龍亭

一家逆市擴張的奇葩，專營日式鐵板燒，有多家分店，相當多明星光顧。有見在openrice、網上平台等有多款特價的預付套餐，豐儉由人，有低至$298一位的，於是選了其中一個set--極品海膽和牛龍蝦套餐試試這家人氣熱店的水準。這回未能坐到吧枱，所以未能拍到師傅的手藝，不過靜靜對著玻璃外的繁華城市景，也是一大樂事。每道菜放下時會即時介紹，服務細心到位。預付購買了極品海膽和牛龍蝦十品套餐，整體足料，連甜品都有海膽，可謂毫不馬虎👍🏻魚子醬煙燻三文魚有機沙律菜卷，使用挪威三文魚，配意大利黑醋汁、日本海藻醬、龍珠果和車厘茄，清新爽脆。塔斯曼尼亞海膽配法國生蠔皇，在其上的泡沫由蝶豆花和海鹽打成，加檸檬汁會使其變色。白松露海膽蘭王溫泉蛋配黑魚籽，口感滑溜，味道平衡。墨西哥海膽玉子豆腐，幼滑如絲。北海道海膽燒半熟帶子及紫海膽慢煮溏心鮑魚，36小時慢煮的鮑魚入味軟腍，配北海道日本元貝，元貝下方是意大利小黃瓜，蘸自家製龍蝦醬可令味道更濃郁。秘製海膽醬燒澳洲龍蝦龍蝦肉質緊實彈牙，以秘製海膽醬燒製，鮮味倍增。鐵板的高溫令龍蝦殼燒至香脆，帶出誘人的焦香。澳洲海膽炒極品松本A5和牛A5和牛油花豐富，與澳洲海膽快炒，海膽的鮮甜與和牛的脂香交融。搭配的wasabi、竹碳鹽及櫻桃蘿蔔，能適時清味蕾，化解膩感。花膠燉湯湯色清澈，味道溫潤。花膠燉煮至軟糯，膠質豐富。湯頭鮮甜，在濃味菜式之間提供一道暖胃舒緩的選擇。加拿大海膽和牛脂炒飯炒飯以和牛油脂快炒，飯粒分明，香氣撲鼻。加拿大海膽的品質鮮甜，與蟹籽、三文魚籽一同鋪滿飯面，奢華滿足。柚子海膽雪葩柚子清香酸甜，有柚子肉，海膽的鹹鮮平衡了甜度。…查看更多

Chef Ecy’s Dining Experience:🥰 Food | Ambience | Price | Restroom Cleanliness | Easy Parking | Service | Easy Access | Wheelchair Friendly | Cake Cutting Fee🙂 😠 Corkage Fee | Pet FriendlyThis restaurant has several branches in Hong Kong, but their new Tsim Sha Tsui location is their impressive flagship store, having been open for about a month.We tried their promotional teppanyaki set: the "Exquisite Sea Urchin and Wagyu Lobster Teppanyaki." Priced at $680 per person plus a service charge, it's an exceptional value. The experience includes a 10-course menu and a two-hour free flow of sake.The food quality was outstanding. Each dish was beautifully presented, featuring incredibly fresh seafood like uni, oyster, abalone, scallop and lobster. The Wagyu beef was also superb. All the flavors were well-balanced and not overly salty.Our chef, Kuma, was friendly, polite, and clearly an experienced teppanyaki master. He cooked skillfully in front of us, adding to the enjoyment. The free-flow sake was a pleasant surprise - very smooth and enjoyable.The ambience is fantastic: open, bright, and cozy with great views of the city, nearby garden, and even a glimpse of the sea. The restrooms are clean and well-maintained. A major advantage is their long operating hours, serving continuously from lunch through dinner. Our afternoon visit was perfect; it was quiet and comfortable, feeling almost like a private dining experience.The restaurant is conveniently located between Jordan and Tsim Sha Tsui MTR stations. It's wheelchair accessible via a lift from street level. For drivers, there is ample meter parking on Hillwood Road. They charge a corkage fee but do not have a cake-cutting fee.Given the excellent food, atmosphere, and incredible value (especially with the free-flow sake), this place is highly recommended and worth revisiting.The 10-course menu featured:· Sea Urchin Egg Tofu· Caviar Salmon Salad· Tasmanian Sea Urchin with French Gillardeau Oyster· White Truffle Sea Urchin Onsen Egg· Hokkaido Sea Urchin Scallops + Urchin Grilled Abalone· Australian Sea Urchin A5 Wagyu· Fish Maw Soup· Australian Lobster with Sea Urchin Sauce· Canadian Sea Urchin Fried Rice· Yuzu Sea Urchin Sorbet…查看更多

