龍島 (德福廣場1期)

營業中

休息中

第一次食龍島嘅月餅，用紙盒都幾環保，同埋包裝都算幾靚，入面有兩個朱古力味嘅月餅，個兩個奶黃味的月餅，估唔倒都幾好食喎😋。奶黃月餅一切開，就見到係好靚的流心奶黃效果，食落都幾好食♥️，下次會再食哦。

龍島蛋糕嘅質素一向都唔錯，今次呢就揀咗佢哋嘅蛋糕做生日蛋糕，估唔到都幾有驚喜！🎂 玫瑰白桃軟芝士蛋糕 $298 5吋 (9/10)底層係海綿蛋糕中間係啲白桃肉同白桃啫喱，上層係軟芝士，海棉蛋糕係甜甜地好鬆軟好濕潤，白桃肉好香甜，啫喱都有白桃嘅香味，軟芝士非常軟滑，酸酸地好清新，食落有淡淡的玫瑰香味但都唔會蓋過白桃同芝士嘅味道，上面嘅紅色係用咗士多啤梨碎粒，酸酸地好開胃！白朱古力比較香甜，好重奶香味，但都係比較偏甜。忌廉好香好重奶味好細滑唔會好甜！推薦指數: 9/10雖然咁細個蛋糕要$300，但真係好高質好好食，推薦大家買蛋糕可以還呢個😆😆

龍島朱古力出名好食， 其實蛋糕🎂都唔例外！ 紫薯栗子蛋糕～ 賣相精美🍰， 份量剛剛夠三至四個人食用， 甜度適中， 紫薯蓉有薯香， 顏色更加吸引。 栗子蓉甜度剛剛好， 一個蛋糕有兩種口味， 令到口感豐富 。 店鋪還送上一個 happy birthday朱古力牌， 朱古力味重， 入口濃郁。 蛋糕的餅底做得鬆軟， 忌廉滑溜， 面層有一粒粒金啡色的脆脆珠，可以增加視覺效果，亦增添口感。平時過時過節都會在龍島買朱古力送禮， 朋友或家人生日都會選購這裏的生日蛋糕， 每次都沒有令我失望。

朋友買來蛋糕，地點關係，就買左龍島的。龍島的西餅一向比較少食，就試一下。看起來第一個感覺係造型可愛的，好落本，因為買一個甜品杯，係連埋一個瓷質的杯仔送埋俾你，杯仔係幾厚身實淨的，絕對可以重用。講左咁耐，其實我都唔太肯定依杯係一個木糠布甸，定係Tiramisu。說實話，杯子本身係比杯子入面的內容來得吸引，甜品本身味道只是一般，質感太過多cream，而cream發得太緊要，太輕太浮，結果好似食緊成杯cream咁，當然還有好大的改進空間啦。

今日老闆無情情請食餅，我們當然不會執輸，立即走去買餅，老闆點明要去這間餅店買，他說這間的西餅不錯的。所以我們都很樂意配合他，嘻嘻！！買了回來，我選了一件芒果千層蛋糕，因為見其他餅都款式跟平時其他餅店的差不多，只是得這款感覺不同，所以就選了它。原來這個千層蛋糕做法是拿破倫餅，入面有芒果用，面頭撒上糖分，外型美觀，好吸引，味道方面，拿破倫皮好香脆，一咬就已經聽到鬆脆聲音，裡面雖然有芒果，但不會令到皮變軟，保存到皮的鬆脆，除了拿破倫皮外，裡面還有一層蛋糕，令到件蛋糕更多層次，千層蛋糕好香甜，芒果很香也很甜，不是坊間的酸芒果，每食一口都覺得很滿足，同事看我食得很滋味也很妒忌呢！

唔知點解另一半好鍾意係lucullus買蛋糕，由第一年拍拖開始。但係每次都係普通芝士蛋糕，7年如一日！今次終於有新意，買左期間限定桃味芝士蛋糕！本身佢嘅賣相好靚嫁🤣不過拎返屋企個時有意外，所以走左少少樣。味道方面好有驚喜，入口有淡淡桃味，加埋裡面嘅芝士蛋糕好夾。呢款芝士唔會好漏，係清清地嘅感覺。成個蛋糕俾年感覺係好清新，軟棉棉入口即溶。有必一般好漏嘅芝士蛋糕。面頭有幾舊桃肉，預左係平時罐頭死甜嘅果肉，點知唔係，食得出係用新鮮果肉。好有幸福嘅感覺呀！

