麻辣年華 (大壩街)

營業中

休息中

媽咪話好耐冇食過烤魚，所以今日帶咗佢出荃灣食麻辣年華入到去環境光線充足，好光猛，坐得都幾舒服而家見佢啲餐牌好似做緊特價，我哋就嗌咗個烤魚套餐呢盤烤魚一上場都幾震撼，因為上面原來仲有海鮮，有鮑魚、蜆、魷魚同埋蝦隻鮑魚都幾大隻㗎佢哋話呢條魚特色就係冇乜骨，所以呢食落就啖啖肉，條魚本身都幾厚身，我哋嗌咗中辣套餐仲包咗兩串羊同兩串牛，我要讚賞吓個羊，我平時都唔係好食羊嘅肥膏，但係呢全羊嘅肥膏真係好香，如果怕騷嘅朋友呢可能就未必接受得到，因為真係好騷好好食咬落去仲會彈啲汁出嚟兩隻燒生蠔，勁多蒜蓉，夠晒蒜香！ size我就覺得正正常常啦套餐包咗嘅六宮格，原來就係有牛丸、蝦丸、豆卜、蟹柳、午餐肉同埋一個類似蟹籽包嘅嘢豆卜朔晒啲湯好好味，原來淥午餐肉食都係好好食㗎😂😂😂同媽咪每人嗌咗一杯至尊水果茶，職員話係佢哋嘅王牌飲品，夠晒大杯，夠晒解渴，入邊仲有我最鍾意嘅百香果添😌烤魚嚟講，呢間質素算幾好

叫左個青藤椒烤魚2人餐，再叫左大嘅水果茶。個餐除左有烤魚仲有串燒，都只係400幾蚊，超抵食首先，講下佢哋嘅香辣羊肉串同牛肉串啦，食落去嘅時候，辣味正中紅心，肉質又嫩，真係惹味到爆！講到藤椒烤清江魚，呢個就更加唔得了，鮑魚、鮮蝦、魷魚嘅組合，麻辣鮮香，每一啖都令人回味無窮。最癲嘅係條魚勁大條，啖啖肉！！！完全無細骨，食得好開心！六宮格嘅蟹黃丸、牛丸、煎好嘅餐肉，每樣都係精選。飲品方面，3L大水果茶真係夠晒霸氣，一拎過黎，真係大到嚇親，一大壺嘅水果茶，真係飲極都仲有，大癲！夠晒你同班Friend一齊飲。而且價錢公道，喺荃灣呢個地方，能夠食到咁嘅美食，真係賺到！總括來講，呢間小店嘅食物質素同價錢，真係冇得輸。下次你去荃灣，記得要去試吓，保證你食完之後，會覺得值得再嚟！

麻辣年華今次要介紹荃灣廣場隔離嘅川菜餐廳叫「麻辣年華」，佢哋有個二人餐好抵食，$498有烤魚、海鮮、鮑魚、打邊爐嘅六宮格、羊串、牛串同燒生蠔，之前原價要$550，真係好鬼抵呀！輪椅人士如果要入去食嘅話，要自備斜板，門口嘅一級都算幾高，出入呢間餐廳都要小心！烤魚套餐$498（麻辣小辣）（原價$550）1.至尊海鮮烤魚（9.5/10）呢盤至尊海鮮烤魚份量真係超多，首先就係條清江魚好鬼大條，最少起碼兩斤重，條魚外面係煎過有少少脆，湯底揀咗麻辣小辣，麻麻辣辣好開胃，食完條魚仲有好多其他餸，仲有4隻好彈牙嘅基圍蝦、4舊雕咗花嘅魷魚、14隻無沙嘅蜆肉、2隻好彈牙嘅鮑魚、紫洋蔥、芽菜、芫茜同檸檬等！2.六宮格（9/10）食完烤魚，仲有呢個六宮格，六宮格份量都唔少，放入烤魚個湯底打邊爐真係幾唔錯，六宮格包括有3粒彈牙嘅蟹子丸，3粒有牛味嘅牛丸，4片煎過好脆嘅午餐肉，3舊滿滿蟹子嘅福袋，3條蟹柳，10舊豆卜！3.羊串2串+牛串2串+生蠔2隻（8.5/10）呢四串串燒燒得好外脆內軟，唔會燒得好乾，食落好惹味，羊肉唔羶，牛肉唔韌有肉汁，生蠔又大隻又鮮甜，蒜蓉味非常足！4.繽紛水果桶$138（10/10）呢個