尖沙咀山林道新開呢一間Omakase真係不得不試本身一上到嚟個餐廳已經好有格調。仲要而家開業期間有優惠，人均千幾蚊，已經食到好多嘢又好飽又有質素，真係一定要黎！食日本餐一定少不了有梅酒，呢支梅酒我覺得甜度適中，而入口，兩個人飲嘅份量亦剛剛好先嚟三文魚配昆布，另外嗰日本三色蔥都超級開胃呢度啲海膽好正，配埋呢個生蠔一齊食，係幾特別仲要擠檸檬嘅時候擠落啲泡度佢會變色都好靚呢個蛋白菠蘿鵝肝多士真係不得了，個鵝肝上邊有焦糖面，甜度適中再配埋下面嘅mousse會可以解返就咁食鵝肝嘅油膩，再襯埋個整得好脆嘅包，我覺得係成餐飯其中一個highlight呢個白松露魚子醬蘭王蛋真係好特別，有蛋香得黎亦有淡淡嘅白松露嘅香。鐵板海鮮全部都燒得好好食，其中呢一個鮑魚，真係佢整到好脆得黎又完全唔會韌，超級有咬口帶子亦都好厚切，個蝦都仲有蝦膏，個白鱔都整得超級脆，好香口。呢個韓牛薄切真係燒得好靚，另外佢切到好似蘑菇嗰舊係日式蘿蔔嚟嘅，夾埋一齊食都幾有趣同埋係可以解膩個花膠麵豉湯真係不得了，湯入邊竟然真係有嚿花膠食，仲要因為佢用花膠煮關係所以飲落個麵豉湯係會有花膠嘅骨膠原嘅口感，所以我真係覺得好值得試最後呢一個鐵板海鮮炒飯，身為超鍾意食蟹子同明太子嘅真係開正我嗰範撈埋一齊食每一啖都有滿滿嘅蟹籽，一齊食真係好滿足結尾係柚子雪糕，雖然上映唔到，但係佢上碟嘅時候會喺雪糕上面噴金粉，超有儀式感…查看更多

