麻辣串串香

營業中

休息中

荃灣串燒 平時係荃灣食飯 林林總總多數食開都係冰室又或者係放題打邊爐反而好少真係荃灣食 串燒今日經過呢間串燒鋪頭 見到一面主打係麻辣燙同埋唔同嘅燒物 最緊要係都幾多人 心諗多人嘅地方一定無死啦燒大扇貝 $45/each扇貝上面鋪滿晒蒜蓉醬 扇貝都大大隻隻食落去口感一啲都唔硬 幾鮮甜 食串燒又點可以冇咗原條茄子$42上面鋪滿左蒜蓉醬 茄子整到好林好少連茄子皮都食埋 大大條嘅茄子真係一定要叫芝士蘑菇串 $22個人反而覺得呢個芝士蘑菇幾抵食因為一串都有三粒 雖然唔係大大隻嘅大蘑菇但係size都 可以接受 燒魷魚鬚$18燒雞全翼$22芝士雞肉串 $22呢個雞肉都緊要㗎因為幫助補充番蛋白質呀嘛可以但係今次嚟到就冇食到麻辣燙不過見到隔離枱好多人都有叫下次嚟試吓先總括嚟講荃灣呢間鋪頭開嘅位置方便野食食落去全部都OK 荃灣住嘅朋友要黎試吓啦

舊同事約我去食呢間位於荃灣既串燒，話好正宗好有風味，我非常樂意奉陪🤝七點半去到，見到坐滿晒，就知舊同事無介紹錯👍由於非常時期，一坐低店員就遞上熱辣辣既滾水洗餐具，衛生唔錯👏我叫左個四餸酸辣粉，朋友叫左個五餸酸辣粉，另外叫左8款串燒share～佢啲餸$6-$10一款，但分量都幾多， 豬紅好滑，豬潤爽口唔粉，芋絲索曬啲汁好好食串燒左至右順序係白鱔，露筍， 一口甜蕃薯， 雞軟骨，墨魚丸，魷魚，雞心，雞腎～白鱔嘅皮燒得好脆，厚肉又滑​蘆筍冇渣好甜​墨魚丸彈牙同真材實料，來貨應該幾靚👍​雞心雞腎都好爽口​唔怪得呢間餐廳就算唔係喺荃灣區嘅美色集中地都高朋滿座👏👏

收工想飲吓啤酒食吓串燒...呢度的確係一個絕佳嘅選擇！個人認為佢好味過佐敦重x燒多多聲🤭燒白鱔：真係一點再點，食唔停口😋燒到外面脆卜卜裡面滑一滑！真心推介🙌🏼安格斯牛：串燒到7成熟，咬落唔韌肉味仲好濃，正👍🏽燒韭菜：都係我賣飛佛！自己去BBQ學人燒但失敗咗🤣都係串燒店最好食😋燒豚腩：呢個都正呀！燒到甘香脆口，佐酒一流😎蒜香焗沙白，同燒原條茄子🍆：都用上大量蒜蓉，啱哂我呢D蒜蓉控🤤🤤另外仲叫多個麻辣燙，粉絲加幾個餸就夠哂飽🤩🤩🤩

今日係荃灣突然好想吃串燒同酸辣粉，就揾左間叫串串香專食麻辣燙同串燒嘅餐廳。餐廳總共有三張紙俾你填，佢有好多款配菜俾你自己tick。係填寫期間，店員就主動遞上一盆熱水同餐具，呢樣服務值得一讚，因為好多餐廳都係冇熱水俾你清洗餐具。我哋嗌左一個大嘅麻辣燙配紅薯粉($42)，因為第一次試怕會好辣所以就揀咗BB啦！因為有好多種揀，花多眼亂，而佢呢個就有晒好多嘅材料，有魚蛋、魚皮餃、朱紅、豬皮、牛腩、墨魚丸、時菜、蘿蔔，大大碗唔洗驚食唔飽，佢嘅湯底一啲都唔辣，但佢嘅麻辣香味同紅薯粉好夾，所以食完會再想繼續食落去，不過下次我會再嗌辣啲😋😋😋另外，我哋仲叫左一碗自選酸辣紅薯粉，蘿蔔、水魷魚、肥牛，小辣湯底，酸辣嘅湯底好味過麻辣燙湯底，完全係平時食嗰隻酸辣粉嘅味道，好正宗，最中意佢勁多花生同酸菜，正！兩碗嘅紅薯粉都彈牙好爽身，佢仲有其他面類俾你揀架！係燒物方面，我哋都嗌得幾多下🤣🤣🤣認真好推介好好味🤩👍🏻燒原條茄子($42)必叫！佢呢隻小茄子蒜蓉超多，麻香味好重好重，燒得好冧，仲好食過好多串燒檔！燒豆卜串($16)同娃娃菜($12)必叫！🥰豆卜燒到卜卜脆！娃娃菜索哂啲味好正！其他就嗌左燒羊架($34)、

