麻酸樂米線專門店 (+WOO嘉湖一期)

營業中

休息中

無啦啦入咗天水圍，人生路不熟，撞咗入麻酸樂，好彩絕對撞得正確。食物賣相佳，兩個人撐枱腳，溫馨又滿足。味道當然也不令人失望，個粉夠晒味，清新不油膩，夏天最合適。小食也不遜色，雞翼好入味。

睇戲前，食個飯先，見到有間米線就入去試試好唔好食啦最初見到個冬蔭功湯米線，都有d吸引ge入到去，食落個米線其實真係好一般lor，再叫左個手拍青瓜同豬耳，點知都係一般再一般

豬潤麻辣肉碎湯底米粉31叩左大辣，大家餓，份外感好吃，開胃，大碗。驚喜，望樣不辣，但食到我咀麻，係我想要的，掂，豬潤都可以。咸肉墨丸酸辣湯米粉38驚喜，新竹米粉，酸辣大辣不辣，咸肉不咸，普通豬肉，墨丸幾彈牙wo，因為有粒粒。加17小食椒鹽無骨一口雞好香，一上台，上菜勁快，炸到幾脆，很邪惡。跟餐加8手拍青瓜店員推，話有2蚊捐，所以叫。量不少，爽口，酸酸地。跟餐加6凍奶茶x2少冰都不稀，味道對，價合理。食後感：價錢好平，才106！新界有樣好，佢話勝在平。特別感謝：他突然驚喜

係銀座搵食, 大部份食肆都幫親過,  唯獨這間唔知點解心中有點抗拒,  但又唔記得咩原因, 在商場逛來逛去不知道想吃什麼須則唔知點解心中有點抗拒, 但都好耐無幫親, 就試下吧!!! 招牌十式米線套餐(MENU上寫了十樣材料), 貪佢餸多, 就選擇了它, 但$49 並不便宜圖片跟現實是有段距離, 不要盡信圖片, 本人是明白的,   以十個餸計, 這份量..........................我的中麻辣湯底, 竟然係..........清湯+打邊爐的麻辣湯包醬, 完全是一個沒誠意的湯底由於份量不多, 完完全全可以K.O. , 味道只是一般, 味精重, 米線湯底跟打邊爐的麻辣湯底很像嗎?最有誠意的.......算是這杯綠茶, 不是使用車仔, 御品皇.....等牌子茶包, 綠茶味很香且濃, 剛好蓋過麻辣味精湯除了麻辣湯底, 還有冬陰功湯底, 相信湯底都係清湯溝冬陰功醬米線舖noodle expert 還要賣台式食物,  人家也是賣米線也是連鎖式經營, 為甚麼質數會相差那麼遠, 所以都不用比較, 現在終於明白當初自己點解心中有點抗拒(太耐了,忘記自己曾經幫親過)

晚餐時分，四處亦是人山人海。想要找個位置也甚為艱難。幸好剛巧看到這間餐廳有幾枱人正要離開，便在這餐廳落座吃飯了。我們四人一行人叫了兩個二人餐。當中就特別說說我有嘗過的肉燥鹽酥雞飯、咖哩吉列魚飯還有滷水拼盤。這鹽酥雞飯的肉燥還挺不錯，只是略微偏甜，但混著飯吃味道仍是不差。鹽酥雞則炸得有點乾，一口咬下肉質挺好，只是⋯真的有點乾。而吉列魚飯的咖哩微辣，吉列魚則較乾，因此還是把咖哩澆在吉列魚上吃才好吃。單吃魚跟飯就是乾，果然咖哩汁很重要。至於滷水拼盤味道不算重，也不夠咸，但是其中的滷水豆腐很好吃，嫩得很。