間中同屋企人對會去食下鐵板燒, 今次去咗依間新開張既鐵板燒店食豪華和風海鮮鐵板燒, 每道菜都精緻得黎充滿驚喜, 預早訂左位, 店員安排左吧枱座比我地, 可以近距離望住師傅為我地烹調美食咁啱餐廳做緊清酒祭, 我地叫左支月桂冠濁米酒, 第一啖飲落個米漿味道純得黎又濃郁, 飲得陣陣米味, 好清香, 之後再續第二杯個酒香慢慢滲出, 店員的確無介紹錯我地叫左鵝肝龍蝦1++韓牛(十四品)套餐, 先黎左個煙燻挪威三文魚有機沙律菜卷, 三文魚煙燻香氣幾突出，卷住新鮮沙律菜，食落輕盈得黎啱啱好開左個胃 前菜三品包括有醬油漬三文魚頭軟骨海草昆布, 店員解說係三文魚頭既上顎位置, 入口爽脆有嚼勁, 加上海草昆布同柚子酸汁, 鹹鮮帶酸非常開胃另外一款係熟成挪威三文魚牛油果他他, 三文魚打成溶變醬, 食落味道更濃郁, 配埋口感滑溜牛油果, 層次豐富而最後一款前菜係醋漬日本三色蔥, 食落酸甜清爽, 係唔錯既開胃前菜時令極品刺身刺身兩品分別叫左鯛魚刺身配時令生蠔, 鯛魚鮮甜爽口, 生蠔面頭加左蝶豆花海鹽, 店員話將檸檬汁加上蝶豆花泡泡上, 會由藍色變做粉紅色, 帶淡淡花香配上生蠔又幾得意, 蠔味濃郁又唔會太勁海水味, 仲食到肥美生蠔原有既鮮甜味, 另外配左海膽配時令生蠔, 海膽鮮甜得黎帶甘香, 好滿足白松露魚子醬蘭王溫泉蛋用左日本蘭王做左個溫泉蛋, 流心蛋汁加埋白松露同魚子醬咁拌勻黎食, 奢華得黎香氣撲鼻. 簡直係味覺同嗅覺既享受 之後就到依個邪惡到不得了既蛋白菠蘿Mousse鵝肝多士, 鵝肝煎得外層帶微脆, 熟度剛剛好, 多士煎得酥脆可口, 先搽上檸檬忌廉再加上滿滿既菠蘿醬，然後再放上鵝肝, 檸檬忌廉同菠蘿醬酸甜恰度得好好, 配埋鵝肝咁食中和返個油膩感, 解左一下膩口, 整體口感超豐富, 呢個組合真係好驚艷同絕配!鐵板海鮮兩品分別叫左慢煮鮑魚配虎蝦, 鮑魚面頭撒左蒜粒, 慢煮到超軟嫩又帶煙刃既口感, 而虎蝦煎得啱啱好, 夠哂彈牙鮮甜, 鐵板香氣惹味十足 另外一份叫左日本元貝配白鰻, 元貝以香煎形式, 食落大粒厚肉, 底部係意大利南瓜, 增添左份甜香味, 而白鰻煎得外皮微脆, 肉質細膩仲有少少汁 師傅用左最高級韓國1++韓牛黎做左個薄燒 , 我地叫左7成熟, 牛肉油花均勻, 牛味突出又濃郁, 中間夾雜左香蔥蒜粒, 肉香四溢, 蘸少少鹽同芥末已經足夠帶出韓牛原有味道既精髓鰹魚花膠味噌湯估唔到幾有驚喜, 湯底用鰹魚同味噌熬製, 濃郁得黎唔會過份鹹, 花膠厚身膠質滿滿, 暖胃又滋補養顏, 唔覺唔覺飲哂成碗鐵板黑松露海鮮炒飯真係食出驚喜同師傅既功架, 師傅以斬刀形式黎炒個飯, 加左蔥花, 紅蘿蔔絲, 雞旦一齊炒, 鑊氣十足, 之後再加黑松露醬以快炒形式令每粒飯都沾上黑松露香氣, 另外再加左小元貝作點襯, 最後再係炒飯面鋪滿蟹籽同加左三文魚籽作點綴, 拌勻後飯粒真係食落粒粒分明, 乾身得黎有嚼勁, 三文魚籽令個炒飯更提鮮, 重口味人士必愛, 簡直係完美! 最後食埋個甜品脆爆紅豆柚子雪葩, 粒粒脆爆紅豆口感得意, 柚子雪葩清新解膩一流, 酸甜平衡返整體黎講依餐無論係食材、擺盤定味道都係高級水準, 由其係海鮮部分, 完全展現到師傅功力, 加上師傅會問返我地對於菜式上意見, 同接受評語及改善之處, 價錢都幾合理, 係某平台仲要做緊優惠, 見到隔離枱客人都係黎食慶生飯, 仲送生日甜品煙花, 食得非常高興, 絕對值得一試…查看更多

