麻布茶房 (已結業)

連續放3日假的感覺特別好，相約朋友下午tea一tea就更好餐廳全是卡座的sofa位，寬闊舒適不嘈吵，靠窗邊還可看到街景。本來想食芭菲解下暑，但見到下午茶menu上有新產品，立即改變主意。蕨軟糍抹茶芭芭羅亞冰淇淋圖片賣相吸引，點知中了伏。碗仔內greentea mochi加cream食減少甜度，但依然偏甜，不夠抹茶味; 啡色幾件軟軟的物體甜到一個極點，實在太難食下去了唯一食得下的是一小球抹茶雪糕及糯米粒，是最正常的。朋友揀的芒果乳酪窩夫，碟中中央有一大空隙，想點先?!我只嚐了一口窩夫，蛋味不足且不夠熱，毫無誠意食物方面完全失望，價錢貴且過份甜值得讚的只是坐得舒服，而且服務佳，服務員不斷主動為我們續茶…查看更多

夏日熱辣辣辣辣呀好熱好熱熱到無厘神氣， 要冰凍下叉下電先得！我呢個view望住呢兩杯綠茶加埋餐廳和室的設計觀感好舒服啊…燈凳done鄧~~ 巧克力草莓芭菲$78很想要吧？ 唔知係咪天氣熱， 軟雪糕上檯時已經呈現比薩斜塌的形態， 奶味ok濃， 淋上朱古力醬&杏仁片， 圓球雪糕係士多啤梨味，下層有d紅豆蓉，再下層有d士多啤梨醬+寒天粒。 因為有新鮮士多啤梨中和甜度， 所以整體唔會太漏 yummy! …查看更多

來到麻布茶房, 給我的感覺很像夢見屋, 都是走日式西餐廳的風格, 座位舒適, 裝修有點格調, 服務公式化, 不算差也沒特別。冰金時抹茶牛奶 (原價$42, 跟餐加$28) - 抹茶味濃香, 味道純正, 有京都風, 可惜是太多冰, 和杯子很小, 相對份量好細, 如果原價$42 實在太貴了。鐵板牛肋骨定食 $128 - 可選擇梅子飯代替白飯, 梅子飯只有極少梅味, 味道帶少少酸; 牛肋骨比想像中出色, 醬汁惹味, 肉質軟嫩, 容易咬開; 另外還有一些小碟配菜, 如雜豆、酸瓜、蓮藕、玉子及麵豉湯, 蠻豐富的。芝士西蘭花烤土豆 $52 - 有點失望, 芝士和西蘭花好像不認識般, 芝士烤到變成硬塊, 並沒有融和於其他食材中, 煙肉和本菇就尷尬地在兩者中遊走, 西蘭花還是白烚的味道, 薯仔也很普通, 沒有烤過的香甜。一樣好, 一樣差, 所以總括來計, 只能比「OK」評了!…查看更多

辭職後，終於有機會同阿哥食飯早排買左團購$65可當100蚊使，尋日終於起行去屯門食飯了講真，服務真係一般店內客人不多，但服務員也不用站在廚房旁點餐都要看服務員有無望過黎先舉手好吧！原諒！希望服務員有所改善！不過，最後埋單個黑衫主管都好有禮貌！結果，埋單連服務費收277蚊！2個人食一個餐加個甜點，有點貴呢！…查看更多