今天因工作關係去咗嘉湖。完成工作後，諗住食碗米線當晚餐;見到麻酸樂唔使排隊，就入咗去；點知，唉！食咗一碗好難食嘅米線。自選湯底：鮮茄味菜炸菜湯, 另選泰式魚餅及泡菜餅做餸；首先，湯底無鮮茄（連一小粒鮮茄都見唔到），而且味道好淡，無乜味； 根本好似把水溝入小量蕃茄醬就算泡菜餅（相片中長方形嗰塊），其實都唔知自己食緊D乜，冇泡菜味之餘，中間D透明物體又唔知係乜；泰式魚餅，都算正常少少，但味道偏辣唉，呢間嘢真係冇下次

餐廳有d位係係路邊 有一次下午茶時段經過 見到有客人枱上個碟雞翼 好似好好味 所以一直就想搵日黎幫襯$30蚊一個下午茶 可以選一個餸 一湯底 一款麪 一碟小食 仲有一杯凍/熱綠茶價錢係幾吸引的 但食過先知味道呀酸辣湯 小辣 係唔辣既蕃茄炸菜湯 普通咸味 無問題但兩碗麫都唔熱???????????可能因為下午茶 個碗都幾細 好岩小朋友 應該食得晒餸方面 就普通啦 但因為湯都唔熱 基本上成碗都扣晒分 全餐最好味就已經係隻蒙古雞翼其次係杯熱綠茶 個茶包都幾香始終食野 緊係講味道 經過親依間野都有客既 雖未至於爆滿令我好疑惑其實依班人對食有乜要求

今日做完野同朋友食晏，佢就話去食呢間。佢有套餐係一個米線加一個小食咁既。 我叫左個魚腐米線小酸辣，小食要豆腐皮蛋。朋友就叫左豬肉丸紅薯粉小麻辣既，小食要炸雲吞。魚腐米線小酸辣好味既，但個湯就唔係好酸同唔係好辣，開頭我以為係蕃茄湯。個魚腐好食呀，唔會腥。 米線唔會好淋，最中意硬硬地既米線。豬肉丸紅薯粉小麻辣都唔錯，朋友話最中意佢既豬肉丸，佢次次都會叫，於是佢俾左一粒我試下。 一咬落去好彈牙好好食呀，唔會好淋zi zi 咁。 好味道！豆腐皮蛋個汁辣辣地幾好食，d 豆腐好滑，d 皮蛋撈埋d 汁都好好食。個炸雲吞就差dd 喇，一黎佢炸得太犀利，二黎佢成舊野都好似係粉黎，只有少少食蝦，我諗佢有9/10 都係炸粉，所以我覺得幾油膩同埋好似只係食緊粉咁。

天水圍太晏真係冇咩選擇，而我本身對呢間嘢嘅米線都會覺得尚算OK，因為我間中會想食清少少而黎呢度，佢個清湯算係OK。但我嗰日去，見佢有個SET話係叻沙咪試下，始終我對星馬泰菜有點鍾情，但我食唔到佢所謂嘅叻沙應有味道，只係有微辣，冇其他叻沙應該食到嘅味道。份量仲要唔多，只係足夠裹腹，唔係飽~仲要咁嘅價錢，呢個SET絕冇下次！

扮完靚﹝剪頭髮啫﹞，想要碗麵醫肚，除了好似好出名的譚仔之外，我到了這裡搵食。先講食嘅，這裡跟譚仔一樣，主打米線，都是麵底再加錢加餸，不過我就要了預設的款式「招牌十式米線」。所謂十式，其實是十款餸，手打肉丸、墨魚丸、牛丸、雪場蟹棒、雲耳、鮮雞柳、泡菜餅、蘿蔔、韭菜、芽菜、豆腐、金菇及腐竹，餸款是簡單普通款，又加一丁點特色﹝蟹棒及泡菜餅)。味道亦不錯，丸類雲耳夠爽口，雞柳夠滑，泡菜餅微辣，但為一眾淡口食材增添了味道。而湯底亦有得揀麻辣、芫茜皮蛋或清湯，我就要了芫茜皮蛋湯底，因為喜愛芫茜清新的香氣，再加皮蛋可以下火。跟餐亦送上一杯冰凍蜂蜜綠茶。整體上就是一碗簡簡單單，清清地的湯米線。

