龍城冰室

營業中

休息中

係尖沙咀附近上完堂揾野食 9點幾見到冇咩好食, 就入左龍城冰室主餐牌選擇非常多, 最後簡左牛筋腩食👾咖喱牛筋腩飯 Curry Beef Tendon Brisket Rice 呀姐服務好好😝問我夠唔夠飯 份量唔夠可以同呀姐叫多飯, 例湯都一流啦~ $60幾蚊埋單💓

餐廳位於旺區中心，交通方便易到達，係尖沙咀附近shopping完揾食，唔想周圍行就啱哂啦。餐廳外有大大個紅色招牌，咁搶眼，一定唔會睇唔到啦。正值下午茶時段，餐牌選擇都唔少㗎，夠哂地道，啱哂鍾意港式食物嘅食客呀。侍應嘅服務非常好，一入門口已經熱情打招呼，仲為帶嬰兒車嘅女士細心安排座位。而我唔小心倒瀉水弄濕座位，侍應都無黑面，仲願意安排調位，態度真係好好呀，非常讚賞佢地嘅細心。🧡🧡🧡食物方面，點左兩個下午茶餐。瑞士雞髀配韓式炸雞加紅豆冰， 香煎豬扒包配蝦多士加熱杏霜。瑞士雞髀大大隻，啖啖肉韓式炸雞，如果炸粉薄一點更好香煎豬扒包夠軟熟，大塊豬扒連骨，唔會煎得太乾，有埋蕃茄生菜，好夾蝦多士炸得香脆可口，唔會太油，中間嘅蝦肉有咬口，正紅豆冰好大杯，紅豆煮得夠綿又夠甜，透心涼。價錢貼地，服務一流，下次再去尖沙咀shopping時可以再幫襯呀。

話說係公司附近買早餐電話落單千叮萬囑要炒熟蛋，因為之前幾次叫咗炒熟蛋都俾咗半生蛋收銀姐姐一句得埋嚟 聽到啦聽到啦！ 態度好差，去到拎嘅時候發現找漏錢 態度又好差，咁話：你一早應該睇清楚 唔應該依家講 最後嬲到我，連$10都唔要

呢間冰室首推一定係香辣魷魚公仔麵，有個套餐好抵食，仲可以配新鮮出爐麵包，只係$40。我公仔麵轉左出前一丁，呢間係真嘅出前一丁，唔係餐廳出前一丁，魷魚好惹味，唔算太辣

今晚去左尖沙咀行街，行完就去左龍城冰室食晚餐。見餐牌都真係好多選擇。鐵板牛柳絲炒公仔麵（$72）：真係炒得好香好夠鑊氣，尼龍城食炒野真係一定唔會失望。公仔麵唔會炒到太淋，有彈性，個汁又夠濃味，牛柳絲又唔會韌，炒得剛剛好，勁好食，非常惹味。蜜椒薯仔牛柳粒配白飯（$75）：識叫真係一定叫炒野，呢個餐係我係龍城成日會叫的，因為真係好好食，好中意佢d薯仔炒得甜甜地，又夠淋，非常惹味，牛柳粒份量都夠多，唔會韌，而且都係炒得好香好好食。跟餐餐飲叫了凍奶茶.同埋一杯熱的蜂皇柑桔蜜，都幾好飲。另外晚餐仲有送餐湯，我選左中湯，清清地又幾好飲，唔會太咸。兩個人食晚餐，食左咁多都係$153，都真係抵食，重點推介炒野，正。

去完尖咀陪老婆產檢, 就係附近搵嘢食. 老婆想食小菜, 近近地去左前面好大間的餐廳食嘢.我地叫左個2人小菜set. 湯可以揀中湯或西湯, 我地各一, 2個湯都好足料, 中湯唔係水, 真係老火湯, 羅宋湯都好好飲.餐飲值得一讚, 可以揀濃d同少冰d, 我地揀左抽子茶同利賓納, 2杯都揀左濃d, 感覺上佢真係甜少少, 不過如果覺得太甜就加水, 咁就可以一杯嘢飲變兩杯.西蘭花炒龍躉球龍躉好好味, 好大件, 啖啖肉, 而且仲要好滑身, 我見好多人都食酸菜魚, 唔知係唔係呢間的魚特別好食, 所以咁多人叫, 下次我會再食魚. 西蘭花切成細細件, 容易入口. 椒鹽豬扒嘩! 好大件, 我估有4-5塊豬扒, 好惹味, 有少少辣辣地, 配上白飯一流.平日老婆煮飯蒸魚, 買餸錢都要成$150, 而家同一價錢, 唔洗煮仲有埋湯同餐飲比你. 超值!除左小菜酸菜魚仲見到佢有好多嘢, 例如扒餐, 西餐.. 大家諗唔到食咩都可以入去望下個menu, 應該有心水.  

