麻布茶房

之前嚟過呢間食下午茶覺得唔錯，今晚約朋友係Popcorn 唔知食乜好就試下佢嘅晚餐冷蕎麥麵配和味牛肉飯$98先飲淡湯，諗住佢係味噌湯應該咸咸地，嘩，飲落真係好似飲清水咁一啲味都冇...蕎麥麵味道正常，牛肉飯啲肉都算多，加上醬汁味道唔錯，唔知係咪太肚餓關係食曬呢啲都未夠飽，好彩佢仲有個甜品送三式甘味迷你燒蕃薯霜淇淋宇治金時-雪糕送上嚟時已經溶溶地，唔算好甜亦都冇乜綠茶味，而個蕃薯好普通，唔甜:(個軟糍唔係好食得慣，啲紅豆好硬下，好似未熟咁...牛乳粟米金湯-牛奶加上碎嘅粟米粒都算特別嘅紐西蘭西冷扒$76西冷扒有一半都係筋同肥膏食唔到...肉叫咗三成熟都切到嘅，但應該連女仔都唔會夠飽燒蕃薯霜淇淋宇治金時+$24叫扒可以半價食甜品，同三式甘味果個一樣，冇綠茶味紅豆亦好硬...以前都覺得甜品唔錯，今次中伏後真係唔會再試，仲時不時有蚊滋擾，omg...…查看更多

麻布茶房一直比我印象不錯，今次同朋友2個離食晚餐，唔洗等位（都幾多位），每人叫左一個餐，隔左一陣就離到啦😚👉🏻紐西蘭西冷牛扒set $76依個好食！牛扒入味又易咬，仲配黑淑汁，味道好夾，另有仲有個雪糕好食👉🏻豆腐海鮮雞旦飯 $82 味道普普通通，不過清清淡淡算是幾健康，唯一好味是冬菇味濃食完覺得唔錯，只係未至於超好食，唔明點解咁多負評😂 會再食呢…查看更多

小編一向對popfood 內既餐廳無信心，但基於方便快捷，所以決定狠心一試，果然不出所料，確實好難食！早前去過麻布茶房其他分店食，小編都覺得無問題，味道尚可，但今次位於popcorn分店既餐廳確實不堪入目！首先，先講食物外表，照燒雞扒飯，雞扒無煎過，只係蒸一蒸就拎出來，極多水出，醬汁極淡，顏色根本唔係燒汁顏色，而且無故地有沙律醬係旁邊，確實令人疑惑🤔其次係滑蛋吉烈豬扒飯，滑蛋唔係滑蛋，變左炒蛋，但慶幸買相還好，可以進食！再者價錢方面，雖然小編覺得唔貴，但係用呢個價錢食呢個「頹飯」質素食物，確實接受唔到！最後餐廳環境極差，無冷氣之餘，燈光又暗，唯一好既係店員態度，佢地不斷為客人添茶，而且對客人有禮，但小編都唔會再係popfood 食野！整體而言，餐廳環境極差，食物質素極差，服務良好，大家唔好去食！…查看更多

先不論味道...賣相已經好差，餃子似係超市買返黎就咁煎熟，4隻餃子互相黐住求其到極點...其一其二，個拉麵黎到，凍既，唔睇餐牌仲以為叫左個冷面，問佢係咪凍食，佢話唔夠熱就幫你整返熱啲，出返黎喇，其實都係唔熱架，微暖咋，喂大佬我就真係想學下野，點樣可以整到碗拉麵唔熱，其實係咪有客order之後就喺雪櫃攞返出黎叮熱佢就算？再講味道，咸到醃頸，拉麵勁多油，浮到上面，有相為證最後最重要係我女友食到胃痛如果覺得我有心抹黑，歡迎負責人請出黎澄清…查看更多