之前都食過幾次，時隔接近一年再食，味道仍然保持水準！串燒盤包含多種串燒品種，有雞有牛有豬有蝦有腸仔有玉米，真係非常之好☺️燒烤味都比較出！而且底部還有蠟燭點住，可以保溫，不用逼自己快速食曬，以免凍左！雞煲半隻都已經係足夠兩人分量，確實係抵食✌🏻✌🏻✌🏻慢慢食，之後雞味加辣味就會越食越出味，紅糖糍粑都係心水食物！不會太重麵粉，然後軟硬適中，至尊水果茶都係咁足料，重點係***大大杯***👍👍夜晚收工諗唔到食咩野，真係好去處✌🏻

今日晚市，同屋企人路過，見有間食酸菜魚既餐廳，叫左2人酸菜魚加配娃娃菜同午餐肉，3人食，份量唔少，足夠3人食，味道不錯，值得一試。下次可試椰子雞煲，羊排煲，佢重有串燒。

行過路過，望餐牌，服務員好踴躍，抱着試吓嘅心態，誰不知伏了，燒蠔一啲都唔惹味，只可以講溫度正常，串燒完全一啲都唔好味，牛肉串好韌，成口除咗調味料嘅味道，食材嘅味道係一啲都食唔到

今日下午來到大壩街見到呢間麻辣小店客人唔多，自己又想食辣嘢，入到去全用QR Code落單今次叫左魚片濃湯米綫$48,另加$28可以食到特價串燒（雞，牛，魷魚）,再加$8叫杯凍檸茶魚片米綫湯味幾濃，魚片數量尚多，食落啖啖肉無魚骨，魚肉味道可以重啲仲好，個湯可以再加多啲酸菜會更加入味，三款串燒都幾好食，魷魚夠爽口彈牙，牛肉味濃肉質夠腍，辣味好夠，雞肉夠肉汁味道唔錯呢間小店環境都算舒適，食物上枱速度尚快，呢度仲有雞煲，烤魚，酸菜魚，水煮魚同其他川味小食選擇，下次黎會試試下添！

星期二放工時間，同兩個fd去左荃灣敘舊，朋友介紹食呢間川菜，第一次試，估唔到味道咁好。麻辣年華有兩間分店，我地去呢間比較新，就響荃灣廣場後面。個門口閃閃發光，裝修幾靚。入到店鋪第一個印象係好乾淨，水吧入面d杯杯碟碟都擺得好整齊，個地下又好乾淨，唔會有一d痴笠笠的感覺，真係好抵讚！不過影太多相怕俾人覺得我怪，所以無影到個出奇咁乾淨的地下！店舖唔會好大，但已經有三個服務員，而且佢地超好禮貌，遞上menu之後會主動問是否需要介紹一下食物！我地比較內斂，就叫佢擺地低自己慢慢睇。Menu好靚，而且選擇超多，有麻辣雞煲，椰子雞煲，酸菜魚，燒烤，烤魚，琳瑯滿目，最後我地都係叫返服務員介紹下，哈哈我地三個人揀左個烤魚二人餐，服務員話份量都多，條魚好大，食完唔夠可以再加配料打邊爐！我地就一於睇下條魚有幾“大”先！個烤魚等左大概10mins就上啦，真係好驚喜，原來除左烤魚，仲有鮑魚，魷魚，基圍蝦同花甲，簡直係海鮮拼盤！我地叫的係藤椒味，有少少麻辣。個味道又一次俾到我地驚喜！1.首先條魚真係好大條，估計真係足兩斤！成條魚煎過曬，咬落去好脆口，d魚肉又厚又甜，配埋d藤椒湯一齊食，真係好正，最重要係，條魚無骨g