上星期終於去左龍亭食鐵板燒 呢間鐵板燒有幾出名唔使多講!! Bookmark左好耐而我今次去嘅係尖沙咀新店 位於山林道銀座 18樓 如果坐窗邊位有好靚嘅夜景睇而我今次選擇坐Bar枱 因為可以欣賞到鐵板燒師傅嘅手勢 而且可以交流一下～坐低之後師傅都會好細心問有冇啲咩係唔食既然後就可以揀鐵板燒嘅海鮮主食我哋揀咗龍蝦🦞帶子 鮑魚 白鰻肉類方面就係1++韓牛薄燒😋.首先先黎3款前菜 分別係三文魚牛油果他他 葫蘆酸瓜同埋三文魚頭軟骨配昆布酸酸地特別開胃🤤三文魚頭軟骨非常好食 而且從來未食過👍🏻大推 好爽口.🥗跟住係招牌沙律配黑松露煙三文魚新鮮蔬菜用三文魚包住再點埋碟邊嘅黑醋汁同柚子芥末 非常開胃🫶🏻.到刺身同生蠔🦪 生蠔上面嘅蝶豆花泡泡 加咗檸檬汁之後仲會變色! 連埋生蠔一齊食好綿密 提升生蠔既鮮味 海膽都好肥好鮮甜👍🏻入口即溶.跟住有白松露魚子醬蘭王蛋🥚做間場 超滑身 蛋汁香濃.到海鮮時間!! 🦞龍蝦 白鰻 帶子 鮑魚 全部嘅調味都唔會太濃 唔會蓋過本身海鮮嘅鮮味鮑魚爽口彈牙 白鰻肉質結實 點埋旁邊嘅泡泡可以令到海鮮嘅鮮味提升😆.鵝肝多士🍞係店家既心機之作🤩多士上面加上檸檬忌廉同菠蘿蓉 再將鵝肝擺上去 一啖咬晒咁多層次既感覺真係太好了🤤而且一啲都唔膩 .🐂1++韓牛薄燒包住炸蒜同葱粒點左5成熟 剛好 肉質軟腍得來入面係脆脆的!配上店家自己炸嘅炸蒜 竹炭鹽 簡簡單單點嚟食已經好好味如果覺得太膩嘅可以食旁邊嘅白蘿蔔 可以解膩㗎🤤.最後當然唔少得黑松露海鮮炒飯 炒飯粒粒分明而且入味✅炒呢個飯真係要好好工夫加上大量蟹籽同三文魚籽!! 多到好似唔使錢咁😂好正 師傅令到成場嘅氣氛推到最高點👍🏻呢個炒飯幾飽都要食晒佢!😍.食埋師傅專登整俾我食嘅芝士年糕 配紅豆爆珠柚子雪葩 完美嘅一餐💕下次一定會再嚟!!…查看更多

最近去咗一間超人氣鐵板燒專門店，環境真係靚到唔捨得走。木系裝潢配上柔和燈光，坐喺吧枱前睇住師傅即席烹調，每一下鐵板聲都好療癒，氣氛高雅又唔失溫度。🍣 *醬油漬三文魚頭軟骨海草昆布*入口即化嘅三文魚頭軟骨，配上海草昆布嘅鮮香，醬油漬得恰到好處，鹹香中帶微甜，層次分明。🥑 *熟成挪威三文魚牛油果他他*滑溜嘅牛油果同油脂豐富嘅熟成三文魚完美融合，口感細膩，每一啖都係幸福感。🧅 *醋漬日本三色蔥*酸香清爽，三色蔥各有風味，食落唔單止解膩，仲有種醒神感。🌿 *煙燻挪威三文魚有機沙律菜卷*煙燻香氣撲鼻，沙律菜爽脆，魚肉柔嫩，一口咬落層次感十足。🍍 *蛋白菠蘿Mousse鵝肝多士*甜中帶鹹，菠蘿Mousse輕盈滑順，鵝肝香濃而不膩，多士酥脆，係意想不到嘅驚喜組合。🦪🧡 *時令極品刺身兩品（生蠔＋海膽）*生蠔鮮甜爆汁，海膽濃郁如奶油，兩者都係海洋嘅極致演繹。🍳 *白松露魚子醬蘭王溫泉蛋*蛋香濃郁，白松露香氣高雅，魚子醬鹹香點綴，口感滑到不得了。🍲 *花膠燉湯*湯底清澈但味道濃郁，花膠入口彈牙，滋補又暖心。🥩 *最高級韓國1++韓牛薄燒*肉質嫩滑，油花分佈完美，輕輕一燒已經香氣四溢，入口即化，完全係牛肉界嘅天花板。🍚 *鐵板黑松露海鮮炒飯*粒粒分明，黑松露香氣滲透每一口，海鮮鮮味十足，炒得乾身又唔油膩。🍋 *黑糖燕窩檸檬雪葩*最後以一杯酸甜清爽嘅雪葩作結，黑糖香氣同燕窩口感完美融合，清新得嚟又有質感。…查看更多

