鼎泰酸菜魚

營業中

休息中

食品ok 酸菜牛或魚都好味 間中幫襯 但有次坐近廚房 見到D樓面姐姐就咁徒手落葱花 明明個葱花碗上面有隻匙羹係都唔用 真係不明白 仲要唔只一個姐姐 個個都係咁 😨 驚驚 真係要走葱

有次食完晏經過見到呢間，下午茶價錢幾低，今日一於去試吓啦～佢哋主打係酸菜魚🐟亦有港式下午茶揀，緊有一款岩食🤩原本都想食酸菜魚，我唸酸菜個湯底都係差唔多😹所以叫咗酸菜牛肉，可以配飯/擔擔麵/上海麵/重慶麻辣紅薯粉～揀咗至愛紅薯粉🍜牛肉同薯粉係分開碗上的，份量十足，賣相吸引～湯底，酸味適中帶點微辣，酸酸辣辣好開胃‼️牛肉好嫩口冇筋👍🏾配料有好多，大量芽菜/娃娃菜/蓮藕…至於薯粉個湯就較淡，但將啲薯粉加入酸菜牛肉個湯度，味道瞬間提升🆙🆙✨重口味人士不會失望🩵店員都好Nice👍🏾

慕名已久，但見平日午飯時間竟然可以唔洗點排隊，就抱著試一試心態，估唔到有驚喜，好多時酸菜魚都有固定或至少辣度，但呢間可以走辣，對於唔食得辣但又想食無骨魚肉既我實在是加分位，今次叫左酸菜魚配菜飯，菜飯鹹淡適中，酸菜魚魚片無骨得來夠入味，份量唔少，雖然算薄，但應該都有8-10片吧，下面仲有寬薯粉，不過就得3-4片，略嫌小左d, 仲有滿滿的大豆芽菜同少少娃娃菜加酸菜，如果套餐唔跟飯/麵，加大薯粉份量就仲正，總體來說，性價比高，會有下次👍🏻

早一兩年試過一次佢個酸菜魚，真係不敢恭維🫤以後唔敢再叫佢個酸菜魚是日午餐，叫個鎮江陳醋小排骨+擔擔麵擔擔麵淡而無味，唔睇隻色嘅話我差啲以為係清湯🫣一入口，成口油味。花生味似有若無，我到底食緊啲乜🫠鎮江陳醋小排骨，入口薑味太重，冇乜陳醋味，微微微微微酸，本來諗住食呢個會開胃，係我諗多咗🥲肉好稔，但好淡，唔係唔入味，係本身調味就好淡。超多油，我知排骨係有油，但唔代表上枱仲要用油浸住🙄下面有菜墊低，太油唔敢食凍檸茶正常。不可再🙂

同事一行4人去食酸菜魚 黎到謝斐道鼎泰午市時間要早啲到 過咗1245就開始要等位叫咗4個餐share食 4個人都叫菜飯 🤣 🔹️老壇酸菜魚魚片夠嫩滑 無骨 撈飯食一流仲有幾舊豆腐仔 大量荳芽娃娃菜同酸菜 仲有寬粉 整體唔算辣 🔹️八仙醉雞雞件夠滑唔嚡 但嫌佢酒味可以濃郁番啲 🔹️上海排骨完全無落炸粉 😵普通豬扒咁樣 但勝在夠稔 🔹️雲耳雞湯浸時蔬普通一碟菜 菜心爽口 ✅大大份一定飽✅全單無加一✅價錢大眾化 ✅環境都企理乾淨

一連7日書展返工，我連續6日都是哩間，有3日都係叫水煮魚，直到我喉嚨定唔住水煮魚比酸菜魚好食，夠辣啦～（我唔係特別可以食辣嘅人，我覺得對於香港人而言，辣度啱啱好）味道好夠，次次都食曬，白飯一粒米都冇剩！魚嘅份量都夠，而且有好多好多芽菜啊！

噚日行完書展，去食個下午茶本來想叫酸菜魚，臨尾轉軚叫左個水煮牛薯粉睇落有辣椒，但食落完全唔辣，我仲要夾埋啲辣椒食先有辣味，而且對我黎講實在太鹹，勉強食完嗱嗱臨走

書展期間，我7日都要喺灣仔搵食，但對於我嚟講，$60-70幾嘅lunch or tea 實在有d貴……想食平d，但又唔想食咩火腿、通心粉、粉面、三文治……最終搵到哩間：我2pm食lunch，所以我嘅酸菜魚+飯+熱飲 only需要 $50！#酸菜魚：芽菜好多（佔3分1，其實唔錯），但唔夠味；魚唔算多；湯冇咩味，淡淡地，唔係好酸，好清淡～（我完全冇流鼻水）#飯：好足#熱飲：免費#服務唔錯，feel到餐廳員工之間好friend#環境都好乾淨～

