齒留香

第一次幫襯已中伏，份量少價格高，收銀阿姐粗魯冇禮貌！大聲又鬧人，香港地少見！建議不要去購買，以免浪費金錢又影響情緒。個收銀有口音的阿姐對答粗魯冇禮貌，完全連基本教養都冇。絕對影響香港形象。今時今日嘅服務態度好要不得！盒純燒味外賣，35元叉燒及30元燒鴨，又少價錢貴又不太好吃。買完感覺好不值。中曬伏！不會再幫襯！差劣！…查看更多

我都覺得不對勁，返到家打開一半是近用來拜神位置，D皮食落硬實實的一D都不脆口，一食就知不新鮮賣乘貨來，消費了400港元。真係唔怪得人不在港消費，就是有這些人做衰個市，這間店永不再去。…查看更多

你地個收銀真係一d禮貌都冇我要2盒叉鴨飯 講到明你冇 我冇所謂 你講丫麻 我可以轉可以就今幫我打個叉燒燒肉飯俾我 然後話我自己叫燒肉 有冇搞錯，重要語氣差到爆重要勁冇禮貌 系今隊d野俾我，驚死我退錢今…查看更多

炒咗收銀個阿姐佢啦態度衰到冇人有黑口黑面好好禮貌，同佢講好似得罪佢咁樣係咪生意做唔切好好生意？如果係嘅話就唔好開門呀斬料師傅就幾好禮貌講嘢講唔正嗰個阿姐啊唔係歧視你呀，只不過係你態度衰到冇人有…查看更多

尼間鋪無得堂食，衛生環境差，又相對隔涉，基本係做街坊生意。但即使係做街坊生意，啲夥計都好唔老實，經常唔夠磅。我之前幫襯過好幾次，一開始都係買番嚟直接食，冇乜留意，直至有一次心血來潮，覺得50蚊9塊鳳爪，唔夠5隻，好似幾貴下wor，於是乎攞電子磅出嚟磅下，先發覺俾佢哋呃咗8蚊，果時仲心諗「應該係啲師傅唔小心啫，冇事嘅」。點知之後幾次買，次次都唔夠磅，都係爭幾蚊。雖然覺得個心un 住un住，好唔舒服，但係爭嗰幾蚊，心諗「是但喇，費事嗮時間攞番去同佢哋拗喇」。直到最近一次，買番嚟磅，又係唔夠，俾少咗7蚊，可能這是壓垮駱駝的最後一根稻草，我實在忍唔住了，專登蝕埋車錢時間，拎番去同佢哋拗，個夥計磅完，粒聲唔出，話唔關佢事，之後直接退番錢畀我。唔明白做開街坊生意，點解唔誠實小小，呃果幾蚊嚟做咩呢？？非常失望，以後唔會再幫襯。…查看更多

年三十晚想加送，斬啲料返屋企，路經齒留香見到最多人排隊，諗住唔會太差啦。去到見到斬燒味個師傅好似燥燥地，都唔敢講太多野，要個燒鵝下庄+半隻鹹香雞。佢話大佬，下庄賣晒啦，上庄同下庄有乜分別啊？咪又係燒鵝？(明明我聽到佢同廚房講下庄剩返兩隻，叫廚房啲人唔好搞佢自己斬🙄) 更何況下庄賣貴$10 ，你竟然同我講冇分別🤬，最後我話咁要上庄啦，跟住買完就直接返屋企。返到屋企先知中伏，嗰隻燒鵝燒到燶晒，又咸，冇香味，真係大__樂燒鵝瀨都好過佢。隻雞直頭唔熟，唔係緊緊熟嗰種，係完全唔熟！阿爸阿媽嗰啲老一輩唔怕生嘅都話呢隻生得滯食唔到😢最後兩盒都冇食到(雞100%無食，燒鵝食左40%面嗰浸)，浪費咗我$188😫P.S 冇影相，因為冇諗過寫食評。新年放假得閒得滯先寫嚟警惕自己😤…查看更多