龍亭嘅KK鵝肝龍蝦韓牛set有14道特色菜，主打頂級韓牛配鮮甜龍蝦，仲有香濃鵝肝，加埋多款精緻前菜同招牌菜式龍亭嘅KK鵝肝龍蝦韓牛14品味道超豐富： 是日甜品香甜滋味，完美結尾 是日花膠燉湯鮮美滋補，膠質豐富 白松露魚子醬蘭王蛋香氣濃郁，入口滑嫩 時令刺身兩款新鮮爽口 時令有機雜菜沙律清新開胃 黑松露海鮮炒飯香濃入味，帶松露獨特香氣 韓牛薄燒肉質細嫩，味道鮮美 海鮮兩品鮮甜彈牙，保留海味 鵝肝多士香脆濃郁，鵝肝奶味十足 …查看更多

最近喺尖沙咀山林道新開咗間 龍亭鐵板燒，環境真心靚！✨高層位置可以遠眺海景，坐得舒服又靜，超適合放鬆慢食～今次試咗佢哋嘅 鵝肝龍蝦韓牛鐵板套餐 🍽️一共14道菜，每道都見到師傅嘅心思：🦪 日式生蠔配上海鹽泡泡 新鮮滑溜～鹽泡泡帶出鮮味💨🦐 大蝦肉質爽彈，香氣滿滿🔥🐚 鮑魚煎得啱啱好，帶少少焦香味，咬落超嫩口～🦪 帶子厚切鮮甜，唔使任何調味已經好出色！🐍 鰻魚用鐵板煎香再加醬汁收尾，鹹甜平衡得好正～🥩 韓牛油花細緻，口感嫩滑多汁🍲 白松露魚子醬蒸蛋同 黑松露海鮮炒飯都係高水準✨成餐食完完全冇heavy感，每一道都係味蕾享受💯夜景、氣氛、食物質素全部滿分，係尖沙咀區值得一試嘅新開好店～…查看更多

👬約咗老友去食鐵板燒 呢間以前喺佐敦都食過 見佢尖咀開咗新分店 一於去試吓🫢見到呢間分店有海膽+鐵板燒套餐🤨前菜有海膽+玉子 側邊仲有啲魚子😍 賣相好高級 海膽同豆腐幾夾 滑+香甜 魚子鹹香煙燻三文魚配有機菜配上魚子醬 成件事好fresh 夾埋側邊嘅蕃茄 黑醋汁一齊食 胃口大增🦪生蠔+海膽 新鮮生蠔上面有少少法式氣泡 增加口感 生蠔海水味鹹 配上鮮甜海膽 係一個特別嘅口感體驗😙重頭戲海鮮🤤 有🦞龍蝦 帶子 鮑魚 每樣都燒到好好食 鹹香適中 龍蝦肉特別新鮮彈牙 帶子下邊配上一片瓜 清新好味💯🐮松本A5和牛包海膽 和牛入口即溶 旁邊配搭蒜片 胡椒鹽 芥末 可以安個人需要配搭👍 有心思食唔飽仲有海膽蟹籽蝦仁炒飯🤣 一眼睇晒 兩個字 豐富😎 甜品普通雪糕配海膽 食完成餐飯絕對唔會忘記海膽嘅味道🤭haha…查看更多

