點心到 MIX·大排檔

營業中

休息中

今日放工同朋友係旺角行正一陣，之後去食大排檔～👅「點心到 𝐌𝐈𝐗·大排檔」提供優質而創新嘅點心之餘仲有粥粉麵飯🍚 晚市主打小菜，供應各式各樣大排檔小食、煲仔菜、炒粉麵、海鮮、撚手小菜、鑊氣小炒一應俱全😋👍🏻⋄⋄====—====—====—====—✦ 海鮮類✦🐚鑊氣豉椒炒蜆（$1）晚市而家做緊優惠$1就可以食到（原價$89），優惠以兩位起，每檯祇限叫1碟，優惠適用於星期一至四（五、六、日假期除外，只適用於旺角分店—$1炒蜆份量唔算細，新鮮爽口，肥美大隻，配上豉椒等配菜炒得非常開口，濃郁美味🤤⋄🐟豉汁蒸大鱔（$138）大鱔即叫即蒸，選用最新鮮的鱔，鮮味豉汁香味陣陣，件件滲入豉汁，色味香濃均勻，啖啖肉好滋味😍⋄✦ 招牌菜✦☘️鑊氣小炒王（$98）小炒王鑊氣滿滿，韭菜新鮮爽脆鮮香，沒有丁點泥腥味，加上大大隻蝦乾、脆脆芋絲、香口腰果和木魚絲等，再配埋靈魂XO醬一齊炒，超級惹味😋配白飯食一流，配大啤無得彈🍺====—====—====—====—.📌店名：點心到 MIX·大排檔 ’📍地址：旺角洗衣街39號金雞廣場地下1A, 1B, 1C號舖

一蚊可以做到啲乜，係點心到原來一蚊可以叫一碟豉椒炒蜆，肥美新鮮蜆肉配埋惹味香濃嘅蒜蓉豆豉，十分有鑊氣。-冰鎮咕嚕肉 $88.0真係好誇張，整盤冰墊底，熱辣辣嘅咕嚕肉遇上冰塊，咕嚕肉外層更加香脆內軟，配上新鮮嘅菠蘿，酸酸甜甜，口感豐富-秘製粉絲蝦煲 $138.0熱辣辣嘅煲仔菜，新鮮大蝦，蝦肉彈牙鮮甜, 蝦頭勁多蝦膏，粉絲索曬所有嘅精華，十分惹味，好食到停唔到口-楊枝甘露 $25.0香滑嘅楊枝甘露內有大量芒果肉及柚子配埋西米，十分圓滿

點心到 MIX·大排檔今次係我第二次回訪「點心到 MIX·大排檔」，仲記得上年年頭第一次食，最掛住係佢哋嘅黃金炸蝦球，今次再次回訪就見到佢哋推出$1豉椒炒蜆嘅優惠，每兩位可以叫一碟，供應時間為星期一至四1730開始，優惠有限，做完即止！呢間餐廳門口係有一級，輪椅人士都係要自備斜板進入餐廳，店員好好人會幫我搵適合嘅位置比我坐，一坐低就會遞上用不銹鋼水壺裝住一壺普洱茶，茶位每位$5，呢度餐廳係唔收加一服務費，想食點心又得，想食鑊氣夠嘅小菜又得，兩者MIX埋好正，又有充足嘅冷氣，非常正！1.豉椒炒蜆$1（每兩位先有一碟）（9.5/10）呢碟豉椒炒蜆無將貨就價，每粒蜆食落都唔會有沙，其他配料油洋蔥青椒等一齊炒，雖然$1一碟，但係份量都唔少，大家想食$1豉椒炒蜆就快d嚟啦！2.紅燒乳鴿（隻）$55（8.5/10）呢隻紅燒乳鴿外皮好脆，乳鴿肉質嫩滑唔鞋！3.深海墨汁海鮮麵$98（9/10）呢碟深海蜜汁海鮮麵份量好多，其他配料有三隻彈牙嘅大蝦仁、三舊帶子、魷魚仔、木魚絲同蕃茄仔等，麵就掛滿滿墨汁，咬落好彈牙，軟硬程度啱啱好，好唔錯！4.黃金桂花蝦球$108（10/10）呢個黃金桂花蝦球嚟呢度一定必叫