於麻辣年華食咗一餐，深得我心。首先提下佢嘅八珍海鮮米線，米線爽滑得黎一d都唔淋，湯底鮮香微辣，啖啖海鮮，好夠晒料；三隻烤蠔，每隻都大隻飽滿，塞滿嘅蒜蓉加埋烤得啱啱好嘅蠔肉， fresh到不得了！串燒部分，雞、羊、魷魚同牛肉都燒得惹味，外脆內嫩，每一口都係美味！最正嘅要數小辣烤蠔同麻辣小龍蝦，烤蠔啲蒜蓉香到飄三里，小龍蝦啲肉彈牙鮮美；紅油炒手尤其令人驚喜，手工水餃炒得外脆香口，仲有微微一點焦香，加上麻辣醬料，正宗巴蜀風味；最後飲嘅凍檸茶好消暑，清新解渴。點甜心願正所謂甲乙丙丁，食咁多，又唔會太辣，正到飛起！環境舒服，價錢合理，絕對係個影相打卡兼食好西嘅好地方。率先推介給大家，唔該要試下呀！👍🤤😋

我是常客、差不多每星期去一次了。最好味的是茄子😋、朱腩肉。鍋巴海鮮，蔬菜等等還有一杯超大的果汁飲品。超抵讚。平日午餐，價錢亦很優惠，如果套餐，串燒平均$4條呢！分量大啲，價錢尚可。環境唔老土，光猛潮流😂

上個月放工即興去食烤魚，我先點了一個海鮮大盤魚，食得烤魚當然不希望有魚刺。店員推薦了清江魚。我選擇了牛油麻辣的中辣口味，辣度剛剛好，可惜食唔出牛油味道。魚肉十分鮮嫩滑爽，並且沒有細小的魚刺。除此之外，我還點了一份毛血旺六宮格，主要是因為我想品嚐一下鴨血。鴨血的質感非常滑嫩，其中一格是花生，可以選擇用烤爐加熱或生吃。不過生吃的話，有一陣油膱味。在享受辣味之餘點少得凍飲，一杯冰涼的至尊水果茶，少冰少糖，非常好喝。這杯水果茶帶著水果的香氣，非常適合解辣。下次我來的時候，我會挑戰一下大辣口味。

在大壩街看到超亮的招牌 門口還有隻大Ryan 哈哈 直接吸引了進去看到門外的菜單 烤魚、酸菜魚、串燒、小龍蝦、麻辣燙、麻辣水煮、小鍋米線… 您想到的川菜 好像大部分都有 二維碼下單 金湯酸菜魚 [$198] 適合2-3人份原本裏面已經有個薯粉再+$ 要了土豆粉及火鍋川粉 （太愛粉條了🤭）要了小辣 超大一盤 魚量還算很多 魚質嫩滑 還有幾條娃娃菜 非常入味👍🏻·串燒超值組合 （45串）[$158]雞肉串、牛肉串、豬頸肉、豬雪花、小酥肉、烤脆丸、烤粟米、魚豆腐、芝士腸（共計45串）朋友真的數了竹籤數量 是真的有45串 哈哈 其中有兩串是空的🫢所有都很好吃 都是孜然粉的味道 每款食物數量也很平均 除了粟米…粒🌽口感是有嚼勁的糯玉米 才對吧🫣·冰鎮藤椒魚皮 [$48]爽口入味👍🏻這種涼拌魚皮真的很好吃😋·至尊水果茶 800ml [$48]店員說是即切的新鮮水果做的 超大一杯 水果都真的很新鮮 超抵飲👍🏻·餐廳一直播放著韓文歌 真的有點搞笑🤪看岀店主應該很喜歡韓國🇰🇷下次要試試烤魚 看到旁桌的賣相很吸引