係九龍灣附附食完個飯，想食下甜品，就係德福周圍行下望下有咩啱！發現原來都有幾多蛋糕鋪。行左一陣都係揀番自己熟悉嘅牌子Lucullus。 以前食佢嘅朱古力多，但係蛋糕就真係未試過。見佢做緊$105四件，又大大舊就買黎試下。個人唔鍾意食栗子所以就無買。最後買左藍莓芝士、朱古力軟心同芒果千層。藍莓芝士啲藍莓醬係幾足，芝士味都濃，食一個已經好飽肚Lucullus 啲朱古力不嬲出名相信唔會伏！60%可可對一般人黎講已經算好濃！質地好軟滑，鍾意食朱古力嘅人一定鍾意。個芒果千層就......用叉食比較困難。酥皮味唔香，個餅底好硬，分唔開，下次如果買，都係買番佢嘅芝士同朱古力蛋糕。

一提到龍島, 我唸大家都會唸到佢嘅美味朱古力！！但其實龍島有許多好食嘅甜點！！我之前食過蝴蝶酥！！真係好好食！！好有牛油味外加香脆！！食完一件又一件！！三日內成盒食晒！！勁呀！！今次買件藍苺芝士焗餅試下！！估吾到佢嘅蛋糕都咁好食！！攞起手巳經覺得好有重量！！證明用左好多芝士製成！！食左一口！！真係好重芝士味呀！！仲有淡淡嘅奶香！！而且竟然有餅乾cake 底添！！坊間好多芝士餅都無cake底㗎!! 有cake 底嘅緊係好食好多啦！！而cake面仲有層厚厚嘅藍苺醬加藍苺肉！！酸酸甜甜！！好好味道！！嘩！！連蛋糕中間都有藍苺肉！！好有heart 呀！！

呢間鋪頭出名蛋糕整得好靚, 特別係玫瑰花那個蛋糕..朋友生日, 今次買左士多啤梨荔枝軟芝士蛋糕, 賣相好女仔軟芝士好香荔枝味, 好好味! 蛋糕外面的裝飾牌我覺得太甜, 食一塊都頂唔順!

就嚟到復活節喇，市面上嘅相關應節產品都見有唔少。小弟雖未至人緣廣，但相信都唔喺咁差，晌上次嘅德國菜飯聚，就收到好友提前嘅復活節小禮物，竟然不約而同都喺龍島嘅產品，有曲奇，又有朱古力，真喺好多謝友人嘅心意 。盒內仲附有單張，介紹新一輪嘅復活節禮品。款式眾多，包裝得美輪美煥，甚具特色 。一講復活節，就會自然諗起復活蛋、復活兔，收到朋友小禮物嘅其中一份就喺「兔子脆米朱古力及曲奇禮盒」，禮盒以兔仔做盒形，白底襯上碎花，充滿春日氣息，「紅寶石」眼睛，粉紅色絲帶，份外吸引小朋友或女生。內有5塊曲奇及5粒彩色脆米朱古力。先講講曲奇，雖然有5塊，但其實只有兩款口味，包括：藍莓牛油曲奇及紅莓牛油曲奇，全部獨立包裝，較為衛生。 藍莓牛油曲奇、紅莓牛油曲奇 曲奇唔算好香脆，叫做不過不失，配藍莓乾或紅莓乾都喺穩陣嘅配搭，但味道上稍欠特色。彩色脆米朱古力，5粒都喺代表唔同味道，分別有粟米、士多啤梨、蜜瓜、西瓜及牛奶朱古力。 粟米、士多啤梨、蜜瓜口味彩色脆米朱古力 小弟只試咗前3者，粟米味最好食，而蜜瓜感覺最過癮；朱古力內包裹住脆米粒，所以，入口有鬆脆感，整體味道有少少偏甜，貪得意嘅朋友可以不妨一試。