來到這角落位的麻酸樂，位置都幾偏僻，完全地不起眼。下午茶選擇都有6款，再配以小食一款，都幾吸引，小妹便入去找位置坐下。地方不算大，感覺都算迫狹，只限於三兩客人，多於4位都難以容納一張枱。小妹今日只得一個人，挺寫意的~下午茶有6款不同的配搭，價錢分$33及$35，小妹選了 迷你韓風剌骨上海拉面$33，可轉米線/上海拉面/米粉/紅薯粉，而湯底亦有5款選擇，相當有彈性，小妹揀了酸辣湯底。套餐包括韓式泡菜餅2件、蒜香骨2件、韮菜、芽菜、腐竹等。送上枱時芽菜和韮菜份量多得驚人，而韓式泡菜餅外表像午餐肉，質感卻似托肉，與泡菜餅好像連不上關係。初時以為蒜香骨是金沙骨，但原來只是切件炸豬扒，上海拉面是幼身偏淋，份量都足以當午餐。配小食一款，小食也有A-F 6款選擇， 蒙古大漢雞翼2隻，炸得太乾身，肉質感偏小。飲品方面只限於熱綠茶/凍低糖綠茶，轉其他熱飲+$6，凍飲+$8，小妹升級至特飲 芒果乳酪+$8，底下是芒果醬，飲用時要與乳酪徹底搞混，帶酸甜味，感覺不太甜很易入口，都不錯。埋單共$41，與平常午餐價錢差不多。

下午茶好抵，31蚊有個迷你米線+小食。叫左個海鲜冬蔭公湯底米線，有蝦，硯，蟹柳同腐皮角。好濃味好味！另一個係蒜香骨蕃茄米線，都幾茄味架小食叫左個醋浸青瓜，酸酸地好味，仲有泡菜餅，泡菜好辣，配鹹鹹地既煎餅，好正

下午茶時段開始肚餓 口淡淡唔知食乜好 所以是但走去食辣野叫左個冬陰公湯底海鮮配料既紅薯粉辣度就一般 配料份量都ok既 有蝦球 蘿蔔 蜆各一 不過個蜆好細隻 冇乜味 蝦球幾爽口幾鮮再配左款小食圖片果然只供參考 得果5舊 不過酸酸地好開胃 唔錯

平時都已經食開屯門分店既麻酸樂 最鍾意食佢地既十式 因為咩都有hehe   湯底係麻辣 不過我覺得個湯底似酸辣多d就一般啦 配料好豐富 有腐竹 份量都好多 又有牛丸冬菇好正 食完都唔會覺得濟 最好食係佢地既泡菜餅 夠辣  誠意推介

麻酸樂 字面解釋便是麻辣酸辣 ?餐單中有酸辣麻辣蕃茄等等的湯底 符合麻酸樂的意思 算是新店開張 人流算不少的 不少上班族 學生也會到來享用午息 用餐的環境不俗 以綠油油的牆 白雪雪的桌子和椅子 配搭鮮明 可以有助顧客食欲 店舖的空間不只是這圖 還有設在外的用餐空間 大約也有10多張桌子 所以用餐地方頗闊的 不用怕擠迫 點餐速度頗快 上餐等待大約五至十分鐘便有 自選酸辣紅薯粉$23up 可自由配搭配菜 eg 蔬菜類 丸子 特色小食有 煎/吉列 豬扒 蝦棒 雞粒 等等圖中的湯底較淡 可能是點了小辣 金銀蛋芫茜湯底+豬肚 $23up友人認為湯底清淡易入口 招牌十式米線 配料十分多 黑椒牛丸 手打生肉丸 腐竹 金菇,秀珍菇 ....料多豐富蕃茄湯底不太出色味道一般酸上泰式酸辣醬的蝦棒 十分開胃惹味 上枱時也是熱烘烘的 差點燙到了口 海哲青瓜 酸溜溜的醬汁是最為吸睛的 整個成敗也因這醬汁 言而這個醬汁令我留下深刻印象 下次也會翻點這道小食