麻辣年華係荃灣有2間分店大大份好重料抵食好食食得出用心製作海鮮大盤金湯酸菜清江魚 $288大大盤 魚既外皮已煎得好香脆酸菜非常入味仲要入面已經有好多唔同海鮮例如 鮑魚 蝦 魷魚 蜆等而且佢有啲檸檬係到酸酸地令到個層次再昇華而魚既肉質嫩滑少骨到尾聲先食蝦 超級入味超好食烤極品生蠔 $86有3隻 蠔好新鮮而且size都唔細蒜 蔥 辣椒配埋好有蠔味既生蠔一齊燒真係好想encore豉椒炒蜆 $98蜆好好食 炒得乾身入味份量仲好多添下面有爐一直燒住保持熱度好食醬爆一口牛 $95十分推介！！個牛炒得好有牛香味咬落去又唔會老切既厚度又掌握得好好又香又入味又好食超多肉 唔似出面個啲得啲椒下面仲有個爐一直燒住保温海鮮盛六宮格 $138啱晒三心兩意選擇困難既你入面有帶子 蝦 生蠔 鮑魚 蟹柳 龍蝦丸全部都新鮮好食 加落個烤魚煲到啱晒最鐘意佢既蝦同蠔 完全吸晒湯既味至尊水果茶 $48抵飲 因為佢係800ml 都只係48係出面叫杯野飲2啖就冇晒但係依到大杯又平之餘入面好足料 好多唔同生果例如西瓜 蘋果 橙 提子 檸檬etc.雖然多唔且生果 但個味出到黎都係好好味夠飲足依餐飯👍百香果多多 $36又係大大杯 同埋

我同我同事都一樣咁鍾意食辣野，佢介紹荃灣廣場對面間「麻辣年華」好抵食，份量多，有海鮮烤魚、酸菜魚、串燒、串串香、乾鍋，啱晒我哋呢啲大食又愛辣之人😍川椒檸檬泡鳳爪爽脆嘅白雲鳳爪配上酸酸辣辣嘅川椒檸檬汁同青瓜絲，非常開胃嘅冷盤金湯酸菜魚+萵筍、土豆粉食川菜又點可以少得酸菜魚🐟份量超大，湯底酸、香、鮮、辣，以魚湯熬製而成，呈金黃色，酸菜嘅酸味同辣椒嘅辣味互相融合，入口味道層次豐富。魚肉爽脆而鮮味，內有大量芽菜、木耳、娃娃菜、酸菜，用金湯泡飯食非常正👍🏻豉椒炒蜆用鑊仔上，上枱時仲用火熱住架，咁就唔怕食食吓會凍咗非常貼心，蜆肉新鮮冇沙，用豉椒爆炒散發出濃郁嘅香味同辣味，配上辣椒、洋蔥、京蔥，香口又惹味醬爆一口牛上枱時一樣用鑊仔上，鑊氣十足香噴噴，發出"支支"嘅聲響，鮮嫩嘅牛柳加上豉椒、辣椒、洋蔥、京蔥等去爆炒，肉味香濃，送飯一流👍🏻牛肉串、雞肉串、魷魚鬚、蒜香孜然雞中翼串燒做得非常出色，牛肉軟稔多汁，一啲都唔會老，雞肉嫩身，魷魚鬚口感彈牙，雞翼蒜香味濃，焦香味十足，配上孜然粉同炸蒜，令人食唔停口至尊水果茶🍉🍎🍊🍋🍇大大杯嘅水果茶，入面有各種各樣唔同嘅生果，蘋果、西瓜、橙、西柚、青檸、提子、蕃茄仔

炸雞，串燒，酸菜魚米線全部都好好食。 一開始俾呢間鋪啲酸菜魚＆乾鍋吸引左，睇下menu 仲有串燒，烤魚，覺得幾吸引但又怕佢做咁多瓣會唔專唔好食，第2次經過諗唔到食乜就試下。又係scan code 嗌野食，第1個抵讚位就係好多options，米線已經有好幾個湯底揀，最後梗係揀金湯酸菜湯底啦第2樣抵讚位就係啲位好闊落，食野食得舒服真係好加分。之後跟餐加左串燒set＆炸雞，總結就係，全部都好好食，唔係ok而係好食！仲要晚市都唔算貴，即刻黎讚下費事佢執笠（可能新鋪見佢晚市坐唔滿）