就在二个多小时前在尖沙咀的龙城冰室吃了一人晚餐（菜，汤，饭及饮料）：香辣肥肠锅！我点了热奶茶，茶味夠，但不夠香滑。中汤味精太重。但制作时间太长了吧足足等了29分钟肥肠锅才到，而且锅身不热，幸好餸菜还有点热度，但配菜太多特别是莲藕，我不吃莲藕，芹菜及辣椒干只好拿到另一个碗里，看到肥肠好少呀！但胜在味道挺好的，同国内的味道差不多而且不是太辣，是我喜欢的味道，后来才看见原来加了花椒粒，怪不得好吃，这点值得表扬一下！

最近收工都係自己一個人食飯，作為一個無飯家庭，煮飯真係搞唔掂😂而係尖沙咀區要食個靚晚飯，冇一百幾十都落唔到樓🫠所以今晚就決定試吓食茶餐廳本身都抱住填飽個肚嘅心態，一入去姐姐好好招呼，俾咗個卡位我仲好細心咁話俾我知餐具喺枱嘅側邊，叫我慢慢睇食咩夜晚都係想炒個菜飲碗湯食個飯，都有成十幾款唔同種類嘅小菜，轉套餐都係加$13點知原來仲有個更抵既套餐😳有一人同二人餐選擇，為咗荷包着想梗係揀呢個啦🤣湯就揀咗羅宋湯，同埋凍檸茶少冰羅宋湯好足料，入邊各種蔬菜都煲到軟爛好入味，味道酸甜小菜叫咗薑蔥龍躉頭腩煲配白飯，頭腩煲上枱熱辣辣，而且份量都好多。頭腩大概都有四至五大舊，先炸後燜，所以非常之入味配料除咗薑蔥之外，仲有好多雞髀菇同埋洋蔥，撈埋個汁簡直送飯一流埋單都係$78😻平過自己煮呀

新開時排晒長龍，突然人影都冇就入去試下啦。果然係伏。6個人叫6個餐。樣樣都有驚喜。蜜糖芥末雞扒來到是洋蔥汁，德國腸泥到係廚師腸，還有一個朋友叫左個咩炒飯，食食下先知唔係叫呢個飯。笑死。問個阿姐，阿姐話賣晒轉左。真係西利，賣晒轉左就唔洗同人講，比個驚喜你咁話。再問個汁同埋條腸，阿姐即閃。我地就只好拍掌讚阿姐勁。大家都明白點解冇晒人。最後飲品更厲害，全部都少甜走甜都變超甜，再大叫阿姐啦，阿姐醒呀，幾大聲都聽唔到。有個阿姐好彩呀，經過更係捉住佢啦。佢就話甜好呀，甜先好飲呀，想冇咁甜又可以自己去加水調教，自助水機唔洗加錢呀。仲大杯啲。我都好想調教你呀。

冰室概環境同一般茶記格局差唔多,人多時要搭台,呢點小編就麻麻地 野食方面金銀菜豬骨湯個例湯係見到煲湯料飲到料概味道唔似出面淡茂茂概例湯呢點幾好玉桂蘋果鴛鴦扒 $62玉桂蘋果個汁都幾特別有果香味配落肉食度吊起到肉香整體份量十分足夠豬扒薄薄地幾香口,冇肥肉成塊都食得牛扒色澤均勻而且好入味大大塊幾抵食配菜就淡茂茂唔好食個碟大小小會好D ,大份到成坐山錦咖啡隻杯我覺得幾靚,入面概咖啡係茶檔風味概咖啡龍城冰室地址 :尖沙咀金馬倫道23-25號地下電話號碼:21111320 / 69019066營業時間:星期一至日07:00 - 23:00