麻辣年華 (大壩街)

溢左個一人套餐干鍋小炒肉，裡面有豬肉、青椒、紫洋蔥，明明係同一鍋嘢，但係只有肉係有味既，其他兩樣野淡茂茂。俾配菜拉低了整體的味道，好失望，原本食一啖肉既時候覺得唔錯，結果食多啖青椒既時候完全無味。…查看更多

朋友帶我黎第一次試呢間餐廳當時已經係夜晚9點 店員態度好好 安排我哋三人坐張闊落啲嘅枱☺️平時好少食串燒 因為覺得要食好多先飽我地3個人叫咗個🔹串燒組合套餐🔹包括勁爆乾鍋、串燒組合、開胃小食各一款我哋揀咗京蔥爆肥牛、串燒45串同紅糖糍粑😋另外仲叫咗燒茄子、烤年糕、烤秋刀魚✨—————————————————————-🔹京蔥爆肥牛微辣唔會好辣 幾有鑊氣同惹味🔹45串串燒包括有魚蛋、粟米、豬頸肉、雞軟骨、滋滋腸等🔹串串鍋揀咗蕃茄湯，味道幾好，唔會太濃🔹紅糖糍粑熱辣辣，好似麻薯咁幾煙韌…查看更多

今日過嚟荃灣做貓奴，買貓糧貓砂😮‍💨咁啱見到隔離川菜店嘅烤魚好吸引🤩 食埋晚餐走都係唔錯選擇佢哋有烤魚、雞煲、串燒仲有啲鑊氣乾鍋，見到個二人烤魚餐都幾抵食就試吓🤥脆皮烤魚二人餐$498有番茄濃湯、金湯酸菜、青藤椒湯、牛油麻辣，我哋揀咗青藤椒湯，同加咗$18海鮮烤魚。海鮮分別有鮑魚、蜆、海蝦 呢個價錢比嘅份量幾多吓。 青藤椒湯麻麻痺痺，幾好食。江團魚大大條，肉質嫩滑肥美😛乾鍋農家小炒肉，好多青色尖椒，質感爽脆，帶少少辣再配豬頸肉一齊炒，好好食。整體調味啱啱好，又夠鑊氣👍🏻至尊紅柳羊肉串 羊肉重孜然香味，令羊膻味無咁強烈。黑椒牛柳串 濃郁黑椒香，牛柳燒得有啲乾身，整體都正常金銀蒜烤生蠔 生蠔大大隻，蠔肚夠晒肥美 再配埋大量金銀蒜，重口味之一🫶🏻百香果多多+ $18百香果加益力多，酸酸甜甜，夏天開胃飲品。至尊水果茶+$24呢杯真係好大杯，有800ml而且水果都足料，有西瓜、橙、蘋果、百香果、提子🍇食完辣嘢再飲返啖果茶，簡直快活過人 又解辣👍🏻👍🏻…查看更多

麻辣年華今次係我第二次回訪呢間四川菜餐廳，餐廳叫「麻辣年華」，記得上年離開呢間餐廳時，差少少向前輪椅翻轉，就算有陰影都要入去食，實在辣得太過癮！呢間四川菜餐廳門口係有一級，比平常一級高少少，輪椅人士入去除咗要自備斜板之外，仲要馬力開足前進，前進前進前進進，咁先可以進入到餐廳入面，今次離開餐廳記得向後倒車，驚險場面唔會再出現！1.孜然牛柳炒飯$69（10/10）呢碟孜然牛柳炒飯份量都幾多，牛柳炒得啱啱好，我以為會好硬，點知牛柳咬落非常淋，牛柳大約最少有15塊，炒飯竟然係揚州炒飯，最衰無得走青豆，我基本上咩都食，唯一最討厭係食青豆，揚州炒飯炒得好有鑊氣，飯炒到粒粒分明，最後仲跟埋沙律菜，正爆滿分！2.京蔥爆肥牛 配飯$68（10/10）呢碟京蔥爆肥牛叫咗大辣，辣得好過癮，肥牛份量都算多，大約有10片肥牛，仲有個爐點著火令京蔥肥牛保溫住，最後呢個餐仲配埋飯，正！3.至尊水果茶（800ml）$24（10/10）呢杯至尊水果茶上次叫咗3L，真係多人食野先好叫3L水果茶，水果茶入面有西瓜、提子、橙、青檸同蘋果等，跟套餐叫水果茶就有半價，呢杯800ml大約可以分到四小杯，二人份量都好足夠飲，原價要$48一杯有800ml，如果想叫3L嘅話，原價就要$1382人總共價錢$156個人口味總評分：10/10   @spicyyears  地址：荃灣大壩街53號地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#麻辣年華 #荃灣 #荃灣美食 #荃灣好去處 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

## 食評：荃灣脆皮烤魚店的$498 2人餐最近我去咗荃灣一間人氣烤魚店，試咗佢哋嘅$498脆皮烤魚2人餐，真係幾抵食！### 脆皮烤魚首先，當然要提下佢哋嘅招牌——脆皮烤魚。魚身金黃酥脆，外面嘅皮薄薄一層，咬下去嘅時候，口感非常爽口。內裡嘅魚肉鮮嫩多汁，完全冇腥味，配上特製嘅醬汁，味道更加提升！醬汁有少少微辣，正好令魚肉嘅鮮味更突出，仲有香香嘅香料味，真係一食成主顧。### 乾鍋農家小炒肉接住嚟係乾鍋農家小炒肉，呢個菜式色香味俱全。豬肉炒得恰到好處，肉質嫩滑，仲有啲醬油嘅香氣。加上青椒，味道更加出色。乾鍋嘅做法令菜式唔會太油膩！### 至尊紅柳羊肉串羊肉串方面，至尊紅柳羊肉串係兩串，肉質鮮嫩，味道非常香濃。羊肉本身冇腥味，調味亦做得好好，令每一口都充滿咗香料嘅味道。外面烤得剛好，咬下去有啲脆口。### 黑椒牛柳串另一款黑椒牛柳串同樣出色，牛肉串亦係兩串，肉質非常鮮嫩，黑椒味道濃郁，唔會過於辛辣，每一口都帶住黑椒嘅香味，真係非常開味！### 金銀蒜烤生蠔再講返金銀蒜烤生蠔，兩只生蠔上面鋪滿咗金銀蒜，烤得香噴噴。生蠔肉質鮮甜，蒜蓉嘅味道令整個生蠔更加有層次感，食落去好滿足。生蠔唔會過煮，保持住原本嘅鮮味！### 飲品飲品方面，我哋叫咗水果茶，真係超大杯，裡面有多種新鮮水果，味道清新，唔會太甜。仲有金柑青檸梳打，清爽可口，正好中和咗烤魚嘅油膩感。### 總結呢個$498脆皮烤魚2人餐真係物超所值，份量十足，仲有多款美味菜式，無論係口味定係質素都好高。…查看更多