一家人星期日去食,由入座開始已經覺得服務好差。首先落單叫左兩次侍應都唔理我地，係直行直過算 再叫多次先話’轉頭幫你‘我地一共叫左4樣野，黎左兩個之後 其餘兩個到食完都未到，於是我地追佢，佢先話無落單，咁個經理就行過黎 （係佢一開始幫我地落單），同我地講你係同我落左兩樣野姐，🙄明明事實係落左4樣佢仲同我地覆一次先走，佢就話得5分鐘內俾返你野食方面：（先唔評論味道，只係基本都唔得）冷烏冬唔熟熱檸檬茶 水竟然唔熱⋯牛扒全部一早煎好 微熱仲好硬（5成熟）***總知依間野唔洗試 去食野等於受難***…查看更多

待應服務水準：一心找間日式餐廳，無意間入內一試，出事....一間無冇規冇舉既餐廳，坐低左無茶無水，侍應既態度無禮，尢其是兩個年青一男一女，最後飲品未到就自動要埋單（當時只係8點半左右），不知所謂！食物質素： 飯應該係返煮過，食落口一舊舊，睇見都唔想食麵豉湯係淸湯，乜都無！杯凍檸茶都好似冰水咁，最後雪糕上枱時已經開始溶最後決定唔食走人！*垃圾級別餐廳總結：差將軍澳最差既餐廳佢點都排頭三位。建議唔好試，因為一試難忘。呢個價錢又收加一既餐廳真心覺得中晒伏！…查看更多

上次嚟食已經發現有甴曱在枱邊行來行去。今次仲離譜，有隻死甴曱在冷拉麵上面，好彩我還未開始食，但都倒盡胃口。向經理反映完之後，換了個吉列豬扒飯。怎知一點汁也沒有，飯乾爭爭，非常難食。問店員取了點照燒汁來撈飯，才呑得落。除了衞生差之外，餐具也差，碟又崩，碗入面又嚴重脫漆。應該不會再光顧了😣…查看更多

好耐無嚟，原本想開開心心帶父母食個長假午餐點了甜咖哩炸蝦定食、薑汁燒雞肉定食海鮮滑蛋定食 - 滑蛋真係好食，又香蛋味，海鮮唔太多，成碗飯份量夠醃漬物正常好開胃甜品 - 麻布出名個溫蕃薯係正既，又粉又甜但一定一定要講既事！依度既小職員態度都叫還好，但個女經理無禮貌到。不。得。之。了…查看更多

甜品控又出動喇行到咁上下 想搵間有雪糕食既餐廳openrice就search到麻布茶房係門口重見到限定火鍋有50%優惠但係最後我係比佢其他主食吸引左反而無食到特價火鍋因為Set Menu都係主食加甜品所以即時改變心意麻布什錦燒烏龍麵🍜我地都覺得似係章魚燒既麵版不過做左烏龍面就比較容易令人吃膩有一層炒蛋份量好多同埋偏厚面質彈牙 份量都算係剛剛好熊本霜降西冷定食牛肉分量十足定食配上麵豉湯 白飯 同蟹籽沙律牛肉點上日式燒汁更惹味叫左七成 上到黎都真係煮得剛剛熟既邊位有啲啲韌 不過整體上佢都好夠飽肚抹茶聖代呢個係我最滿心期待既軟雪糕但係一上到黎已經溶溶地外型變左唔吸引抹茶聖代係軟雪糕加抹茶雪糕球加小小蜜瓜同桃加少少脆餅雪糕奶味唔夠濃郁溶化得好快軟雪糕唔算好甜好流抹茶醬味道比較淡…查看更多

部分員工工作態度很差，例如招手點餐時部分員工假裝看不見，要手拿餐牌大動作他們才會作出反應，點餐時部分員工目無表情甚或不耐煩。點餐後出品算快，味道一般。總括來說下次不會再去…查看更多

