黑龍

營業中

休息中

唔知大家有冇因為疫症已經好耐冇出街食飯呢？ 因為我地唔係一齊住既關係，所以仍然都會出街食下飯🍚 但行下行下真係發現好多小店都執左笠😞-今次就想介紹下，我地好鍾意、亦係我地食過係香港最好味既拉麵!! Nonono.. 係W小姐暫時食過全世界最好食既拉麵!!!-細個W小姐係唔鍾意食拉麵，可能因為某d拉麵連鎖店比左個好差既印象，但幾年前係北角食過呢間拉麵之後，完全顛覆左對拉麵既感覺，之後開始會試唔同既拉麵鋪，發現其實好多都好好味。不過呢間真係食左十幾廿次都仍然會好想食既拉麵🍜💯-😋黑龍豚骨拉麵 $88由日本🇯🇵廚師主理👨‍🍳，同普遍拉麵店一樣，有得揀麵既軟硬度，要唔要蔥，但呢間有隻特別既辣醬都可以揀份量，連W小姐唔食得辣，都會選擇要，配上豚骨濃湯真係好好味💯-佢北角分店已經結業了，非常可惜。宜家淨番灣仔分店，係利東街隔離，位置非常方便，真心希望大家可以去支持下佢，我地真係好鍾意呢間小店，包你地唔會失望!!!

呢間係我香港最鍾意食嘅拉麵個人食拉麵第一會睇湯，第二睇麵，只要個湯煮得好，落公仔麵都好食。呢間黑龍，係沖繩風味既拉麵店，將家鄉那霸市拉麵店「夢ノ弥」引入，湯底用上沖繩食材熬製十幾個鐘，連水都係用沖繩。招牌黑龍豚骨拉麵，牛筋black拉麵🍜 黑龍豚骨拉麵 💰88（👅: 9.5/10）店主打豬骨湯底，非常濃稠竭身，比一蘭個種再竭，香港既豬骨湯黎講應該係最濃，鍾意濃湯底或者重口味就會非常鍾意食。豬骨味重，係會想飲哂既豬骨湯，但因為重味飲哂要飲返啲水，店鋪另有提供清湯比客人稀釋個湯。可加辣醬，唔食得辣可能會覺得辣，但辣醬唔係死辣，係為湯加分既辣。麵質係細麵直麵，麵同湯好夾，非常掛湯，個人食拉麵鍾意食硬麵，硬麵沾滿濃湯食落去既口感非常滿足。豚肉有兩塊，偏柴一啲同味淡，無特別加工，但因為浸左落咁濃既湯，會加重返個味道。流心蛋正常發揮。配料除左紫菜，葱，仲有拉麵湯好小加既蒜頭，蒜頭擺落呢個豬骨湯入面，完全係錦上添花。份量正常，由於麵掛湯，食完已經食左唔小湯，足夠飽肚，唔夠喉可以加麵食埋剩低既湯。細麵直麵，非常掛湯環境唔算闊落，好經典拉麵鋪bar枱加幾張枱，門口有一大盞日本燈籠，幾有日本風味。除左黑龍

灣仔數數手指其實都有好多間拉麵店，依間晏晝lunch time一定大排長龍，想試咗好耐都冇機會，今日趁放工按摩完就去試試。今日呢就帶咗兩個牛筋black沾麵，沾麵好有咬口，唔會話太硬太軟，佢個湯加咗孜然粉，非常之野味，不過唔食得辣嘅人可能會覺得佢有好輕微嘅啦，不過就係有依種孜然粉，令到食麵嘅時候好入味，但又唔會覺得好油膩。佢啲牛筋係軟身，不消幾口已經溶化入口。唯一不足呢就係佢隻糖心蛋，未能夠做到流心嘅感覺。但總括來講，沾麵同湯底係出色嘅，你仲會不自覺咁樣飲晒啲湯。一碗$98，唔算話好貴，其實我自己覺得唔需要加大都好足夠，除非你真係好餓啦！另外我哋亦都加咗一個小食章魚燒，佢個章魚燒呢系即炸，所以上到枱記得唔好即刻食啊。炸嘅時間啦亦都啱啱好，唔會太燶。我自己個人認為依間日本拉麵喺灣仔咁多間來講算係排第一二，而且佢主打沾面，不失為晚餐嘅一個好推介！