這間鐵板燒餐廳一直都是人氣，見尖沙咀開了新分店馬上又去試試😍一坐好店員會提供清酒給我們品嘗，還可以選酒杯🍸值得一提是店員服務很貼心，每道菜式都詳細介紹👍🏼🥗 前菜三文魚沙律卷（柚子汁）三文魚油脂香濃，配上柚子汁的酸香。沙律卷口感爽脆，平衡了魚脂的濃郁，很開胃🦪 法國生蠔與塔斯曼尼亞海膽（海鹽泡沫）擺盤很有心思，生蠔鮮味濃郁，海膽甘香細膩，海鹽泡沫味帶微微海水咸，充滿鮮味🍮 海膽玉子豆腐 & 海膽溫泉蛋玉子豆腐口感幼滑；溫泉蛋則蛋香濃郁，蛋黃與海膽夾雜一起品嘗，口感柔滑，海膽味意外地鮮甜香濃🐚 北海道海膽燒半熟帶子＋紫海膽燒慢煮溏心鮑魚海膽醬與龍蝦汁這個組合是濃郁的鮮味，帶子半熟恰到好處，鮮嫩多汁；溏心鮑魚則口感彈牙，紫海膽的甘香滲入其中，蝶豆花海鹽泡泡外型吸引，視覺與味覺雙重享受。🐄 澳洲海膽炒極品松本A5和牛和牛油脂豐盈，七成熟保留肉汁，海膽炒香後與牛脂融合，香氣更濃烈。竹炭鹽提升整體層次，櫻桃蘿蔔味帶微辣，有助一解和牛的油膩感🍚 黑松露帶子加拿大海膽和牛脂炒飯炒飯粒粒分明，吸收了和牛脂的香氣與海膽的鮮甜，帶子鮮嫩彈牙。黑松露彌漫着整碗飯，很滿足💕🍲 鯛魚花膠燉湯、豆腐清澈的湯底配上鮮甜的鯛魚，嫩滑的花膠及豆腐吸收湯汁後入口即化，是一道滋補的燉湯🍧 柚子海膽雪芭甜品頗有驚喜🤩雪芭酸甜清爽，海膽的鹹香與柚子的果香這個新穎的組合意想不到地夾👀 紅豆爆爆珠增添口感趣味，沖繩黑糖燕窩則不會過甜，是一道多重口感及味覺的甜品🍧…查看更多

最近網上好多人都介紹龍亭，話高質又抵食，我今日都終於約到朋友一齊來食dinner。果然，真係好好味，環境正之餘，服務態度好好，味道都好出眾！今晚選擇咗鵝肝龍蝦1++韓牛十四品，由原價嘅$1188變咗而家特價$898，真係超級無敵抵食！首先有醬油漬三文魚頭軟骨海草昆布、熟成挪威三文魚牛油果他他同醋漬日本三色蔥。好驚喜呢到可以食到三文魚頭軟骨，醬油漬咗之後酸酸地，好開胃，睇呢個前菜已經知道成餐好高質。煙燻挪威三文魚有機沙律菜卷都有兩個醬汁option，真係好有heart！蛋白菠蘿mousse鵝肝多士好特別，因為菠蘿sauce，令到食完之後完全唔會覺油膩！是令極品刺身，選擇咗要海膽同鯛魚，朋友就要咗生蠔同埋海膽，佢個生蠔係用咗蝶豆花泡沫，所以當你用檸檬汁上去之後，就會變成淡粉紅色，用嚟打卡一流！當然其他海鮮都好新鮮啦，海膽超級Creamy，用紫菜包住嚟diy咁食，正！白松露魚子醬蘭王溫泉蛋都好出色，好濃蛋香，配埋白松露椰子醬，味道同氣味都即刻提升咗唔少。鐵板海燒可以揀兩樣，我同朋友分別都試晒慢煮鮑魚、日本元貝、白鰻同埋虎蝦，鮑魚係師傅用咗秘製醬汁慢煮咗36小時，相當淋，好入味！虎蝦口感彈口，好新鮮，你就好咗嘅蝦頭沾蝦頭醬食就最過癮啦！韓國韓牛薄燒肥美而不油膩，份量剛剛好，入面包住蔥花同蒜片，韓牛真係唔同一個層次，所以我哋叫嘅衫就係最match。花膠燉湯好濃雞湯味，每一晚裡面都有花膠，相當養顏，飲落好暖胃，無意中發覺朋友越飲就越嘴角向上揚，係滿足跟表情啊！鐵板黑松露海鮮炒飯炒得好入味，粒粒分明，好香口。甜品都好精緻！…查看更多