成日經過呢一間位於荃灣嘅麻辣燙店 都好想試吓佢係咪好傳統 今日終於有時間過嚟試一下！一直以來都以為佢剩係得麻辣燙食 細心一睇原來佢仲得order 串燒入到鋪頭，雖然只得一個職員(可能係老闆娘)但佢就好有禮貌 雖然佢忙想緊 但係都用有禮貌嘅態度同我哋講嘢！佢叫我地先填寫枱面嘅紙睇吓想食啲咩。 然後放低左一盆水俾我哋洗野好想食酸辣粉嘅我 order咗一碗 而女朋友就叫咗一碗麻辣燙(由於佢有選擇恐懼症，所以佢揀咗鋪頭set 好咗嘅麻辣燙套餐)酸辣粉可以自己加任何配菜佢嘅味道拍得上旺角其中一間好出名嘅酸辣粉店👅入口感受到麻辣同酸既化學作用🥰食到停唔到口而大大碗麻辣燙最完美嘅地方係佢咩都有啲，啱晒選擇困難症的女朋友🤣🤣女朋友點咗BB辣 但發現自己可以再辣一啲 於是職員好好咁俾咗辣椒將佢自己加👏 大食嘅我哋 又點會淨係嗌兩碗野🥱🤤 我哋order左對方最愛嘅小茄子，豆卜，燒娃娃菜，雞腎，羊架，芝士丸同雞翼等等出奇嘅係一間麻辣燙店， 竟然可以笑出咁高水平嘅串燒！不得不讚茄子同豆卜！茄子好肥美唔似平時串燒店嗰啲瘦猛猛，而且爆多蒜蓉🥺真係好回味！而豆卜燒得啱啱好 唔會乾爭爭同店舖嘅調味好足夠嘢飲方面我哋

同事話今日happy Friday，約我去食串燒，佢話午餐時段經常幫襯的食店，除有酸辣粉之外，仲係一間串燒店呢度係一間重慶口味串燒店，辣度有香辣、走辣選擇，食物質素幾新鮮，酸辣粉有5種辣度，大、中、小、bb辣、走辣都有，價錢都幾抵食先叫咗一碗大大碗酸辣粉（bb辣），配8款餸，有魚蛋、魚皮餃、豬血、豬皮、牛腩、墨魚丸、菜、蘿白，碗粉真係好大碗，湯底順喉，麻辣味平衡，薯粉彈牙，有咬口串燒就有燒白鱔，牛舌，芝士蘑菇，魷魚鬚，茄子白鱔肉質Q彈牛舌、魷魚鬚香口蘑菇釀上芝士，真係非常美味燒茄子上面報滿蒜蓉，真係回味無窮四川小食有手拍青瓜，青甜爽脆，醒胃之選尖椒皮蛋，皮蛋跟一般食開嘅唔同，色澤透明黃黃哋，入口好彈牙，尖椒脆口，但幾辣總括來說，食物新鮮，價錢平，媲美日式串燒店

今日荃灣行街街，到左lunch時間搵野食，荃灣出名多種類餐廳，要選擇真係有d困難，見到麻辣喎，即時令我口水流，就行左入呢間麻辣串串香到試下。入到去已聞到麻辣味，個肚隨之而打鼓😂呢度裝修以紅色為主，好襯麻辣呢個主題😂😂咁我地叫左一碗～大大碗麻辣燙（小辣～包含左有蘿蔔、豬紅、魚皮餃、豬皮、牛腩、墨魚丸、魚蛋和時菜）真係大大碗架😱仲可以加$7換罐可樂。👍🏻朋友就選左碗自選麻辣（BB辣～腸仔、響鈴卷、雲吞）跟住又點左呢度必選既燒原條茄子，茄子上鋪滿左蒜蓉，一絲絲咁食，簡直震撼我既味蕾😂；又點左餃子釀雞翼、牛舌、雞軟骨串、雞腎串、日本一口蕃薯同埋韭菜串。值得推介係個上韭菜串，排列整齊列唔捨得食😂味道同賣相都性價比高👍🏻店員好nice，上菜又快，真心抵食。