🇭🇰黑龍·呢間我之前lunch已經同同事食過一次㗎啦 嗰日夜晚因為想食啲有湯嘅嘢 所以我就再嚟幫襯啦😎·黑龍豚骨拉麵$88我都係第一次食佢既拉麵 佢個湯底比平時食開嗰啲濃同埋厚身好多 所以超級掛湯 掛到我地食到一半覺得要加翻少少清湯🤣而且佢個辣醬都真係幾辣 但係加咗係真係惹味啲嘅佢塊豬肉望落都幾柴 不過食落好好多 雖然都真係偏乾 不過冇望落咁柴🙊🙊·牛筋black沾麵$98我上次都係食呢一個架 因為我記得佢個牛筋超好食 所以今次我就encore左 我覺得今次個水準都保持到嘅 個湯底都仲係唔錯 而且個麵條軟硬度都岩岩好 不過我今次個湯佢唔夠熱😭😭佢只係暖 所以整體成個感覺都差少少 傷心😢不過佢入邊嘅牛筋真係超好食 我覺得佢嘅牛筋係好食過佢啲豬肉😂·餃子$38佢個餃子一上枱係超級香 佢真係煎到啱啱好 外脆內軟 而且入邊仲保留到個肉汁🤤而且佢嗰醋都好好味keke·#rbyeat#rby日本菜#rby灣仔·📍灣仔汕頭街29號地舖

係仲未識到新同事前要自己一個人係灣仔到搵野食~係Openrice 到sort 左d 拉面店就搵到依間叫黑龍o既拉面店..(PS:依個名令我諗起終極一班添)XDD係1230去到,等左大概5分鐘左右...店員就叫我入去。入到去店鋪, 裝修都好接近D 日本拉面店, 位置唔多~大概10-20個位左右, 同埋係滿坐o既。Menu 同普通拉面店一樣,有得揀軟硬面, 要定唔要配菜, 湯o既濃度啦等等...不過特別之處係依到有一個選項係揀要唔要洋蔥。So far食過咁多拉面店....好少有洋蔥食個choice!~不過重口味開o既我都係鐘意蒜蓉依個choice 多d。XD第一次食就試左最普通o既拉面: 黑豚豬骨拉面外加一隻溏心蛋。大慨5分鐘..廚房已經準備好個面遞比我。一攞到個面o既感覺係佢配o既紫菜同其他拉面鋪頭唔同, 唔係一塊而係一堆o既。味道上我覺得好味過平時一塊塊個d。而可能因為依個拉面店因為有得食沾面o既關係..佢配拉面o既湯底都比較"傑"同濃d, 但就唔會太咸! 不過店舖都好貼心有個湯壺放係枱面比客人加湯調較番去一個岩自己O既濃度。總括黎講, 我覺得依間拉面鋪係值得encore o既!

作為一個拉麵狂熱姐一定有聽過灣仔龍虎鳳今次帶先大家去灣仔睇龍....龍之拉麵黑龍!灣仔的龍虎鳳分別是指牛骨湯豬骨湯和雞湯的拉麵各有千秋各有特色 他們的牛骨湯拉麵內有牛筋配上濃厚的洋蔥和黑蒜油他們的湯質感濃厚掛湯力強特別想稱讚他們的糖心蛋水準一流平時的糖心蛋切開蛋白是沒有顏色純白的但他們的糖心蛋切開示豉油醬油的顏色浸在蛋白上唯一缺點是叉燒偏瘦會癡牙除此之外本店亦設有售賣沾麵沾麵是傳統日本沾麵煮麵後會過冷河口感非常彈牙!平常食其他沾麵店他們的湯吃到一半便會冷掉但他們的沾麵湯吃過麵後仍是暖的我問過師傅他們是用熱石嗎?可是師傅拒絕回應我猜想這是他們的致勝秘訣不可外洩

黑龍疫情原因 post 少左。今日 OT 來，放左工後行到灣仔，見到呢間拉麵排緊隊，咪入去試下咯。拉麵館叫黑龍，係真 · 日本人主理。我聽到侍應都係同師傅講日文，我當然唔知講咩啦。。。第一次來到，唔知食乜好。見到個舖頭名叫黑龍，咪叫黑龍，無死！發覺真係唔錯 wor。我食咁多次拉麵，發覺最鍾意都係個湯底。如果個湯底好，咩都好。如果湯底唔好，d 麵再煮得幾好食都無謂。佢個豬骨濃湯真係唔錯，除左豬骨外，仲有鰹魚味。叉燒係非常琳，我見到其他人話係半肥瘦，但係我呢塊就一 d 肥都無。係幾好食！最後見到有 d 唔夠飽，想叫炸雞，但係賣曬，侍應就介紹章魚燒。我本身對章魚燒麻麻地，因為都係食 d 日本既醬既問到。今次食落覺得比一般章魚燒好食 d，鍾意食章魚燒既朋友可以試下。