麻布茶房38週年誌慶，繼之前的繽紛38週年芭菲杯後，近日再下一城推出甜品款款$28的優惠，凡惠顧主餐牌可以優惠價享用甜品，說真的麻布無論單點或定食都不便宜，這噱頭對新客來說並不吸引。  由於屏屏麵的關係，偶爾也會光顧麻布茶房。此店一向不是開飯熱店，人客不多倒也清靜。新餐牌驚喜不大，最愛的屏屏麵只有數款選擇，配搭變化不大。定食價位不低，同是選擇不多，選菜方面倍感困難。  侍應端上一杯綠茶，茶味變得輕淡了，暗暗感覺不妙。  牛肉煮咖哩．牛肉屏屏麵($82)最美味的一款已不復存在了，只好選別的吧！湯不夠熱，咖哩湯汁濃稠度可媲美沾麵，濃甜的日式咖哩湯喝一口還不錯，但作為麵湯便過於濃甜了。 屏屏麵滑溜依然，掛湯能力不俗，煙靱一點口感會更佳。大量的菠菜感覺健康，一片油豆腐很有豆香。而所謂的牛肉其實是紅燒牛筋腩，炆得稔身之餘牛筋甚有咬口，吃吃還不錯，就是沒有很特別。 蒲燒鰻魚飯定食($168)美感，還是麻布茶房重視的一環，和風的食具配上四式前菜，賣相十分對辦，不過無論是前菜或是蛋花湯，味道只是平平而已。  鰻魚厚身，但柔軟度不足，也沒有脆身的口感，該是來貨的半製成品翻熱而已。不過鰻魚份量十足，燒汁塗滿鰻魚之上，配合飽滿的珍珠飯，整體來說還不錯，只是不算抵食。  若不是遇上38周年誌慶優惠，甜品就只能以正價享用了，$28甜品餐牌選擇不少，番薯霜淇淋在選擇之列外，也可選刨冰、聖代、年糕湯等，款款接近半價，算是對熟客一份小小回饋吧！ 白玉冰淇淋椰奶甜點(原價$58，特價$28)十分和風的甜點，味道卻教人有點失望。雲呢拿雪糕是普通貨色，以椰奶、紅豆蓉伴吃，豆香完全蓋過了椰香，平平無奇的配搭，唯一可取的是那軟糯的白玉子，此款還是不點為佳。芒果金時燒霜淇淋(原價$48，特價$28)還是選金時系列較為穩妥吧！厚燒蕃薯上是疊得高高的牛奶軟雪糕，再澆上芒果醬，十分吸引！軟雪糕幼滑有奶香，芒果醬也算甜美，燒蕃薯暖烘烘的甜度亦足，不愧是麻布不敗之名物！不經不覺，麻布茶房在日本已踏入38個年頭。香港的麻布茶房曾一度離開過，然後又再悄悄回歸，曾紅極一時的它，這幾年來水準飄忽，感覺已不復當年勇，難道麻布茶房就要一直這樣下去嗎？其實...還是...可以更好。…查看更多

約靚女朋友食飯最緊要坐得舒服為左方便就腳就吾去甘遠喇近近地系屯門食啦可能價錢較貴所以就算食飯時候都冇乜食客因為可以比我地靜靜地傾下計咪講甘多叫左個飯先我吾客氣喇蛋好滑，咖哩飯份量好多我居然食得曬證明真係吾錯飽飽地但又想食甜品所以同朋友決定吹下水飲下茶之後再食吹左一個鐘左右啦忍吾住叫甜品冰火交融，上面雪糕，下面係暖暖嘅蕃薯好好味呀本來好多野講嘅我地掛住食甜品冇再出聲直到食飽大滿足！果然女人係有2個胃整體好滿意:)足足坐左3個半鐘侍應仲好好服務係甘加茶，又吾會趕人走…查看更多

擔擔麵湯很濃郁，面軟硬適中，辣辣的味道很好。鐵板牛仔骨套餐，真的很無語，牛仔骨有七成以上係肥肉，加埋啲骨即係冇咩嘢食，本來我唔想換，但係忍唔住，店員解釋係來貨問題，叫我地玩其他食物，換咗個吉列豬扒蛋，味道亦都很一般，豬扒非常之唔新鮮。反而甜品幾好味，雪糕香滑，奶味濃，寒天爽同紅豆香。士多啤梨冰味道很好。…查看更多

好耐無黎麻布茶坊食飯啦！今晚突然想食佢o既甜品，就同老公黎撐枱腳！我叫左咖哩雞肉漢堡蛋包飯咖哩甜甜地，好有日式風味！雞肉漢堡好林有肉汁！:)個蛋包飯入面係白飯唔係茄汁飯。。。不過撈咖哩食就啱晒！老公叫左個麻醬冷麵，另加配左個魚生丼冷麵好夠凍，麻醬好香！麵質爽口！好醒胃！剛好做緊promotion, 加$28就可以加配霜淇淋甜品，嘩嘩嘩！咁抵當然要食啦！個甜品就到，咦喂。。。做咩個碗係崩o既？算啦！照食！好彩水準無變！軟雪糕仍然係咁滑咁好味！紅色煮得好林好甜！個丸子仲好Q彈！…查看更多