某天晚上同朋友去左荃灣河背街食晚餐，餐廳都幾多人嫁，自助落單寫紙落order,我地坐低叫左燒大扇貝，好香蒜蓉味同勁大粒，好鮮甜，燒茄子原條茄子燒，好淋好好味，燒安格斯牛肉好香肉味，好juicy,燒菠蘿份量好多好甜，燒餃子加雞翼好特別，好香口，餃子涵响雞翼入味燒完真係好好味，啖啖肉，制作功夫十足，燒鴨舌都好有趣口感特別，燒秋葵原味風味一流，燒雞軟骨都好入味加左辣粉好香，燒白鱔推介，厚肉香口，好香魚味，仲叫左碗辣既紅薯粉，bb辣都真係麻辣得幾過癮，入面仲有蓮藕，萵笋，牛柏葉，紅薯粉彈牙好有咬口配辣汁湯底不錯。

星期日，偷懶日，老公帶我去食辣嘢，今次揀咗間我想食好耐的小店，每逢食飽散步回家必定經過的一家串燒店～店面不大，但可以坐室外，也別具風味，呢度除燒物串燒，仲有麻辣燙丶酸辣粉同車仔麵。重慶燒集麻香辣甜於一身，種類繁多，雞牛羊豬丶時令海鮮丶時蔬一應俱全。老公唔好麻辣燙同酸辣粉，所以揀咗個五餸一丁車仔麵，而我就要咗一個大麻辣燙跟紅薯粉。呢度粉麵同麻辣燙係用外賣碗裝，高高一桶，裝到好多嘢～先到車仔麵，肥牛丶豬皮丶牛柏葉丶牛丸同豬大腸，小辣，牛柏葉爽，豬大腸肥美，肥牛腍滑丶而豬皮夠爽口又索汁，小辣不太辣。值得一讚係整碗麵除咗多芫荽同葱之外仲唔會油淋淋。而我就梗係叫麻辣燙，佢有個大碗套餐，8個指定餸加粉麵都係＄42，仲有菜有丸有肉，好低食！8款餸分別係菜丶牛腩丶蘿蔔丶豬紅丶魚蛋丶墨魚丸丶豬皮同魚皮餃，D餸每款都有2~3件，童叟無欺。牛腩腍滑又大嚿，蘿蔔又甜又爽，豬紅都好爽實，配埋麻辣同滑溜嘅紅薯，絕配串燒我地叫咗五款，先嚟雞軟骨丶安格斯牛，燒粟米，雞軟骨要左一串辣一串唔辣，個人中意帶辣口味，既香脆又帶麻辣，而安格斯牛燒到大概五成熟，有牛味，入口軟腍。燒栗米原條上，又大條又香甜再來豆腐卜同魷魚鬚，夠乾

差唔多一年冇來食串串香，有點掛住串燒同燒茄子，weekend 返來荃灣就食返一次。串燒同燒茄子一如既往咁好食，但係環境變左d，最唔習慣係播嘅歌，以前都會播下廣東歌，今日店舖係咁播大媽電音/廣場跳舞歌，超唔慣。 以前個收銀姐姐都不在鋪，有冇人知道發生咩事？🥺 下次都唔知好唔好來堂食

有麻辣燙酸辣粉仲有串燒食❗️價錢中等麵類幾抵食 串燒款式唔算好多但應有則有😉-麻辣燙配薯粉就必定啦但俾我發現佢有魚麵揀不過就要額外加錢咁第一次食就試下啦！魚麵就唔係話真係好有魚味但個質地幾特別好彈口😂配料就正常丸類水魷牛餐肉響玲等等👍-串燒推介雞皮燒到好脆！好特別但$20得2塊仔就有D貴🤨蒜蓉金菇呢D必食既好入味👍另外仲有第一次見既豚肉年糕卷年糕卜卜脆一D都唔硬😋其他串燒都係正常冇乜特別🤣