今次再次黎到旺角食點心到，一樣人很多爆場，但等咗一陣就有位啦，所有食物都係即叫即整，好新鮮熱辣辣 👍🏻熱情百香果蒸鮑魚 (兩隻)今次見到推介有百香果蒸鮑魚，未試過一於試下，鮑魚喺熱情果裏面，仲有一啲熱情果種子和汁佈滿鮑魚，令到鮑魚更軟熟，同埋有酸酸微微嘅奇幻感覺 😜紅燒乳鴿 (兩隻)一人一隻紅燒乳鴿，大細剛剛好，肉質鮮嫩，外皮好脆，味道調教得好好，不需要加豉油或者椒鹽已經好夠，風味十足 🤗鑊氣豉椒炒蜆而家做緊特價，一蚊一碟豉椒炒蜆，仲炒得好夠鑊氣，好軟熟，份量都好多， 唔會因為一蚊而份量少咗 😊乾炒牛肉腸粉第一次食乾炒牛肉腸粉，係將腸粉代替咗河粉，原條上幾有特色，牛肉都炒得好有鑊氣 😝

呢間點心到下晝做點心，夜晚做大排檔小炒，今日同個朋友兩個人又想食點心食呢間就啱啱好，樣樣都比較細碟~黑金流沙包 $27每次黎都必食🔥鬆軟嘅黑色麵包包住流沙鹹蛋奶黃🤩仲有3粒咁多~原隻蝦燒賣（2粒） $17可以叫2粒實在太好了~蝦肉大大粒飽滿黑松露菜苗餃 $30幾特別嘅點心，有菜有蝦有黑松露，少量嘅黑松露放面都帶來陣陣香氣鮑汁鳳爪 $32炆到好入味好軟腍鮮竹牛肉球 $26醬皇金錢肚 $28香茜牛肉腸 $28其餘都係酒樓嘅水準✨

最近旅行完返黎，好想食中式嘢，去咗旺角見到呢間點心到就啱曬啦😍不過夜晚無點心供應，啱曬食小炒小菜🥰餐廳環境光線充足，空間坐位寬敞，唔會好逼，餐排選擇豐富💗._.🦆| 紅燒乳鴿 |🦆乳鴿燒到好香脆，乳鴿唔會太細隻，配上豉油同鹽可以點，乳鴿本身整得已夠味，唔點都可以，肉質嫩滑唔鞋口·🦑| 椒鹽鮮魷 |🦑椒鹽夠香夠味，熱辣辣上枱，鮮魷大隻厚肉，數量多，好啱點黎送飲食，兩個人食的話份量足夠。·🥢| 肉絲炒麵 |🥢我最鐘意呢種乾炒嘅炒麵，脆身嘅面質，配埋濕嘅汁一齊食，好惹味，浸咗汁嘅面帶有少淋身，又可以索埋啲汁一齊食，好正！💓._.

已经是吃了好几次的了，除了环境好还有离我家近，比起其它大排档没有任何优势，今天去的晚了安排在门口，开门一直有风吹，特别难受，明明有好多空位置，比我们后面来的情侣反而能坐在卡位，我们要求换位置死活都不肯，直接不吃走了，态度太差，游客千万别来，省得气死。之前提交的差评还不给通过，我现在放上之前吃的照片，这个评论我就想让大家看到，什么时候这种价格又贵，装修可以的餐厅能找好一点的服务人员？？？让用户体验很差。

本來同老豆固定去開某酒家飲茶🫖，最近想帶佢試新嘢，就揀咗呢間新派點心店。3個人周日朝早8點幾到，當有一檯卡位的食客離開，店員就好主動問我哋要唔要坐卡位，第一印象係覺得佢哋的服務幾好👍🏻。卡位🪑闊落，坐得好舒適。後來窗外有陽光直射🌞，店員又過嚟同我哋講可以拉上窗簾，好貼心💞。我哋飲茶的時段點心冇特價，但茶錢平，$5/位。佢唔係用茶壺沖茶，而係用不銹鋼水壼裝住已沖好的清茶🍵，個壼保溫，所以倒茶出嚟之後水溫仲係滾燙🔥，要攤好一陣先飲得。呢度叫點心比較有彈性，蝦餃、燒賣可以2件咁點，適合1-2個人嘆茶。我哋3個人點咗4-5款點心。叉燒腸：勁多叉燒，腸粉都ok粉果：粉多，味道豐富，好食蝦餃：細細隻，勝在可以只點2隻鳯爪排骨飯：老豆必食蛊飯，賣相唔錯，籠仔上，飯量夠2個人share；不過，老豆話啲飯係先煮熟，再放入籠仔係咁意蒸下♨️，唔係原蛊蒸熟，扣分‼️黑金流沙包：上檯時個包熱到辣手🔥，但咬入去只係微暖，饀係流心🌋，唔太甜，幾好食👍🏻；估計係國內的急凍點心😂整體而言，環境舒適，服務唔錯，點心價格略高但味道👌🏻，茶就唔好抱期望。洗手間🚽🧻的乾淨程度可以接受。