周日晚諗住食好啲，之前經過樂富分店冇食到，今次就抱著期待既心情黎食，兩個人叫左兩份$138安格斯西冷，加29蚊自選小食，叫左兩份扒都要五成熟，點知其中一份比左全熟，之後等左15分鐘左右，換左一份都係七成熟，無奈，扒既賣相係唔錯，但質素真係好一般，肉質鞋，跟餐個汁又係敗筆，扒既邊位完全咬唔到，難聽啲講，仲衰過‘殺你亞’60蚊既肉眼扒，最後講埋餐廳服務，侍應基本上係機械人模式上身，笑容欠奉唔緊要，工作時間又喺度圍威喂討論自己既大假，用餐完畢後就直接我地野食黎齊未，一話黎齊就直接自動幫我地埋單，大佬啊，收得加一禮貌上係咪都問一問聲有無其他需要先好幫我埋單啊？假如客人仲想order甜品但你地次次都咁樣自動埋單會唔會覺得做少好多生意？餐廳老闆如果仲有心做既唔該重視下啦，或者真心唔好再sell安格斯牛扒，因為一定唔會有下次！！！…查看更多

上星期六去到呢間麻布食晚餐，oder左一份16安士既牛扒黎食，叫左5成熟，廚師煎得相當恰當好處，而且將牛扒脂肪煎得十分香口，以呢個價錢食到呢個質素性價比10分高，比一般扒房的質素還要更好，而且仲要咁平，依家香港好難搵到，我一定會推薦朋友再嚟食！絕對真心推介！但係相反樓面嘅服務真係比較差左少少，聽面長期得一位侍應服務客人，啱啱入嚟見到個經理，但轉個頭已經唔見佢呢間餐廳10分我比7分7分全部都係食物的分數，…查看更多

話說有一晚去popcorn 3樓食飯 因為見到有幾間餐廳打算去望下 點知我好記得間餐廳名叫麻布茶房有個中年婦女咁上下年紀既樓面一直都纏住我哋 煩左我地足足20分鐘 我都係想安安靜靜食餐飯姐 我去左格離酒樓 佢都仲要跟埋過黎 搞到大家好尷尬 本身都想去試試麻布茶房既野 但係有咁樣既樓面 係真唔駛我地再去試 我明白幫公司拉客！但係我覺得咁樣做好似過火左少少希望貴公司重視一下呢個問題啦 咁樣做真係好反感！去到走嘅時候都仲要喺電梯門口煩住晒！…查看更多

前日去pocon食野 一去到麻布茶房門口有一個好其怪既人係門口不停咁叫我入去食野 我已經話等我地諗下睇下先 佢都吾停咁叫我地入去食 真心覺得好煩躁 係咪真係想不停咁叫人入去食野啦？ 我想話我地消費者想食咩就食咩 吾洗不停咁叫我地入去食野 好啦 到左入去食野 個個好其怪既人我諗應該係員工黎 又不斷叫我地食咩安格斯好好味咁 但我地只不過係想食小小野咁 我真係第一次食野見到咁煩既員工 希望其公司可以正視呢個其怪員工既問題！😡😡 但都應該吾會再有下次黎食 因為真係太煩🙏🙏🙏…查看更多

尋晚去將軍澳麻布茶房試下 ，一家三口叫咗一份泡菜豬肉定食 ，一份照燒豬肉飯， 一份安格斯牛扒， 安格斯牛扒叫七成熟， 結果嚟咗九成熟， 泡菜豬肉飯的豬肉好鞋， 照燒豬肉飯開頭仲嚟錯咗個牛肉飯， 但係啲豬肉都好鞋， 側邊啲配菜， 好似希靈魚質地嘅蒸蛋 完全冇味道， 另外一碟納豆 都係冇味道， 其他配菜完全冇味道， 麵豉湯都非常之淡，份安格斯牛扒好韌， 問佢有冇tabasco，冇 ，問佢有冇喼汁，冇， 結果無可奈何之下唯有要茄汁， 好少食到咁差嘅日本菜， 唯一可取嘅就係杯mocha， 下次都唔會嚟呢間嘢度食，超級中伏！！！…查看更多