不錯我想龍島的朱古力蛋糕會好一點

二姑姐買給小妮子的第二個蛋糕是來自龍島，龍島是老牌的食品製造商，除供應蛋糕西餅外，還有朱古力，香腸，煙肉等。妹妹忘記了蛋糕的名稱，幸好我上網一查，按圖索驥，得知這個蛋糕叫「純朱古力軟芝士蛋糕」，是龍島芝士蛋糕系列，七款其中一款，賣$238。據網上資料，是用純比利時朱古力製造，格外香滑。蛋糕面有榛子、杏仁和乾果作裝飾，蛋糕則有數層不同夾心，有一層是軟朱古力的，一層是朱古力蛋糕，另一層是朱古力和忌廉芝士的混合體，味道帶點芝士的鹹味，整體來說，蛋糕很美味，而香濃的朱古力和烤過的榛子，兩者是絕配，但我們覺得頗甜，每次祇能吃些少。再次多謝二妹的心思和愛意。

是日為家人慶生，媽在龍島買了個榛子拿破崙，撇開最面層的巧克力牌，蛋糕總共分成六層，其面層是一層舖滿榛果的榛子忌廉，第二層是脆餅皮，第三層是蛋糕，第四層又是那榛子忌廉，之後又來一層蛋糕，最底的餅底再次用上脆餅皮，可是六層的結構，未能為蛋糕營造多層次的口感。一口咬下，面層的榛果是脆硬而有點榛果香的，可是榛子忌廉一點也不滑不香，不論是忌廉香及榛子香也欠奉的一堆忌廉，加上所謂的脆餅皮一點也不脆，更莫論酥香，光是吃至此，這個蛋糕已被我判了死刑，因為拿破崙的酥皮腍腍的，怎會好吃？蛋糕有點蛋香，但口感過濕，口感如吃泥一樣，美心的天使蛋糕都高它幾班，而再下那三層只是重覆以上模糊的口感，吃起榛子忌廉不香不滑，吃得人一口油膩及滯的感覺，不輕不香不愛之。加了兩層腍Pat Pat的脆餅皮在蛋糕中就叫拿破崙，究竟個餅師知不知道自己在做什麼。

晚飯後甜點 栗子波 $19: 相信是放了一段長時候, 栗子蓉而水份也被抽干, 栗子蓉味不出 蛋糕分析, 有幾層 ....朱古力蛋糕, 栗子cream, 餅底還是脆脆的 沒有多餘的cream, 所以合格 意大利芝士餅 $23: 是大舊的甜品, 只試了一小角 酒味頗重, 芝士好像頗滑溜但賣相就平平無奇了

一直都想找機會試下龍島的朱古力產品, 於偶然的情況下得到openrice所送的$50 coupon, 心急得立即到網站看看有關介紹。很快便鎖定目標為杏仁爆谷朱古力$78, 但去到又可能有變卦呢! 店員很大方的讓我試食, 試左朱古力脆片和原粒杏仁朱古力, 差點兒又想轉。 但最後還是不為所動, 堅持要爆谷朱古力。 朱古力用錫紙袋裝住, 為數不少, 每粒都被朱古力包著, 名牌子的朱古力果真名不虛傳, 該是黑朱古力, 有很強的after taste。 裡面的是焦糖杏仁和爆谷, 香脆可口, 甜而不膩, 焦糖亦無黏牙的感覺。集多種口感於一身, 很易令人吃過不停。作個比較後, 覺得雪過後會更加滋味。