最近來開麻辣串串香食串燒，都多左來，數數手指都已經係第三次來食，正所謂食過翻尋味的。今次照舊一碗麻辣燙，小辣，薯粉。原來發現好多人都會點麻辣燙，$42大大碗，有好多料，湯底又正，真係好抵食。今次試新野，就係涼拌豬耳，我想講食過咁多家有豬耳的餐廳，這個麻辣涼拌豬耳真係無得頂，面頭有點麻辣肉碎，涼拌著真的好正，而且辣得好過癮，食完一條雖然好辣，但忍唔住係咁食。其他的串燒照舊order肥牛金針菇，羊架，魷魚蘇，雞軟骨，脆肉瓜之類，今次我們有點聖子，好新鮮好好味的。我們堂食都見到好多街坊來外賣，可見麻辣串串香係受歡迎的，大家要來試下。

呢間有串燒有麵，選擇頗多，因驚齋食串燒太dry,所以先叫麵託底。響鈴墨魚丸魚麵。上菜見到響鈴咁大舊插咗係度幾震撼，不過未算好大碗，但咁樣只係$3x，堅抵。見有魚麵幾得意揀咗，有咬口，似烏冬但無咁滑，感覺新鮮！朋友叫麻辣麵。我自己唔好辣，朋友意見係堅麻，佢揀咗bb辣，覺得都幾ok。見到麵嘅份量就開始叫唔同嘅串燒。燒魷魚呢個堅型！未算好腍，但勁有炭火香。後面豚腩肉唔算好肥但油脂豐富，略嫌有啲韌，但都可接受。雞軟骨超正，熱又脆！送酒一流！多春魚我麻麻，朋友話抵食。有露筍叫，唔算多渣，好有串燒炭香味。有啲菜係開心啲嘅。追加芝士雞肉串，比想像中多芝士，咬落爆汁，正。最頂果串係墨魚頭，賣相一般但食落比墨魚嘴更有口感。我覺得呢間論味道未必係最頂級，但係呢個價錢黎講真係性價比高！試諗下兩個人黎，兩個麵加六七串串燒唔駛一百，真係相當抵食。

一串光陰一串金！麻辣串串香噴噴😆返工時成日都經過但未曾幫襯過，今日天氣突然凍左好多...想食D辣野刺激一吓🤪🤪收工就行過去試一試，一坐低就梗係叫碗麻辣燙先啦🤭一碗粉絲一碗烏冬...邊食邊點串燒😈點餐就好似車仔麵咁，咩材料咩辣咩都自己配搭！呢一大堆串燒裡面係有...雞中翼！雞軟骨！燒白鱔！墨魚丸！牛肉丸！金菇肥牛！燒韭菜！燒菠蘿！蒜香焗沙白！🍢🍡🍢🍡重點推介：燒白鱔，燒到好香脆咬落彈牙👍🏽蒜香焗沙白，勁多蒜蓉好香而且沙白亦比一般較大隻👍🏽埋單人均消費都係$150，抵食又好味😋

路德圍、海壩街一帶一向係美食匯聚之地，但大部分都係粉麵飯，比較少輕食之選。呢日行經發現轉角開左間麻辣燙，岩哂我呢啲中意食小食又好辣嘅人有酸辣粉、麻辣燙、串燒三類中式麻辣菜式選擇。麻辣燙選擇咗中辣，相信味道為配合港人口味經過調整，即使中辣都唔會太重麻感，係帶明顯椒香嘅香辣。因為預左配搭麵食，淨餸份量唔算多，金菇比較細撮，同價格成正比。完全吸收哂辣汁嘅金菇依然爽口，一咬咇哂汁，更能品嚐到湯底嘅辣香。牛腩肥瘦分明，瘦肉鬆化，脂肪軟嫩，不帶油膩感，好似食梗五花腩咁。燒羊架入口孜然味濃郁，蓋過羊羶味，怕羶味嘅可以放心點。肉質偏結實堅韌，脂肪組織偏膩。芝士雞肉串鋪上芝士片加以火灸嘅鹽燒雞串，入口偏鹹，宜佐啤酒。燒白鱔魚肉鮮嫩爽彈帶嚼勁，魚脂部分油脂豐腴無油膩感，入口油香洋溢。餃子雞翼釀入韮菜絞肉餡料，食落充滿韮菜嘅獨特香味，個人感覺偏細隻，但正好點到即止