因為係附近返工，中午人多都係買外賣返去食比較方便，基本上已經食過好多次了之前一直都係食酸菜魚，今日心癢癢想試其他口味，今次選了水煮魚，結果下次還是招牌水煮魚好了，水煮魚比較強差人意

突然好想食蒸魚，發現這間店有蒸魚賣，價錢合理，所以就和朋友一起在這裡用餐在門外見到有孖寶，晚市食都OK，選擇大眾化和量多。門口見到好像很多付款方式都接受但在收銀處，標示了只收現金、八逹通、Alipay 、Wechat。座位尚算舒適，一邊有梳化、一邊有軟墊椅子座位。我們選了午市套餐(11.30-14.00) 一個 - 蔥油覇王雞搭担担麫$70。店員細心問要不要辣，我們選了不辣。另加蒸魚飯餐$82，魚可選黃花魚或䱽魚；煮法可選用豉汁或清蒸，加椒粒就另加$15；飯可選油飯、白飯、上海麵、四川担担麵或重慶麻辣紅薯粉;飲品要加錢。由落單計，等了７分鐘，雞先到，香香的蔥味，新鮮的感覺。雞的肉量算平均，肉質有咬口，雞皮厚度正常。担担麵算大碗，女士如食哂會覺得好飽。由落單計，等了１７分鐘，魚就蒸好了。肉質又滑又結實，魚味十足，菜飯也正常。無加一。

今天午餐叫的是水煮牛水煮牛味道和口感可以 入味不會「鞋」夠辣 香味足 同事路過也說很香，飯量也夠 ，可以換粉類，辣度沒有選擇 不過我能吃辣 所以很可以 但是不太能吃辣的 要自己考慮一下 不是BB辣的水準….最後 加錢想喝咖啡 卻漏掉了/__\傷心 糖啊奶啊攪攪棒啊什麼都給了 就是沒有咖啡…..中午特別叫了 想補補精神卻沒有…..很失落….大家要check好飲品才出門…..回頭補拿什麼的 太麻煩了 中午飯鐘時間也不夠一來一回去要回的～

午市套餐可以免費配白飯/菜飯/上海麵/擔擔麵/麻辣紅薯粉。而凍飲需要+$5 ，勝在全單免加一雖然三款菜在餐牌上均列有辣椒，辣度是BB辣，大家不用擔心餐廳的辣度。$60 回鍋肉豬腩肉片配上高麗菜相當惹味！$60辣子雞即叫即整的炸雞，炸粉夠薄，故此食到啖啖雞肉，花椒及孜然粉令菜式更為香口。$64酸菜魚魚片滑滑無乜骨，酸菜非常足料，搭配大量大豆芽及寬粉，算是清淡口味的酸菜魚。總言之是比較健康的川菜，灣仔區會再訪的午市之選

Lunch Openrice落外賣幾快整好感覺係健康版酸菜魚唔辣、唔鹹、唔油食起上嚟有清淡嘅感覺但都夠味都幾好，川菜都可以食得健康下次試埋水煮先，睇吓仲係咪咁健康

今天要到港島返工，明知12:30後會度度都好多人食午餐，要排隊等位，所以我都係會早d 食左先，11:45 行過灣仔見到有間川菜就行入去試下，一開始睇餐牌都應該係覺得一份水煮牛就係跟一碗白飯，入到去坐低睇真D, 原來可以選 菜飯or 膽膽麵 or 上湯麵 or 酸辣粉，好正喎，我就選左最中意既膽膽麵，不過要飲品就+$5 凍飲，都加啦，野食黎到份量好足，水煮牛味道唔錯，不過你問我就會想再濃味少少，麵都好食，見到其他人食既野，個樣都唔錯，的確可以再去食多次，比錢果陣仲有9折，原來12:45 前離座就有，所以的確底

叫左酸菜魚加飯，其實可以轉其他唔同種類嘅面，都唔使加錢，酸菜魚好香好足料，啲魚都幾滑，質素幾好，可以選唔同辣度，嘢飲叫檸蜜都唔使另外加錢，食下午茶就更抵，值得一試