今日上到尖沙咀「龍亭」試佢哋嘅季節限定一人午餐！餐廳位於銀座38頂樓，環境雅致私密，七道菜式精緻有心思，絕對係高質日式料理體驗～🎌✨🌟 #醬油漬三拼 🍣紫蘇葉包三文魚牛油果他他清新爽口💗紫洋蔥海草酸甜開胃👍🏻三文魚頭軟骨昆布鹹香脆口！前菜三重奏超驚喜～😋🌟 #有機沙律 🥗龍珠果鮮甜+煙三文魚包沙律+柚子醋清新！健康與美味兼備～💚🌟 #白松露魚子醬溫泉蛋 🥚✨蘭王蛋漿濃郁creamy，白松露香氣奢華，魚子醬鹹鮮爆珠！搭配青瓜絲食用花，視覺味覺雙享受～👑🌟 #時令生蠔 🦪蠔肉飽滿鮮甜，海水味清新！刺身級品質原汁原味～🌊🌟 #帶子昆布麵豉湯 🍲湯底鮮甜醇厚，帶子嫩滑彈牙！暖胃又滿足～❤️🌟 #燒活白鰻魚飯 🐟🍚鰻魚外皮香脆肉質軟嫩，醬汁甜鹹適中！米飯吸盡鰻魚油脂香，大滿足～🔥🌟 #黑糖燕窩紅豆爆珠海膽雪葩 🍧海膽雪葩鹹甜創新！黑糖燕窩滋潤+紅豆爆珠口感過癮，完美收官～💫☕ #磨熱咖啡 🌰香醇濃厚回甘，為盛宴畫上完美句號～👌龍亭環境寧靜舒適，絕對係鬧市中嘅奢華體驗～…查看更多

精緻韓牛海膽鐵板燒 生活就係搵藉口獎勵一下自己😄 今次搵咗呢間喺尖沙咀嘅鐵板燒 好大 環境好舒服 職員親切有禮🥰 ✨鵝肝韓牛（十四品）$898Klook或者OpenRice 買一送一 如果想試 記得提前預訂🥰 ✨醬油漬三文魚面頭軟骨 醋漬日本三色蔥 熟成挪威三文魚牛油果他他 三款漬物都好食 三文魚他他 好creamy 三色蔥爽脆 好開胃嘅前菜😋 ✨煙燻挪威三文魚沙律卷魚子醬 配意大利醬 龍珠果餐廳重視擺盤 令客人很有食慾 👍 ✨時令刺身 生蠔 海膽以泡泡做裝飾 鮮美嘅法國生蠔 上面鋪上鮮甜嘅海膽 幸福感爆棚🥰 ✨白松露魚子醬溫泉蛋撈勻一齊食 細嫩幼滑 蛋香撲鼻😋 ✨慢煮鵝肝多士厚厚嘅鵝肝 煎到焦香 配意大利黑醋 中間夾手打檸檬忌廉及特製菠蘿醬 再脆脆嘅多士 香脆一體 超滿足😋 ✨鐵板慢煮鮑魚 日本元貝 燒白鰻 虎蝦慢煮鮑魚 好入味 肉質彈牙👍元貝厚肉鮮甜😋 鰻魚焦香🥰 虎蝦肉質結實 超新鮮 正呀👍😋 ✨花膠燉湯麵豉湯 大大塊花膠 好足料🥰 ✨最高級韓牛1++ 韓牛薄燒入邊包住勁多蔥一齊鐵板燒 焦香及蔥香融為一體 超正👍✨鐵板黑松露海鮮炒飯上面鋪滿蟹籽魚籽 咬落卜卜響 好得意 好香口嘅炒飯 蝦非常彈牙😋 ✨ 廚師精選甜品益力多雪葩 上邊加上海膽 底有黑糖燕窩 紅豆爆珠分子料理 好豐富精美嘅組合 😋😋 整體嚟講 環境舒適 食物高質 服務到位 好享受嘅一個晚上🥰🥰 🎈龍亭 (尖沙咀)尖沙咀山林道38號銀座38 18樓…查看更多