我見呢間嘢新開然之後後就走去買啦，然之後排咗隊好耐我見都好多人買諗住唔死啦跟住嘗試吓個新叉燒，用咗$70買咗半斤寫到明要半肥瘦返到屋企一打開個盒嬲到我火都滾埋大家可以睇到張相，舊叉燒仲乾嗰啲金華火腿，寫到明係半肥瘦都可以比呢啲垃圾我大家如果真係對叉燒有少許要求千祈唔好喺度買，你諗吓呢間嘢可以對客人要求完全無視，根本就冇用心去做啲嘢食出嚟，就知道根本就唔好食結果我買咗個$70叉燒俾我揼咗落垃圾桶，你就知道難食成點…查看更多

平時最喜歡在旺角街市對面的廣東道買餸，因滿街都有各式各樣的濕貨和乾貨供選擇，競爭大因而價錢平。附近有間燒味店齒留香，看到招牌寫著「全區最優質燒味」和「馳名叉燒」，又看到有客排隊買燒味，相信一定有些水準！就算被呃也是一次。於是用六十五元買半斤叉燒試吓真與偽。見到師傅準備取下一塊很瘦的叉燒時，即刻有禮地講我要肥叉燒呀，唔該！可是師父望了我一眼便無理會照斬。如此服務態度已扣分數了。返家打開飯盒一看，件件都斬得厚厚的，沒半點功夫和誠意。叉燒很瘦沒半點肥膏，肉質硬實，也缺少蜜味，比普通餐室的叉燒飯更差，何來全港最優質的叉燒？…查看更多

經常路過，看到排隊的人很多，今天想吃叉燒炒飯，就買了三十蚊，份量不算太多，但是熱的時候很好吃 鬆軟可口，不過冷了之後就有點硬了，下次可以加熱之後再吃，应该好很多！…查看更多

今晚屋企無飯食，唯有嗌外賣，有時食外賣都幾開心🥳🥳🥳食到自己想食既野就最滿足啦💓🤩🤩叉燒控梗係食叉燒啦🥰🥰我心目中的半肥瘦叉燒😘😘❤️❤️齒流香叉雞飯💓招牌叉燒果然無令我失望，半肥瘦叉燒，肉質真心鬆軟，好重豬味，蜜汁香甜夾上點點焦香，爽中又帶軟淋，入口有即溶既感覺，肉質軟熟程度掌握得好好，叉燒帶有少少肥膏，食完一啖你會有再想食既衝動😋😋❤️❤️叉燒雞賴粉顯得無咁出色，因為叉燒浸左係湯底度，叉燒即刻變淋左，味道隨即無咁好味了🤫🤫🤫😣…查看更多

齒留香一共有兩間店，太子嗰間我冇幫襯過，只係去開旺角塘尾道嗰間買燒味飯，呢度嘅叉燒我食過，真係幾好，夠淋之餘，D叉燒帶有少少燶邊，食落非常香口，另外我更鍾意食呢度嘅燒雞翼飯，每盒都只係$22元，夠哂大盒，有兩隻雞全翼、撘上一條菜心、白飯份量真係好多，食完盒飯真係飽到上心口，呢度嘅燒味有好多款，有：切雞、油雞、燒鵝、燒肉、紅腸、乳豬、燒豬頸肉、叉燒、燒排骨、蜜汁燒雞翼、蜜汁燒雞肶，每樣燒味都係咁好味，而且呢度~一到咗下午時份，就開始現人龍，而且呢度仲會不斷咁播出所有80年代嘅經典金曲，真係出位，除咗咁之外，舖外還會放咗一架大型鐵車仔，車上面會擺放幾款食品：生腸、白雲鳳爪、牛及燻蹄，每樣食品都係段斤計，而且每樣食品都真係好有水準，所以齒留香的確係旺角嘅人氣燒味店…查看更多

今晚二人在界限街分店堂食，叫咗燒味同兩柸凍飲，朋友臨尾飲凍奶茶時，忽然有嘢吐出。。。係原隻大碼烏蠅一大隻，我同朋友驚魂未定立即叫店長，店長即時包走屍體，仲話送多個例湯俾我地，我地問佢會點樣處理，佢就話叫我地等陣要問老闆，然後閒置我地不理，後尾我同朋友唔想再等只想盡快離開（想嘔），佢先話減起柸奶茶錢（即係跟餐加凍飲嗰大拿拿3蚊），俾錢時我話要番張單（萬一食物中毒有得追究），個收銀仲要大聲夾惡話因爲張單要改價錢唔可以俾我，但我堅持要佢寫番張手寫單俾我。間食店食物基本衛生都冇仲勁冇禮貌！！…查看更多