食點心又食到小菜小炒幾好，多野食選擇可以揀，地方幾大坐得舒服🧉杏汁燉白肺湯 (1盅) $45都幾足料，瘦肉,雞骨,粉葛,豬肺,杏汁。飲落舒服嘅無味精味道，飲完個人舒服🥯卡通芋蓉包(1件) $10，黑金流沙包(1件) $10叫左兩個包點，個卡通包好可愛，包身軟熟，入面芋泥夠香夠棉滑。黑金包睇落高貴，流沙好流心好熱小心辣親自己，兩個包點都好食。沙拉骨 $88沙拉骨炸過之後脆脆地，沙拉醬夠多，每條骨都包住好多醬。濃味夠脆口，不過一定要叫埋碗白飯一齊食⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑🫖茶芥/位 $5🧉杏汁燉白肺湯 (1盅) $45🍗沙拉骨 $88🥯卡通芋蓉包(1件) $10🥯黑金流沙包(1件) $10🐟椒鹽白飯魚 $83🍚白飯 $12

今晚專登約咗個老友出旺角傾嘢，就打算搵間好坐啲嘅，地方又大啲嘅，可以坐耐少少嘅餐廳，結果就搵到「點心到 MIX 大排檔」。初時仲同老友講話食住點心傾，點知原來晚市無點心供應，主要喺食小菜，但既來之，則安之，反正我哋都無乜所謂。餐廳唔單止地方大，裝修光猛闊落，樓底亦相對高。因為都幾旺場，所以就未能夠坐晌近窗嘅卡位，但裏面都有好多大大細細嘅圓枱，比起大排檔當然舒服好坐好多啦，整晚客人絡繹不絕，出出入入人流不斷。雖然無機會試到佢哋嘅點心，但臨走時喺收銀度拎咗張點心紙，掃描出嚟俾大家當為參考。而晚市上文都講喺食小菜，翻一翻餐牌，確實有好多選擇，雞牛豬、海鮮、蔬菜、煲仔、小食、甜品一應俱全，而港式飲品、啤酒當然唔少得啦！另外仲有張海鮮專屬嘅餐牌，因為睇見餐廳都設有大大個魚缸養住各式海鮮，「筆直」多啲嘅就不防試啲海鮮菜式嘆下。呢度好似啲大排檔咁搵阿姐手寫落單，而全程有晒招呼，啲姐姐仲幾有禮貌。不過，就唔收加一，呢一點比較意外，又無收啲餐前小食費，只喺收番$5位茶錢而已。涼瓜肉碎煎蛋 $72呢個餸就貪佢有肉有菜又有蛋，煎得金黃完整，雖然加咗苦瓜粒，但食落苦味唔會太重，帶點點甘味，少少爽口感，又唔會冚

星期四收工落雨濕濕，就喺旺角搵啲嘢食。雖然以前食過呢間「點心到」，但今次都再想試吓其他嘢。佢位於旺角金雞廣場隔離。今次我同朋友就叫咗啲小菜嚟食，又真係幾好。我哋叫咗兩樣：豉汁蒸大鱔啲膳佢切得好大嚿，雖然係厚切，但係蒸得熟，膳肉本身好肥美，佢蒸得啱啱好。加上用豉汁蒸，額外顯得更加鮮味濃郁。金銀蛋上湯浸菜苗皮蛋好足料，配起上湯浸菜苗真係好暖胃，食落真係好滋味。鹹味同埋鮮菜之間取得好好嘅平衡，絕對值得一試叫嚟食。

位於旺角金雞廣場地下嘅點心到MIX大排檔，真係不同凡響，有別於其他點心店，呢度嘅點心材料新鮮，有獨特性又好食，唔係嗰啲中央廚房出品。**晶瑩鮮蝦餃**晶瑩鮮蝦餃皮薄透光，內餡鮮甜爽口，蝦肉彈牙，咬落去真係好滿足。**原隻蝦燒賣**原隻蝦燒賣每一粒都係大大隻蝦，肉質鮮嫩，配埋唔會過濃嘅豬肉餡，口感豐富。**沙律明蝦角**沙律明蝦角外層金黃酥脆，內餡蝦肉鮮甜，配上沙律醬，味道清新，唔會過膩，好啱夏天食。**豉汁蒸鳳爪**豉汁蒸鳳爪入味，鳳爪軟糯，豉汁香濃，啖啖都係豉香。**醬皇金錢肚**醬皇金錢肚煮得好腍，味道濃郁，醬汁滲透入牛肚，入口即化，非常滋味。**炭燒山楂鴨絲包**炭燒山楂鴨絲包外皮香脆，內餡鴨絲鮮嫩，配上山楂嘅酸甜，味道層次豐富，食完一個想再食。**金沙脆皮銀蘿腸**金沙脆皮銀蘿腸外層酥脆，內餡銀蘿清甜，口感獨特，好有驚喜。下次要再試下其他點心😋佢夜晚仲有大排檔食，有沙拉骨、冰鎮咕嚕肉，好想試下。