🏮黑龍 l #灣仔灣仔巷內的小日本，由居港日本師傅主理，入內設計有日本風格 紅布開放式廚房 吧枱🥰🇯🇵呢到主打北海道風味的豬骨濃湯底 加入濃濃的鰹魚，比平日的湯多一點鮮味而且較濃郁！ 食完之後加個白飯或者加昆布湯食都好正！另外辛辣的沾麵都好值得推介，想食爽口啲可以點冷麵，咁可以食到尾都咁彈牙！黑龍豚骨拉麵 $88湯底濃郁 除了鰹魚的濃 還有豬骨和雞湯的濃，入口食到滿滿的骨膠原！ 配菜還可以揀蔥和洋蔥，加入洋蔥後味道更濃，但層次比較豐富！ 豬肩肉薄切，煮得入味軟諗！主角唔係個麵，而係黑龍獨有的配菜，新鮮的紫菜 有大海的鮮味！🥰🥰🥰辣三枚肉沾麵 $98 （小） 麵可以揀冷熱 正宗食法當然係揀冷麵啦！粗身的麵條 有d似烏冬 但多了一份咬勁！半熟流心蛋 做得出色 醬油調味剛好！湯底中有d 豚肉粒，比拉麵湯底更濃 麵掛湯力高！辣味有層次！ 三枚肉肥瘦適中 帶點豬軟骨 ！_________________

火都黎12:58 落單1:13 分 同我講有客等緊叫我埋單走，啱啱食完條麵，叫咗罐可樂都未飲過就趕人走依家有限聚令坐得一半我明，食lunch 15分鐘未食完真係好過份？我當你碗麵3分鐘上，12分鐘一定要食完，野都唔俾人飲埋？講返食物叫咗牛筋拉麵，味道正常（偏鹹）性價比低，冇午市套餐一碗麵加罐可樂齊頭$110，計性價比真係唔值牛筋兩條，叉燒一小塊唔計佢個6uo服務都未必會再幫襯灣仔返咗兩個月工最嬲嘅一餐lunch！

一直都未曾食過沾麵，大少提議去黑龍，我一見到個餐牌已經眼前一亮，終於有機會去食沾麵。大少叫咗黑筋 Black 拉麵，咁我梗係食辣三枚肉沾麵啦。大少碗拉麵望落去都正正常常，佢味道一般，佢之前已經食過，所以冇乜大特別。我個碗期待已久嘅沾麵。因為天氣熱所以我揀咗冷麵。望落去我個面有啲似烏冬，跟住之後我上網查，原來沾麵係粗麵，響日本名叫做太麵。我真係孤陋寡聞，今日又學多一種新食物。沾麵都比較彈牙，個湯底就微暖，個人主觀覺得熱多少少會比較好。因為啲面要點落啲湯度食，所以個湯底比較鹹同埋比較杰，但這是正常的。今次食咗沾麵，下次會再嚟試呢度嘅其他拉麵。

1️⃣ 黑龍豚骨拉麵 - 基本辣 $88 (6.5/10)走沖繩風味嘅拉麵，見門口話係用魚介醬油同豚骨整嘅湯底，所以比平時嘅拉麵濃好多，似沾麵嘅湯咁😳我地可能食慣平時個種湯，所以唔係咁啱我哋口味🙈相反個辣嘅驚喜，撈勻咗成個麵，令個拉麵嘅味道多咗層次💕紫菜佢係比一堆曬乾的嘅昆布你，浸一浸落個湯度再食好正🥰成碗面有大概兩塊好厚嘅豚肉，味道幾好，唯一係乾身咗少少😗Pooh中意食蔥所以另加左$8嘅蔥🤣📌整體來講味道幾好，但未算好特別，但值得一試佢嘅特濃湯底☺️2️⃣章魚燒 $20 (7/10)反而無諗過拉麵店嘅章魚燒會咁好食😳味道同平時章魚燒專門店賣嘅好似，配合埋燒汁，$20 4粒真係唔夠喉🥺佢比出面嘅細粒少少，但當係做小菜咁食就啱啱好🥰唯一係外層有啲太脆口🤣3️⃣餃子 $38 (6/10)味道唔錯嘅，哩個價錢有5隻都幾抵，仲要每隻餃子都幾大😋係個味道未有太大驚喜同突破，中規中矩😗Ig: chill.with.polaf