一直聽聞齒留香的大名，傳媒吹虛到天下無敵，又話全港No.1，今日一試之下，先知道又係一個大騙局。不知所謂的叉燒，睇落好似好靚，但一試就知龍與鳯，肉鬆粉落得太多，攪到啲肉冇曬口感，咬落去好聽就入口即溶，直接啲講就係又梅又爛，味道係超咸加超甜，乜野肉味都吃唔到，令人失失失失望！永遠不返轉頭。但係門口招待阿姐的服務態度又超好，有禮，恩勤，有笑容。相返美孚的x興和荔景街市的燒臘店的叉燒比呢間好五、六倍，兩間都係四十幾年的老燒臘店，可以比美澳門的麗軒。…查看更多

人氣旺角燒臘外賣名店「齒留香」的叉燒一向甚有盛名，讚好甚多。但我一直未有幫襯過。風聞近日該店在太子開了一間可供堂食的燒臘餐廳，不禁躍躍欲試，便在十一國慶的晚上前往幫襯。 雖然這燒臘餐廳有多款燒臘和小菜選擇，但這兒名氣最大的始終是叉燒，所以這兒的鎮店 No. 1叉燒便成了我這夜晚餐的必選之物，我的另一半就選了「齒留香燒鵝飯」（$55）做晚餐。 第一次到來，好壞未知，不想吃得太貴，所以我吃的是碟頭的「No.1叉燒飯」（$48）。正所謂希望愈大，失望愈大，這叉燒飯空有No.1之名，但叉燒肉質偏瘦，肉汁欠豐，蜜味也不足夠，雖不至說它完全不好吃，但距離第一之名甚遠，甭說與澳門「麗軒」的叉燒相比，就是與我近日在「凱悅軒」與「鷹巢」等地方吃的高質叉燒相比也有所不如。雖說那些都是酒店裡的高級中菜廳，叉燒價錢一定較高，食材用料也應更好，更講究，與一般的平民燒臘店相提並論未免有點不公平，但我還是覺得這挾著人氣燒臘店之名開的餐廳的叉燒質素，實在只是一般，未能與優質掛鈎。 另一半的「齒留香燒鵝飯」又怎樣？幸運地，她的燒鵝是髀位，但燒鵝質素同樣只是中規中矩，雖不算差，但也不算很好，燒鵝皮脆，但非甚脆，燒鵝肉軟，但非甚嫩。至於另加十五元點的「菜心」雖然十分大碟，但部分菜心吃到苦味，實在未能讓人感到滿意。不過這兒的碟頭燒味飯，不僅有「例湯」奉送，還跟熱飲一杯，就真是幾抵食，值得一讚。可惜這夜碰著十一國慶，不知道這餐廳的老闆是否愛國狂熱分子，從我步進餐廳那刻開始，到結帳離開為止，在差不多一小時裡面，餐廳裡面一直在播放著耳熟能詳的中華人民共和國國歌和其他愛國歌曲，從無一刻間斷，把就在我附近的大電視機熒光幕發出的聲音也全然蓋過，實在吵耳。也許，極度愛國的餐廳老闆會聽得如痴如醉，但對顧客來說，這疲勞轟炸式的洗腦播放可能只是趕客之舉。所以吃到半途 ，我已按捺不住對自己說：「天呀！夠了，可以放過我嗎？！」，然後快快把這平凡的晚餐幹掉，便回家追劇去也。…查看更多

之前陪朋友去打波，咁啱撞正lunch Time冇食野，所以下午就有少少肚餓！去咗附近呢個齒留香幫襯！呢一間剩係得外賣～ 好似冇堂食🙈不過冇所謂，我都諗住買返去球場食～ 係店門前已經見佢好多新鮮出爐嘅燒味！的晒汁咁好似好正😂 我叫咗一盒叉燒飯多汁，另一盒燒肉叉燒雙拼😍 服務好快，但係師傅聽到我叫，就即刻幫我整，比完錢就拎得啦！打開食，食咗啲燒味仲係暖暖地，好正！多汁叫得冇錯👍🏻👍🏻因為佢比飯嘅份量都幾多！如果唔叫多汁，食到最後冇晒汁～咁就好dry下，不過飯盒就明顯細咗，佢以前係再大啲既🙈 但係都好滋味✌🏻…查看更多