來旺角食晚飯，有陣時唔知食乜好，就會慣性來到飯堂點心到，食個家常便飯。來呢度有茶水有服務，而且環境超級熱鬧，好多時都滿座，食晚餐真係超有氣氛。首先點個開胃小食———炸大腸配鳳梨🍍$88 平時好少外面食炸大腸，呢度炸大腸好酥脆香口，加上鳳梨🍍就絕配啦。主食點一個餸都夠曬送飯啦———沙爹粉絲金菇牛肉煲$88 牛肉份量夠多，味道👅正宗入味，除左粉絲，送飯🍚都真係一流啊。黑金流沙包 $20 （2個）呢個招牌流沙包可以作為飯後甜品，而且好受歡迎，流沙流心真係無得頂，必食之選啊。

香港🇭🇰揾食篇📍想同屋企人揾食要坐得舒適，爸爸👨🏻喜歡吃鑊氣小炒就一齊到旺角大排檔《點心到》吃晚餐聚聚😚餐廳光亮潔淨有別於街市大排檔，職員服務態度都好好🙌🏿💫飛天通菜煲🥗通菜用石鍋盛載著，色澤鮮艷嫩綠爽脆，還有肉碎及辣椒🌶️鹹香味重帶微微香辣，好開胃🤤炒得夠鑊氣👍🏿💫黃金桂花蝦球🦐流沙黃金外脆內軟，外層充滿鹹蛋黃的鹹香味，再加上有陣淡淡的桂花香味，好清新😌每隻蝦啖啖肉好大隻又嫩滑💕絕對推介不得不吃🤘🏿💫秋葵野菌扒豆腐🍲招牌主打自家制秋葵野菌扒豆腐是一款全素菜式，口感似玉子豆腐一半原色一半綠色，賣相好精緻夠特別👏本身豆腐外層炸得香脆入面嫰滑口感層次豐富😋再加上雜菌同秋葵微微醬汁，好好味🥰💫雙冬蒸龍躉仔🐟雙冬蒸魚較特別煮法，原來是用冬菜及冬菇再加韭黃帶出魚鮮味，肉質彈嫩新鮮，材料豐富，而且龍躉不多魚骨易入口，魚汁配菜就這樣都可以吃一碗白飯🍚，大滿足👍🏿💫楊枝甘露🍧這款經典廣東甜品用新鮮果肉與濃郁椰汁製成，口感清爽滑順甜而不膩，作為晚飯後一道清涼解膩的甜點，楊枝甘露為美味的晚餐寫上圓滿句號😝

【旺角•點心到 MIX·大排檔】@ππππππππππππππππππππππππππππππ旺角氣派中式大排檔紅燒乳鴿清蒸海班魚杏汁燉白肺湯紅燒乳鴿：這道菜展現了中國烹飪中對於燒法的嫻熟。乳鴿選料上佳，膚色呈現出那種誘人的紅棕色，吃起來外皮微酥，肉質細嫩卻又保留了鴿肉特有的彈性。其獨特的肉香，配合上層層分明的紅燒醬汁，甘甜而不膩。清蒸海班魚：海班魚肉細緻，蒸至剛好的熟度，保留了魚肉鮮嫩的口感，透出淡淡的海洋氣息。配上的薑絲和葱花，不僅增添了清新的香氣，更將海班魚的鮮味提升到極致。杏汁燉白肺湯：白肺經過長時燉煮，變得極為柔軟，幾乎在口中無需咀嚼便能化開，與杏汁的結合既創意十足，又不失傳統湯品的溫潤細滑。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 250✨✨✨✨✨✨✨✨✨✨✨✨✨#旺角美食 #點心到 MIX·大排檔 #web3旺角點心到 MIX·大排檔旺角洗衣街39號金雞廣場地下1A, 1B, 1C號舖