晚上與女性朋友相約於灣仔共聚晚餐，一向愛吃拉麵的我，到灣仔當然要光顧黑龍拉麵，這裏的食物質素挺好的，食材均由日本人親自煮製，於是我便再次到此光顧。牛筋 Black 拉麵湯底色澤呈深啡橙，加入胡椒調味，入口濃稠漿口，辛辣惹味，麵條選用白身的蛋白麵，口感煙韌彈牙，掛湯力高，而配料有叉燒、溏心蛋、牛筋，叉燒軟腍嫩口，肉味香濃，溏心蛋稠密緻滑，蛋味濃郁，牛筋分量眾多，口感豐腴爽滑，綿軟鮮香。吉列豬扒吉列豬扒炸制時間拿捏恰到好處，色澤呈現金黃，選用薄身切法，口感外脆內軟，鮮嫩香口，肉味濃郁，酥脆不膩。整體而言，裝潢簡約舒適，富有日本風味，環境乾淨衛生，食物用料新鮮，味道製作出色，是與朋友吃拉麵的好選擇。

黑龍🍜🐉.💕個人分享😋🐖黑龍豚骨拉麵🍜 $88 (updated!)湯底是非常濃郁的豬骨湯，感覺日本師傅用心烹調而成的。硬麵食感不錯，掛湯能力強。兩者在一起令口感非常濃郁，吃到一半或會覺得飽膩。😋配料有常見的蔥、紫菜、味筍和洋蔥。洋蔥算是一般較少見的配料，但配搭非常濃厚的食感有驚喜。洋蔥的辣和爽口可以中和油膩口感，感覺是師傅特意這樣配搭的。可以選擇辣度，如果平常不太吃辣，叫普通就剛剛好，也能突出湯底味道。整體來說不錯，非常飽肚，喜歡濃厚系的朋友記得去試試。✨😍===========================🌶辣三枚肉沾麵🍜 $98沾汁除了是豬骨湯底外，還加了七味粉與辣粉，喜歡辣的朋友可以試試看😋😋👍🏼而麵溫可以選擇冷熱，我選擇了傳統的冷麵(朋友推薦!) 而沾汁冷了，可以叫店員幫忙加熱水👍🏼🥚另外，蛋是超級推薦!! 蛋白帶醬油香味，吃下去有幸福的感覺🤤😍===========================🐙章魚燒 $20章魚燒吃下去有一大粒章魚🐙而我選了燒汁，非常足料!☺️～～～～～～～～～IG/FB: herine_sum (更多好西分享✨)

過去幾年，每到灣仔，必定係因為公事。因公到灣仔，必定獨訪黑龍。上個星期六到銅鑼灣辦事，又心癢難搔，完事又特登搭車到灣仔，食個「牛筋Black」拉麵。每到黑龍必食「牛筋Black」，點知一坐低店員就話因為無「牛筋Black」用開個隻麵，所以只剩白雞鹽味拉麵可點。我若有所失，重覆問了兩次，店員又重覆兩次。老實說，論豚骨拉麵，出面大把選擇，「牛筋Black」無，豚骨拉麵又無，要食雞湯不如行遠少少食「鳥華」。「鳥華」可能比開業時差，但黑龍贏唔贏到？好難講。更何況，我就係衝住「牛筋Black」而來，如果只有雞湯實在入門時應該出聲，當下於是就想離席而去—其他野我可以忍，拉麵我唔得。另一位店員好野，即刻上前話用第隻麵代替—太好了，有得食。等候其間，諗諗下又覺得唔怪得人：一時漏講啫，又不必太介意。點咗「牛筋Black」，再加辣木耳，一碗白飯—自從學日本人食拉麵加白飯就番唔到轉頭，而「牛筋Black」又的確好配飯，多多都食得落。麵用咗第種，無問題。湯底照舊夠熱又有少少黏口，重點係濃而不鹹，配上生洋蔥，輕輕刺激層次更豐富。牛筋對食開潮州粉麵既香港人而言無甚特別，值得讚係牛筋從來唔「渣漏攤」，軟淋可口而不致

朋友身為拉麵控所以今日我哋嘅晚餐就係黎佢其中一間最愛嘅拉麵店我哋7:00到達已經開始出現人龍係呢個咁炎熱嘅天氣底下 好彩只係等左10分鐘就有位😆😆😆😆好鍾意食牛肉嘅我諗都唔使諗就揀咗食牛筋black拉麵呢度嘅拉麵碗都好有中華料理風配料亦都相當豐富入面有叉燒牛筋木耳同埋溫泉蛋呢度嘅拉麵湯頭非常濃郁而且相對上稠身 聞落去已經好香🥰🥰🥰麵係幼身嘅太麵 所以每一條麵條都可以掛到湯不過由於湯料太豐富嘅關係食到一半已經會開始滯不過整體都係覺得呢間好食嘅！值得一試