食左間人生次污點 大排檔 鐵板燒🤦🏾‍♀️🤦🏾‍♀️1.多用途抺布🧽抺枱抺碟再抺放野食塊樹再放野食上去。。。2. 餐廳壞冷氣無通知 仲有未整好抽風下食鐵板燒 好似去左大排檔😵‍💫未嬲都搞到一頭煙 有另外客人頂唔順走左3.食鐵板燒 你想坐bar枱 原來係要booking落request，真係第一次😀其實已經早2星期打黎訂4. Staff落order 同去茶餐廳落單態度一樣 講得唔好就比人話咁🤦🏾‍♀️one by one 呀要 但係上菜都係要自己認領食咩5. ⁠d staff所有都好似臨時工咁 衛生 安排都係好亂！ 連同所謂既經理講 佢都只係話無野做到 可以請你飲酒 然後就無再出現過6. 平均每一碟餸要等30分鐘-45分鐘 一個師傅整緊10幾20人既野 你等等啦，可能d海鮮冰鮮 要等解凍咁耐以黎 第一次去食野食到咁慘，同朋友慶祝生日搞到咁 都唔知叫特別定難忘 🫩， 服務咁 真係幾多tvv promotion 都搞唔掂 先唔好講其實好唔好食。。。…查看更多

近期大受好評龍亭鐵板燒最近開了尖沙咀山林道第四間分店有多位KOL介紹剛剛有朋友生日所以就提議同一大班朋友一齊去試試，之前已溝通好因有朋友生日請盡量安排鐵板吧枱，心想都係想睇到廚師現場烹調大家會食得開心D到了食飯當天我們到達當刻門口職員安排長枱給我們，再問為何不預早通知客人，職員語氣非常差「只係盡量」不一定有，我們為有坐長枱不過給客人第一感覺服務態度好差❌❌我們入店舖內通風系統都好差、好局促坐低職員問「請問大家有冇食物敏感」當日揀選🔆極品蟹粉帝王蟹八道菜🔆1️⃣前菜✴️味道正常2️⃣時令有機沙律✴️味道正常3️⃣白松露海膽蘭王溫泉蛋✴️味道正常4️⃣蟹粉醬燒阿拉斯帝王蟹蟹腳兩條✴️味道一般不是太新鮮肉質較乾5️⃣主菜鐵板澳洲牛柳粒、黑毛豬鞍、威爾斯小羊架、宮崎無骨雞腿（四選一）✴️職員上菜時人人都係牛柳粒，再問為何不是比客人揀（四選一）真係非常混亂😵‍💫剛剛就有一半人唔食牛，真係人都癫職員有立即更換，但不是客人的錯✴️牛柳粒～入邊凍冰冰✴️黑毛豬鞍～肉質乾、硬、柴6️⃣花膠燉湯✴️麵豉湯加花膠勁難飲❌❌❌7️⃣極品大閘蟹粉拌飯✴️完全食唔到蟹粉味只食到鹹魚味伴飯，勁難食預製菜🤮🤮不能入口所有朋友食了兩啖已停晒手8️⃣時令甜品✴️味道全餐飯最好食本人同成班朋友也去過其他鐵板燒店從來未去過一間服務咁差❌❌管理沒有系統❌❌味道差預製菜勁難食❌❌真的不能賣錢🤮🤮真伏❌❌真伏❌❌真伏❌❌埋單仲要五千幾蚊勁伏❌❌…查看更多