難得十幾年無來屯門出SHOW(回顧對上一次已經係中學MF)同好老友係REHEARSAL同PERFORMANCE之間黎個小BREAK！走到隔離屯市，以甜品做TEA！叫了我至愛的抹茶紅豆系列！呢個甜品好豐富!分3部份~1部份係抹茶麻糬 另1part係紅豆湯小丸子仲有一part係咖啡味嘅cake最好吃的係個紅豆湯小丸子 紅豆好綿 入口好軟香甜小丸子偏硬 煙韌好有口感*^O^*甜蜜版湯丸糖水而抹茶麻糬好有心思抹茶粉同麻糬味道幾夾抹茶粉平衡了麻糬的甜漏感麻糬 軟家韌韌 比湯丸 更黏有點似家鄉糕點簡單又飽肚心情亦變靚♡…查看更多

來一個又熱又凍嘅如何呢呢個牛奶雪糕同熱嘅蕃薯甜品牛奶雪糕好滑，牛奶味都好重，不過甜佐少少熱嘅蕃薯，同雪糕有反差，食落暖暖嘅賣相可以做好啲，雪糕唔好咁甜就好啦。。。呢個我選擇佐芒果果，少少酸幾好嘅…查看更多

其他分店情況唔清楚，呢間啲水準實在出乎意料的差。拉麵，照燒雞趴飯，炸豬扒蛋飯，以及前菜，湯，盡然冇一樣可以接受。一系鹹死，一系無味:(講真，從未試過吃咁差嘅日本料理，更加系呢個收費標準。呢間嘅老闆得閒去試味下啦，就知我系唔系誇張…查看更多

士多啤梨刨冰: 整個刨冰都放滿士多啤梨、藍莓和士多啤梨醬...整個畫面都十分豐富, 很吸引!!!但士多啤梨和藍莓不太新鮮, 冰刨得不夠幼細...宇治抺茶刨冰: 抺茶味不足夠...我朋友不請我吃他的宇治抺茶刨冰, 所以不予置評...…查看更多

 諗住搵間清靜又唔駛等位ge食肆，一諗就諗到來麻布茶房。其實响依間麻布茶房食過唔少次，今次我叫個左個浦汁鰻魚飯，老婆叫左碗牛肉煮屏屏麵。另外加冰淇淋抺茶。浦汁鰻魚飯ge鰻魚分量算多，味道不錯。第一次食屏屏麵，口感好滑，麵質煙韌，似刀削麵，加上牛肉味道香濃，好味道!反而冰淇淋抺茶較為失色，只能說在普通抺茶上加上一些軟雪糕而已值得一提是依舊會主動加茶，值得一讚。最驚喜係waiter在埋單時送上haagen dazs雪糕，我地望一望枱上單張，原來埋單剛好過300蚊，會送haagen dazs雪糕，見張單張上haagen dazs幅圖禁細杯，waiter俾左個有A4紙禁大ge凍袋裝雪糕，都覺得好誇張，打開來睇睇，原來唔係細杯裝，係家庭裝457ml雪糕，仲要係柚子味。…查看更多

貴係有啲貴既，不過幾值，坐得耐冇比人趕，兩個女仔搵地方談心既好去處黎。講返食物，其實唔係第一次黎，不過真係好鍾意飲個抹茶牛奶，真心唔錯。主食方面叫左兩個都係麵，冇咩特別出色炸雞夠脆，湯底濃度剛好，我個人認為下面個碗肉太少有啲唔底。我鍾意食林既麵，所以對鍾意食彈牙麵既黎講可能個麵就差啲。…查看更多

係一個好失望嘅經歷，我同友人食晚餐，友人叫咗咖啡牛肉蛋包飯，除咗個飯係熱嘅，牛肉、咖哩汁同個蛋都係微暖（直頭係同室温一樣），即使味道正常已經大打折扣。另外我叫嘅「味噌牛肉拉麵」+$48要多個迷你海鮮魚生丼，足足等咗30分中先送到，個拉麵勁咸而且又係唔熱架，我接受唔到拉麵都竟唔熱，結果我叫waitress幫我用微波爐叮熱，但太咸好難食，最後極之失望嘅係個海鮮魚生丼，非常刻薄地大部分係青瓜同碎玉子（蛋），魚生唔新鮮，個飯係硬嘅。我多年前幫親過尖沙咀海港城果間分店，覺得甜品好食，果時無食過正餐，估唔到咁難食，今次無試甜品，所以no comment. 小插曲：我隔離張枱有對情侶食緊二人餐，女士一邊食一邊講「啲嘢食好差，得甜品係ok」…查看更多